#IFFIWood, 27 नोव्‍हेंबर 2025

आयज इफ्फीचे पत्रकार परिशदेंत ‘गोंधळ’ ह्या मराठी फिल्मान प्रेक्षकांक महाराष्ट्राच्या प्रतिकात्मक मध्यान रातच्या रिवाजाच्या थेट ढोल-ताशांच्यो गर्जना, घुंवपी स्कर्ट आनी दैवी उत्साहात पावयले. भक्तीचे दर्शन म्हणून माचयेर हाडिल्ली एक पुर्विल्ली लोककला सादरीकरण इत्सा, फटवणूक आनी पळून सुटका करून घेवपाच्या आकर्शक काणयेचो कणो कसो जालो  तें दिग्दर्शक संतोष दवाखर आनी अभिनेतो किशोर भानुदास कदम हांणी सांगलें.

'गोंधळ’ सिनेमाची एक भास

संवाद सुरू करतना संतोष हांणी स्पश्ट केलें की हो सिनेमा सरळ गोंधळ लोककथेत रुजला, एक कलाप्रकार जाचे वर्णन तो “आमच्या दोळ्यां मुखार ल्हवू ल्हवू लुप्त जावपी संस्कृताय”, अशे करता.  ताचे खातीर हो सिनेमा फकत थ्रिलर न्हय; ही संस्कृतीक संरक्षणाची कृती.

लुप्त जावपी परंपरा आमी तिगोवन दवरपाचो यत्न केलो अशें तांणी सांगलें. “महाराष्ट्रांत अगणित गांवगिरे सांस्कृतीक घटक आसात, आनी गोंधळ  ही ताची एक बळिश्ट अभिव्यक्ती. प्रोडक्शनाच्या वेळार सगळ्यो आडमेळीं आसून लेगीत आमच्या पंगडान त्या दायजाची राखण करपाचेर विस्वास दवरलो.”

अभिनेतो किशोर कदमान आपल्योच यादी मुखार मांडल्यो. "हांव म्हज्या गांवांतल्या गोंधळांत वांटो घेवन व्हड जालां, हो फकत नाच न्हय, हो एक जिवो समाज" अशें तांणी उगडास केलो. नॉस्टॅल्जिया सयत तो रातभर जावपी सादरीकरणां विशीं उलयलो, जंय शेजारी एकठांय येवन मागणें करताले आनी एकठांय सण मनयताले. ह्या सिनेमाच्या कथात्मक निवडीक “खोलायेन सिनेमाचो विचार” अशें म्हणत ताणें परंपरा  स्वता कथा सांगपाचें साधन कशे जातात हाचेर भर दिलो. "पारंपारीक गोंधळांत लग्न जाले उपरांतचें सादरीकरण म्हणल्यार त्रासमुक्त जिविताची प्रार्थना. फिल्मांत काणी गितां आनी परंपरेतल्यान सांगल्या. ती एक उत्तम चित्रपटात्मक कल्पना आनी ताचें श्रेय पुरायपणान दिग्दर्शकाक वता."

अश्या रुजील्या व्यक्तिरेखेक मूर्त रूप दिवपा फाटल्या कला प्रक्रिये विशीं किशोरान उक्तेपणान सांगलें. युक्ती म्हळ्यार अनलर्न करप अशें तांणी सांगलें. "कलाकार म्हणून आमी आमच्या कलाकृतीचेर वा आमच्या अणभवाचेर विचार करून सेटाचेर पावल दवरूंक शकनात. पटकथा तुमकां सगळें सांगता. केन्ना केन्ना दिग्दर्शकाक फकत तुमी संवादाची ओळ उलोवपाची इत्सा आसता, कारण भावना पयलींच उतरांनी आसतात. तुमकां सदांच अभिनय करपाची गरज ना” अशेंय तांणी सांगले. 

दर एका फ्रेमांत परंपरा सांबाळप आनी मराठी सिनेमा खातीर एक बेंचमार्क स्थापित करप 

संतोश हांचे खातीर ‘गोंधळ’ खोलायेन वैयक्तीक चित्रपट. आजो-आजी वांगडा सादरीकरणांक हाजीर रावपाची याद तांणी काडली- जेन्ना सामुहीकपणान जेवण शिजयताले, प्रकाशयोजना कच्ची आसताली आनी गितां वांगडा फकत चार वाद्यां आसतालीं. आयज केटरर्स येतात, पारंपारीक वाद्यांच्या बरोबर कीबोर्ड वाजतात आनी प्रकाशयोजना माचयेर आसता अशें तांणी म्हळें. “फुडल्या पिळग्यां खातीर मूळ गोंधळ म्हाका कैप्चर करपाचो आशिल्लो” अशे तांणी सांगले. 

एकेच राती ही काणी चित्रीत केल्ल्यान बजट सांबाळपाक मजत जाली अशें तांणी सांगलें. "आमकां वेशभूषा बदलची पडली ना, आनी ताका लागून आदार जालो. पूण तें अस्सल गोंधळ अणभवाकय खरें उरलें."

भारतीय प्रेक्षकांच्या विकसीत जावपी रुची विशींय संतोष उक्तेपणान उलयलो. मराठी प्रेक्षकांक हिंदी फिल्मांचो सोंपेंपणान प्रवेश मेळिल्ल्यान प्रादेशिक सिनेमान सातत्यान दर्जेदार सिनेमा सादर करपाक जाय अशें तांणी मत मांडले. आमी एक बेंचमार्क थारावपाची गरज आसा अशें तांणी सांगलें. “प्रेक्षकांनी तिकेट फारीक केल्यार तांकां त्या मोलाचो चित्रपट पळोवपाक मेळपाक जाय. ”

फिल्म निर्मात्यांक आदार दिवपा खातीर महाराष्ट्र सरकाराच्या उपक्रमांची तांणी तोखणाय केली पूण रखडील्ल्या बजेटाची मर्यादाय उक्तायली. "चड बजेट नासतना प्रोडक्शन वैल्यूचेर परिणाम जाता. कथा बरी सांगपाक पटकथा पातळेचेर तडजोड करची न्हय" अशें सांगून दक्षिण भारतीय सिनेमाच्या यशाक प्रेरणा म्हणून संबोधले.

संवादांतल्यान जे स्पश्ट जालें तें स्पश्ट आशिल्ले : ‘गोंधळ’ हो फकत चित्रपट न्हय. तातूंत भूतकाळ आनी वर्तमान, संस्कार आनी वास्तववाद, स्मृती आनी आधुनिकता हांचो संबंद जोडटा. जशे जशे दिग्दर्शक आनी अभिनेतो सृजनशील प्रक्रियेचे थर उक्ताडार हाडटाले  तशें पत्रकार परिशद मिडिया कार्यावळी सारकी न्हय तर अश्या कलेखातीर एक ट्रिब्यूट अशी भासली जी स्वास घेवपाक झगडटा, आनी एक अशी संस्कृताय जी केन्नाच विसरूंक फावना. 

Trailer:

PC Link:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56