খুরুমজরি মরুপশিং!

ৱেদরগী ফীভমসু নুংঙাইরি।

মরুপশিং,

হায়রিবা (পার্লিয়ামেন্তকী) নীংথম মীফম অসি চৎনবী অমা খক্তমক নত্তে। মসিগী নীংথম মীফম অসিনা লৈবাক অসিবু খোঙজেল য়াংনা খুমাং চাউশিলহন্নবগীদমক হোৎনরিবশিং অসিদা ইনর্জী পীগনি হায়না ঐহাক্না চেৎনা থাজৈ। ভারতনা তশেংনা দেমোক্রেসী ঙাক্না হিংলি। দেমোক্রেসীগী থৌনা অমসুং ৱাখল্লোন অসি মতম কয়াগী মমাংদগী মীয়ামগী দেমোক্রেসীদা থাজবা হেনগৎলক্লিবা মওংদা ফোংদোক্নরক্লি। হন্দক্তা, বিহারগী মীখল অমসুং মফম অদুদা রেকোর্দ ওইবা ভোৎ থাদবগী চাং অসি দেমোক্রেসীগী খ্বাইদগী চাউবা মপাঙ্গল অমনি। ইমাশিং অমসুং ইচে-ইচলশিংগী শরুক য়াবা হেনগৎলকপনা অনৌবা আশা অমসুং থাজবা পোকহল্লি। অমরোমদা, দেমোক্রেসী অসি হেন্না মপাঙ্গল কনখৎলক্লি, অদুগা অতোপ্পা অমরোমদা, হায়রিবা দেমোক্রেসীগী ফ্রেমৱার্ক অসিদা, ঐখোয়গী ইকোনোমী অসি মপাঙ্গল কনখৎলক্লিবা অসি মালেম অসিনা য়াম্না কুপ্না য়েংশিল্লি। দেমোক্রেসী দেলিভর তৌবা ঙম্মী হায়বসি ভারতনা উৎলে। ঙসি ভারতকী শেন্মিৎলোনগী থাক অসি অনৌবা অৱাংবা থাক্তা য়ৌরক্লিবা খোঙজেল অসিনা ঐখোয়দা অনৌবা থাজবা অমা পীরক্লি অমসুং 'ভিক্সিত ভারত' (চাউখৎলবা ভারত) অমগী পান্দম অদুগী মায়কৈদা চংশিন্নবা ঐখোয়দা অনৌবা শক্তি পীরি।

মরুপশিং,

সেসন অসিনা পার্লিয়ামেন্তনা লৈবাক অসিগীদমক্তা করি খল্লি, পার্লিয়ামেন্তনা লৈবাক অসিগীদমক্তা করি তৌবা পাম্মি, অমসুং পার্লিয়ামেন্তনা লৈবাক অসিগীদমক্তা করি তৌগদগে হায়বদুদা মীৎয়েং থমগদবনি। ওপোজিসনসু মখোয়গী থৌদাংশিং অদু পাংথোক্কদবনি, খন্ন-নৈনবদা ইসুশিং পুখৎকদবনি, অমসুং অকনবা ইসুশিং পুখৎকদবনি। মখোয়না মায়থীবা নংবগী অশাওবা ফোংদোক্লোইদবনি।

লাইবক থিবদি, পার্তী অমা নৎত্রগা অনীদি মখোয়গী মায়থীবা অদু য়াজবা ঙমদ্রি। বিহারগী রিজল্তকী মতুং ইন্না মতম শাংনা হৌখ্রে হায়না ঐহাক্না খল্লম্মি অমসুং মখোয়না রিকোভর তৌরগনি, অদুবু ঙরাং মখোয়গী স্তেৎমেন্তশিং অদু তাবদা, মখোয়গী মায়থীবা অদু মখোয়দা হৌজিক ফাওবা অৱাবা পীবগুম তৌই। অদুবু ঐনা পার্তী পুম্নমক্তা আপিল তৌরি মদুদি হায়রিবা নীংথম মীফম অসি মায়থীবা নংবা অদুগী নুংঙাইতবা অদুগী লানফম অমা ওইহল্লোইদবনি। অমসুং নীংথম মীফম অসি মায় পাক্লবা মতুংদা নাপল কানবগী মফম অমা ওইহল্লোইদবনি। লৈবাক অসিগী মীয়ামনা মখোয়গী মীহুৎশিং ওইনা ঐখোয়দা থম্লিবা থৌদাংশিং অমসুং আশাশিংবু নীংশিংদুনা ঐখোয়না মাংলোমদা চংশিনবা অমসুং থৌদাং লৌদুনা মাংলোমদা চংশিন্নবা খনবা তাই। হৌজিক লৈরিবা অসি করম্না ফগৎহনগদগে অমসুং করিগুম্বা অমা শোইরবদি, লৈবাক অসিগী নাগরিকশিংনা খঙবা ঙম্নবগীদমক্তা ঐখোয়না করম্না অশেংবা অমসুং কন্সত্রক্তিব ওইবা ৱাফমশিং থম্বগে হায়বদু ঐখোয়না য়েংবা তাই। মসিদা তশেংনা কন্না হোৎনবগী মথৌ তাই, অদুবু মসি লৈবাক অসিগী কান্ননবগীদমক্তা তৌগদবনি।

মতম কয়াগী মমাংদগী ঐহাক্কী খ্বাইদগী চাউবা শীংনবশিংগী মরক্তা অমা হায়রগদি, পার্তী পুম্নমক্কী অহানবা ওইনা এম.পি. ওইরকপশিং নৎত্রগা নহা ওইরিবা এম.পি.শিং অসি য়াম্না নুংঙাইতবা অমসুং অৱাবা ফাওই। মখোয়গী তৌবা ঙম্বশিং উৎনবা নৎত্রগা মখোয়গী কেন্দ্রগী প্রোব্লেমশিংগী মতাংদা ৱারী শানবগী খুদোংচাবা মখোয়দা পীদে। মখোয়না মখোয়গী ৱাখল্লোন ফোংদোক্তুনা লৈবাক অসিগী চাউখৎ থৌরাংগী খোঙচৎতা শরুক য়াবা পাম্মি, অদুবু মসিসু থিংলি। পার্তী য়েংদনা ঐখোয়না নহা ওইরিবা, নৌনা খল্লবা এম.পি.শিং অসিদা খুদোংচাবা পীগদবনি। মখোয়গী এক্সপিরিয়েন্সশিং অসি পার্লিয়ামেন্তনা কান্নবা ফংগদবনি। পার্লিয়ামেন্তকী খুত্থাংদা, লৈবাক অসিনা অনৌবা জেনরেসন অসিগী এক্সপরিয়েন্সশিং অসিদগী কান্নবা ফংগনি। মরম অদুনা, ঐহাক্না হায়জরি মদুদি ঐখোয়না ৱাফমশিং অসি য়াম্না মরুওইনা লৌগদবনি। দ্রামাদা শক্তম লাংনবা মফম কয়া অমা লৈ। দ্রামা শান্নবা পাম্বা মীওইশিংনা, মখোয়বু অতোপ্পা মফমদা শান্নহল্লু। মফম অসিদা, দ্রামা নত্তে দেলিভরী তৌগদবনি। লৈবাক অসিদা স্লোগান লাউনবা মফম ময়াম অমা লৈ। অদোম্না হান্ননা মায়থীবা নংবা মফমদা লাউখ্রে। অদোম্না মথংদা মায়থীবা ফংগদৌরিবা মফমদসু লাউবা য়াই। অদুবু মফম অসিদা ঐখোয়না স্লোগানদা নত্তে পোলিসীদা অহেনবা মীৎয়েং থমগদবনি। অমসুং মসি অদোমগী পান্দম ওইগদবনি।

মরুপশিং,

নেগেতিবিতী অসি রাজনিতীদা খরা হাপচিনবদা কান্নবা ওইরম্বা য়াই, অদুবু অরোইবদা, লৈবাক শেমগৎপদা পোজিতিব ওইবা ৱাখল্লোনসু লৈগদবনি। নেগেতিবিতী অসি অকক্নবা ঙমখৈগী মনুংদা থমগদবনি অমসুং লৈবাক শেমগৎপদা মীৎয়েং থমগদবনি হায়না ঐনা আশা তৌই।

মরুপশিং,

মসিগী নোংজু মীফম অসি অতোপ্পা মরম অমদগীসু মরু ওই। ঐখোয়গী অনৌবা ইকাই খুম্নরবা চেয়রমেন অসিনা ঙসিদগী ঐখোয়গী অপ্পর হাউস অসি লমজিংবা হৌরগনি। ঐহাক্না মহাকপু য়াইফ-পাউজেল পীজরি।

মরুপশিং,

GSTগী রিফোর্মশিংনা নেক্স-জেনরেসনগী রিফোর্মশিংগীদমক মীয়ামগী মরক্তা থাজবগী ফিভম অমা শেমখ্রে। মীফম অসিদা মসিগী মাইকৈদসু মরু ওইবা খোঙথাং কয়া অমা লৌখৎকনি। ঐখোয়গী মীদিয়াগী মরুপ খরনা মসিবু নৈনরবদি, মতম খরগী মমাংদগী ঐখোয়গী পার্লিয়ামেন্ত অসি মীখলগীদমক্তা ৱার্ম-অপ প্লেৎফোর্ম অমা ওইনা শিজিন্নরক্লি নৎত্রগা মায়থীবা মতুংদা নুংঙাইতবা ফোংদোক্নবা মফম অমা ওইনা শিজিন্নরক্লি হায়বসি মখোয়না উবা ফংগনি। ঐহাক্না রাজ্য খরদদি লুচিংবশিংনা লৈঙাক পায়রবা মতুংদা মীয়ামগী মরক্তা চৎপা নৎত্রগা মখোয়গা ৱারী শানবদা অৱাবা ওইরক্লিবা অদু উবা ফংই। মরম অদুনা, মখোয়না পার্লিয়ামেন্তদা লাকখি অমসুং মখোয়গী অৱাবা পুম্নমক মফম অসিদা ফোংদোকখি। পার্তী খরনা মখোয়গী স্তেৎ লেভেল পোলিসীগীদমক্তা পার্লিয়ামেন্ত শিজিন্নবগী অনৌবা চৎনবী অমা হৌরে। মখোয়না লৈবাক অসিনা হৌখিবা চহি 10 অসিদা হায়রিবা পাম্বৈশিং অসি য়াখিদে হায়বা ৱাফম অসি খন্থগদবনি। মখোয়না হৌজিক মখোয়গী এপ্রোচ, মখোয়গী স্ত্রেতেজি হোংদোক্কদবনি। মখোয়না মতৌ করম্না মথৌ পাংথোক্কদগে হায়বগী মতাংদা ঐহাক্না মখোয়দা পাউতাকশিং পীবা পাম্মি। অদুবু য়ামদ্রবদা এম.পি.শিংগী হক মাংহল্লোইদবনি। এম.পি.শিংদা মখোয় মশাবু ফোংদোক্নবগী খুদোংচাবা পীগদবনি। এম.পি.শিংবু অদোমগী থাজদবা অমসুং অদোমগী মায়থীবা অদুগী ভিক্তিম ওইহন্দনবা হোৎনবিয়ু। ঐহাক্না থাজৈ মদুদি ঐখোয় পুম্নমক্না মসিগী থৌদাংশিং অসি মখা চত্থখিগনি। অদুবু লৈবাক অসিনা চাউখৎপগী লম্বীদা চংশিল্লি হায়না ঐনা লৈবাক মীয়ামদা থাজবা পীজরি। লৈবাক অসিনা অনৌবা অৱাংবা থাকশিং ফংনবগী মায়কৈদা মাংলোমদা চংশিল্লি, অমসুং হাউস অসিনা খোঙচৎ অদুদা অনৌবা ইনর্জী অমসুং অনৌবা পাঙ্গল হাপচিনগনি। থাজবা অসিগা লোয়ননা, ময়াম পুম্নমকপু হন্না-হন্না থাগৎচরি।

***