iffi banner

এইবাৰৰ ৱেভছ ফিল্ম বজাৰত অভিলেখ সংখ্যক অংশগ্ৰহণকাৰীয়ে যোগদান কৰে আৰু ১০৫০ কোটি টকাৰো অধিক মূল্যৰ চলচ্চিত্ৰ চুক্তি স্বাক্ষৰ

ভাৰতৰ ৫৬সংখ্যক আন্তঃৰাষ্ট্ৰীয় চলচ্চিত্ৰ মহোৎসৱৰ সময়ত আয়োজিত ৱেভছ ফিল্ম বজাৰে এইবাৰৰ চলচ্চিত্ৰ বজাৰত বৃহৎ সংখ্যক কোম্পানীয়ে অংশগ্ৰহণ কৰি আন্তঃৰাষ্ট্ৰীয় চলচ্চিত্ৰ নিৰ্মাণ, সহযোগিতা আৰু বজাৰ সম্প্ৰসাৰণৰ ক্ষেত্ৰত ভাৰতৰ ক্ৰমবৰ্ধমান গুৰুত্বৰ প্ৰতিফলন ঘটায়। এইবাৰৰ ৱেভছ বজাৰত বৃহৎ সংখ্যক কণ্টেণ্ট ক্ৰিয়েটৰ, ডিষ্ট্ৰিবিউটৰ আৰু চলচ্চিত্ৰ উদ্যোগৰ পেছাদাৰী ব্যক্তিয়ে অংশগ্ৰহণ কৰে।

দক্ষিণ এছিয়াৰ সৰ্ববৃহৎ চলচ্চিত্ৰ বজাৰ হিচাপে পৰিচিত এই ৱেভছ বজাৰত ৪০খন দেশৰ ২৫০০ প্ৰতিনিধিয়ে অংশগ্ৰহণ কৰে। ইয়াত ৩২০টা প্ৰকল্প প্ৰদৰ্শন কৰা হৈছিল। বিশ্বৰ বিভিন্ন প্ৰান্তৰ ২২০জনতকৈ অধিক বিক্ৰেতাই নিজৰ ছবি সম্পৰ্কীয় সামগ্ৰীৰে বজাৰখনত উপস্থিত থাকে। ইয়াত ১২০০ৰো অধিক ব্যৱসায়িক সভা অনুষ্ঠিত হৈছিল। ফলত ১০৫০ কোটি টকাৰো অধিক মূল্যৰ বুজাবুজি চুক্তি স্বাক্ষৰিত হয়।

২০২৫ চনৰ ৱেভছ ফিল্ম বজাৰত অষ্ট্ৰেলিয়াৰ চলচ্চিত্ৰ উদ্যোগৰ সৈতে চাৰিটা গুৰুত্বপূৰ্ণ বুজাবুজি চুক্তি স্বাক্ষৰিত হয়। ইয়াৰে এটা হ’ল ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ, এনএফডিচি, মেলবৰ্ণৰ ভাৰতীয় চলচ্চিত্ৰ মহোৎসৱ আৰু পুনেৰ ফিল্ম এণ্ড টেলিভিছন ইনষ্টিটিউট ডিকিন বিশ্ববিদ্যালয় আৰু মুম্বাইৰ ইণ্ডিয়ান ইনষ্টিটিউট অৱ ক্ৰিয়েটিভ টেকন’লজিছৰ মাজত বুজাবুজি চুক্তি। অষ্ট্ৰেলিয়া, দক্ষিণ আফ্ৰিকা, স্পেইন, ফিনলেণ্ড, ৰাছিয়া, ব্ৰিটেইন আৰু নিউজিলেণ্ডৰ প্ৰতিনিধিৰ সৈতেও গ্ৰুপ পৰ্যায়ৰ বৈঠক অনুষ্ঠিত হয়। এনএফডিচি, ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ আৰু মেলবৰ্ণত অনুষ্ঠিত ভাৰতীয় চলচ্চিত্ৰ মহোৎসৱৰ মাজত বুজাবুজিৰ বুজাবুজিৰ চুক্তিয়ে দুয়োখন দেশৰ চলচ্চিত্ৰ উদ্যোগৰ মাজত কৌশলগত অংশীদাৰিত্ব গঢ়ি তুলিব। ডিকিন ইউনিভাৰ্চিটি, ফিল্ম এণ্ড টেলিভিছন ইনষ্টিটিউট, পুনে আৰু ইণ্ডিয়ান ইনষ্টিটিউট অৱ ক্ৰিয়েটিভ টেকন’লজিছ, মুম্বাইৰ মাজত বুজাবুজিৰ চুক্তিয়ে উচ্চমানৰ চলচ্চিত্ৰ শিক্ষা নিশ্চিত কৰিব। তদুপৰি পিভিআৰ ইনক্স আৰু মুম্বাইৰ মাইণ্ড ব্ল’ইং ফিল্মছৰ মাজত স্বাক্ষৰিত চুক্তিয়ে দুয়োখন দেশতে ৫ কোটি মাৰ্কিন ডলাৰৰ বজাৰ সৃষ্টি কৰিব বুলি আশা কৰা হৈছে। পিটিচি পাঞ্জাবী আৰু অষ্ট্ৰেলিয়াৰ টেম্পল ফিল্ম প্ৰডাকচন কোম্পানীৰ মাজত স্বাক্ষৰিত চুক্তি অনুসৰি ভাৰত-অষ্ট্ৰেলিয়ান যৌথ প্ৰডাকচন মেনেজমেণ্টৰ অধীনত তিনিখন পাঞ্জাবী ভাষাৰ ছবি নিৰ্মাণ কৰা হ’ব। এই প্ৰকল্পৰ মূল্য ৭০ লাখ মাৰ্কিন ডলাৰ।

ৱেভছ ফিল্ম মাৰ্কেটত বিশ্বৰ গুৰুত্বপূৰ্ণ চলচ্চিত্ৰ মহোৎসৱৰ সৈতে ভাৰতৰ সংযোগ সুদৃঢ় হৈছে। আগন্তুক দিনত ব্ৰিটেইনৰ ৰেইনডান্স ফিল্ম ফেষ্টিভেল, লিছবনৰ ট্ৰাইবেকা ফিল্ম ফেষ্টিভেল আৰু দক্ষিণ কোৰিয়াৰ বুছান আন্তঃৰাষ্ট্ৰীয় চলচ্চিত্ৰ মহোৎসৱত ভাৰতক ‘ফ’কাচ কাউন্ট্ৰী’ৰ মৰ্যাদা দিয়াৰ সিদ্ধান্ত লোৱা হৈছে।

ৱেভএক্স ষ্টাৰ্ট-আপ পেভিলিয়নত ১৪টা ষ্টাৰ্ট-আপ কোম্পানীয়ে অংশগ্ৰহণ কৰে। মনোৰঞ্জন জগতত সৃষ্টিশীল মাধ্যমৰ দৃঢ় খোজৰ প্ৰমাণ এইটোৱেই।

***

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | Ritu Shukla/ Sangeeta Godbole/Darshana Rane | IFFI 56 - 099


Great films resonate through passionate voices. Share your love for cinema with #IFFI2025, #AnythingForFilms and #FilmsKeLiyeKuchBhi. Tag us @pib_goa on Instagram, and we'll help spread your passion! For journalists, bloggers, and vloggers wanting to connect with filmmakers for interviews/interactions, reach out to us at iffi.mediadesk@pib.gov.in with the subject line: Take One with PIB.


रिलीज़ आईडी: 2196197   |   Visitor Counter: 4