#IFFIWood, 27 नोव्‍हेंबर 2025

​56व्या भारतीय आंतरराष्ट्रीय चित्रपट महोत्सवा अंतर्गत आयोजीत केल्लो वेव्हज फिल्म बाजार २०२५ , फिल्म निर्मिती, सहकार्य आनी बाजार विस्तारा खातीर जागतीक केंद्र म्हूण भारताची सुवात परतून अधोरेखित करत व्हडा दबाज्यात संपन्न जालो. अंदूंच्या आवृत्तींत शानदार आंतरराष्ट्रीय सहभाग, म्हत्वाची भागीदारी आनी कंटेंट क्रिएटर्स, वितरक आनी उद्देग वेवसायिकां खातीर अतुलनीय संदी पळोवपाक मेळयो.

​अपूर्व जागतीक सहभाग

​अंदूं 40+ देशांतल्या 2,500+ प्रतिनिधींनी पांच दिसांच्या बाजारांत वांटो घेतलो, जो दक्षिण आशियांतल्या फिल्म बाजारांतलो सगळ्यांत व्हडल्या आंतरराष्ट्रीय मेळाव्यातलो एक मेळावो आसलो . व्ह्यूइंग रूम, को-प्रोडक्शन मार्केट, स्क्रीनराइटर्स लॅब, आनी मार्केट स्क्रीनिंगांत वट्ट 320 प्रकल्प दाखयले, जे 15+ देशांचें प्रतिनिधित्व करतात आनी भारताच्याकंटेंट इकोसिस्टमात खर जागतीक आवड दाखयतात.

​घटमूट वेवसायीक एक्टिविटी आनी बाजार परिणाम

​वेव्हज फिल्म बाजार 2025'न नेटवर्किंग, सहकार्य, आनी डील-मेकिंग खातीर एक गतिशील वातावरण तयार केलें:

• ​संवसारभरांतल्या 220+ खरेदीदारांक घेवन 1200+ वन-टू-वन क्लोज्ड-डोर वेवसायीक बसका
• ​वेगवेगळ्या बाजार विभागांतल्यान शेंकड्यांनी ओपन-एंडेड बसका
• ​₹1050 कोटी मोलाची महत्त्वाच्या व्यावसायिक चर्चा आनी वाटाघाटी, जी जागतीक भागीदारी सक्षम करपाक प्लॅटफॉर्माच्या वाडट्या प्रभावाचें प्रतिबिंब दाखयता.
  • 750 कोटी रुपया परस चड मोलाच्या 320 वयर प्रकल्पाचेर क्लोज्ड-डोर चर्चा
  • ​200 कोटी रुपया परस चड मोलाच्या प्रकल्पांचेर प्रतिनिधींनी उक्त्या बसकांनी केली चर्चा
  • ​कार्यावळी वेळार 100 कोटी रुपया मोलाच्यो समजिकायेच्यो कबलाती
• ​वेव्हज फिल्म बाजार २०२५ हांणी ऑस्ट्रेलियांत आशिल्ल्या मीडिया और एंटरटेनमेंट कडेन चार मुखेल कबलाती केल्यो, जाका लागून शिक्षण, वितरण, प्रतिभा विकास, आनी महोत्सव विनिमयांतल्यान द्विपक्षीय सहकार्यात खूब वाड जाली. हातूंत इंटरनॅशनल फिल्म फेस्टिवल ऑफ इंडिया, एनएफडीसी आनी इंडियन फिल्म फेस्टिवल ऑफ मेलबर्न हांचे मदी कबलात आनी डीकिन युनिव्हर्सिटी, फिल्म एंड टेलिव्हिजन इन्स्टिट्यूट ऑफ इंडिया (एफटीआयआय, पुणे) आनी इंडियन इन्स्टिट्यूट ऑफ क्रिएटिव्ह टेक्नॉलॉजीज (आयआयसीटी. मुंबय) हांचे मजगतीच्या कबलातींचो आस्पाव आसा.
• वेव्हज फिल्म बाजार २०२५ न खोलायेन आंतरराष्ट्रीय सहकार्याखातीर उत्प्रेरक म्हूण काम केलें, जांतूतऑस्ट्रेलिया, दक्षिण आफ्रिका, स्पेन, फिनलैंड, रशिया, यूके आनी न्यूझीलंडांतल्या प्रतिनिधी मंडळां वांगडा उच्च पातळेचेर G2G आनी कमिशन-टू-कमिशन बसका घडोवन हाडली.

हे परिणाम दक्षिण आशियांतली एक प्रभावी फिल्म बाजारपेठ म्हणून वेव्हज फिल्म बाजाराच्या उदयाक रेखांकन करतात, जो भारतीय आनी आंतरराष्ट्रीय कथाकार, निर्माते, वितरक आनी गुंतवणूकदारांक अतुलनीय प्रवेश दिता.

​भारत-ऑस्ट्रेलियन सहकार्याक घटमूट करप: चार मुखेल कबलातींचेर सयो

​वेव्हज फिल्म बाजार २०२५ न ऑस्ट्रेलियांत आशिल्ल्या मीडिया और एंटरटेनमेंट कडेन चार मुखेल कबलातींचेर सयो केल्यो, जाका लागून शिक्षण, वितरण, प्रतिभा विकास, आनी महोत्सवाच्या आदान-प्रदानांतल्यान द्विपक्षीय सहकार्यात खूब वाड जाली:

इंटरनॅशनल फिल्म फेस्टिवल ऑफ इंडिया, एनएफडीसी आनी इंडियन फिल्म फेस्टिवल ऑफ मेलबर्न हांचे मदीं कबलात

फेस्टिवल एक्सचेंज, प्रोड्यूसर लैब्स, आनी नव्या वेव्स बाजार-IFFM सह-वितरण निधी वरवीं भारत-ऑस्ट्रेलियन स्क्रीन संबंद घटमूट करपा खातीर तीन वर्सांची रणनिती भागीदारी. ह्या सहकार्याक लागून दोनूय देशांतल्यान क्युरेट केल्लीं प्रदर्शनां, प्रीमियर, प्रशिक्षण कार्यावळी, आनी सृजनशील प्रकल्पांचो संयुक्त प्रचार करपाक चालना मेळटली.

1. डीकिन युनिव्हर्सिटी, फिल्म अँड टेलिव्हिजन इन्स्टिट्यूट ऑफ इंडिया (एफटीआयआय, पुणे) आनी इंडियन इन्स्टिट्यूट ऑफ क्रिएटिव्ह टेक्नॉलॉजीज (आयआयसीटी, मुंबय) हांचे मदीं कबलात:: एकेडमिक भागीदारी, विद्यार्थी आनी प्राध्यापकांचे आदान-प्रदान, खाशेली कार्यशाळा आनी सहयोगी शिक्षण मार्गान -चित्रपट शिक्षण वाडोवपाचेर लक्ष केंद्रित करपी एक शिक्षणीक युती- जाचो फुडले पिळगेच्या चित्रपट निर्मात्यांक आनी एनिमेटरांक पोसवण दिवपाचो हेत.
2. ऑस्ट्रेलियांतल्या पीव्हीआर आयनोक्स आनी माइंड ब्लोइंग फिल्म्स हांचे मदीं कबलात: देशांतल्या सगळ्यांत व्हडल्या सिनेमा साखळी वरवीं भारतांतल्या ऑस्ट्रेलियन चित्रपटांचें सातत्यान देशभरांत प्रदर्शन करपाक सक्षम करपी वितरण केंद्रीत भागीदारी. ह्या कराराक लागून वर्साक 50 लाख डॉलर परस चड उत्पन्न मेळटलें, जाका लागून दोनूय देशांतल्या कथाकारांचो बाजारपेठेंत प्रवेश वाडटलो.
3. पीटीसी पंजाबी आनी टेंपल फिल्म प्रोडक्शन कंपनी, ऑस्ट्रेलिया हांचे मदीं कबलात: पीटीसी पंजाबीन ऑस्ट्रेलिया- इंडिया को प्रोडक्शन कबलाती खाला तीन पंजाबी भाशेचे फीचर फिल्म सह-सादरीकरण करपाखातीर ऑस्ट्रेलियन प्रोडक्शन कंपनी टेम्पल हांचे वांगडा भागीदारी केलां. प्रकल्पांचें अदमासीत मोल 7 मिलियन USD परस चड आसा.

हेर आंतरराष्ट्रीय महोत्सवां कडेन घटमूट सहकार

भारताचे मुखेल आंतरराष्ट्रीय चित्रपट महोत्सवां कडेन संबंद खोलायेन वाडोवपा खातीर वेव्हज फिल्म बाजार २०२५ एक म्हत्वाचो मंच म्हणून उदेलो. एके म्हत्वाचे घडणुकेंत रेनडान्स फिल्म फेस्टिवल (युके), ट्रिबेका फिल्म फेस्टिवल लिस्बोआ, आनी बुसान आंतरराष्ट्रीय फिल्म फेस्टिवल (दक्षिण कोरिया) हांणी आपल्या येवपी आवृत्त्यांनी भारताक ‘फोकस कंट्री’ म्हूण येजमानकी दिवपाची इत्सा उक्तायली.

WaveX स्टार्टअप पॅव्हिलियनान इफ्फी 2025त 14 क्रिएटिव्ह-टेक इनोव्हेटरांचें प्रदर्शन केले

WaveX स्टार्टअप पॅव्हिलियनान वेव्स फिल्म बाजारांत एक महत्त्वाचो पांवडो हुंपलो; सृजनशील, मीडिया आनी एंटरटेनमेंट-टेक्नोलॉजी क्षेत्रांतल्या 14 उदयाक येवपी स्टार्टअपांचो आस्पाव

भागीदारीतल्यान WaveX स्टार्टअपांक हे शक्य जाले:

• तांचीं उत्पादनां आनी IPs जागतीक प्रेक्षकां मुखार सादर करप
• B2B नेटवर्किंग आनी स्ट्रेटेजिक कॉर्पोरेट बसकांनी वांटो घेवप
• OTTs, प्रोडक्शन हाउस, आनी वितरकां कडेन भागीदारी सोदप
• सृजनशील अर्थवेवस्थे भितर आंतरराष्ट्रीय एक्सपोजर मेळोवप

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56