#IFFIWood, 28 नोव्‍हेंबर 2025

56 व्या भारतीय आंतरराष्ट्रीय चित्रपट महोत्सवाने भारतीय चित्रपटसृष्टीतील एक अतिशय संस्मरणीय टप्पा साजरा करताना चित्रपटसृष्टीच्या कारकिर्दीची  50 वर्षे पूर्ण करणारे दिग्गज अभिनेते रजनीकांत यांचा सत्कार केला. थलाईवर म्हणून प्रसिद्ध असलेल्या रजनीकांत यांनी पडद्यावरील करिष्मा, वैशिष्ट्यपूर्ण शैली आणि अभूतपूर्व अदाकारीने  प्रेक्षकांच्या अनेक पिढ्यांना मंत्रमुग्ध केले आहे. 

या चित्रपट महोत्सवाच्या समारोप समारंभात रजनीकांत यांनी  भारतीय चित्रपटाला दिलेल्या योगदानाला  अर्थात केवळ तमिळ भाषेतीलच नव्हे तर हिंदी, तेलुगू आणि कन्नड चित्रपटातील त्यांच्या कारकिर्दीला सन्मानित करण्यात आले. सुमारे 170 चित्रपट दिलेल्या या महान सुपरस्टारने लोकप्रिय लोकप्रिय संस्कृतीवर अमिट छाप सोडली असून त्यांना पद्मभूषण (2000), पद्मविभूषण ((2016) आणि दादासाहेब फाळके पुरस्कार (2020) यासह अनेक पुरस्कार मिळाले आहेत.

🔥 Fifty Years of Pure Rajni Magic! 🔥

As #IFFI2025 celebrates 50 glorious years of Rajinikanth, we honour a legend who reimagined heroism, elevated storytelling and connected with millions through sheer charisma and heart.

From breaking box-office records to redefining Indian… pic.twitter.com/jBRCBkZXAS

— PIB in Goa 🇮🇳 (@PIB_Panaji) November 28, 2025

गोव्याचे मुख्यमंत्री प्रमोद सावंत यांनी शाल आणि सन्मानचिन्ह प्रदान करुन रजनीकांत यांचा सत्कार केला. यावेळी माहिती आणि प्रसारण आणि संसदीय कामकाज राज्यमंत्री डॉ. एल. मुरुगन, माहिती आणि प्रसारण मंत्रालयाचे सचिव संजय जाजू आणि अभिनेता  रणवीर सिंग उपस्थित होते.

हा पुरस्कार स्वीकार करताना रजनीकांत यांनी केंद्र सरकारचे मनःपूर्वक आभार मानले. गेल्या  50 वर्षांकडे बघितल्यावर अगदी 10 ते  15 वर्षेच झाल्यासारखे वाटते, कारण आपण चित्रपट आणि अभिनय या दोन्हींवर तितकेच उत्कट प्रेम करतो, मला शंभर जन्म मिळाले, तरी मला रजनीकांत म्हणूनच जन्म घ्यायला आवडेल, असे मनोगत त्यांनी व्यक्त केले. 

या समारंभाच्या माध्यमातून इफ्फी 2025 ने एका अशा सांस्कृतिक हस्तीचा सन्मान केला आहे ज्याच्या अदाकारीने भाषा आणि भौगोलिक सीमा पार करून, अनेक चित्रपटनिर्माते आणि प्रेक्षकांना सारखीच प्रेरणा दिली आहे. त्यांच्या चित्रपट कारकिर्दीचा सुवर्ण महोत्सव हा केवळ त्यांच्या व्यक्तिगत कामगिरीला अधोरेखित करत नाही तर भारतीय लोकप्रिय संस्कृतीला आकार देणाऱ्या परिवर्तनकारी सामर्थ्याचे ते प्रतीक आहे.

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच  कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

* * *

PIB IFFI CAST AND CREW | जयदेवी पुजारी स्‍वामी/भक्‍ती सोनटक्‍के/दर्शना राणे | IFFI 56