#IFFIWood, নবেম্বর 28, 2025

56শুবা ইন্তর্নেস্নেল ফিল্ম ফেস্তিবেল ওফ ইন্দিয়ানা শক্নাইরবা এক্তর শ্রী রজনিকান্থপু ফিল্ম ইন্দস্ত্রীদা চহি 50 মপুং ফারকপগীদমক ইকাই খুম্নবগা লোয়ননা ভারতকী সিনেমাদা য়াম্না চাউবা মাইলস্তোন অমা পাংথোকখি। থলাইভর হায়না নুংশিবা মমিং পীদুনা শকখঙনরিবা শ্রী রজনিকান্থনা মহাক্কী শুমগৎপা স্ক্রীন প্রজেন্স, তোপ-তোপ্পা স্তাইল, অমসুং মশক থোকপা পর্ফোমেন্সকী খুত্থাংদা চহি কয়াগী মমাংদগী মীচম মীয়ামবু শুমহৎতুনা লাকখি।

লোইশিনবগী থৌরমগী শরুক অমা ওইরিবা ইকাই খুম্নবগী থৌরম অদুদা শ্রী রজনিকান্থনা তামিল ফিল্মদা নত্তনা হিন্দী, তেলুগু অমসুং কন্নরা ফিল্মদা ভারতকী সিনেমাদা পীখিবা অচৌবা থৌদাং অদু শকখঙখি। মহাক্কী ফিল্ম 170 হেনবনা মহাকপু পদ্ম ভুশন (2000), পদ্ম বিভুশন (2016) অমসুং দাদা সাহেব ফালকে এৱার্দ (2020) য়াওনা মশিং য়াম্লবা এৱার্দ কয়া ফংদুনা পোপুলর কলচরদা মুৎনাইদ্রবা মমি অমা থমলমখি।

🔥 Fifty Years of Pure Rajni Magic! 🔥

As #IFFI2025 celebrates 50 glorious years of Rajinikanth, we honour a legend who reimagined heroism, elevated storytelling and connected with millions through sheer charisma and heart.

From breaking box-office records to redefining Indian… pic.twitter.com/jBRCBkZXAS

— PIB in Goa 🇮🇳 (@PIB_Panaji) November 28, 2025

গোৱাগী মুখ্য মন্ত্রী শ্রী প্রমোদ সাৱন্তনা শ্রী রজনিকান্থপু শেল অমসুং মেমেন্তো পীদুনা ইকায় খুম্নবা উৎখি। ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রী শ্রী দোক্তর. এল. মুরুগান, ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী শ্রী সঞ্জয় জাজু অমসুং এক্তর শ্রী রনবীর সিংহসু শরুক য়াখি।

ইকাই খুম্নবা অসি ফংলদুনা শ্রী রজনিকান্থনা কেন্দ্র সরকারগী মফমদা থাগৎপা ফোংদোকখি। মহাক্না মখা তারদুনা হায়খি মদুদি হন্দক্তা তুং হন্না য়েংবদা, চহি 50 অসি চহি 10 নৎত্রগা 15গুম্না ফাওই, মরমদি মহাক্না সিনেমা অমসুং এক্তিং পাম্মি। সুপরস্তারনা হায়খি, "মপোক 100 পোক্লবসু, ঐহাক্না রজনিকান্থ ওইনা পোকপা পাম্মি।"

থৌরম অসিগী খুত্থাংদা, IFFI 2025না লোল অমসুং জিওগ্রাফী লান্থোক্তুনা ফিল্ম মেকরশিং অমসুং মীয়াম্বু ইথিল পীরিবা কলচরেল আইকোন অমবু ইকায় খুম্নবা উৎলি। গোল্দন জুবিলী অসি শ্রী রজিনিকান্তকী মশাগী ওইবা মাইলস্তোন অমা ওইবতা নত্তনা ভারতকী মীয়ামগী চৎনবী শেমগৎপদা সিনেমাগী ত্রান্সফোর্মেতিব পাৱরগী খুদম অমসু ওইরি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *