#IFFIWood, 28 नोव्‍हेंबर 2025

इफ्फीतल्या आंतरराष्ट्रीय विभागाखातीर हाचे परस चड यादगार फिनाले आसचो ना. थायलंडाची अधिकृत ऑस्कर एंट्री आनी कान्सात  ग्रॅण्ड प्रिक्स विजेती ‘अ युजफुल घोस्ट’ फाटल्यान आशिल्ल्या पंगडान आयज पत्रकार परिशदेंत आपल्या वांगडा मनमौजीपन, उदासी, सोशल कमेंट्री और ह्यूमर हांचो सांगड हाडलो जो तांच्या प्रसिद्ध चित्रपटाच्या स्वराचे प्रतिबिंब आसा.

दिग्दर्शक रत्चापूम बूनबुंचाचोक, सहाय्यक निर्मातो तनाडे अमोर्नपियालेर्क, अभिनेतो विसारुत होमहुआन आनी सिनेमाटोग्राफर सॉन्ग पासिट हांणी माचयेर बसून एके काणयेचें विचित्र, कोमल विश्व उक्तें केलें, जंय दुख्खी घोवाक आपली मेल्ली बायल पुनर्जल्म जाल्ली मेळटा एका व्हॅक्यूम क्लीनरांच्या रुपात.

“एक क्रेज़ी कल्पना इतली पयस वचूंक शकता हें कोणाक खबर आशिल्लें?” — रत्चापूम

ह्या सिनेमाच्या जागतीक प्रवासाचेर विचार करतना दिग्दर्शक रत्चापूम हाणें आपलो अविश्वास आनी खोस उक्तायली:

“इतली क्रेज़ी कल्पना आशिल्लो अशे फिल्म इतलो पयस वचून इतल्या लोकां मेरेन पावूंक शकता अशें कोणाक दिसतालें?” सुरवेक ह्या सिनेमाची सुरवात मनशाच्या रुपांत दिसपी पारंपारीक भूताच्या चित्रणान जाली,  अशें ताणें सांगले. पूण ही कल्पना वळखीची, फावो त्या प्रमाणांत आविश्कार करपी दिसली ना. तेन्नाच ताणें अनपेक्षीत गजालींक स्वीकारले: व्हॅक्यूम क्लीनर म्हणून परतून जल्मल्ले एक भूत.

ही विचित्र निवड पुरायपणान प्रतिकात्मक आशिल्ली अशें ताणें स्पश्ट केलें. “डस्ट पॉल्यूशन जो थायलंडांतलो एक सामको खरो मुद्दो आसा तो ह्या सिनेमांतल्या नायकाचो जीव घेता आनी व्हॅक्यूम क्लीनर ताच्या मरणाच्या कारणाखातीर एक काव्यात्मक प्रतिसाद जाता.” संवसारभरांतल्या भूत चित्रणांचो अभ्यास करपाक ताणें बरोच वेळ घालो, जांतूत जड मेकअप वापरपी पासून ते सूक्ष्म अदृश्य उपस्थिती मेरेनचो आस्पाव आसा, आनी निमाणें ते कितें तरी अनवळखी, शांत आनी चड लागीच्या गजालींकडे आकर्शीत जाले अशेंय रत्चापूम  हांणी सांगलें. ह्या निर्णयांन अनपेक्षीत साय-फाय घटकांची वळख करून दिली, जो खंयच्याच जाणीवपूर्वक येवजणेचो भाग नासलो हें मजेन तांणी मान्य केलें.

“सिनेमेटिक ना म्हण भियेवंक नाकात” — सिनेमाटोग्राफर सॉन्ग पासिट

सिनेमाटोग्राफर सॉन्ग पासिट हाणें ह्या सिनेमाची विज़ुअल भास गंभीरताय आनी मूर्खपण हांचे मदलो मुद्दाम केल्लो नाच अशें वर्णन केलां. आमचो मार्गदर्शक विचार आशिल्लो- “सिनेमैटिक ना म्हण भियेवंक नाकात”अशें तांणी सांगलें.

ह्या पंगडान विचित्र एंगल, मज़ेदार कंपोज़िशन आनी बोल्ड रंग, खास करून तांबडो रंग आपणायलो, हो रंग दिग्दर्शकान जिवो उरचो असो आग्रह धरलो अशें ताणें सांगले. विनोदी, गूढ आनी सदांच मात्सो ऑफ सेंटर आशिल्ल्या संवसारांत प्रेक्षकांक समर्पित हें ध्येय आशिल्ले अशे तांणी सांगले.

थायलंडाच्या फिल्म लॅंडस्केपाचेर उलोवप

सहाय्यक निर्मातो तनाडे अमोर्नपियालेर्क हाणें थाई सिनेमाच्या पडद्या फाटल्या संवसाराचेर उजवाड घालो. नव्या चित्रपट निर्मात्यांची नवी  ल्हार येता आसतना, हो उद्देग अजूनय वर्साक फकत सुमार 30 चित्रपट सिनेमाघरांनी प्रदर्शीत करता, एक उतार-चढाव आशिल्ली इकोसिस्टम जांतूत हॉलीवूड शीर्षकांचे वर्चस्व आसा अशें तांणी नदरेक हाडलें.

रत्चापूम हांणी सांगले  की जॉनरात विविधताय मर्यादीत उरल्या आनी चित्रपट जरी “शुध्द मनरिजवण” जावंक शकतात तरी सिनेमांत कितें तरी सांगपाचें आसूंक जाय अशें ताचें व्यक्तिगत मत तांणी मांडले.

“ह्या भुमिकेन म्हजे खातीर गजाली बदलल्यो” — अभिनेतो विसारुत होमहुआन

अभिनेतो विसारुत होमहुआन खातीर ‘ए यूज़फुल घोस्ट’ हो सिनेमा आव्हानात्मक आनी करिअर घडोवपी लेगीत आशिल्लो.  थायलंडांत अभिनेतो जावप कठीण अशें तांणी मान्य केलें. “हांवें टीव्ही, टिकटॉक, सगळीकडे काम केले. चड संदयो नात. हा चित्रपट म्हजेखातीर एक व्हड मार्ग आशिल्लो जाका लागून लोकांक हांव चित्रपट अभिनेता म्हण वळख जाली. 

ह्या पंगडान एकठांय येवन ‘ए यूज़फुल घोस्ट’ चित्रपटाचे वर्णन केलें.  विरोधाभासांचेर फुलपी चित्रपट, विनोदी तरी भुतांखेतांचो, विलक्षण तरी खऱ्या पर्यावरणीय प्रस्नांनी रुजल्ली आनी आपली विलक्षण भावना केन्नाच वगडाय नासतना स्पर्श करपी कथा अशे तांणी सांगले.

पत्रकार परिशद सोंपता म्हणसर ह्या सिनेमान संवसारीक लक्ष कित्याक ओडून घेतलां तें स्पश्ट जालें: हो चित्रपट एकाच वेळार, सगळेच म्हळ्यार अजीब, प्रामाणीक आनी समाजीक रितीन प्रतिध्वनीत जावपाचें धाडस करता,आनी अशें करतना ताणें इफ्फीच्या इंटरनेशनल सेक्शनाक एक अशे समापन दिले जे मनभुलोवपी आनी अविस्मरणीय आशिल्ले.

Trailer:

PC Link:

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56