প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দল মীফম্না ঙসি লুপা কোতি ৭২৮০গী শেনফমগা লোইননা 'সিন্তর তৌরবা রের-এর্থ পর্মানেন্ত মেগ্নেৎশিং পুথোকপদা মতেং পীনবা স্কিম'দা অয়াবা পীখ্রে। অসিগুম্বা মখলগী অহানবা খোঙথাং অসিনা ভারত্তা ইন্তিগ্রেতেদ রের আর্থ পর্মানেন্ত মেগ্নেৎ (আর.ই.পি.এম.) মেন্যুফেকচরিংগী চহিগী ওইনা মেত্রিক তন ৬০০০ (এম.তি.পি.এ.) লিংখৎনবা পান্দম থম্লি। মসিনা মশা-মরোমদোম থাজবা হেনগৎহল্লগনি অমসুং মালেমগী আর.ই.পি.এম. মার্কেত্তা ভারত অসি মরুওইবা প্লেয়র অমা ওইহল্লগনি।

আর.ই.পি.এম. শিং অসি খ্বাইদগী মপাঙ্গল লৈবা পর্মানেন্ট মেগ্নেটশিংগী মনুংদা অমনি অমসুং মখোয় অসি ইলেক্ত্রিক ভেহিকলশীং, রিন্যুএবল ইনর্জি, ইলেক্ত্রোনিক্স, এরোস্পেস, অমসুং দিফেন্স এপ্লিকেসনশীংগীদমক য়াম্না মরুওই। স্কিম অসিনা ইন্তিগ্রেতেদ আর.ই.পি.এম. মেনুফেকচরিং ফেসিলিতীশিং শেমগৎপদা মতেং পাংগনি, মসিদা রের আর্থ ওক্সাইদশিংবু ধাতুশিংদা, ধাতুশিংবু এল্লোইদশিংদা, অমসুং এল্লোইদশিংবু ফিনিস আর.ই.পি.এম. শিংদা ওন্থোকপা য়াওরি।

ইলেক্ত্রিক ভেহিকলশিং, রিন্যুএবল ইনর্জী, ইন্দস্ত্রীএল এপ্লিকেসনশিং অমসুং কঞ্জ্যুমর ইলেক্ত্রোনিক্সনা য়াম্না থুনা হেনগৎলক্লিবা দিমান্দনা মরম ওইদুনা, ২০২৫দগী ২০৩০ ফাওবদা ভারতকী আর.ই.পি.এম.শিং শিজিন্নবা শরুক অনি হেনগৎলগনি হায়না পানরি। হৌজিক্কী ওইনা, আর.ই.পি.এম. শিংগীদমক ভারতকী দিমান্দ অসি মরুওইনা ইম্পোর্তকী খুত্থাংদা ফংলি। মসিগী খোংথাং অসিগী খুত্থাংদা, ভারতনা ইহান হানবা ইন্তিগ্রেতেদ আর.ই.পি.এম. মেনুফেকচরিং ফেসিলিতীশিং লিংখৎলগনি। মসিনা থবক ফংহল্লগনি, মশা-মরোমদোম লেপচবা হেনগৎহল্লগনি অমসুং ২০৭০ ফাওবদা নেৎ জিরো ফংহন্নবা লৈবাক অসিগী অচেৎপা থৌনা অদু মাংলোমদা পুরক্লগনি।

স্কিম অসিগী অপুনবা শেল থাদবা অসি লুপা করোর ৭২৮০নি। মসিদা চহি মঙা (৫) গী ওইনা আর.ই.পি.এম. য়োনবদা লুপা করোর ৬৪৫০গী সেল্স-লিঙ্কেদ ইন্সেন্তিবশিং অমসুং আর.ই.পি.এম. মেনুফেকচরিং ফেসিলিতীশিংগী অপুনবা এম.তি.পি.এ. ৬০০০ লিংখৎনবা লুপা করোর ৭৫০গী কেপিতেল সবসিদী য়াওরি।

স্কীম অসিনা গ্লোবেল কম্পিতিতিব বিদর প্রোসেস অমগী খুত্থাংদা বেনিফিসরী মঙাদা অপুনবা কেপাসিতী এলোকেসন তৌনবা পান্দম থম্লি। বেনিফিসরী খুদিংমক্তা এম.তি.পি.এ. ১,২০০ ফাওবগী কেপাসিতী পীগনি।

স্কিম অসিগী অপুনবা মতম অসি এৱার্দ পীরকপা তাংদগী চহি ৭ ওইগনি। মসিদা ইন্তিগ্রেতেদ আর.ই.পি.এম. মেন্যুফেকচরিং ফেসিলিতী অমা লিংখৎনবগীদমক চহি ২গী প্রেগনেসন পেরিওদ অমসুং আর.ই.পি.এম. য়োনবদা ইন্সেন্তিব দিসবেন্দমেন্ত ফংনবগীদমক চহি ৫ য়াওরি।

ভারত সরকারনা পায়খৎলিবা খোংথাং অসি দোমেস্তিক আর.ই.পি.এম. মেনুফেকচরিং ইকোসিস্তেম মপাঙ্গল কনখৎহন্নবা অমসুং মালেমগী কৈথেলশিংদা কম্পিতিতিবনেস হেনগৎহন্নবা য়াম্না মরু ওইবা খোংথাং অমনি। আর.ই.পি.এম. পুথোকপদা লমদমসিগী তৌবা ঙম্বশিং পুক্নিং থৌগৎতুনা, স্কিম অসিনা দোমেস্তিক ইন্দস্ত্রীশিংগীদমক আর.ই.পি.এম. সপ্লাই চেন সেক্যুর তৌবতা নত্তনা লৈবাক অসিগী নেত জিরো ২০৭০গী ৱাশকসু শৌগৎকনি। মসিনা ভিক্সিত ভারত @2047গী মঙলানগী মতুং ইন্না তেক্নোলোজীগী লমদা মশা-মরোমদোম লেপচবা, মালেমগী থাক্তা চাংদম্নবা ঙম্বা অমসুং তুং কোইনা চৎকদবা ইন্দস্ত্রীএল বেজ অমা শেমগৎনবা লৈঙাক্না লেপ্পা লৈতনা হোৎনরি।

***