#IFFIWood, 27 नोव्‍हेंबर 2025

गोंयांत जावपी इंटरनॅशनल फिल्म फेस्टिवल ऑफ इंडिया (IFFI) ची 56 वी आवृत्तीचो समारोप जाता, अंदूंची कार्यावळ फकत सिनेमाच्या उत्कृश्ट कलाकृतीं मेरेन मर्यादीत ना; जाल्यार ती वैयक्तीक यादींचो संग्रहीत उत्सव थारला.

इफ्फीच्या 56व्या आवृत्तींत इंडिया पोस्टान आपली ‘माय स्टॅम्प’ सेवा उपलब्ध करून दिली. इंडिया पोस्टान जारी केल्ल्या ‘पर्सनलायझ्ड माय स्टॅम्प टेम्पलेट’ खातीर फिल्म मोगीं आनी शिक्को संग्रहकर्त्यां मदीं अफाट क्रेझ आसा.

इंडिया पोस्टाचो स्टॉल महोत्सवाच्या वेळार पर्यटकांखातीर आकर्शणाचें केंद्र थारलें, लोकांक आपले फोटो अधिकृत इफ्फी विशयाचेर टपाल तिकीटांत रुपांतरीत करपाची संद मेळ्ळी.

इफ्फीच्या 56व्या आवृत्ती खातीर इंडिया पोस्टान ह्या महोत्सवाक समर्पीत केल्लो खाशेलो ‘माय स्टॅम्प’ टेम्पलेट जाहीर केला. ह्या वैयक्तीक स्टॅम्पचो अर्थ असो आसा की हाजीर आशिल्ल्यांक आपलें चित्र ह्या खाशेल्या IFFI-थीम आशिल्ल्या स्टॅम्प टेम्पलेटचेर छापून घेवंक मेळटा आनी पोस्टेज-वैलिड स्टैम्प पत्रक मेळूं येता. हो ‘माय स्टॅम्प’ फिल्म मोगीं खातीर, स्टॅम्प संग्रहकर्त्यां खातीर, आनी फेस्टिवलाक भेट दिवपी लोकां खातीर इफ्फी 2025 ची एक अमूल्य स्मरणिका म्हूण काम करता आनी ताका लागून हो एक अद्भुत यादस्तीक थारता.

इंडिया पोस्टान ह्या महोत्सवांत खाशेलो काउंटर उबारला, जाका लागून भोंवडेकारांक तांचो वैयक्तीक ‘माय स्टॅम्प’ तयार करपाक सोंपें जालां.

भारतीय सिनेमाच्या दायजाचो प्रसार करपा खातीर इंडिया पोस्टाची वचनबद्धताय दाखोवपी हो उपक्रम कला आनी संस्कृतायेच्या उमेदी लोकांक आकर्शीत करपाक लागला.

इफ्फी ‘माय स्टॅम्प’ हो फकत टपाल शिक्को न्हय; सिनेमा, कला आनी वैयक्तीक यादींचें सोबीत संगम आशिल्ल्यान ह्या महोत्सवांतली ही एक चड चर्चेची आनी मागणी आशिल्ली वस्तू थारला.

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56