ঙসি, গৱাদা পাংথোক্লিবা ৫৬ শুবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) দা ইন্দিয়ান পেনোরামা ৱেব সেরিজ (ও তি তি) সেক্সনগী জুরিনা মেদিয়াদা খোঙজেল য়াংনা মপান ফগৎলক্লিবা ভারতকী ৱারি লিবগী থৌওংশিংগী মতাংদা পাউদমখ্রে। জুরি চিয়ারপর্সন ভারতবালাগা লোয়ননা জুরি মেম্বরশিং সেখর দাস, মুনজাল শ্রোফ অমসুং রাজেশ্বারি সচদেবনা, পাকথোক-চাউথোরক্লিবা মালেমগী দিজিতেলগী ৱারিশিং অমসুং ও.তি.তি প্লেতফোর্মশিংনা ভারতকী নাৎ অমসুং চৎনবীগী মওং অমুক হন্না শেমদোক্লিবা অসিগী মতাংদা পাউদমখি। মখোয়গী ৱাখল্লোনশিং অদুনা মতম অসিগী ৱারি লিবগী গ্রামার হোংলক্লিবা অসি খোঙ্গুল লিবা খক নত্তনা লৈবাক শীনবা থুংবগী ভাবকশিংগী মরক্ত অশেংবা ৱারি, মখল কয়া অমসুং লমদম কয়াগী ৱারিশিং পাম্নবা হেনগৎলক্লিবা অসি ফোঙদোকখি।

ও.তি.তি প্লেতফোর্মশিংনা পুরকপা অচৌবা অহোংবশিংগী মতাংদা ভারতবালানা হায়খি মদুদি মেদিয়ম অসি ফোর্মুলা অমসুং মহৌশাগী চৎনবীগী ফাজিন পুনশিনবদগী মনিংতম্না ৱারিশিং লিনবা মফম অমনি। সেনিমা হোলশিংদা উৎখিদ্রবা খুন্নাইগী দ্রামাশিং অমসুং লম কয়াগী ফিল্মশিং অনৌবা থৌনাগা লোয়ননা ও.তি.তি প্লেতফোর্মশিংনা অমুক হিঙ্গৎহল্লে। ভারত অসি মহাদেস অমা ওইনা খেন্নবা কয়া লৈরি। কনাগুম্বা অমতনা কৈদৌঙৈদা লিখিদ্রিবা ৱারিশিং- ঐখোয়গী য়ুম্লোন্নবশিং, ঐখোয়গী লৈকায়গী ফিবমশিং, ঐখোয়গী খুন্নাইগী ৱারিশিং লিবা ও.তি.তিনা য়াহল্লে। ফোর্মেত অসিনা নৌনা হৌগৎলক্লিবা হৈথোই-শিংথোইবা মীওইশিং শ্বর হোনবা অমসুং চাংয়েং তৌবদা মতেং পাংলে, মখোঙদগী অফবা মীওইশিং হৌগৎলক্তুনা মেনস্ত্রিম সেনিমাদা চঙবা য়াহল্লে।

মহাক্না হায়খি ষ্ট্রিমিংগী যুগ অসিদা ভারতকী ৱারিশিং মালেমগী লৈবাকশিংদা য়ৌহল্লে। অদোমগী ফিল্ম অমাজোন নত্ত্রগা নেতফ্লিক্সতা হেক হাপখিগা, মসি মালেম্না য়েংলবনি। মখোয়গী ফিল্মশিং ফজনা পুথোক্নবা ঐখোয়না ঐখোয়গী ফিল্মমেকরশিং পুক্নিং থৌগৎকদবনি, মসিনা ঐখোয়গী ৱারিশিং লমদম অসিগী ওইহল্লে, অশেংবা ওইহল্লে অমসুং মালেমগী পুক্নিং চিংশিল্লে। ইঞ্জিনিয়ারশিংদগী হৌরগা মশা মরোমদোম তমজবা ফিল্মমেকরশিং মশিং য়াম্না শীফম অসিদা হুপচিল্লক্লে, ৱারি লিবদা মিকুপ-নাহুম শিংনবা হোৎনগদবনি।

অহল ওইরবা ফিল্মমেকর সেখর দাসনা দিজিতেল ক্রিয়েতরশিংগী থৌদাংগী মতাংদা হায়খি। মহাক্না হায়খি মদুদি ও.তি.তি অসি সেনিমাগী মশা অমনি অমসুং ফোর্মেত অসিনা খুন্নাইগী অরুবা অশেংবা শক্তমশিং পুথোক্তুনা উৎপা ঙমহল্লে। খুন্নাইগী উংখৎনবশিং কলাদা মমি তারে। হৌজিক হৌজিক্কী ভারতকী শক্তমশিং য়াম্না কুপ্না, মখল কয়া থোক্নবা অমসুং পুকচেল শেংনা উৎপগীদমক ৱেব সেরিজশিং থাগৎপা ফোঙদোকচরি। ইন্দিপেন্দেন্ত ফিল্ম ৮ য়েংবগী মহাও অদু ইপিসোদ নিপালগী সেরিজ অমা য়েংবগা মান্নরে।

প্রদুসর অমসুং দিরেক্তর মুনজাল শ্রোফনা হায়খি ও.তি.তি অসি অওনবা ওইনা মীওই কয়াদা ফিল্ম য়েংবা ফংহল্লে। ভাবকশিংনা অপাম্বা ফিল্ম খনবগী খুদোংচাবা হেন্না ফংলে অমসুং ষ্টারশিংগী মহুত্ত পুকচেল শেংবদনা হেন্না হৌজিক ভাবকশিংনা পাম্নরে। তোঙান তোঙানবা ফিল্ম মখল কয়াদা ফিল্মমেকরশিংনা চাংয়েং তৌবা উবদা হরাওই। ও.তি.তি অমসুং য়ুতুব থাগৎচরি, বোক্স ওফিস ফোর্মুলাশিং নত্ত্রগা তেলিবিজনগী অথিংবশিংগী নাচুংবীদনা অনৌবা ৱারিশিং লিনবগী মনিংতম্বা ফিল্মমেকরশিংনা ফংলে। ভাবকশিংনা মখল কয়া খন্দুনা, করিগুম্বা মতমদা ৱারিশিংদা শিংনদুনা, ফিল্ম য়েংবগী মতাংদা অচৌবা অহোংবা লাক্লে।

এক্তর রাজেশ্বর সচদেবনা হায়খি ভাবকশিং অমসুং মখোয়গী সেনিমাশিংগী মরক্ত অচেৎপা মরী লৈনরি। ষ্ট্রিমিং তৌরিবা ৱারিশিং ঐখোয়গী খুবামদা লৈদুনা, অনৌবা মীৎয়েংশিং পাম্নবা হেনগৎলক্লি। মতম অমদা অথিংবা হিরমশিং উৎনবা জেলগী পুন্সি সেরিজ অমদা পুকচেল শেংনা অমসুং মীওইবগী ৱাখল্লোনগা লোয়ননা উৎলে। হায়রিবা ৱারিশিং অসি মমাঙদা অচৌবা স্ক্রিন্দা পুথোকখিদে, অদুবু ঙসিদি ৱারি লিরে অমসুং থৱায় য়াওনা অমসুং মীওইবগী মীনুংশিংগা লোয়ননা য়েংলে।

মপুংফাবা প্রেস কনফরেন্স মফম অসিদা য়েংবীয়ু:

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবগা গৱাগী ফরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***