প্রধানমন্ত্রীগী লোইশঙ
প্রধানমন্ত্রী নবেম্বর 28 দা করনাতকা অমসুং গোৱা চৎকদৌরি
প্রধানমন্ত্রীনা উদুপ্পীদা শ্রী কৃষ্ণ মথতা চৎকনি অমসুং লক্ষ কন্থ গীতা পারায়ন্দা শরুক য়াগনি
প্রধানমন্ত্রীনা কৃষ্ণ গর্ভগৃহগী মমাংদা লৈরিবা সুৱর্ন তীর্থ শঙলেন শঙ্গাগনি অমসুং শেংলবা কনকনা কিন্দীগীদমক্তা কনক কবচ কৎকনি
প্রধানমন্ত্রীনা গোৱাদা শ্রী সংস্থান গোকর্ন পর্তগালী জীবোতম মথকী 550 শুবা কুমওনগী থৌরমদা শরুক য়াগনি
প্রধানমন্ত্রীনা প্রভু শ্রী রামগী ফুৎ 77 ৱাংবা মীতম মায়খুম হাংদোক্কনি
Posted On:
27 NOV 2025 11:58AM by PIB Imphal
প্রধানমন্ত্রী শ্রী নরেন্দ্র মোদী নবেম্বর 28 দা করনাতকা অমসুং গোৱাদা চৎকনি। অয়ুক্কী পুং 11:30 মুক তাবদা প্রধানমন্ত্রীনা করনাতকাগী উদুপ্পীদা লৈবা শ্রী কৃষ্ণগী মথতা চৎকনি। মসিগী মতুংদা মহাক গোৱাদা চৎকনি। মফমসিদা নুংথীল পুং 3:15 মুক তাবদা শ্রী সংস্থান গোকর্ন পর্তগালী জীবোতম মথকী 550 শুবা কুমওন্দা পাংথোকপা 'সার্ধ পঞ্চশতামনোতসব' থৌরমদা শরুক য়াগনি
উদুপ্পীদা প্রধানমন্ত্রী
প্রধানমন্ত্রী উদুপ্পীদা শ্রী কৃষ্ণ মথতা চৎকনি অমসুং লক্ষ কন্থ গীতা পারায়ন থৌরমদা শরুক য়াগনি। মসিদা মহৈরোইশিং, লম্বোইবশিং, স্কোলরশিং অমসুং তোঙান-তোঙানবা লমশিংগী সিতিজেনশিং য়াওনা মীওই লাখ অমরোম শরুক য়াগনি অদুগা অমত্তা ওইবা খোজ্ঞেলদা শ্রীমদ্ভগৱদগীতাগীগী লাইশোন শোনগনি। প্রধানমন্ত্রীনা কৃষ্ণ গর্ভগৃহগী মমাংদা লৈরিবা সুৱর্ন তীর্থ শঙলেন শঙ্গাগনি অমসুং শেংলবা কনকনা কিন্দীগীদমক্তা কনক কবচ(শনাগী কবচ) কৎকনি। কনক কিন্দী অসি শেংলবা থোংনি। মুনী কনকদাসনা মসিগী থোং অসিদা ভগৱান কৃষ্ণগী তাংলবা দর্শন তৌবা ফংজখি হায়না হায়নৈ।
উদুপ্পীদা লৈরিবা শ্রী কৃষ্ণ মথ অসি চহী 800 গী মমাংদা বেদান্তকী দ্বৈতা ফিলোজোফর হৌদোকখিবা শ্রী মাধৱাচার্যনা হৌদোকখিবনি। গোৱাদা প্রধানমন্ত্রীনা শ্রী সংস্থান গোকর্ন পর্তগালী জীবোতম মথকী 550 শুবা কুমওনগী থৌরম 'সার্ধ পঞ্চশতামনোতসব' থৌরমদা প্রধানমন্ত্রীনা খা থংবা গোৱাগী কৈনাকোনাদা লৈবা মথতা চৎকনি। প্রধানমন্ত্রীনা সংস্থান গোকর্ন পর্তগালী জীবোতম মথতা লৈবা প্রভু শ্রী রামগী ফুৎ 77 ৱাংবা মীতম মায়খুম হাংদোক্কনি অমসুং মথনা শেমগৎপা 'রামায়ন থীম পার্ক গার্দেন' সু হৌদোক্কনি। প্রধানমন্ত্রীনা থৌরম অসিদা অখন্নবা পোস্তেল স্তাম্প অমসুং নিংশিং খুদম ওইগদবা শেলয়েকসু চৎনহনগনি অমসুং মফমসিদা তিল্লিবা মীয়ামদা ৱা ঙাংগনি। শ্রী সংস্থান গোকর্ন পর্তগালী জীবোতম মথ অসি অহানবা গৌর সারস্বত ব্রাহ্মন বৈষ্ণব মথনি। মসি জগদগুরু মাধৱাচার্য়না 13 শুবা চহীচাদা হৌদোকখিবা দ্বৈত কাংলুপকী ফোলোৱরনি। মথ অসিগী ময়ায় লোয়শঙ অসি কুসাৱতী তুরেলগী তোর্বান্দা খা থংবা গোৱাগী খুঙ্গংদা লৈবা পুর্তগলদা লৈ।
***
(Release ID: 2195323)
Visitor Counter : 4
Read this release in:
Konkani
,
Assamese
,
English
,
Urdu
,
Marathi
,
हिन्दी
,
Bengali
,
Gujarati
,
Odia
,
Tamil
,
Kannada
,
Malayalam