মপুংফানা নুংঙাইরবা প্রেস কনফরেন্স অমদা ভাবকশিংদা মখোয়গী সেনিমাগী খোঙচৎকী মরমদা পাউদমবগা লোয়ননা শিংথানিঙাই ওইরবা ফিল্ম অনি- ‘ভাইমোন দা’ (ফিচর ফিল্ম) অমসুং ‘পত্রালেখা’ (নন-ফিচর সোর্ত ফিল্ম) না ইফি ২০২৫ দা অসামগী সেনিমাগী অচৌবা মফম অমা কনবা ঙম্লে। অসামগী নাৎ অমসুং চৎনবীদা য়ুম্ফম ওইবা ফিল্ম অনি অসিনা শক্নাইরবা অনি: মুনিন বরুৱা, অসামগী সেনিমাদা নুংশিনা কৌনবা ভাইমোন দা অমসুং মহাক্কী খোঞ্জেলনা মীরোল কয়া খোন্থাং য়ৈরিবা দোক্তর ভুপেন হাজারিকাগী মফমদা ইকায়খুম্নবা উৎখি। মখোয়না পাংথোক্লম্বা থবকশিং ৱারিশিং, শক্তমশিং অমসুং পুক্নিংগী ইহুলশিংগী খুৎথাংদা ফোঙদোক্লি অমসুং মসি অসামগী হৈথোই-শিংথোইবা হরাওবা ফোঙদোকপা অমনি।

📡 LIVE NOW

Press Conference of the movies ‘Bhaimon Da’ and ‘Patralekha’ at the PIB Media Centre #IFFI56#IFFIGoa #IFFI2025

Watch now: https://t.co/yaGVST0Bza

— PIB in Goa 🇮🇳 (@PIB_Panaji) November 26, 2025

ভাইমোন দা: মুমিন বরুৱা অমসুং অসামগী সেনিমা চহি ৯০ মপুংফারকপদা ইকায়খুম্নবা উৎপা

ভাইমোন দা হায়না নুংশিনা কৌনবা, শক্নাইরবা অসামগী ফিল্মমেকর মুনিন বরুৱাগী অহানবা পুন্সি ৱারি ‘ভাইমোন দা’ দিরেক্তর সাসানকা সমিরনা মশক তাকখি। অসামগী সেনিমাগী শক্নাইরবা মীওই অমা ওইখিবা বরুৱাগী ফিল্মশিংনা লমদম অসিদা ৱারি লিবগী মশক অমুক হন্না তাকখি, মীরোল কয়াগী ভাবকশিংদা মুৎপা নাইদ্রবা মমি অমা তাহনখি।

ইচম চম্না হৌরকপদগী সেনিমাগী শক্নাইরবা অমা ওইরখিবগী বরুৱাগী খোঙচৎ পাউদম্লদুনা, ফিল্ম অসিদা মহাক্না হোৎনরকখিবশিং, অফবা ফিল্ম কয়া পুথোরকখিবা অমসুং বিজু ফুকান, ম্রিদুলা বরুৱা, জুবিন গার্গ অমসুং জাতিন বোরাগুম্বা শক্নাইরবশিং শরুক য়াখিবা থৌদোকশিং উৎখি।

প্রেস কনফরেন্স অদুদা, সমিরনা ফিল্ম নম্বগী থবকশিংগী মতাংদা পাউদমখি: “মুনিন বরুৱানা মহাক্কী পুন্সি অসামগী সেনিমাদা কৎথোকখি। মহাক্কী পামজবা, মহাক্কী মঙলানশিং অমসুং মহাক্কী কৎথোকপনা ঐখোয়গী ফিল্মগী কলচর শেমখি। মহাক্কী খোঙচৎ খক নত্তনা, চহি ৯০ মপুংফারবা ঐখোয়গী সেনিমাগী পুৱারি খঙহনবা ঐনা পাম্মী”।

ফিল্ম অসি অকনবা আর্কাইবগী থবকশিং, ইন্তরভিয়ুশিং অমসুং রাজ্য শীনবা থুংনা চৎপা য়াওনা চহি মঙাগী রিছার্স অমসুং দিবলপমেন্তগী ফলনি। ফিল্ম নম্ফম মফম ১২০ হেন্না অমসুং কলাকার ৩৬০ হেন্না য়াওদুনা, অসামগী ফিল্মগী পুৱারিদা ভাইমোন দা মশক থোকপা ফিল্মশিংগী মনুংদা অমা ওইরি। সমিরনা মখা তানা হায়খি, মসি পুন্সি ৱারি অমা খক নত্তে, অসামগী ফিল্ম হিংহনখিবা কলাকার, তেক্নিসিয়ান অমসুং ভাবক খুদিংমক্ত ইকায়খুম্নবা উৎপা অমনি। ফিল্ম অসি মখোয়গীনি। 

পাত্রালেখা: ভুপেন হাজারিকাগী ঈশৈনা ইথিল পীরবা ঈশৈ ময়েক্কী ধ্যান অমা

দোক্তর ভুপেন হাজারিকাগী পুক্নিং হুনা ফজরবা ঈশৈ অমগী ফজবা দিরেক্তর অমসুং অইবা নামরাতা দত্তনা মহাক্কী অতেনবা ফিল্ম ‘পাত্রালেখা’ দা শৈথারি। নিংশিবা অমসুং অচিক অনিগী মরক্ত লৈরিবা নুংশিবা অমা দত্তনা অরুবা, থৱায় অনি পুনশিনবা অমসুং ফিবমনা য়ারক্তবদগী খায়দোক্নখিবগী শক্তম অমা উৎলি।

পাত্রালেখাদা, মমিশিংগী লোলনা মশাগী ৱারি লিবা অমা ওইরি।

খুঙ্গংগী তাঙ্ককশিংদা, নুংথিলগী নুংশা মরক্ত, নুপী অদুনা মহাক্কী য়ুমগী থৌদাং অমসুং মহাক্কী অনাবা মমাগী লৌখিবা থৌদাংশিং উৎলি। মসিগা ওন্ন-তৈনবদা, সহরগী সিনশিংদা, নুমিদাংৱাইরমগী অমেংবা মশক অমসুং নুমিদাংগী অচিকপা উৎখি অমসুং নুপা অদুগী নাইতোম তাবা পুন্সি অদু অয়েকপা লাইশিং, গুইতরগী নোতশিংনা মশক তাকখি।

মঙাল অমসুং মমিগী খেন্নবা তাইবংপাল অনি অসিগী খেন্নবশিংগী খুৎথাংদা, মখোয় অনিগী পুন্সি তোখায় তানখ্রবা মতুংদা মীওই অনি পুনশিনখিবা লংলাশিং, মতমগী খোঙচৎ অমসুং ইখৌ লাংনবা ঙাইনবগী মমি দত্তগী ফিল্ম অসিদা মমি তাখি।

মহাক্কী মফমদা ইথিল পীখিবগী মতাংদা দত্তনা হায়খি, ঈশৈ অসিদা অঙকপা, ফোঙদোক্তবা চৈনা অমা খাংলি-নুংশিবা অমা ঙাইজবা অদু ফোঙদোক্লি। ঈশৈ ময়েক অসিনা করি হায়রিবা অদু খক তাক্নবা ঐনা ৱারি মখা চৎথখি।

সেনিমাতোগ্রাফর অমসুং কো-প্রদুসর উতপাল দত্তনা হায়খি, মখোয়গী পুন্সিশিং মমি শামখি-পোৎলুম ওইখি অদুবু থাজবনা থনখি।

ফিল্ম অসিগী অপীকপা বজেতকী মতাংদা মহাক্না হায়খি, শেন পায়দবা ঐখোয়গুম্বা মীওইশিং ফিল্ম পুথোক্লোইদবনি-অদুবু সেনিমা পামজবদগী ঐখোয় অকিবা ফাউহন্দ্রে। ঐখোয়না চাদিং তৌখিবা অদু ঐখোয়না পাদ্রে। ঐখোয়না থাজবা থম্লিবা ফিল্ম অদু খক্ত ঐখোয়না নম্বনি।

মফম অসিদা ত্রেল্লর য়েংবীয়ু:

https://drive.google.com/file/d/1JUEriNpdgKjdaVlqygNvGZH1aW5Ktgfa/view?usp=drive_link

মপুংফাবা প্রেস কনফরেন্স য়েংনবা মফম অসিদা নম্বীয়ু:

ইফিগী মরমদা :

১৯৫২ দা হৌদোকখিবা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) খা এসিয়াগী খ্বাইদগী লিরবা অমসুং খ্বাইদগী চাউবা সেনিমাগী থৌরমনি। নেসনেল ফিল্ম দিবলপমেন্ত কোর্পোরেসন (এন এফ দি সি), ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রি অমসুং গৱা সরকারগী ইন্তরতেনমেন্ত সোসাইতি ওফ গৱানা পুন্না শীন্নবা ফেষ্টিবেল অসিদা অমুক হন্না শেমজিল্লবা ক্লাসিকশিংগা অনৌবা চাংয়েংশিংগা উনফম অমসুং শক্নাইরবা গুরুশিংনা অকিবা লৈত্রবা অহানবা ওইনা ফিল্ম পুথোকপশিংগা উনফম অমনি। মালেমগী ফিল্মশিং চাংদম্নবা, নাৎকী থৌরমশিং উৎপা, মাষ্টরক্লাসশিং, ইকায়খুম্নবা উৎপা অমসুং অনৌবা ৱাখল্লোনশিং, য়ানবা পুরকপা অমসুং পুন্না থবক তৌমিন্নবগী থবক পায়খৎলিবা ৱেবস ফিল্ম বাজারনা তশেংনা ইন্তরনেসনেল ফিল্ম ফেষ্টিবেল ওফ ইন্দিয়া (ইফি) গী মশক তাক্লি। নবেম্বর ২০-নবেম্বর ২৮ ফাওবগা গৱাগী ফরবা সমুদ্র মপান্দা পাংথোক্লিবা ৫৬ শুবা ইদিসন অসিদা তোঙান তোঙানবা লোলশিং, ফিল্ম মখল কয়া, অনৌবা কয়া অমসুং খোঞ্জেল কয়ানা মালেমগী ফম্বাক্ত ভারতকী হৈথোই-শিংথোইবা হরাওবা ফোঙদোক্লি।

অহেনবা ই-পাউগীদমক, নম্বীয়ু:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

***