ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ.) 2025ರ ಆರನೇ ದಿನದಂದು “ದಿ ನ್ಯೂ ಎಐ ಸಿನಿಮಾ: ಜನರೇಟಿವ್ ಎಐ ಮತ್ತು ಲಾರ್ಜ್ ಲ್ಯಾಂಗ್ವೇಜ್ ಮಾಡೆಲ್ ಗಳ (ಎಲ್.ಎಲ್.ಎಂ.ಗಳು) ಕುರಿತು ಒಂದು ಪ್ರವಚನ” ಎಂಬ ಶೀರ್ಷಿಕೆಯ ಚಿಂತನಶೀಲ ಮಾಸ್ಟರ್ಕ್ಲಾಸ್ ಅನ್ನು ಒಳಗೊಂಡಿತ್ತು, ಇದು ತಂತ್ರಜ್ಞಾನ ಮತ್ತು ಸಿನೆಮಾದಿಂದ ಪ್ರಸಿದ್ಧ ಧ್ವನಿಗಳನ್ನು ಒಟ್ಟುಗೂಡಿಸಿ ಕೃತಕ ಬುದ್ದಿಮತ್ತೆ(ಎಐ)-ಚಾಲಿತ ಚಲನಚಿತ್ರ ನಿರ್ಮಾಣದ ಅತಿವೇಗವಾಗಿ ವಿಕಸನಗೊಳ್ಳುತ್ತಿರುವ ಪರಿಧಿ ಹಾಗೂ ಚೌಕಟ್ಟನ್ನು ಚರ್ಚಿಸಿತು.

ಈ ಸಮಿತಿಯು ಪ್ರಸಿದ್ಧ ತಂತ್ರಜ್ಞ ಶ್ರೀ ಶಂಕರ್ ರಾಮಕೃಷ್ಣನ್, ಎಐ ತಜ್ಞ ಶ್ರೀ ವಿ. ಮುರಳೀಧರನ್ ಮತ್ತು ಅಂತರರಾಷ್ಟ್ರೀಯವಾಗಿ ಮೆಚ್ಚುಗೆ ಪಡೆದ ಚಲನಚಿತ್ರ ನಿರ್ಮಾಪಕ ಶ್ರೀ ಶೇಖರ್ ಕಪೂರ್ ಅವರನ್ನು ಸಮಿತಿ ಒಳಗೊಂಡಿತ್ತು.

ಶ್ರೀ ರವಿ ಕೊಟ್ಟಾರಕರ ಅವರು ಭಾರತೀಯ ಸಿನೆಮಾಕ್ಕೆ ಶ್ರೀ ಶೇಖರ್ ಕಪೂರ್ ಅವರ ಪ್ರವರ್ತಕ ಕೊಡುಗೆಗಳನ್ನು ಗೌರವಿಸುವುದರೊಂದಿಗೆ ಈ ವಿಶೇಷ ಅಧಿವೇಶನ ಪ್ರಾರಂಭವಾಯಿತು. ಅವರು ಶ್ರೀ ಶೇಖರ್ ಕಪೂರ್ ಅವರ ಕಥೆ ಹೇಳುವಿಕೆ ಮತ್ತು ಚಲನಚಿತ್ರ ನಿರ್ಮಾಣದ ದಾರ್ಶನಿಕ ವಿಧಾನವನ್ನು ಉಲ್ಲೇಖಿಸಿದರು. “ಮಿಸ್ಟರ್ ಇಂಡಿಯಾ” ಚಿತ್ರದ ವಿಶೇಷ ಉಲ್ಲೇಖದೊಂದಿಗೆ, ಇಂದಿಗೂ ಅದರ ತಾಂತ್ರಿಕ ನಾವೀನ್ಯತೆ ಮತ್ತು ಶಾಶ್ವತ ಸಾಂಸ್ಕೃತಿಕ ಪ್ರಭಾವಕ್ಕಾಗಿ ಆಚರಿಸಲಾಗುತ್ತದೆ.

ಕೃತಕ ಬುದ್ದಿಮತ್ತೆ(ಎಐ): ಚಲನಚಿತ್ರ ನಿರ್ಮಾಣದಲ್ಲಿ ಅತ್ಯಂತ ಪ್ರಜಾಪ್ರಭುತ್ವ ಮಾಧ್ಯಮ

ಸಂವಾದವನ್ನು ಪ್ರಾರಂಭಿಸಿದ ಶ್ರೀ ಶೇಖರ್ ಕಪೂರ್, ಕೃತಕ ಬುದ್ಧಿಮತ್ತೆಯ ಉದಯದೊಂದಿಗೆ ಜಗತ್ತು ಆಳವಾದ ಬದಲಾವಣೆಗೆ ಒಳಗಾಗಿದೆ ಎಂದು ಗಮನಿಸಿದರು. ಅವರು ಕೃತಕ ಬುದ್ದಿಮತ್ತೆ(ಎಐ) ಅನ್ನು "ಚಲನಚಿತ್ರ ನಿರ್ಮಾಣಕ್ಕೆ ಅತ್ಯಂತ ಪ್ರಜಾಪ್ರಭುತ್ವ ಮಾಧ್ಯಮ" ಎಂದು ಬಣ್ಣಿಸಿದರು, ಇದು ಉದ್ಯಮದೊಳಗಿನ ಸಾಂಪ್ರದಾಯಿಕ ಅಡೆತಡೆಗಳು ಮತ್ತು ಗೇಟ್ ಕೀಪಿಂಗ್ ಅನ್ನು ಕೆಡವಿದೆ ಎಂದು ಒತ್ತಿ ಹೇಳಿದರು.

ತಮ್ಮ ಆಕರ್ಷಕ ಉಪಾಖ್ಯಾನದಲ್ಲಿ, ತಮ್ಮ ಅಡುಗೆಯವರು ಚಾಟ್ ಜಿಪಿಟಿ ಅನ್ನು ಬಳಸಿಕೊಂಡು ಮಿಸ್ಟರ್ ಇಂಡಿಯಾ 2 ಗಾಗಿ ಸ್ಕ್ರಿಪ್ಟ್ ಅನ್ನು ಹೇಗೆ ರಚಿಸಿದರು ಎಂಬುದನ್ನು ಹಂಚಿಕೊಂಡರು, ಇದು ಸಾಮಾನ್ಯ ವ್ಯಕ್ತಿಗಳಿಗೆ ಕೃತಕ ಬುದ್ದಿಮತ್ತೆ(ಎಐ) ಪರಿಕರಗಳನ್ನು ಹೇಗೆ ಪ್ರವೇಶಿಸಬಹುದು ಮತ್ತು ಸಬಲೀಕರಣಗೊಳಿಸುತ್ತದೆ ಎಂಬುದನ್ನು ಉದಾಹರಣೆ ಸಹಿತ ವಿವರಿಸುತ್ತದೆ.

ಜಾಗತಿಕ ಸಿನಿಮಾವನ್ನು ಮರು ವ್ಯಾಖ್ಯಾನಿಸಲು ಕೃತಕ ಬುದ್ದಿಮತ್ತೆ(ಎಐ) ಸಿದ್ಧವಾಗಿದೆ ಎಂದು ಅವರು ಹೇಳಿದರು, ಅಭೂತಪೂರ್ವ ಸೃಜನಶೀಲ ಸ್ವಾತಂತ್ರ್ಯವನ್ನು ನೀಡುತ್ತದೆ. ವಿಶ್ವದ ಅತಿದೊಡ್ಡ ಯುವ ಜನಸಂಖ್ಯೆಯನ್ನು ಹೊಂದಿರುವ ರಾಷ್ಟ್ರವಾಗಿ ಭಾರತದ ಸ್ಥಾನಮಾನವನ್ನು ಗಮನಿಸಿದ ಅವರು, ಈ ಜನಸಂಖ್ಯಾ ಬಲವು ಚಲನಚಿತ್ರ ತಂತ್ರಜ್ಞಾನಗಳ ಭವಿಷ್ಯದಲ್ಲಿ ಭಾರತದ ನಾಯಕತ್ವವನ್ನು ವೇಗಗೊಳಿಸುತ್ತದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದರು.

ಅಧಿವೇಶನದಲ್ಲಿ, ಶ್ರೀ ಕಪೂರ್ ಅವರು ವಿ.ಎಫ್.ಎಕ್ಸ್. ಮತ್ತು ಕೃತಕ ಬುದ್ದಿಮತ್ತೆ(ಎಐ) ನಡುವಿನ ವ್ಯತ್ಯಾಸವನ್ನು ವಿವರಿಸಿದರು, ವಿ.ಎಫ್.ಎಕ್ಸ್. ದೃಶ್ಯಗಳನ್ನು ಡಿಜಿಟಲ್ ಆಗಿ ರಚಿಸುವುದು ಅಥವಾ ನಿರ್ವಹಿಸುವುದನ್ನು ಒಳಗೊಂಡಿರುತ್ತದೆ ಎಂದು ಸ್ಪಷ್ಟಪಡಿಸಿದರು, ಆದರೆ ಕೃತಕ ಬುದ್ದಿಮತ್ತೆ(ಎಐ) ಚಲನಚಿತ್ರ ನಿರ್ಮಾಣ ಪ್ರಕ್ರಿಯೆಯ ಅಂಶಗಳನ್ನು ಸ್ವಯಂಚಾಲಿತಗೊಳಿಸಲು, ವರ್ಧಿಸಲು ಅಥವಾ ಉತ್ಪಾದಿಸಲು ಯಂತ್ರ-ಕಲಿಕೆಯ ಮಾದರಿಗಳನ್ನು ಬಳಸುತ್ತದೆ.

ಚಲನಚಿತ್ರ ನಿರ್ಮಾಣದಲ್ಲಿ ಕೃತಕ ಬುದ್ದಿಮತ್ತೆ(ಎಐ)ನ ಪ್ರಾಯೋಗಿಕ ಅನ್ವಯಿಕೆಗಳನ್ನು ತಂತ್ರಜ್ಞರು ಪ್ರದರ್ಶಿಸುತ್ತಾರೆ

ತಂತ್ರಜ್ಞರಾದ ಶ್ರೀ ಶಂಕರ್ ರಾಮಕೃಷ್ಣನ್ ಮತ್ತು ಶ್ರೀ ವಿ. ಮುರಳೀಧರನ್ ಅವರು ಚಿತ್ರನಿರ್ಮಾಣಕಾರರಿಗೆ ಸ್ಕ್ರಿಪ್ಟ್, ಸ್ಟೋರಿಬೋರ್ಡಿಂಗ್ ಮತ್ತು ಶಾಟ್ ವಿವರಣೆಗಳನ್ನು ವಿನ್ಯಾಸಗೊಳಿಸುವಲ್ಲಿ ಸಹಾಯ ಮಾಡುವ ಚಾಟ್ ಜಿಪಿಟಿ ಮತ್ತು ಗೂಗಲ್ ಜೆಮಿನಿಯಂತಹ ವ್ಯಾಪಕ ಶ್ರೇಣಿಯ ಕೃತಕ ಬುದ್ದಿಮತ್ತೆ(ಎಐ) ಪರಿಕರಗಳ ಕುರಿತು ವಿವರಿಸಿದರು, ಇದರಲ್ಲಿ ಬೆಳಕು ಮತ್ತು ಕ್ಯಾಮೆರಾ ಅಗತ್ಯತೆಗಳು ಕೂಡಾ ಸೇರಿವೆ.

ರಾಜಾ ರಾವ್ ಬರೆದ ತಮ್ಮ ಕೃತಕ ಬುದ್ದಿಮತ್ತೆ(ಎಐ)-ನೆರವಿನ ಚಲನಚಿತ್ರ "ದಿ ಟರ್ಬನ್ ಅಂಡ್ ದಿ ರಾಕ್" ಅನ್ನು ಈ ಜೋಡಿ ಪ್ರದರ್ಶಿಸಿತು, ಇದು ವಿವಿಧ ಕೃತಕ ಬುದ್ದಿಮತ್ತೆ(ಎಐ)ಪ್ಲಾಟ್ಫಾರ್ಮ್ಗಳು ಮತ್ತು ಮಾದರಿಗಳನ್ನು ಅದರ ರಚನೆಯಲ್ಲಿ ಹೇಗೆ ಸಂಯೋಜಿಸಲಾಗಿದೆ ಎಂಬುದನ್ನು ವಿವರಿಸಿತು.

ಕೃತಕ ಬುದ್ದಿಮತ್ತೆ(ಎಐ)-ನಿರ್ಮಿತ ಚಲನಚಿತ್ರಗಳ ಪ್ರೇಕ್ಷಕರ ಸಂವಹನ ಮತ್ತು ಪ್ರದರ್ಶನ

ಸಂವಾದಾತ್ಮಕ ಪ್ರಶ್ನೋತ್ತರ ಅಧಿವೇಶನದಲ್ಲಿ, ಪ್ಯಾನೆಲಿಸ್ಟ್ ಗಳು ಸಾಕ್ಷ್ಯಚಿತ್ರ ಚಲನಚಿತ್ರ ನಿರ್ಮಾಣ, ಆರ್ಕೈವಲ್ ಪುನಃಸ್ಥಾಪನೆ ಮತ್ತು ಚಲನಚಿತ್ರ ಶಿಕ್ಷಣವನ್ನು ಕೃತಕ ಬುದ್ದಿಮತ್ತೆ(ಎಐ) ಹೇಗೆ ಗಮನಾರ್ಹವಾಗಿ ಬೆಂಬಲಿಸುತ್ತದೆ ಎಂಬುದನ್ನು ಹೈಲೈಟ್ ಮಾಡಿದರು. ಅವರು "ದಿ ಲಾಸ್ಟ್ ಲೆಜೆಂಡ್ಸ್" ಎಂಬ ಶೀರ್ಷಿಕೆಯ ಕೃತಕ ಬುದ್ದಿಮತ್ತೆ(ಎಐ)-ರಚಿತ ಕಿರು ಸಾಕ್ಷ್ಯಚಿತ್ರವನ್ನು ಸಹ ಪ್ರದರ್ಶಿಸಿದರು, ಇದು ಪ್ರೇಕ್ಷಕರಿಗೆ ಉದಯೋನ್ಮುಖ ಸೃಜನಶೀಲ ತಂತ್ರಜ್ಞಾನಗಳ ಸಾಮರ್ಥ್ಯಗಳ ಬಗ್ಗೆ ಒಂದು ನೋಟವನ್ನು ನೀಡುತ್ತದೆ.

ಸಿನೆಮಾದ ಮೂಲದಲ್ಲಿ ಮಾನವ ಭಾವನೆ

ಕೃತಕ ಬುದ್ದಿಮತ್ತೆ(ಎಐ)ನ ತ್ವರಿತ ಪ್ರಗತಿಯ ಹೊರತಾಗಿಯೂ, ಸಿನೆಮಾದ ಸಾರವು ಮಾನವ ಭಾವನೆಯಲ್ಲಿದೆ ಎಂದು ಶ್ರೀ ಶೇಖರ್ ಕಪೂರ್ ಒತ್ತಿ ಹೇಳಿದರು. ಕೃತಕ ಬುದ್ದಿಮತ್ತೆ(ಎಐ) ಪ್ರಕ್ರಿಯೆಗಳಿಗೆ ಸಹಾಯ ಮಾಡಬಹುದಾದರೂ ಮತ್ತು ವೇಗವನ್ನು ನೀಡಬಹುದಾದರೂ, ಪರದೆಯ ಮೇಲೆ ನಿಜವಾದ ಭಾವನೆ ಮತ್ತು ಆಳವನ್ನು ತಿಳಿಸಲು ನಿಜವಾದ ಕಲಾವಿದರು ಅತ್ಯಗತ್ಯ ಎಂದು ಅವರು ಗಮನಿಸಿದರು.

ದಿವಂಗತ ಶ್ರೀ ಧರ್ಮೇಂದ್ರ ಅವರಿಗೆ ಗೌರವ ನಮನ ಸಲ್ಲಿಸಲಾಯಿತು

ಭಾರತೀಯ ಚಿತ್ರರಂಗಕ್ಕೆ ಅವರ ಅಪಾರ ಕೊಡುಗೆಯನ್ನು ನೀಡುವ ಮೂಲಕ ದಂತಕಥೆಯಾದ ನಟ ಶ್ರೀ ಧರ್ಮೇಂದ್ರ ಅವರಿಗೆ ಹೃತ್ಪೂರ್ವಕ ಗೌರವ ನಮನ ಸಲ್ಲಿಸುವ ಮೂಲಕ ಮಾಸ್ಟರ್ಕ್ಲಾಸ್ ಮುಕ್ತಾಯವಾಯಿತು.

ಐ.ಎಫ್.ಎಫ್.ಐ. ಬಗ್ಗೆ

1952ರಲ್ಲಿ ಪ್ರಾರಂಭವಾದ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ.) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಆಚರಣೆಯಾಗಿ ಅತ್ಯಂತ ಗೌರವದಿಂದ ಹೆಮ್ಮೆಯಾಗಿ ನಿಂತಿದೆ. ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ, ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ಭಾರತ ಸರ್ಕಾರ ಮತ್ತು ಗೋವಾ ರಾಜ್ಯ ಸರ್ಕಾರ, ಗೋವಾ ಮನರಂಜನಾ ಸೊಸೈಟಿ  ಜಂಟಿಯಾಗಿ ಆಯೋಜಿಸಿರುವ ಈ ಚಲನಚಿತ್ರ ಉತ್ಸವವು ಜಾಗತಿಕ ಸಿನಿಮೀಯ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್ಗಳು ದಿಟ್ಟ ಪ್ರಯೋಗಗಳನ್ನು ಎದುರಿಸುತ್ತವೆ ಮತ್ತು ಪೌರಾಣಿಕ ಕಲಾವಿದರು ನಿರ್ಭೀತ ಮೊದಲ ಬಾರಿಗೆ ಬರುವವರೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐ.ಎಫ್.ಎಫ್.ಐ. ಅನ್ನು ನಿಜವಾಗಿಯೂ ಹೊಳೆಯುವಂತೆ ಮಾಡುವುದು ಅದರ ಸೃಜನಶೀಲ ಮಿಶ್ರಣ - ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್ಕ್ಲಾಸ್ಗಳು, ಗೌರವಗಳು ಮತ್ತು ಕಲ್ಪನೆಗಳು, ಒಪ್ಪಂದಗಳು ಮತ್ತು ಸಹಯೋಗಗಳು ಹಾರುವ ಉನ್ನತ-ಶಕ್ತಿಯ ವೇವ್ಸ್ ಫಿಲ್ಮ್ ಬಜಾರ್.  ನವೆಂಬರ್ 20 ರಿಂದ 28, 2025 ರವರೆಗೆ ಗೋವಾದ ಬೆರಗುಗೊಳಿಸುವ ಅತ್ಯಾಕರ್ಷಕ ಕರಾವಳಿ ಹಿನ್ನೆಲೆಯಲ್ಲಿ ಪ್ರದರ್ಶಿಸಲಾಗುವ 56ನೇ ಆವೃತ್ತಿಯು ಭಾಷೆಗಳು, ಪ್ರಕಾರಗಳು, ನಾವೀನ್ಯತೆಗಳು ಮತ್ತು ಧ್ವನಿಗಳ ಅದ್ಭುತ ವರ್ಣಪಟಲವನ್ನು ಭರವಸೆ ನೀಡುತ್ತದೆ - ಇದು ವಿಶ್ವ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ತಲ್ಲೀನಗೊಳಿಸುವ ವಿಶೇಷ ಆಚರಣೆಯಾಗಿದೆ.

ಹೆಚ್ಚಿನ ಮಾಹಿತಿಗಾಗಿ, ಕ್ಲಿಕ್ ಮಾಡಿ:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

*****