#IFFIWood, নবেম্বর 24, 2025

ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) গী মঙানিশুবা নুমিত্তা, গোৱাগী কালা একাদেমিদা 'দাস্তান-ই-গুরু দত্ত' হায়না মিংথোনবা অখন্নবা ম্যুজিকেল রেত্রোস্পেক্তিব অমা উৎখি। ফৌজিয়া অমসুং মহাক্কী তীমনা পাঙথোকখিবা থৌরম অসিনা ভাবোকশিংদা শক্নাইরবা ফিল্ম মেকর গুরু দত্তকী পুন্সি অমসুং ক্রিএতিব লেগেসীগী মতাংদা ময়েক শেংনা তাকখি।

সেসন অসি শক্নাইরবা ফিল্ম মেকর অমসুং ভিতেরন দিরেক্তর রাহুল রৱাইলনা হৌদোকখি। মহাক্না গুরু দত্তনা ভারতকী সিনেমাদা শরুক তমখিবা অদুগী মতাংদা মহাক্কী ৱাখল্লোনশিং ফোংদোকখি। মসিগী মতুংদা, ফৌজিয়ানা ভাবোকশিংদা নুংঙাইনা ৱারী শাবগী থৌরম অমা উৎখি। মসিগী মতুংদা লোয়ননা শৈশকপী লতিকা জৈন, তবলাদা সুদীপ, হারমোনিয়মদা ঋশব অমসুং গিতারদা অঙ্কিতসু শরুক য়াখি। প্রদক্সন অসি বিকাশ জালাননা লুচিংখি অমসুং আশা বাত্রানা রিসর্চ সপোর্ত পীখি।

গুরু দত্তকী হৌরকপগী পুন্সি লিখুন

ফৌজিয়ানা গুরু দত্তকী অঙাং ওইরিঙৈগী মতমগী ৱারী অসি কলকতাদগী হৌখি। মহাক্না মহাক্কী মমাগী ইমুংদগী ফংলকপা ইথিল অমসুং লমজিং-লমতাক অদু মহাক্না পনখি। মহাক্না অলমোরাদা লৈবা উদয় শঙ্কর কলচরেল সেন্তরদা মহাক্কী হৌগৎলকপা চহিশিং অদু নীংশিংখি, মসিদা মহাক্না চহি 16 শুরকপদা য়াওখি। মহাক্না মফম অসিদা লৈরকখিবা মতম অসিনা মহাক্কী আর্তিস্তিক ওইবা হৈশিংবা অমসুং পর্ফোমেন্স আর্তশিংগীদমক্তা মহাক্কী নুংশিবা অদু শেমগৎপদা মরুওইবা থৌদাং অমা লৌখি।

দেব অনন্দগা লৈনবা মরী

পুনেগী প্রভাত স্তুদিওদা মখোয় অনিগী অঙনবা মতমদগী হৌরকখিবা গুরু দত্ত অমসুং দেব অনন্দগী মরুপ-মপাং ওইবগী মরী অদুসু রিত্রোস্পেক্তিব অসিদা উবা ফংখি। আর্তিস্ত অনি অসি অচেৎপা মরী অমা শেমখি অমসুং মখোয়না পুথোকপা হৌরকপা মতমদা পুন্না থবক তৌমিন্ননবা অচেৎপা ৱাফম থমখি। মসিগী ম্যুচেল ওইবা ৱাশক অসিনা ভারতকী সিনেমাগী খ্বাইদগী মশক থোকপা ক্রিএতিব পার্তনরশিপ অমগী হৌরকফম ওইখি।

মুম্বাইদা লাকখিবগী খোঙচৎ অমসুং ফিল্মমেকর অমা ওইনা ফাওরকপা

ফৌজিয়ানা গুরু দত্তনা মুম্বাইদা লাকখিবা, দেব অনন্দনা নভকেতন ফিল্ম কম্পনী লিংখৎখিবা অদু শন্দোক্না তাকখি। মহাক্কী ৱাশক অদু মপুং ফাহনদুনা, দেব অনন্দনা গুরু দত্তপু কম্পেনীগী অহানবা ফিল্ম “বাজি” দিরেক্সন পীনবা কৌখি, মসিনা গুরু দত্তকী শক্নাইরবা কেরিয়র হৌরকখি। মসি ফিল্ম অসিগী মনুংদা গুরু দত্তনা এক্তর বদরুদ্দিন জামালুদ্দিন কাজীবু মহাক্কী মমিং চৎলবা স্ক্রীন নেম, জোনী ৱালকর পীখি।

বাজিগী মায় পাক্লবা মতুংদা, গুরু দত্তনা মালেমগী সিনেমাদা মশক নাইবা ওইদুনা লৈরিবা আইকোনিক "পয়াসা" য়াওনা মমল নাইদ্রবা ক্লাসিকেল কয়া পুথোকখি।

লনাইগী পুন্সিগী মতাংদা

ৱারীদা গুরু দত্তকী মশাগী পুন্সিগী মতাংদসু পনখি। মসিনা ফিল্ম মেকর অদুনা ‘কাগাজ কে ফুল’না কম্মর্সিএল ওইনা মায় পাকখিদবগী মতুংদা থেংনখিবা ইমোসনেলগী লান্থেংবু অমুক্কা হন্না উৎখি, মসিনা মহাক্কী অরোইবা চহিশিংদা দিপ্রেসন অমসুং আইসোলেসনগী মতম অমা ওইহনখি।

ভাবোকনা পাম্নবা

ম্যুজিকেল রেত্রোস্পেক্তিব অসিদা ভাবোকনা পাম্না উৎখি। লতিকা জৈনগী ফজরবা ইন্তরল্যুদশিংনা পর্ফোমেন্স অদুদা মগুন হাপখি অমসুং স্তোরী তেল্লিংগী এক্সপরিয়েন্স অদু মপাঙ্গল কনখৎহনখি।

থৌরম অদুগী অরোইবদা, প্রদ্যুসর রবি কোত্তারাকারানা ভারতকী খ্বাইদগী শক্নাইরবা ফিল্মমেকরশিংগী মরক্তগী অমা ওইরিবা দাস্তান-ই-গুরু দত্তকী লিগেসি অসি ঙাক-শেন্দুনা থম্নবা অমসুং উৎপদা মখোয়গী থৌদাং অদুগীদমক দাস্তান-ই-গুরু দত্তকী তীম পুম্নমকপু থাগৎপা ফোংদোকখি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অসি খা এসিয়াগী খ্বাইদগী লিরবা অমসুং খ্বাইদগী চাউবা সিনেমাগী কুমহৈ অমা ওইরি। ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী নেস্নেল ফিল্ম দিবেলপমেন্ত কোরপোরেসন (NFDC) অমসুং গোৱাগী এন্তর্তেনমেন্ত সোসাইতী (ESG), গোৱাগী রাজ্য সরকারনা পুন্না শীন-লাংদুনা পাংথোক্লিবা ফেস্তিবেল অসি মালেমগী সিনেমাগী পাৱরহাউস অমা ওইরক্লি। মসিদা নৌনা শেমজিন-শাজিন তৌরবা ক্লাসিকেল ফিল্মশিংগা থৌনা ফরবা এক্সপরিমেন্তশিংগা পুনশিন্নরি। IFFIবু অশেংবা মঙাল ওইহল্লিবা অসি মসিগী ইলেক্ত্রিক মিক্স- ইন্তর্নেস্নেল কম্পিতিতিবশিং, কলচরেল শোকেসশিং, মাস্তর ক্লাসশিং, ত্রিব্যুতশিং, অমসুং হাই-এনর্জী ৱেভস ফিল্ম বাজার, মফম অসিদা ৱাখল্লোনশিং, য়ানচেশিং অমসুং কোলাবোরেসনশিংনা পীনরি। নবেম্বর 20দগী 28 ফাওবা গোৱাগী নীংথিরবা শমুদ্র খোঙবালগী বেকদ্রোফতা পাংথোক্কদবা 56শুবা ইদিসন অসিনা লোল, জোনরা, ইন্নোবেসন, অমসুং ভোইসশিংগী অঙকপা স্পেক্ত্রম অমা অমসুং মালেমগী থাক্তা ভারতকী ক্রিএতিব ব্রিলিয়ান্সকী ইম্মির্সিব সেলেব্রেসন অমা পাংথোক্কনি।

অহেনবা ই-পাউগীদমক্তা, মসিদা ক্লিক তৌবীয়ু:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI ৱেবসাইৎ: https://www.iffigoa.org/

PIBগী IFFI মাইক্রোসাইৎ: https://www.pib.gov.in/iffi/56/

PIB IFFIWood ব্রোদকাস্ত চেনেল: https://whatsapp.com/channel/0029VaEiBaML2AU6gnzWOm3F

X হেন্দলশিং: @IFFIGoa, @PIB_India, @PIB_Panaji

* * *