#IFFIWood, 24 नोव्‍हेंबर 2025

भारतीय आंतरराष्ट्रीय चित्रपट महोत्सवाच्या पांचव्या दिसा गोंयच्या कला अकादमींत ‘दास्तान-ए-गुरुदत्त’ नांवाचो खाशेलो संगीतमय रेट्रोस्पेक्टिव सादर जालो. फौजिया आनी तिच्या पंगडान सादर केल्ल्या ह्या कार्यावळींत प्रेक्षकांक दिग्गज फिल्म निर्मातो गुरू दत्त हांच्या जीणेचेर आनी सृजनशील वारशाचेर एक लक्षवेधी कथन आयकुपाक मेळ्ळें.

नामनेचे चित्रपट निर्माते आणि ज्येष्ठ दिग्दर्शक राहुल रवैल हांणी ह्या सत्राची सुरवात केली आनी तांणी भारतीय सिनेमांत गुरू दत्ताच्या योगदाना विशीं आपले विचार उक्तायले. ताचे उपरांत फौजियान, गायिका लतिका जैन, तबल्याचेर- सुदीप, हार्मोनियमाचेर ऋषभ  आनी गिटाराचेर अंकित हांच्या साथीन प्रेक्षकांक मनभुलोवपी कथनांतल्यान आस्पावन घेतले. आशा बत्रा हाच्या संशोधन आदारान ह्या निर्मितीचें फुडारपण विकास जालान हांणी केलें.

गुरू दत्त हांच्या सुरवातीच्या जीणेविशीं 

गुरू दत्त हांच्या कोलकातातल्या भुरगेपणांतल्या कथनान  फौजियान सुरवात केली जांतूत तांणी दत्त हांका तांच्या आवयच्या कुटुंबांतल्यान मेळिल्ल्या सृजनशील प्रभावांचेर आनी मार्गदर्शनाचेर तांणी भर दिलो.  अल्मोड़ा हांगाच्या उदय शंकर सांस्कृतीक केंद्रांत ताणें तांचे सुर्वेचे व्यतीत केल्ले दिस, जंय ते पिरायेच्या 16 व्या वर्सा सामील जाल्ले .थंयच्या काळांत तांची कला क्षमतां आनी परफॉर्मिंग आर्ट्सावेलो  मोग घडोवपाक म्हत्वाचो वांटो आशिल्लो.

देव आनंदा हांचेकडेन आशिल्ले नाते 

पुण्यांतल्या प्रभात स्टुडिओ हांगाच्या सुरवातीच्या काळांत गुरू दत्ताची देव आनंद हांचे कडेन सुरू जाल्ली  मोलाची  इश्टागतय ह्या पूर्वावलोकनांत उजवाडाक आयली. दोगांय कलाकारांमदी खोलायेन नातें तयार जाले आनी निमाणें दोगांनीय  निर्मिती क्षेत्रात परस्पर सहकार्याचें उतर दिलें. ह्या परस्पर वचनाक लागून भारतीय सिनेमाच्या एका प्रतिकात्मक सृजनशील भागीदारीची सुरवात जाली.

मुंबयचो प्रवास आनी फिल्म निर्मातो म्हणून उदयाक येवप 

फौजियान गुरू दत्ताचें मुंबय येवपा विशीचे  कथन केलें जंय देव आनंदान नवकेतन फिल्म कंपनीची थापणूक केली. आपलें उतर पुराय करून देव आनंदान गुरू दत्ताक कंपनीच्या पयल्या “बाझी” ह्या फिल्माचें दिग्दर्शन करपाक आपयले , जाका लागून गुरू दत्ताच्या यशस्वी कारकिर्दीची सुरवात जाली. ह्याच सिनेमा वेळार गुरू दत्तान अभिनेतो बद्रुद्दीन जमालुद्दीन काझीक, फामाद  'जॉनी वॉकर' हें  स्क्रीन नेम दिलें.

बाजीच्या यशा उपरांत गुरू दत्तान फुडें वचून कालबाह्य अभिजात क्लासिक्सची निर्मिती केलीं, जांतूंत फामाद चित्रपट “प्यासा” हाचोय आस्पाव आसा, जे संवसारीक सिनेमांतलें एक मुखेल लैंडमार्क थारला.

वैयक्तीक जिणेची झलक

ह्या कथनांत गुरू दत्ताच्या वैयक्तीक जिविताचेरूय उलोवप जाले. तातूंत कागज के फूल ह्या सिनेमाच्या वेवसायीक अपेसा उपरांत फिल्म निर्मात्याच्या भावनिक संघर्शाचेरय विचार जाले, जाका लागून ताच्या निमाण्या दिसांनी उदासीनताय आनी एकसुरेपणाचो काळ आयलो.

प्रेक्षकांचो उत्स्फूर्त प्रतिसाद

संगीत रेट्रोस्पेक्टिवाक प्रेक्षकांचो उमेदीचो प्रतिसाद मेळ्ळो. लतिका जैन हांच्या भावपूर्ण कलेन  सादरीकरणांत खोलाय हाडली आनी कथाकथनाचो अणभव समृध्द केलो.

ह्या कार्यावळीच्या निमाणे निर्मातो रवि कोट्टारकरान भारतांतल्या नामनेच्या चित्रपट निर्मात्यामदलो एकाचो दायज सांबाळपाक आनी सादर करपाक ‘दास्तान-ए-गुरुदत्त’ च्या पुराय पंगडान दिल्ल्या योगदानाखातीर तांचो भोवमान केलो.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

https://www.pib.gov.in/PressReleasePage.aspx?PRID=2191742

https://www.pib.gov.in/PressReleasePage.aspx?PRID=2190381

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56