#IFFIWood, 25 नोव्‍हेंबर 2025

थ्रू द लेन्स: क्राफ्टिंग इमोशन इन एव्हरी फ्रेम हें एक लागीचे परस्पर संवादात्मक सत्र म्हणून सुरु जालें आनी तातूंतल्यान सिनेमाटोग्राफर रवी वर्मन आनी मॉडरेटर फिल्म निर्मातो संजीव सिवन हांच्या उपस्थितीत कुडीत जिज्ञासा हाडली. जें मुखार येयले तें फकत टेक्नीकाचो धडो न्हय, तर वर्मनाच्या विज़ुअल जगाक आकार दिवपी वृत्ती, यादी आनी शांत झुजांचो प्रवास आशिल्लो . पुराय प्रामाणीकपणान उलयतना ताणें आपल्या सुरवातीच्या संघर्शां सावन आतां ताच्या फ्रेमांची व्याख्या करपी कलात्मकतेच्या मार्गाचे वर्णन केले, आनी  सांगले  की दरेक प्रतिमे फाटल्यान एक कसब आनी जिवीत दोनूय आसता.

अस्मितायेंत रुजल्ल्या एका आशयातल्यान रवी वर्मानान सत्राक सुरवात केली. ताणें आपलें लांब नांव ल्हान करून फकत “वर्मन” हें नांव  किद्याक निवडलें, हे विशी उलयताना तांणी सांगले की हें नांव तो 'झुजारी' ह्या अर्थाकडे जोडटा. व्हड जातकच लोक ताका एका व्हडल्या चित्रकाराचे नांव आपणायला म्हण खूबदां चिडयताले , पूण वर्सां उपरांत एका भुरग्यान ताका सांगलें की ताची एक फ्रेम रवी वर्माच्या चित्रा सारकी दिसता, हे एक अनपेक्षीत प्रमाणीकरण आयज मेरेन ताचे कडेन उरल्या. टिका जाल्ल्याचे आपल्याक दुःख जावंक ना उलट आपलो अदिक बरेतरेन निर्मित करपाचो संकल्प घटमूट जालो अशे ताणें सांगलें. 

ताची सुरवात कश्टांनी भरिल्ली. सातवेंत शिक्षण सोडून गेल्लो तो अनिश्चिततायेन चेन्नय पावलो. ताणें आपलो पयलो कॅमेरो ₹130 च्या मोलान घेतलो, कलात्मक महत्वाकांक्षेक लागून न्हय, पूण फकत जियेवपा खातीर. परिस्थितीच्या आकारान छायाचित्रणाचें सपन ल्हव ल्हव वाडत गेलें. अमेरिकन सोसायटी ऑफ सिनेमाटोग्राफर्सांत सामील जावपाची ताची आकांक्षा निर्माण जाली आनी कला क्षेत्रात प्रगती करत आसताना तांणी सैमीक रितीन आकार घेतलो. २०२२ वर्सा  ताणें तें साध्य केलें, एक म्हत्वाचो पांवडो आशिल्लो, जातूंत ताच्या कामात स्थिर यत्न, शिस्त आनी वचनबद्धताय दिसून आयली.

सिनेमांतलो ताचो मार्ग खंयच्याय स्क्रिप्टेड काणी बशीन नाशिल्लो. चेन्नय पावलो तेन्ना फिल्म निर्मिती हें सपन न्हय, जिवीत उरप हे मतींत आशिल्लें. तो चड करून रेल्वे स्टेशनां लागसार न्हिदतालो आनी ताच्या भोंवतणच्या जगाच्या  प्रशिक्षणापरस निरिक्षण करप चड गरजेचे आशिल्ले. शाळेंत वचपाक लांब वाट, फांतोडेर यो वच करपी  गाडयांचो प्रकाश, ताणें आपल्या दिसपट्ट्या वेव्हारांतल्यान काम करताना पळयल्ले लोक, हे सगळे ताच्या दृश्य संवेदनशीलतेचीं पयलींच बियां जालीं. टॉलस्टॉय हाच्या ‘वॉर अँड पीस’न ताचे कल्पनाशक्तीक चालना दिली आनी पोन्नीयिन सेल्वानांत झुजाचो सीन करपाखातीर प्रेरणा मेळ्ळी . मदुराईच्या होळीच्या रंगांनी रामलीलांतल्या होळीच्या सीनाक आकार दिलो. ताका आवडटालो तो सकाळचो सौम्य उजवाड, बर्फींतले सीनाखातीर प्रेरक थारलो.

रवी वर्मान उजवाडाक साधन म्हणून न्हय तर भावनीक होकायंत्र अशे सांगले. खंयचोच उजवाड वायट ना, “ते विशी फकत मन थारायता. अशें तांणी सांगलें. ” ताचे खातीर प्रकाशांतली सुसंगती नियंत्रणांतल्यान न्हय तर ताचें भितरलें तापमान उक्तें जायसर लिपी वाचून जल्माक येता. सावळी म्हळ्यार अभाव न्हय तर मनोवृत्ती अशें ताणें स्पश्ट केलें; ताचे अर्दे  फ्रेम तांतूंनुच आसा अशेंय तांणी म्हळें. टेक्निकल चॉइस तांच्या विचारान आपशींच येता,  चड विचार करचे परस मन ताका  आकार दिता.

ताणें सहकार्याक संघर्श न्हय तर प्रामाणीकपणाची सुवात म्हूण सांगले, दिग्दर्शक आनी कला विभागां कडेनचो तांचो संवाद फ्रेमाची अखंडताय राखपाचेर केंद्रीत आसात अशें स्पश्ट केलें. हे प्रक्रियेंत खंयचेय तणाव निर्माण जाल्यार प्रतिमेचेर केन्नाच छाप सोडूंक फावना अशें तांणी सांगलें. “हांव एक दीस वतलों, पूण म्हजीं फ्रेम्स उरतलीं” अशें ताणें मत उक्तायले. 

प्रकाश, ताचे खातीर, एक अंतर्ज्ञानी संवाद. ताच्या प्रामाणीकपणाचेर आनी अनिश्चीततायेचेर विस्वास दवरून तो खुपशे फावट पयलीं सैमीक उजवाडा कडेन ते कशे वळटा आनी व्हडल्या निर्मितींत लेगीत हेर कितेंय पळोवचें पयलीं सुर्य, सकाळ वा सादी जनेलां,  जें दिता ताचेर काम करपाक ते  कशी पसंती दिता हाचेर ते उलयलें. तो दिसाचो उजवाड वापरूं, मेणवातीचो उजवाड वापरूं वा काळजीपूर्वक परतून तयार केल्ली फांतोड वापरूं, दरेक निवड तंत्रीक प्रदर्शना परस उद्देशान मार्गदर्शन करता. AI विशयाचेर ताची स्पश्टताय दृढ आशिल्ली: मनशाचें मन साधनाक मार्गदर्शन करता, उरफाटें न्हय. AI आदार प्रणाली तयार करपाक शकता, पूण सृजनशीलतेचेर राज्य करपाक शकना अशें तांणी सांगलें. विचार आनी वृत्ती पयली येता आनी दर एका व्हिज्युअलाक निमाणें सिनेमाटोग्राफराची स्वताची कल्पनाशक्त आनी पळोवपाचे पद्दतीन आकार मेळटा.

ताणें बायलां विशीं उलयतना, खास करून ताचे आवय विशीं उलयतना हें सत्र भावनीक शिखरार पावयलें, जांचे साधेपण आनी तांक तो पडद्याचेर बायलांक कशें चित्रीत करता हाचें मार्गदर्शन करता. ताणें आपल्या आवय आनी बायलेक दोगांकय आपल्या प्रवासाक आधार दिल्ल्याबद्दल श्रेय दिवन दरेक प्रतिमे फाटल्यान मोगान आनी सहनशक्तीन आकार दिल्लें जिवीत आसा हाची याद प्रेक्षकांक करून  दिली. सत्र सोंपता म्हणसर संवाद जावचे परस कला हिम्मत, याद आनी कठीण उजवाडांत लेगीत सोबीतकाय पळोवपाच्या धैर्यातल्यान कशी वाडटा हाचेर चिंतन जालें.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56