ಇಂದು ಐ.ಎಫ್‌.ಫ್‌.ಐ ನಲ್ಲಿ ನಡೆದ ಉತ್ಸಾಹಭರಿತ ಪತ್ರಿಕಾಗೋಷ್ಠಿಯಲ್ಲಿ, ಮುಂಬೈನ ಹೃದಯಭಾಗದಲ್ಲಿ ನಡೆಯುವ ಕೋಮಲ, ಟ್ರಾನ್ಸ್‌ಜೆಂಡ್ ಪ್ರೇಮಕಥೆಯಾದ 'ಲಾಲಾ & ಪಾಪ್ಪಿ' ಚಿತ್ರದ ತಂಡವು ಚಿತ್ರದ ಪ್ರಯಾಣ, ಅದರ ಸಾಮಾಜಿಕ ಅನುರಣನ ಮತ್ತು ಪ್ರಾಮಾಣಿಕ ಪ್ರಾತಿನಿಧ್ಯಕ್ಕೆ ಅದರ ಬದ್ಧತೆಯ ಬಗ್ಗೆ ಮಾತನಾಡಿದರು. ನಿರ್ದೇಶಕ ಕೈಜಾದ್ ಗುಸ್ತಾದ್, ನಿರ್ಮಾಪಕ ಬಾಬಿ ಬೇಡಿ ಮತ್ತು ನಟರಾದ ವೀರ್ ಸಿಂಗ್ ಮತ್ತು ಸುರುಜ್ ರಾಜಖೋವಾ ಅವರು ಲೇಬಲ್‌ ಗಳ ಬದಲು ಪ್ರೀತಿಯನ್ನು, ಇಬ್ಬಗೆಯ ಬದಲು ಮಾನವೀಯತೆಯನ್ನು ಮತ್ತು ಭವ್ಯತೆಯ ಬದಲು ವಾಸ್ತವವನ್ನು ಕೇಂದ್ರೀಕರಿಸಿದ ಚಿತ್ರದ ಬಗ್ಗೆ ಚರ್ಚಿಸಿದರು.

ಪ್ರಾಮಾಣಿಕ ಕಥೆಯನ್ನು ಹೇಳುವುದು: ಮೊದಲು ಮನುಷ್ಯರು, ನಂತರ ಲಿಂಗ

ದಶಕಗಳ ಕಾಲ ದೊಡ್ಡ ಸಿನಿಮಾಗಳನ್ನು ನಿರ್ಮಿಸಿದ ನಂತರ ಈ ಯೋಜನೆಯನ್ನು ಏಕೆ ಆರಿಸಿಕೊಳ್ಳಲಾಯಿತು ಎಂಬುದರ ಕುರಿತು ಮಾತನಾಡಿದ ನಿರ್ಮಾಪಕ ಬಾಬಿ ಬೇಡಿ ಆರಂಭಿಕ ಹಂತದಲ್ಲಿಯೇ ತಮ್ಮ ಧಾಟಿಯನ್ನು ಸ್ಥಾಪಿಸಿದರು. "ಪ್ರತಿಯೊಂದು ದೊಡ್ಡ ಸಿನಿಮಾವೂ ದೊಡ್ಡದಾಗುವುದು ಪ್ರೇಕ್ಷಕರಿಗೆ ಇಷ್ಟವಾಗುವುದರಿಂದ" ಎಂದು ಅವರು ಹೇಳಿದರು, "ಲಾಲಾ & ಪಾಪ್ಪಿ" ಅದೇ ದಿಕ್ಕಿನಲ್ಲಿ ಸಾಗುತ್ತಿದೆ, ಪ್ರಾಮಾಣಿಕತೆ ಮತ್ತು ಸಂಪರ್ಕವನ್ನು ಅದರ ಮೂಲದಲ್ಲಿ ಹೊಂದಿದೆ ಎಂದು ಒತ್ತಿ ಹೇಳಿದರು. ಕಳೆದ ವರ್ಷ ಗೋವಾದಲ್ಲಿ ನಡೆದ ಐ.ಎಫ್‌.ಫ್‌.ಐ ನಲ್ಲಿ ಈ ಚಿತ್ರವು ಅಂತಿಮ ಹಂತಕ್ಕೆ ತಲುಪಿತ್ತು ಎಂದು ನೆನಪಿಸಿಕೊಳ್ಳುತ್ತಾ, ಭಾರತದ ಬದಲಾಗುತ್ತಿರುವ  ಸಾಮಾಜಿಕ ವಾತಾವರಣವನ್ನು ಅವರು ಗಮನಿಸಿದರು: ಕಾನೂನು ಈಗ ಟ್ರಾನ್ಸ್‌ಜೆಂಡರ್ ಗುರುತುಗಳನ್ನು ಗುರುತಿಸುತ್ತದೆಯಾದರೂ, ಸಾಮಾನ್ಯ ಸಾಮಾಜಿಕ ಸ್ವೀಕಾರ ಇನ್ನೂ ಕಡಿಮೆ ಇದೆ ಎಂದರು. "ಮನುಷ್ಯರು ಮೊದಲು, ಲಿಂಗವು ನಂತರ ಬರುತ್ತದೆ." ಎಂಬ ಸರಳ ನಂಬಿಕೆಯೊಂದಿಗೆ ಚಿತ್ರ ಪ್ರಾರಂಭವಾಗುತ್ತದೆ. ಪ್ರತಿಯೊಬ್ಬ ಮನುಷ್ಯನಿಗೂ ಸ್ವತಂತ್ರವಾಗಿರಲು, ಪ್ರೀತಿಸಲು ಮತ್ತು ಭಯವಿಲ್ಲದೆ ಬದುಕಲು ಹಕ್ಕಿದೆ ಎಂದು ಅವರು ಒತ್ತಿ ಹೇಳಿದರು.

ನಿರ್ದೇಶಕ ಕೈಜಾದ್ ಗುಸ್ತಾದ್ ಈ ಭಾವನೆಯನ್ನು ಬೆಂಬಲಿಸುತ್ತಾ, ಜಗತ್ತಿನೊಂದಿಗೆ ಮಾತನಾಡುವ ಪ್ರಾಮಾಣಿಕ ಚಿತ್ರವನ್ನು ಮಾಡಲು ನಿರ್ಧರಿಸಿದೆ ಎಂದು ಹೇಳಿದರು. "ವಿಲಕ್ಷಣ ಪ್ರೇಮಕಥೆ" ಮಾಡುವ ಬದಲು, ಇಬ್ಬರು ಟ್ರಾನ್ಸ್ಜೆಂಡರ್ ನಾಯಕರ ನಡುವೆ ಅರಳುವ ಪ್ರಣಯದ ಬಗ್ಗೆ ಕಥೆಯನ್ನು ಹೇಳಲು ತಾನು ಬಯಸಿದೆ. ಆರಂಭದಲ್ಲಿ ಬಹಳ ಕಡಿಮೆ ತಿಳಿದಿರುವ ಪ್ರಪಂಚದ ಬಗ್ಗೆ ಬರೆಯುತ್ತಿದ್ದರಿಂದ, ವರ್ಷಗಳ ಸಂಶೋಧನೆ, ವಿಲಕ್ಷಣ ಸಮುದಾಯದೊಂದಿಗೆ ನಿಕಟ ಸಂಪರ್ಕ ಮತ್ತು ವಿವರಗಳನ್ನು ಸರಿಯಾಗಿ ಪಡೆಯುವ ಬದ್ಧತೆಯ ಅಗತ್ಯವಿರುವ ಶಿಸ್ತುಬದ್ಧ ಬರವಣಿಗೆ ಅಗತ್ಯವಾಗಿತ್ತು ಎಂದು ಅವರು ಮುಕ್ತವಾಗಿ ಮಾತನಾಡಿದರು.

ವೀರ್ ಮತ್ತು ಸುರುಜ್ ತಮ್ಮ ಪ್ರಯಾಣವನ್ನು ವೇದಿಕೆಗೆ ತಂದರು

ಟ್ರಾನ್ಸ್‌ಜೆಂಡರ್ ಪಾತ್ರಗಳ ನಟರಾದ ವೀರ್ ಸಿಂಗ್ ಮತ್ತು ಸುರುಜ್ ರಾಜಖೋವಾ ಸಂವಾದವನ್ನು ಆತ್ಮೀಯ, ವೈಯಕ್ತಿಕಗೊಳಿಸಿದರು. ಪರದೆಯ ಮೇಲೆ ತನ್ನಂತಹ ಜನರ ಕೊರತೆ ಮತ್ತು ಇಂದು ಆ ಜನರ ಪ್ರತಿನಿಧಿಯಾಗಬೇಕೆಂಬ ತಮ್ಮ ಬಯಕೆಯ ಬಗ್ಗೆ ವೀರ್ ಮಾತನಾಡಿದರು. "ನನ್ನಂತಹ ಜನರು ನನ್ನನ್ನು ಪರದೆಯ ಮೇಲೆ ನೋಡಿ 'ಈ ವ್ಯಕ್ತಿಗೆ ಸಾಧ್ಯವಾದರೆ, ನನಗೂ ಸಾಧ್ಯ' ಎಂದು ಯೋಚಿಸಬೇಕೆಂದು ನಾನು ಬಯಸುತ್ತೇನೆ" ಎಂದು ವೀರ್ ಹೇಳಿದರು. ಭಾರತೀಯ ಚಿತ್ರರಂಗದಲ್ಲಿ ವಿಲಕ್ಷಣ ಪಾತ್ರಗಳನ್ನು ಬಹಳ ಹಿಂದಿನಿಂದಲೂ ಚಿತ್ರಿಸಲಾಗಿದೆಯಾದರೂ, ಅವುಗಳನ್ನು ಹೆಚ್ಚಾಗಿ ವ್ಯಂಗ್ಯ ಅಥವಾ ಹಾಸ್ಯ ಪಾತ್ರಗಳಾಗಿ ಚಿತ್ರಿಸಲಾಗಿದೆ ಎಂದು ಸುರುಜ್ ಹೇಳಿದರು. "ಲಾಲಾ & ಪಾಪ್ಪಿ" ಚಿತ್ರವು ಮೊದಲ ಬಾರಿಗೆ ಪರದೆಯ ಮೇಲೆ ಮನುಷ್ಯನಾಗುವ ಅವಕಾಶವನ್ನು ನೀಡುತ್ತದೆ ಎಂದು ಸುರುಜ್ ಹೇಳಿದರು. "ಇದು ಸ್ವತಃ ಒಂದು ದೊಡ್ಡ ಬದಲಾವಣೆಯಂತೆ ಭಾಸವಾಗುತ್ತದೆ" ಎಂದು ಅವರು ಹೇಳಿದರು.

ಕಥೆಯನ್ನು ಮುಖ್ಯವಾಹಿನಿಗೆ ಕೊಂಡೊಯ್ಯುವುದು

ಈ ಚಿತ್ರವು ಎಲ್ಲರಂತಿಲ್ಲದ (ವಿಲಕ್ಷಣ) ಪ್ರೇಕ್ಷಕರನ್ನು ಗುರಿಯಾಗಿರಿಸಿಕೊಂಡಿದೆಯೇ ಅಥವಾ ಮುಖ್ಯವಾಹಿನಿಯ ಪ್ರೇಕ್ಷಕರನ್ನು ಗುರಿಯಾಗಿರಿಸಿಕೊಂಡಿದೆಯೇ ಎಂದು ಕೇಳಿದಾಗ, "ಇದು ಜನರಿಗಾಗಿ ಮಾಡಿರುವ ಚಿತ್ರ, ಉತ್ಸವಗಳಿಗಾಗಿ ಅಲ್ಲ" ಎಂದು ಬಾಬಿ ಬೇಡಿ ಸ್ಪಷ್ಟವಾಗಿ ಹೇಳಿದರು. ಮೂಲಭೂತವಾಗಿ ಚಿತ್ರವು ಸಾರ್ವಜನಿಕರಿಗೆ ಸೇರಿರುವುದರಿಂದ, ಚಿತ್ರವನ್ನು ಮುಖ್ಯವಾಹಿನಿಯ ಉತ್ಸವಗಳು, ಚಿತ್ರಮಂದಿರಗಳು ಮತ್ತು ಒಟಿಟಿ ಪ್ಲಾಟ್‌ಫಾರ್ಮ್‌ ಗಳಿಗೆ ಕೊಂಡೊಯ್ಯುವ ಬಗ್ಗೆ ಅವರು. ಮಾತನಾಡಿದರು.

'ಲಾಲಾ & ಪಾಪ್ಪಿ' ಒಂದು "ಸಂದೇಶದ ಚಿತ್ರ" ಅಲ್ಲ ಎಂದು ಕೈಜಾದ್ ಪುನರುಚ್ಚರಿಸಿದರು. ಚಿತ್ರದ ಭಾವನಾತ್ಮಕ ಸತ್ಯವು ಸ್ವತಃ ಮಾತನಾಡುತ್ತದೆ ಎಂದು ಅವರು ಆಶಿಸಿದರು. "ಒಂದು ಕಥೆ ತನ್ನ ಪ್ರೇಕ್ಷಕರನ್ನು ತೊಡಗಿಸಿಕೊಳ್ಳಬೇಕು. ಪ್ರೀತಿ ಲಿಂಗವನ್ನು ಮೀರುತ್ತದೆ ಮತ್ತು ಆ ಸಂದೇಶವನ್ನು ಕೂಗಿ ಹೇಳಬೇಕಾಗಿಲ್ಲ; ಅದನ್ನು ಅನುಭವಿಸಬೇಕು" ಎಂದು ಅವರು ಹೇಳಿದರು.

ಇಬ್ಬರೂ ನಟರಿಗೆ, ಈ ಚಿತ್ರವು ಗೋಚರತೆ, ಘನತೆ ಮತ್ತು ಟ್ರಾನ್ಸ್ ಜನರನ್ನು ಮನುಷ್ಯರಂತೆ ಸರಳವಾಗಿ ನೋಡಬಹುದಾದ ಸಿನಿಮೀಯ ವಾತಾವರಣದ ಆರಂಭದ ಭರವಸೆಯನ್ನು ಪ್ರತಿನಿಧಿಸುತ್ತದೆ. "ಇದು ಇತಿಹಾಸದಂತೆ ಭಾಸವಾಗುತ್ತದೆ" ಎಂದು ಸುರುಜ್ ಹೇಳಿದರು.

ಗೋಷ್ಠಿ ಮುಗಿದಾಗ, 'ಲಾಲಾ & ಪಾಪ್ಪಿ' ಕೇವಲ ಲಿಂಗ ಪರಿವರ್ತನೆಯ ಕುರಿತಾದ ಚಿತ್ರವಲ್ಲ, ಇದು ಪ್ರೀತಿ, ಧೈರ್ಯ ಮತ್ತು ಅಸ್ತಿತ್ವದ ಹಕ್ಕಿನ ಕುರಿತಾದ ಚಿತ್ರವಾಗಿದೆ ಎಂದು ಪ್ರತಿಧ್ವನಿಸುವ ಸಂದೇಶ ಮಾತ್ರ ಉಳಿದಿತ್ತು. ಅಸ್ಥಿರ ಗುರುತುಗಳನ್ನು ಸ್ವೀಕರಿಸಲು ಇನ್ನೂ ಕಲಿಯುತ್ತಿರುವ ಜಗತ್ತಿನಲ್ಲಿ, ಪ್ರೀತಿಯು ಅದರ ಎಲ್ಲಾ ರೂಪಗಳಲ್ಲಿ ಅರಳಲು ಅವಕಾಶ ನೀಡುತ್ತದೆ ಎಂಬುದನ್ನು ಈ ಚಿತ್ರವು ಜ್ಞಾಪಿಸುತ್ತದೆ.

ಪಿ ಸಿ ಲಿಂಕ್

ಐ.ಎಫ್.ಎಫ್.ಐ ಬಗ್ಗೆ

1952ರಲ್ಲಿ ಪ್ರಾರಂಭವಾದ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ) ದಕ್ಷಿಣ ಏಷ್ಯಾದ ಅತ್ಯಂತ ಹಳೆಯ ಮತ್ತು ಅತಿದೊಡ್ಡ ಸಿನಿಮಾ ಉತ್ಸವವಾಗಿದೆ. ಇದನ್ನು ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (ಎನ್‌.ಎಫ್‌.ಡಿ.ಸಿ), ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯ, ಮತ್ತು ಗೋವಾ ಸರ್ಕಾರದ ಗೋವಾ ಮನರಂಜನಾ ಸೊಸೈಟಿ ಜಂಟಿಯಾಗಿ ಆಯೋಜಿಸುತ್ತವೆ. ಈ ಉತ್ಸವವು ಜಾಗತಿಕ ಸಿನಿಮಾ ಶಕ್ತಿ ಕೇಂದ್ರವಾಗಿ ಬೆಳೆದಿದೆ - ಅಲ್ಲಿ ಪುನಃಸ್ಥಾಪಿಸಲಾದ ಕ್ಲಾಸಿಕ್‌ ಗಳು ದಿಟ್ಟ ಪ್ರಯೋಗಗಳನ್ನು ಸಂಧಿಸುತ್ತವೆ ಮತ್ತು ಹೆಸರಾಂತ ಕಲಾವಿದರು ಮೊದಲ ಬಾರಿಯ ಧೈರ್ಯಶಾಲಿಗಳೊಂದಿಗೆ ಜಾಗವನ್ನು ಹಂಚಿಕೊಳ್ಳುತ್ತಾರೆ. ಐ.ಎಫ್.ಎಫ್.ಐ ಅನ್ನು ನಿಜವಾಗಿಯೂ ಅದ್ಭುತವಾಗಿಸುವುದು ಅದರ ಅದ್ಭುತವಾದ ಸಮ್ಮಿಲನಗಳು - ಅಂತಾರಾಷ್ಟ್ರೀಯ ಸ್ಪರ್ಧೆಗಳು, ಸಾಂಸ್ಕೃತಿಕ ಪ್ರದರ್ಶನಗಳು, ಮಾಸ್ಟರ್‌ಕ್ಲಾಸ್‌ ಗಳು, ಗೌರವಗಳು ಮತ್ತು ವೇವ್ಸ್‌ ಫಿಲ್ಮ್ ಬಜಾರ್, ಅಲ್ಲಿ ಕಲ್ಪನೆಗಳು, ವ್ಯವಹಾರಗಳು ಮತ್ತು ಸಹಯೋಗಗಳು ಹುಟ್ಟುತ್ತವೆ. ಗೋವಾದ ಬೆರಗುಗೊಳಿಸುವ ಕಡಲತೀರದ ಹಿನ್ನೆಲೆಯಲ್ಲಿ ನವೆಂಬರ್ 20 ರಿಂದ 28 ರವರೆಗೆ ನಡೆಯುವ 56 ನೇ ಆವೃತ್ತಿಯು ಬೆರಗುಗೊಳಿಸುವ ಭಾಷೆಗಳು, ಪ್ರಕಾರಗಳು, ನಾವೀನ್ಯತೆಗಳು ಮತ್ತು ಧ್ವನಿಗಳ ಒಂದು ಅದ್ಭುತ ಶ್ರೇಣಿಯನ್ನು ಆಚರಿಸುವ ಭರವಸೆ ನೀಡುತ್ತದೆ - ಇದು ವಿಶ್ವ ವೇದಿಕೆಯಲ್ಲಿ ಭಾರತದ ಸೃಜನಶೀಲ ಪ್ರತಿಭೆಯ ತಲ್ಲೀನಗೊಳಿಸುವ ಆಚರಣೆಯಾಗಿದೆ.

ಹೆಚ್ಚಿನ ಮಾಹಿತಿಗಾಗಿ, ಕ್ಲಿಕ್ ಮಾಡಿ:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

****