#IFFIWood, 24 नोव्‍हेंबर 2025 

मुंबईची स्पंदने टिपणारी एक सौम्य, लिंग-तरल प्रेमकथा 'लाला अँड पॉपी' या चित्रपटाच्या प्रवासाबद्दल, त्याच्या सामाजिक अनुनादांबद्दल आणि प्रामाणिक प्रतिनिधित्वाबद्दलच्या त्याच्या खोल वचनबद्धतेबद्दल या चित्रपटाच्या चमूने आज इफ्फीमध्ये एका उत्साही पत्रकार परिषदेत विवेचन केले. 

दिग्दर्शक कैजाद गुस्ताद, निर्माता बॉबी बेदी आणि अभिनेते वीर सिंग आणि सुरुज राजखोवा यांनी एकत्र येऊन एका अशा चित्रपटावर चर्चा केली जो लेबलांपेक्षा प्रेमाला, बायनरीपेक्षा मानवतेला आणि देखाव्यापेक्षा प्रामाणिकपणाला केंद्रस्थानी ठेवण्याचे धाडस करतो.

प्रामाणिक कथेचे कथन : माणूस प्रथम, नंतर लिंगभाव 

अनेक दशके मोठ्या चित्रपटांची निर्मिती केल्यानंतर या प्रकल्पाला पाठिंबा देण्याचे त्यांनी का निवडले याचे निर्माते बॉबी बेदी यांनी विश्लेषण करून कार्यक्रमाची सुरुवात केली. "प्रत्येक मोठा चित्रपट मोठा बनतो कारण प्रेक्षक त्याला स्वीकारतात," असे ते म्हणाले. 'लाला अँड पॉपी' त्याच दिशेने पुढे जातो, त्याच्या गाभ्यामध्ये प्रामाणिकपणा आणि जोडणी असते. गेल्या वर्षी गोव्यात झालेल्या इफ्फीमध्ये चित्रपटाला अंतिम स्वरूप देण्यात आले होते याला उजाळा देऊन त्यांनी भारताच्या विकसित होत असलेल्या सामाजिक परिदृश्याची नोंद केली: कायदा आता परलिंगी ओळखींना मान्यता देतो, परंतु याबाबतची सामान्य सामाजिक स्वीकृती अजूनही मागे आहे. त्यांच्यासाठी चित्रपटाची सुरुवात एका साध्या श्रद्धेने होते: "माणसे प्रथम येतात, लिंगभाव नंतर." त्यांनी यावर भर दिला की प्रत्येक मानवाला मुक्त राहण्याचा, प्रेम करण्याचा आणि भीतीशिवाय जगण्याचा अधिकार आहे.

यावर दिग्दर्शक कैजाद गुस्ताद यांनी असे म्हटले  की ते एक प्रामाणिक चित्रपट बनवण्यासाठी निघाले होते जो संपूर्ण जगाशी बोलू शकतो. "एक समलैंगिक प्रेमकथा" तयार करण्याऐवजी त्यांना एक मानवी संबंधांची प्रेमकथा सांगायची होती, जी दोन ट्रान्सजेंडर नायकांमध्ये अचानक उलगडते. आपल्या शिस्तबद्ध लेखन प्रक्रियेबद्दल त्यांनी मोकळेपणी माहिती दिली. यासाठी वर्षानुवर्षाचे संशोधन, समलैंगिक समुदायाशी जवळचा संबंध आणि बारकावे योग्यरित्या पूर्ण करण्याची वचनबद्धता आवश्यक होती कारण ते अशा जगाबद्दल लिहित होते ज्याबद्दल त्यांना सुरुवातीला फारशी माहिती नव्हती.

वीर आणि सुरुज यांनी त्यांच्या प्रवासावर टाकला प्रकाशझोत 

वीर सिंग आणि सुरुज राजखोवा हे दोघेही पारलिंगी कलाकार आहेत. त्यांनी या संवादातून आपल्या वैयक्तिक जीवनाचा प्रवास जिव्हाळ्याने उलगडला. वयाने मोठे होत असताना पडद्यावर त्यांच्यासारख्या लोकांची अनुपस्थिती दिसत आली आहे आणि इतर कुणाच्या जीवनाचे प्रतिनिधित्व करण्याविषयी विचार करावासा वाटला, असे सांगत वीर यांनी आपले विचार मांडले."मला वाटते की माझ्यासारख्या लोकांनी मला पडद्यावर पहावे आणि विचार करावा की, जर ही  व्यक्ती ते करू शकते, तर मीही ते करू शकेन," वीर म्हणाला.” जरी भारतीय चित्रपटांमध्ये पारलिंगी पात्रे बऱ्याच काळापासून दाखवली जात असली तरी, त्यांना अनेकदा व्यंगचित्र किंवा विनोदी पात्र म्हणून उभे केले  जात असे. 'लाला आणि पॉपी,' या  चित्रपटात त्यांना पडद्यावर प्रथमच माणूस म्हणून आपले अस्तित्व अधोरेखित करण्याची संधी मिळाली;जे मला स्वतःलाच अभूतपूर्व वाटते," असे सुरुज यावेळी म्हणाले.

कथेला मुख्य प्रवाहात घेऊन येणे

हा चित्रपट समलैंगिक प्रेक्षकांसाठी आहे की मुख्य प्रवाहातील प्रेक्षकांसाठी आहे असे विचारले असता, बॉबी बेदी स्पष्टपणे म्हणाले: “हा लोकांसाठीचा चित्रपट आहे, महोत्सवांसाठीचा चित्रपट नाही.” चित्रपट मुख्य प्रवाहातील महोत्सव, चित्रपटगृहे आणि ओटीटी प्लॅटफॉर्मवर घेऊन जाण्याबद्दल ते म्हणाले की , त्याचे कारण, चित्रपट हा मोठ्या प्रमाणात जनतेचा आहे.

'लाला अँड पॉपी' हा "संदेश देणारा चित्रपट" नाही. तो  नैतिकतेचे प्रत्यक्ष दर्शन टाळतो आणि त्याऐवजी चित्रपटातील भावनिक सत्य आपोआप उघड करेल, अशी आशा व्यक्त करतो,असे कैजादने पुन्हा एकदा अधोरेखित केले ."एखाद्या कथेने प्रेक्षकांना गुंतवून ठेवावे लागते. प्रेम लिंगभावनेला ओलांडून पलीकडे जाते आणि हा संदेश ओरडून सांगण्याची गरज नसते; तो त्यातून समजायला हवा."

जिथे पारलिंगी लोकांना फक्त माणूस म्हणून पाहिले जाईल अशाप्रकारची दृश्यमानता, मानवी प्रतिष्ठा आणि वातावरण यांचे प्रतिनिधित्व या चित्रपटाने केले आहे,असे दोन्ही कलाकारांना वाटते."हे ऐतिहासिक आहे," सुरुज म्हणाले.

सत्र संपले तरीही, एकच संदेश प्रतिध्वनीत होत राहिला: 'लाला अँड पॉपी' हा केवळ लिंग परिवर्तनाबद्दलचा चित्रपट नाही, तर तो प्रेम, धैर्य आणि अस्तित्वाच्या अधिकाराबद्दलचा चित्रपट आहे.अजूनही माणसाची सतत बदलत जाणारी ओळख स्वीकारणे,शिकत असलेल्या जगात हा चित्रपट प्रेमाला,त्याच्या सर्व रूपातून, फुलण्यासाठी जागा मिळायला हवी,यांची  तेजस्वी जाणीव करून देतो. 

इफ्फीविषयी

वर्ष 1952 मध्ये सुरु झालेला भारतीय आंतरराष्ट्रीय चित्रपट महोत्सव (इफ्फी) हा दक्षिण आशियात सर्वप्रथम सुरु झालेला आणि चित्रपटांशी संबंधित असा सर्वात मोठा उत्सव समजला जातो. राष्ट्रीय चित्रपट विकास महामंडळ (एनएफडीसी), केंद्रीय माहिती आणि प्रसारण मंत्रालय, एन्टरटेनमेंट सोसायटी ऑफ गोवा (ईएसजी) ही संस्था तसेच गोवा राज्य सरकार यांच्या संयुक्त विद्यमाने आयोजित होत असलेला हा महोत्सव आता, जेथे पुनर्संचयित अभिजात कलाकृती धाडसी प्रयोगांना सामोऱ्या जातात आणि दिग्गज कलाकार निर्भय नव-कलाकारांसोबत एकत्र येऊन काम करतात, अशा जागतिक चित्रपटीय शक्तीकेंद्राच्या रुपात उदयाला आला आहे. इफ्फीला खऱ्या अर्थाने चमकदार स्वरूप देणारे घटक म्हणजे त्यातील विजेसारख्या तळपणाऱ्या मिश्र आंतरराष्ट्रीय स्पर्धा, सांस्कृतिक सादरीकरणे, मास्टर क्लासेस,श्रद्धांजलीपर उपक्रम तसेच  कल्पना, व्यवहार आणि सहयोगी संबंधांना झेप घेऊ देणारा, चैतन्याने भारलेला वेव्हज चित्रपट बाजार. गोव्यातील जबरदस्त आकर्षक समुद्रकिनाऱ्याच्या पार्श्वभूमीवर, 20 ते 28 नोव्हेंबर दरम्यान होत असलेला महोत्सवाचा 56 वा भाग भाषा, शैली, नवोन्मेष आणि आवाजांचा झळाळता पिसारा घेऊन जागतिक मंचावर भारताच्या सर्जक प्रतिभेचा गुंगवून टाकणारा सोहळा सादर करत आहे.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | गोपाळ चिप्पलकट्टी/नंदिनी मथुरे/संपदा पाटगांवकर/दर्शना राणे | IFFI 56