#IFFIWood, 23 नोव्‍हेंबर 2025

‘अ ग्लोबल इंडिया थ्रू इंडिपेंडंट सिनेमा: अ वुमेन’स पॅनल’ ह्या नांवान जाल्ल्या पॅनल चर्चांसत्रात चार आकर्शक व्यक्तिमत्वा एकठांय आयली — अभिनेत्री - फिल्म निर्माती रजनी बसुमतारी, सिनेमाटोग्राफर फौजिया फातिमा, अभिनेत्री-फिल्म निर्माती रेचल ग्रिफिथ्स, आनी अभिनेत्री-फिल्म निर्माती मीनाक्षी जयन. बायलांचो सृजनशील आनी वैयक्तीक प्रवास स्वतंत्र सिनेमाच्या फुडाराक कसो आकार दिता हाचो अभ्यास ह्या संवादांत जालो.

बायलांच्या चित्रपट निर्मितीचो एक व्याख्यात्मक घटक म्हूण सहानुभूती हाचेर विचार करून चर्चा सुरू जाली. एके कल्पनेच्या किटे सावन निमाण्या फ्रेम मेरेनची पुराय सृजनात्मक प्रक्रिया कशी सहानुभूतीचेर आदारीत आसा, जाका लागून फिल्म निर्मात्यांक थळाव्या कथांचें रुपांतर जागतीक प्रतिध्वनी आशिल्ल्या कथांनी करपाक मेळटा हाचेर फौजिया उलयल्यो. जिणेंतले ल्हान ल्हान तपशील बायलांक लक्षांत येतात आनी ह्याच सूक्ष्म निरिक्षणांक लागून तांचे चित्रपट अपरिमीत   कथांक आवाज दिता अशें रजनी हांणी सांगलें.

आयज बायलां ह्या उद्देगांत चड दिसतात काय ना हाचो अभ्यासूय ह्या पॅनेलान केलो. आपल्याच उद्देगांत बायलां सिनेमाटोग्राफर आनी निर्मात्यांचो आंकडो वाडत आसा अशें रेचलान सांगले. फौजियान इंडियन वुमन सिनेमॅटोग्राफर्स कलेक्टिव्हच्या उत्क्रांतीची याद काडली जो २०१७त उण्या वांगड्यां सयत सुरू जाल्लो  आनी आतां ती संख्या सुमार दोनशें जालां, जांतूत कनिष्ठ ते वरिष्ठ अश्या वांगड्यांचो आस्पाव आसा. हो कलेक्टिव सामुहीक मार्गदर्शन आनी सहकार्याक कशी  पोसवण दिता, बायलांक ह्या उद्देगांत बऱ्याच काळासावन जाय आशिल्लें आदार दिवपी वातावरण कशे उपलब्ध करता तें तिणें स्पश्ट केलें. तशेंच ‘विमुक्ती’ ह्या सिनेमांतल्या शैली शर्मा हिच्या अभिनयाची आनी ‘शेप ऑफ मोमो’ ह्या सिनेमांतल्या अर्चना घांगरेकराच्या अभिनयाची तोखणाय करून तिणें इफ्फीत बायलां सिनेमाटोग्राफरांची उपस्थितीचे कवतुक केले. 

दोन वर्सां आदीं ह्या कलेक्टिव्हच्या सिनेमाटोग्राफरा कडेन तिका स्वताच्या प्रकल्पा खातीर कशी रेफर केल्ली हाचो उगडास रजनी हांणी केलो, तांणी अशा नेटवर्कांच्या परिणामाची पुष्टी केली. बायलांनी तयार केल्ल्या सिनेमांक  केरळ राज्य सरकारान निधी दिवन आदार दिल्ल्या उपक्रमाचेर मीनाक्षीन भर दिलो, तिचो चित्रपट व्हिक्टोरिया हे संदेतल्यानच विकसित जालो अशें तांणी सांगलें. बायलांच्या फुडारपणा खाला चलपी चित्रपटांक आदार दिवपी केरळ राज्य सरकाराच्या उपक्रमाखातीर पयल्या निवड पॅनलांत काम केल्ल्या फौजिया  हांणी दादल्यांनी बायलांच्या नांवान प्रकल्प सादर करपा विशीं हुस्को उक्तायलो आनी सादूरतायेची सेगीत गरज आसा हाचेर भर दिलो.

उपरांत पॅनेलिस्टांनी चित्रपट निर्मिती आनी वैयक्तीक जिणेचें समतोल दवरपाच्या आव्हानांक तोंड दिवचें पडलें हाचेर उलोवप केले. तीन भुरगीं वाडयतना ह्या उद्देगांत नेव्हिगेट करपा विशीं रेचलान उक्तेपणान सांगले की, बायलांक आदार दिवपा खातीर कामाचे सप्तक पर्यायीपणान येवजप. आवयपणा उपरांत आपल्या कामाक परत येवपाची अडचण फौजिया सांगली आनी खासा करून विजय सेतुपतिचो येवपी ‘ट्रेन’ ह्या वेवसायीक सिनेमाक लागून आपली कारकीर्द चालू उरली म्हूण उपकार मानले. 

सेटाचेर कलाकार कथानकाक कसो आकार दितात ह्या प्रस्नाचेर मीनाक्षीन सांगले की नव्यान येवपी लोकांक जायते फावटीं आपले सहकार वेंचपाचें स्वातंत्र्य नासता. आपली कारकीर्द वाडत वता तशी आपूण चड बायलां फिल्म निर्मात्यां वांगडा काम करपाची आस्त बाळगिता. ओटीटी प्लॅटफॉर्मांनी बायलांखातीर   भुमिकांचो विस्तार केला, तांकां चड खोलाय आनी उपस्थिती मेळ्ळ्या अशें रजनी हांणी म्हळें. आतां चड बायल कलाकार निर्मिती क्षेत्रात वचपाक लागल्यात, ताका लागून सृजनशील निर्णय घेवप्यांचें वर्तुळ वाडलां अशें फौजिया हांणी सांगलें. मीनाक्षीन स्वता एक दीस चित्रपट तयार करपाची इत्सा उक्तायली, जाल्यार  रेचलान हॉलीवूडांत बायलां निर्मात्यांची बऱ्याच तेंपासावन आशिल्ली उपस्थिती आनी तांका येवपी आडमेळ्यांचेर चिंतन केलें. अर्थपूर्ण बदला खातीर दादल्यांनी असंतुलन स्वीकारचो आनी बायलां खातीर न्याय सुनिश्चीत करपी यत्नांक आदार दिवचो अशें रेचलान वेतन समतायेचेर उलोवप करताना सांगले.

लेखन आनी प्रक्रिया कडेन चर्चा वळ्ळी तेन्ना रजनी हांणी स्थानिक वास्तव आनी तिच्या प्रदेशान अणभविल्ल्या पिढीजात वेदनांचेर तिच्यो काणयो आदारीत आशिल्ल्याचे  सांगले.  तिच्या सगळ्यांत हालींच्या लैंगीक न्यायाचो सोद घेवपा विशीच्या  चित्रपटांत  सगळ्या बायलां कलाकारांचो आस्पाव आसा. मीनाक्षी हांणी जोडलें की तिचो ‘व्हिक्टोरिया’ सिनेमा सगळ्या बायलांच्या कलाकारां भोंवतणी बांदिल्लो आसा , ही अशी निवड आसली जाचेर प्रस्न उप्रासले कारण तांणी सामान्य दृष्टिकोनात बदल हाडिल्लो.

पॅनल फिल्म तयार करपाच्या आनी तिगोवन दवरपाच्या वास्तवा कडेन वळटाना, फिल्म निर्मात्यांनी योग्य कथन तें तयार केल्ल्या लोकां मेरेन पावतलें असो विस्वास दवरून कथा तयार करचीं अशें रेचलान नमूद केलें, . रजनी हांणी सांगलें की, आपले चित्रपट ल्हान बजेटांत तयार केल्यात आनी तांकां बायलां निर्मात्यांनी तेंको दिला, आनी तांकां केन्नाच लुकसाण जावचें ना हाची खात्री करून घेतल्या.

सत्राच्या शेवटाक पॅनेलिस्टांक विचारिल्लो प्रस्न की सगळ्यांनी खंयचे चित्रपट पळोवचे अशें तांकां दिसता,  ताचेर रेचलान दंगल चित्रपटाचे नांव सांगले कारण हो चित्रपट बायलांक मनयात ; फौजिया  हाणें ‘द पॉवर ऑफ द डॉग’ हो चित्रपट सांगलो ; रजनीन आर्टिकल १५ आणि आय इन द स्कायची शिफारस केली; आनी मीनाक्षीन चिंताग्रस्त चित्रणाखातीर शिवा बेबीची निवड केली आनी हांसत जोडलें की आपूण स्वताच्या ‘व्हिक्टोरिया’ फिल्माचीय शिफारस करता.

उर्बेच्या आनी शक्यतायेच्या खिणाचेर सत्र सोपलें. मीनाक्षीन ऑस्ट्रेलियन फिल्म उद्देगाची प्रगतीशील परिदृश्याची तोखणाय केली आनी एडिलेड फिल्म फेस्टिवलांत पळयल्ल्या एका सिनेमाचो उगडास केलो, जातूंत तिका अभिनय करपाची इत्सा आशिल्ली. रेचलान सौहार्दपूर्ण प्रतिसाद दिलो आनी आमका चारुय  बायलांक एक दीस सहकार्य करपाची संद  मेळटली अशें सुचयलें: बायलो एकठांय नव्या फुडाराची कल्पना करतात आनी स्वतंत्र सिनेमा त्या फुडाराक सुरवात करपाची सुवात उपलब्ध करता अशेंय तांणी सांगले.

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: hhttps://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56