#IFFIWood, 21 नोव्‍हेंबर 2025

कालच्या प्रदर्शना वेळार प्रेक्षकां कडल्यान मेळिल्ली  चेतनात्मक तोखणाय आनी उमळशीक अणभवून  दिग्दर्शक गॅब्रिएल मास्कारो, साउंड डिझायनर मारिया अलेजांड्रा रोजास, आर्टुरो सालाझार आरबी आनी अभिनेत्री क्लॅरिसा पिनहेरो हांचे वांगडा रोझा मालागुएटा हांणी आयज 56 इफ्फीच्या फांटभुयेर पीआयबी प्रेस कॉन्फरन्स हॉलांत प्रसार माध्यमां कडेन तांच्या ’द ब्लू ट्रेल’ फिल्माविशी संवाद सादलो.

ह्या संवादा वेळार गॅब्रिएलान सांगले की, “हांव ५-६ वर्सां आदीं पटकथा बरयतालो आनी ब्राझीलाच्या खंयच्या प्रदेशांत शूटिंग करचें हाचेर म्हाका दुबाव आशिल्लो. मागीर हांवें जेन्ना गोंयांक  भेट दिली तेन्ना म्हाका दिसलें की हांवें अमेझॉन वाठारांत शूटिंग करचें;कारण तें गोंया सारकेंच आसा.” ताणें फुडें सांगलें की, “गोंय पुलिसांच्या फॅशनांतल्यान म्हाका मात्शी प्रेरणा मेळ्ळी.”

साउंड डिझायनर मारिया आलेजांड्रा रोजासान स्पश्ट केलें, “गॅब्रिएलाक सिनेमा कसो आयकुपाक येवचो हे विशीं पुरायपणान स्पश्ट आसलें. दर एका आवाजा विशीं दिग्दर्शक इतलो नाजूक आसप हें खूबच असामान्य” अशी तोखणाय तांणी केली. 

अभिनेत्री रोझा मालागुएटान म्हायती दिली की, "हांव अमेझॉन संस्कृतायेंतल्यान आयलां. अमेझॉन संस्कृताय ही देशी, सामकी ब्राझिलियन संस्कृताय. हांव दोन संस्कृतायेचे  मिश्रण- देशी आनी कृष्ण संस्कृताय. हांव ह्या सिनेमांत म्हज्या संस्कृतायेचें प्रतिनिधित्व करतां, अशे तांणी सांगले ." गॅब्रिएल वांगडा काम करप हो खरोच सुखद अणभव आशिल्लो, जो एक बेसबरो इश्ट आसा आनी जाची हांव सदांच तुस्त करता अशे अभिनेत्री क्लॅरिसा पिनहेरो हांणी हे वेळार सांगले.

‘द ब्लू ट्रेल’ ह्या सिनेमाच्या प्रीमियराक प्रेक्षकांनी गडगडाटानी ताळयो मारून येवकार दिलो. जिविताच्या परिक्षांचे  मनासावन केल्ले संशोधन, मज़बूतीचो शांत उत्सव आनी तेरेझाचो धैर्यानं स्वताक सोदपाचो शानदार प्रवास  हाका लागून प्रेक्षकांनी ह्या सिनेमाची तोखणाय केली.

Trailer of the film:

🎬✨ Opening Film of #IFFI56 🎥

The Blue Trail: A stunning tale of rebellion and hope.

77-year-old Teresa refuses a forced relocation and embarks on a breathtaking journey through the Amazon to fulfil one last dream: her first-ever airplane ride. ✈️

Directed by Brazilian… pic.twitter.com/66ebHwVNEZ

— PIB in Goa 🇮🇳 (@PIB_Panaji) November 21, 2025

To watch the Press Conference:

To read more: https://www.pib.gov.in/PressReleseDetailm.aspx?PRID=2192321

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

 PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56