প্রধানমন্ত্রী শ্রী নরেন্দ্র মোদীনা নামিবিয়াগী স্তেতকী খোংচত্তা ঙসি কোনুং ৱিন্দহোক্তা লৈবা স্তেত হাউসতা নামিবিয়াগী রাস্ত্রপতি হিজ এক্সেলেন্সী দা. নেতুম্বো নন্দি-নদৈতৱাগা উন্নখ্রে। রাস্ত্রপতি নন্দিনন্দিতৱানা স্তেত হাউস য়ৌরকখিবদা প্রধানমন্ত্রী মোদীবু হরাও-তয়াম্না ওকখি।  শ্রী মোদীগী মওং তানা নিংথিনা ওকপগী থৌরম অমসু পাংথোকখি। হৌখিবা চহী 27 তা কনাগুম্বা ভারতকী প্রধানমন্ত্রীগী নামিবিয়াদা চৎখিবা অহানবা খোংচৎনি। কুমসি মার্চতা ৱাশক লৌরবা মতুংদা রাস্ত্রপতি নন্দি-নন্দিতৱারানা থৌবু ওইদুনা উন্নখিবা মায়কৈ অনিগী ওইবা ওফিসিএল ওইবা অহানবা খোংচৎসুনি।

প্রধানমন্ত্রী মোদীনা নামিবিয়ানা স্তেতকী লুচিংবা ওইনা খল্লকপদা রাস্ত্রপতি নন্দি-নন্দিতৱাদা নুংঙাইবা ফোংদোকখি।লুচিংবা অনিমক্না নাকল অনিগী ওইবা মরিশিংগী চাওথোক্নিংঙাই ওইবা পুৱারীবু নিংশিংনখি। প্রধানমন্ত্রীনা চহী অসিদা নামিবিয়াগী ফাউন্দিং ফাদর দা.সৈম নুজৌমানা লৈখিদবদা নুংঙাইতবা ফোংদোকখি।  লুচিংবা অনিমক্না সেক্যুরিতী, সমুদ্রগী সেক্যুরিতী, দিজিতেল তেক্নোলোজী অমসুং য়ু.পি.আই., এগ্রীকলচর, হেল্থ অমদি ফার্মা, ইনর্জী অমসুং মরুওইবা খোনিশিংগী লমশিং য়াওনা নাকল অনিগী ওইবা মরিশিং হেন্না ফগৎহন্নবগী মতাংদা ৱা খন্নখি।

লুচিংবা অনিনা নাকল অনিগী ওইবা বিজিনেস অসি ফগৎলকপদা অপেনবা ফোংদোক্নরদুনা মরি অসি হৌজিকসু পাঙ্গল লৈনা শিজিন্নগদবা লৈরি হায়না ফোংদোক্নখি। মরি অসিদা মহাক্না ভারত-এস.এ.সি.য়ু. পি.তি.এ.দা ৱা খন্নবদা হেন্না কনশিলহন্নবা খংহনখ্রে। প্রধানমন্ত্রী মোদীনা হায়খি মদুদি ভারত নামিবিয়াগী অখং-অহৈশিংগীদমক্তা মঙম কনখৎহন্নবগী থৌরমশিংদগী চাউখৎনবগী মতেং পাংনবা হোৎনরিবশিং অসি হেন্না হেনগৎহনগনি অমসুং নামিবিয়াদা মেনুফেকচরিং ফেসিলিতীশিং অসি লিংখৎপদা খুৎশম্ননবগী ওইথোকপা য়াবা লৈবশিং অদু খংদোক্কনি। প্রধানমন্ত্রী মোদীনা লৌউ-শিংউ, ইনফোর্মেসন তেক্নোলোজী, সাইবর সেক্যুরিতী, হেল্থ সর্ভিস, এজুকেসন, ৱীমেন এম্পৱরমেন্ত অমসুং চাইল্দ ৱেলফেয়রগী লমদা থুনা শাফু পীনবা দিভেলুপমেন্ত প্রোজেক্তশিংগীদমক্তা ভারতপু ঙাক্লৌ পীনবা ওফর তৌরকখি। প্রধানমন্ত্রী মোদীনা লৌউ-শিংউগী থবকশিংগীদমক্তা দ্রোন শিজিন্নবদা ভারতকী এক্সপরিএন্স অদু হায়খি। মসি নামিবিয়াগীদমক্তা কান্নগদবা প্রোজেক্ত অমনি। প্রধানমন্ত্রী মোদীনা ভারত্তা চীতাহ য়োকখৎনবগী প্রোজেক্তা নামিবিয়ানা মতেং পাংনবগীদমক্তা রাস্ত্রপতি নন্দি-নদৈতৱাহবু থাগৎপা ফোংদোকখি। মহাক্না নামিবিয়া অসি ইন্তর্নেস্নেল বিগ কেত এলায়েন্সতা য়াওনবগীদমক্তসু চেপাও পীখি। 

লুচিংবা অনিনা অমনা-অমগী য়াইফনবশিংদা গ্লোবেল ইসুশিং খন্নখি। প্রধানমন্ত্রী মোদীনা পহলগাম তেরর এতেক্তকী মতুংদা  ভারতকী মীশিংদা পীখিবা কন্না শৌগৎপা অমসুং অমত্তা ওইনা পুনশিন্নবগীদমক্তা নামিবিয়াবু থাগৎপা ফোংদোকখি। লুচিংবা অনিনা তেরর এতেক্কী মায়োক্তা মালেমগী ওইনা লান্থেংনবা অসি হেন্না কনখৎহন্নবদসু য়ান্নখি। মহাক্না গ্লোবেল সাউথকী খোজ্ঞেল অসি হেন্না কনখৎহন্নবগীদমক্তা পুন্না থবক তৌমিন্ননবা অচেৎপা ৱাফম থম্নখি।

লুচিংবা অনিনা ৱারী শান্নরবা মতুংদা হেল্থ অমসুং ওন্তর্প্রিন্যুরশিপকী লমদা এম.ও.য়ু. অনি পীথোক-পীশিন তৌনখি। মসিদা নত্তনা নামিবিয়াগী দিজাস্তর রেজিলেন্ত ইনফ্রাস্ত্রকচর অমসুং গ্লোবেল বাইওফ্যুএল এলায়েন্সতসু য়াওখ্রে হায়না লাউথোকখি  অমসুং মসি য়ু.পি.আই. তেক্নিক এদোপ্ত তৌনবগীদমক্তা লাইসেন্স পীবগী এম.ও.য়ু.দা খুৎয়েক পীনখিবা অহানবা লৈবাক্নি।  রাস্ত্রপতি নন্দি-নন্দিতৱানা প্রধানমন্ত্রীবু ইকাই খুম্নবা উৎপা ওইনা চাক্লেন অমা শিনখি। প্রধানমন্ত্রী মোদীনারাস্ত্রপতি নন্দি-নন্দিতৱাবু ত্রেদিস্নেল ওইবা মওংদা খুদোংচাবা মতমদা ভারত্তা লাক্নবা চেপাও পীখি।

***