Ka ‘Sound of Cinema’ ka sawa haduh katta katta ha kylleng ka Goa, katba ka International Film Festival of India (IFFI) ka la rung sha ka sngi kaba khatduh eh jong ka jingplie ïa ka jingïaid lynti kaba 56 jong ka naduh ka 20 haduh ka 28 tarik u Naiwieng 2025. Da ka jingthmu ban tam ïa ka jinglong kyrpang bad ka jingai bynta lang ia baroh kumba la sakhi ha ki snem ba ladep, ia ka IFFI 2025 la saindur bha kum ka jingrakhe kaba ym lah ban klet. Kane ka bynta ka kular ia ki katto katne ki jingpynbyrngia kiba bha tam kiba lah ban mutdur mynta—ki prokram kiba la saindur da ka jingshai jong ka juk mynta, ka jingriewspah jong ka kolshor bad ka mynsiem ba iaineh shirta jong ka jingiathuhkhana kaba batai ia ka kam shna phlim jong ka India bad ka pyrthei.

Mynta u snem ka IFFI kan sdang lashai ka sngi da ka jingiaid paidbah kaba heh bha ka ban pynkylla ïa ki surok jong ka Goa sha ka dak jong ka mynsiem jong ka ri India. Ki jingpyni dur ba itynnad jong ka Andhra Pradesh, Haryana, bad Goa kin ïalam ïa ka jingïaid paidbah, bud sa ki jingshna ba itynnad na ki studio ba pawnam jong ka India bad ka jingai burom ba 50 snem jong ka NFDC. Ka “Bharat Ek Soor,” ryngkat bad shispah ngut ki artis tynrai, kan pyni ia ki jingshad na man la ki thain jong ka ri. Da kaba bynrap ïa ka bor bad ka jingkynmaw, u Chhota Bheem, ka Chutki, Motu Patlu bad Bittu Bahanebaaz kin pyniap bieit ïa ki paidbah. Lashai ka sngi, ka IFFI kan sdang kum ka poitri kaba pynkhih ia ka rong bad ka jingmutdur.

Katba ka parade ka nang iaid lyngba ka Goa, kan ym long tang ka jingsdang jong ka tamasa hynrei kan pynbna ia ka por jong ka jingkyrsiew ha ka liang ka jingsaindur. Kawei pa kawei ka jingpyni dur kan kit ïa ka bor jong ka thaiñ jong ka, kawei pa kawei ka jingpyni kan pyni ia ka jinglong jong jong ki briew jong ka, bad kawei pa kawei ka jingsaindur kan pynsawa ïa ka jingieit ba shirta jong ka India ryngkat bad ka jingïathuhkhana. Da ka jingkiew ka put ka tem kum ka lyer duriaw bad ki rong kiba paw kum ka jingphohsniew, ka Opening Parade kan kular ia ka bynta jong ka IFFI ha kaba ka jingsaindur jong ka India kan tyngshaiñ shuh shuh ban ïa kaba mynshuwa.

Kumjuh ruh, kane ka jingai sngewbha ka kynthup ïa ki 15 tylli ki bynta ba ïakhun bad ba la pynkhreh, kynthup ïa ka International Competition, Best Debut Feature Film of a Director, ICFT-UNESCO Gandhi Medal, bad ki bynta ba kyrpang kum ka Macabre Dreams, Docu-Montage, Experimental Films, UNICEF, bad ki Restored Classic. Ka jingiaid lynti jong ka IFFI kaba 56 ka la jied ia ka Creative Minds of Tomorrow (CMOT), Waves Film Bazaar (19th edition), The Knowledge Series, CinemAI Hackathon, IFFIesta – Ka jingpyni ia ka Kolshor bad ki Masterclass, ki Prokram Iamir jingmut.

• Creative Minds of Tomorrow (CMOT): Na ki 799 tylli ki jingpynrung kyrteng, la jied 124 ngut ki samla nongsaindur ha kylleng ki 13 tylli ki kam shna phlim, kynthup ïa ki 24 ngut ki nongjop wildcard na ka CIC Challenge ha ka WAVES 2025, kum shi bynta ka Creative Minds of Tomorrow ha ka IFFI kaba 56 ha Goa.
• Waves Film Bazaar (ka bynta ba 19): Ka iew phlim ba pawnam jong ka India ka la wanphai biang da:

§ 300 tam ki projek shna phlim ha kylleng ki Lab jong ki nongthoh phlim, ki jingpyni phlim na ka bynta ka jingpyniaid iew, ka kamra peit phlim, bad ki iew ban iatreilang ban pynmih phlim.

§ 22 tylli ki Feature Film bad 5 tylli ki Documentary ha ka iew pynmih phlim lang

§ Ki jingai jingiarap pisa baroh kalong USD 20,000

§ WAVES Film Bazaar Recommends (WFBR): 22 tylli ki phlim ba la jied ha ki rukom bapher bapher

§ Ki delegate na palat 7 tylli ki ri bad ki jingai jingmyntoi ia ki phlim na ki 10+ tylli ki jylla jong ka ri India

§ Ka Tech Pavilion ba la aiti kyrpang kaba pyni ia ki teknoloji ba thymmai jong ka VFX, CGI, animation bad ki teknoloji digital ban pynmih ia ki prokram

CinemAI Hackathon: Ka sienjam ba thymmai ha ka IFFI, 2025, ka CinemAI Hackathon, yn sa pynlong ha ka jingiatreilang bad ka LTIMindtree bad ka WAVES Film Bazaar. Ka prokram ka peit bniah ia ka jingsaindur thymmai katkum ka AI ha ka jingshna phlim—kaba pynskhem ïa ka jingangnud jong ka IFFI ban kyntiew ïa ka rukom shna phlim, ban pynsuk ïa ka rukom ioh jingbit na ka bynta ki phlim, bad ka jingpynkhlain ia ki rukom iada na ka jingshah pyniaid tuh.

IFFIesta – ka Jingpyni ia ka kolshor: Ka IFFIesta, ka jingrakhe kaba saw sngi jong ka jingrwai, ka jingpyni, bad ki jingsaindur, kan long ha Shyama Prasad Mukherjee Auditorium naduh ka 21–24 tarik u Naiwieng, 6–8 Janmiet. Ha kane ka prokram kan don ka jingpyni ïa ka ïoh ka kot ba thymmai jong ka India na ka kam saindur da kaba pynïasoh lang ïa ki barikor bad ki nongpeitkai lyngba ki jingiohi ha ka kolshor.

Ka IFFI kan ai burom ruh ha kane ka bynta ïa ki nongshna phlim bad ki barikor kiba la dap shispah snem ba kynthup ïa u Guru Dutt, Raj Khosla, Ritwik Ghatak,  P. Bhanumathi, Bhupen Hazarika, bad Salil Chowdhury. Ia ka phlim Musafir jong u Salil Chowdhury bad ka phlim Subarnarekha jong u Ritwik Ghatak yn pyni ha ka IFFI 2025. Mynta u snem, yn pynkup burom ïa u aktor ba pawnam u Rajinikanth ha ka jingïalang pynkut namar ka jingdap 50 snem ha ka kam ak phlim.

Ban pynthikna ba baroh ki sienjam bad ki jingthmu kin ïaid beit ïaid ryntih bad ki jingpyrshang ba la aiti lut na baroh ki liang kin iawan lang, u Sanjay Jaju, Secretary ka Tnad Information and Broadcasting (MIB) ryngkat bad kiwei pat ki ophisar na ka Tnad ki la leit jngoh ïa ki jaka ban pynlong ia ka IIFI mynta ka sngi ha Panaji, Goa.

Ban lum lang ia kine baroh ha kawei ka kyntien kan long kaba kham bha ban ong ‘Ka Goa ka la pynkhreh ban ioh biang ia ka ‘IFFI’ ha kine ki khyndai sngi ban wan.’

Shaphang ka IFFI

La sdang ha u snem 1952, ka International Film Festival of India (IFFI) ka ieng skhem kum ka jingrakhe kaba la rim bad kaba heh tam ha South Asia ha ka kam ba iadei bad ki phlim. La pynlong lang da ka National Film Development Corporation (NFDC), ka Tnad Information and Broadcasting, Sorkar india bad ka Entertainment Society of Goa (ESG), ka Sorkar Jylla Goa, kane ka tamasa ka la nangroi sha ka jaka ba don bor ha ka pyrthei ha ka kam pynmih phlim—ha kaba ki phlim hyndai ba la pynthymmai ki ïakynduh ïa ki jingpyrshang ba shlur bad ki briew kiba la pynskhem ialade ha kane ka kam ki iakynduh ia kito kiba dang sdang ha kane ka kam. Kaba pynlong ïa ka IFFI ban tyngshaiñ shisha ka dei ka jingbun ki bynta—ki jingïakob ha kylleng ka pyrthei, ki jingpyni ïa ka kolshor, ki masterclass, ki jingai burom, bad ka WAVES Film Bazaar ba shitrhem bha, ha kaba ki jingmut, ki jingïateh bad ki jingïatreilang ki kiew shaphrang. Ha ka jingpynlong ha rud duriaw jong ka Goa naduh ka 20–28 tarik u Naiwieng, ka bynta kaba 56 kan don ki bynta jong ki ktien bapher bapher , ki jait phlim bapher bapher, ki jingsaindur thymmai, bad ki sur—ka jingrakhe ïa ka jingtbit ka India ha ka kam saindur jong ka pyrthei.

Na ka bynta ki jingtip ba kham bniah, nion ha ka:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56new/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Handles: @IFFIGoa, @PIB_India, @PIB_Panaji