पर्यावरण, वन एवं जलवायु परिवर्तन मंत्रालय
ऐतिहासिक घटना: भारतात जन्मलेल्या पहिल्या मादी चित्ता ‘मुखी’ने दिला 5 शावकांना जन्म
प्रविष्टि तिथि:
20 NOV 2025 6:15PM by PIB Mumbai
नवी दिल्ली , 20 नोव्हेंबर 2025
केंद्रीय पर्यावरण, वन आणि हवामान बदल मंत्री भूपेंद्र यादव यांनी प्रोजेक्ट चित्ता अंतर्गत एक मोठी आणि ऐतिहासिक घटना जाहीर केली आहे.
'एक्स' या समाज माध्यमावर पोस्ट करताना त्यांनी सांगितले की मुखी या भारतात जन्मलेल्या पहिल्या मादी चित्ता, जिचे वय 2 वर्षे 9 महिने आहे तिने 5 शावकांना जन्म दिला आहे. भारताच्या ‘चित्ता पुनर्वसन प्रकल्पामधील हा अतिशय महत्त्वाचा टप्पा आहे.
यादव यांनी सांगितलं की अलीकडच्या इतिहासात भारतात जन्मलेल्या चित्ता मादीने यशस्वीरीत्या शावकांना जन्म देण्याची ही पहिलीच घटना आहे. चित्त्यांची भारतीय वातावरणाशी जुळवून घेण्याची क्षमता, आरोग्य आणि दीर्घकालीन अस्तित्वाची मजबूत शक्यता ही घटना दर्शवते.
यादव म्हणाले,“ही घटना भारतात टिकून राहणाऱ्या आणि जनुकीयदृष्ट्या वैविध्य असलेल्या चित्यांची संख्या वाढण्याची शक्यता अधिक बळकट करते.त्यांनी पुढे सांगितलं की मुखी आणि तिची सर्व शावके व्यवस्थित आहेत.
यादव यांनी समाधान व्यक्त करत सांगितलं की या यशामुळे भारताचे सध्याचे संवर्धन प्रयत्न आणि प्रोजेक्ट चित्ताचा पुढचा मार्ग आणखी आशादायी दिसत आहे.
निलीमा चितळे/गजेंद्र देवडा/प्रिती मालंडकर
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2192224)
आगंतुक पटल : 49