প্রধানমন্ত্রীগী লোইশঙ
নবেম্বর 19 দা প্রধানমন্ত্রী অন্ধ্রা প্রদেশ অমসুং তমিল নাদুদা চৎকদৌরি
প্রধানমন্ত্রীনা কোইম্বাতোরদা সাউথ ইন্দিয়া নেচরেল ফার্মিং সবমিৎ শঙ্গাগদৌরি
প্রধানমন্ত্রীনা পুত্তাপার্থীদা ভগৱান শ্রী সত্য সাই বাবাগী চহী চামা শুবা মপোক কুমওন পাংথোকপদা শরুক য়াগদৌরি
প্রধানমন্ত্রীনা শ্রী সত্য সাই বাবাগী পুন্সি, মহৈশিং অমসুং মহাক্কী মতিক-মঙম্বু ইকাই খুম্নরদুনা শেলয়েক অমসুং স্তাম্পশিং চৎনহনগদৌরি
Posted On:
18 NOV 2025 11:38AM by PIB Imphal
প্রধানমন্ত্রী শ্রী নরেন্দ্র মোদী নবেম্বর 19 দা অন্ধ্রা প্রদেশ অমসুং তমিল নাদুদা চৎকদৌরি।
অয়ুক্কী পুং 10 মুক তাবদা অন্ধ্রা প্রদেশকী পুত্তাপার্থীদা প্রধানমন্ত্রীনা ভগৱান শ্রী সত্য সাই বাবাগী শেংলবা ফম্বাল অমসুং মোংফমদা মহাকপু ইকাই খুম্নবা উৎনবা চৎকনি। অয়ুক্কী পুং 10:30 তাবা মতমদা ভগৱান শ্রী সত্য সাই বাবাগী চহী চামা শুবা মপোক কুমওন্দা শরুক য়াগনি। থৌরম অসিদা শ্রী সত্য সাই বাবাগী পুন্সি, মহৈশিং অমসুং মহাক্কী মতিক-মঙম্বু ইকাই খুম্নরদুনা শেলয়েক অমসুং স্তাম্পশিং চৎনহনগদৌরি। থৌরম অসি চত্থরিঙৈগী মতমদা মহাক্না তিল্লিবা মীয়ামগী মমাংদা ৱা ঙাংগনি। মসিগী মতুং নুংথীল পুং 1:30 মুক তাবদা তমিল নাদুগী কোইম্বাতোরদা সাউথ ইন্দিয়া নেচরেল ফার্মিং সবমিৎ শঙ্গাগদৌরিবা মফম অসিদা চৎকনি। থৌরম অসিগী মতমদা প্রধানমন্ত্রীনা লৈবাক অসিগী লৌমী করোর 9 বু তেংবাং ফংহন্নবগীদমক্তা লুপা করোর 18,000 মুক্কী শেনফম ওইগদবা পি.এম. কিসানগী 21 শুবা ইন্সতোলমেন্ত থাদোক্কনি। প্রধানমন্ত্রীনা থৌরম অসিদা তিল্লিবা মীয়ামদা ৱা ঙাংগনি।
নবেম্বর 19-21, 2025 পাংথোক্লিবা সাউথ ইন্দিয়া নেচরেল ফার্মিং সবমিৎ অসি তমিল নাদু নেচরেল ফার্মিং স্তেক হোলদর্স ফোরমনা শিনবনি। সবমিৎ অসিনা সস্তেনেবল, ইকো-ফ্রেন্দলী অমসুং কেমিকেল ফ্রী ওইবা লৌউ-শিংউগী থবকশিং ফগৎহন্নবা অমসুং নেচরেল অমসুং ভারত্তা লৌউ-শিংউবগী তুংলমচৎকীদমক্তা তৌবা য়াবা, নিংথিবা অইং-অশা অমসুং শেল য়াম্না চংদবা মোদেলগী মওংদা মহৌশাগী ওইবা অমসুং অমুক হন্না শেমগৎপা য়াবা লৌউ-শিংউদা অহোংবা পুরকপদা খোংজেল য়াংখৎহনবদা পান্দম থম্মি।
ওর্গানিক ইনপুৎশিং, এগ্রো-প্রোসেসিং, ইকো-ফ্রেন্দলী পেকেজিং অমসুং ইরমগী ওইবা তেক্নোলোজীশিংদা ইনোভেতিব ওইবা ময়ামদা উৎপগী তাল্লক অসিদা সবমিৎ অসিনা লৌমীগী পোত্থোক পুথোকপগী লুপশিং অমদি খুঙ্গংগী ওন্তর্প্রিন্যুরশিংগীদমক্তা মার্কেৎকী লিঙ্ক লৈহনবদসু ফোকস তৌগনি। থৌরম অসিদা তমিল নাদু, পুদুচেরী, কেরলা, তেলঙ্গনা, কর্নাতকা অমসুং অন্ধ্র প্রদেশকী লৌমী, নেচরেল ফার্মিং তৌবশিং, বৈজ্ঞানিকশিং, ওর্গানিক ইনপুৎ সপ্লাই তৌবশিং, য়োল্লিবশিং অমসুং স্তেকহোলদর 50,000 দগী হেনবনা শরুক য়াগনি।
***
(Release ID: 2191370)
Visitor Counter : 6
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam