وزیر اعظم جناب نریندر مودی 19 نومبر کو آندھرا پردیش اور تمل ناڈو کا دورہ کریں گے ۔

تقریباً صبح 10 بجے وزیرِ اعظم نریندر مودی آندھرا پردیش کے پٹّا پارتھی میں بھگوان شری ستیہ سائی بابا کے مقدس عبادت گاہ اور مہاسمادھی پر حاضری دیں گے اور خراجِ عقیدت پیش کریں گے۔ تقریباً صبح 10:30 بجے وزیرِ اعظم بھگوان شری ستیہ سائی بابا کی صدیانہ تقریبات میں شرکت کریں گے۔ اس موقع پر وہ بھگوان شری ستیہ سائی بابا کی زندگی، تعلیمات اور پائیدار میراث کو خراجِ تحسین پیش کرنے کے لیے ایک یادگاری سکہ اور ڈاک ٹکٹوں کا مجموعہ جاری کریں گے۔ وہ پروگرام کے دوران شرکاء سے بھی خطاب کریں گے۔

اس کے بعد ، وزیر اعظم کوئمبٹور ، تمل ناڈو جائیں گے ، جہاں وہ تقریبا 1:30 بجے ساؤتھ انڈیا نیچرل فارمنگ  سربراہی اجلاس (سمٹ )کا افتتاح کریں گے ۔  پروگرام کے دوران ، وزیر اعظم پی ایم-کسان کی 21 ویں قسط جاری کریں گے ، جو ملک بھر کے 9 کروڑ کسانوں کی مدد کے لیے 18,000 کروڑ روپے سے زیادہ کی رقم ہے ۔  وزیر اعظم اس موقع پر اجتماع سے بھی خطاب کریں گے ۔

19 سے 21 نومبر 2025 تک منعقد ہونے والےساؤتھ انڈیا نیچرل فارمنگ سر براہی اجلاس کوتمل ناڈو نیچرل فارمنگ اسٹیک ہولڈرز فورم کے زیرِ اہتمام منعقد کیا جا رہا ہے۔ اس سر براہی اجلاس  کا مقصد پائیدار، ماحول دوست اور کیمیکل سے پاک زرعی طریقوں کو فروغ دینا ہے اور بھارت کے زرعی مستقبل کے لیے قدرتی اور تجدیدی زراعت کی طرف منتقلی کو ایک قابلِ عمل، موسمیاتی لحاظ سے ہوشیار اور اقتصادی طور پر پائیدار ماڈل کے طور پر تیز کرنا ہے۔

یہ سر براہی اجلاس کاشتکار تنظیموں اور دیہی کاروباری حضرات کے لیے مارکیٹ روابط قائم کرنے پر بھی مرکوز ہوگا، ساتھ ہی نامیاتی ان پٹ، زرعی پروسیسنگ، پائیدار پیکجنگ اور مقامی ٹیکنالوجیز میں اختراع کو بھی پیش کرے گا۔ اس پروگرام میں تمل ناڈو، پڈوچیری، کیرالہ، تلنگانہ، کرناٹک اور آندھرا پردیش کے 50,000 سے زائد کسان، قدرتی زراعت کے ماہرین، سائنسدان، نامیاتی ان پٹس سپلائرز، فروخت کنندگان اور اسٹیک ہولڈرز شریک ہوں گے۔

*********

UR-1412

(ش ح۔   ش آ۔م ش)