नवी दिल्‍ली, 11 नोव्हेंबर 2025

दिल्लीत काल झालेल्या कार स्फोटाच्या घटनेसंदर्भात आज केंद्रीय गृहमंत्री अमित शाह यांच्या अध्यक्षतेखाली नवी दिल्ली इथे सुरक्षा यंत्रणा आणि गृह मंत्रालयाच्या वरिष्ठ अधिकाऱ्यांसोबत बैठका झाल्या. या बैठकांमध्ये सुरक्षा विषयक आढावा घेतला गेला.

यांपैकी पहिल्या बैठकीला केंद्रीय गृह सचिव, गुप्तचर विभागाचे संचालक, राष्ट्रीय तपास संस्थेचे महासंचालक आणि दिल्लीचे पोलीस आयुक्त उपस्थित होते. या बैठकीत जम्मू आणि काश्मीरचे महासंचालक व्हिडिओ कॉन्फरन्सींगच्या माध्यमातून सहभागी झाले होते. तर दुसऱ्या बैठकीला केंद्रीय गृह सचिव, गुप्तचर विभागाचे संचालक, एनएसजी अर्थात नॅशनल सिक्युरिटी  गार्डचे  महासंचालक, राष्ट्रीय तपास संस्थेचे महासंचालक, न्यायवैद्यकशास्त्र सेवा विभागाचे संचालक, दिल्लीमधील न्यायवैद्यकशास्त्र प्रयोगशाळेचे मुख्य संचालक, आणि इतर वरिष्ठ अधिकारी उपस्थित होते.

या बैठकांनंतर, केंद्रीय गृहमंत्री अमित शाह यांनी एक्स या समाजमाध्यमावर म्हटले आहे:

Chaired review meetings on the Delhi car blast with the senior officials. Instructed them to hunt down each and every culprit behind this incident. Everyone involved in this act will face the full wrath of our agencies. pic.twitter.com/8UO2PYCvoh

— Amit Shah (@AmitShah) November 11, 2025

* * *

सोनाली काकडे/तुषार पवार/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai