Ka Tnat Deiriti, Sorkar India, ha ka jingiatreilang bad ka sorkar Madhya Pradesh, ka la rakhe ia ka lyngkhuh sngi kha ba 300 snem jong ka Lokmata Ahilyabai Holkar, ka nongialam ba iohi jngai, bad ka nongpynkylla ia ka deiriti ha ka jingialang kaba heh kaba la pynlong ha Jamburi Maidan, Bhopal ha ka 31 tarik Jymmang, 2025.

Ïa kane ka jingïalang ba kongsan la plie da u Myntri Rangbah duh ka, Narendra Modi, kum u Kongsan

U Myntri Rangbahduh u la sdang ïa ka jingkren jong u da ka jingkyrpad ia ka jingkyrkhu na ka Maa Bharti bad ki longkmie jong ka Bharat kiba mihkhmat ïa ka bor jong ka ‘naari shakti’ jong ka ri India. U la pyndon burom ïa ka pateng ba neh jong ka Lokmata Ahilyabai Holkar jong ka jingaiti lut, ka jingsynshar kaba bha, bad ka jingaiti kaba khlem artatien ban pynkylla ïa ka imlang sahlang. U Myntri Rangbahduh u la pynpaw ba ka lyngkhuh sngi kha ba 300 snem jong ka Lokmata Devi Ahilyabai Holkar, ka dei ka por jong ka jingai mynsiem ïa ki 140 klur ngut ki nong India bad ka khyllipmat ban noh synñiang sha ki sienjam ba khraw ban tei ïa ka ri. U la ong “Ka Mata Ahilyabai ka dei ka dak jong ka jingnoh synniang kaba kordor jong ka bor ki longkmie jong ngi ha kaba tei ia ka ri:”

U la pynpaw ruh ïa ka roi ka par ba la ïalam da ki kynthei, ka jingktah jong ka bad ka sienjam jong ka Sorkar ban kyrshan ia kane.

• “Mynta, ka jingbun ki scientist kynthei kiba trei ha baroh ki kam ba kongsan jong ngi ha kaba iadei bad ka haw haw.” – Myntri Rangbah duh
• Haba ka kynthei ka kamai la ka jong ka pisa, ka burom hapoh ïing ka kiew, bad ka jingïashim bynta jong ka ha ki rai jong ka ïing ka long kaba kham kongsan. Ha kine ki khatwei snem ba la leit noh, ka sorkar jong ngi ka la trei borbah ban pynkup bor ia kynthei jong ka Bharat ha ka liang ka ioh ka kot”- Myntri Rangbah duh
•  “Nagrik Devo Bhava”— ki nongshong shnong kidei ki blei— ka la kylla long ka mantra jong ka jingsynshar jong ngi. Ka sorkar jong ngi ka pynlong ia ka jingthmu jong ka roi ka par ba la ialam da ki kynthei kum ka nongrim jong ka roi ka par” – Myntri Rangbah duh
•  “Mynta, 10 klur ngut ki kynthei ha kylleng ka ri ki ïasoh bad ki self-help group bad ki trei ha ki kam kamai kajih bapher bapher. Ka sorkar ka ïarap ïa kine ki kynthei ban thaw ïa ki lad kamai kiba thymmai, da kaba ai jingkyrshan kaba kot haduh katto katne lak tyngka.”-Myntri Rangbah duh

U Myntri Rangbahduh u la pynpaw shuh shuh ba ka Lokmata Ahilyabai Holkar ka dei ka dak jong ka bor jong ka jingngeit bad ka jingkut jingmut bad ong ba “Ka Devi Ahilyabai ka dei ka dak jong ka jingmut ba da ka mon kaba khlainbad ka jingkut jingmut kaba skhem, wat la ki jinglong jingman ki long kiba sniew katno katno ruh, lah ban ïoh ïa ki jingjop kiba phylla.”

U la kren ruh shaphang ka pateng kaba neh, ka jingktah bad ka jingïadei kaba iaibteng jong ki jingpyrkhat bad ki kam jong ka Devi Ahilyabai wat hadien ar spah snem shiteng – lai spah snem kumta ba ki pateng ki dang ïai bteng ban ïakren ïa kajuh. Haba sot ïa ki kyntien jong ka Devi Ahilyabai Holkar, u Myntri Rangbah duh u la pynpaw biang ïa ki jingpyrkhat jong ka halor ka tynrai jong ka jingsynshar ba shisha bad u la ong “Ka Ahilyabai ka ju ong ba ka jingsynshar ba shisha ka shong ha kaba shakri ïa ki briew bad kyntiew ïa ka jingim jong ki.” U la bynrap ruh ba “ka Mata Ahilyabai ka la shim ia ka rukom synshar kaba long ka nuksa ha kaba la kham phaikhmat bha sha kiba duk bad kiba shah iehnoh bein” - Myntri Rangbahduh.

Ka jingpyni halor ka jingim bad ka pateng jong ka Lokmata Ahilya Bai Holkar Ka bynta ba kongsan jong kane ka jingïalang ka long ka jingpyni ïa ka jingim bad ka pateng jong ka Lokmata Ahilyabai Holkar. Ia ka jingpyni kaba la dap da ki bynta kiba iadei bad ka histori la kyrshan da ki dur jong ki nongdro ba la pynbiang da ka Sorkar Madhya Pradesh bad la pynbeit da ka Commemoration Division jong ka Tnad Deiriti. Ki 4 tylli bynta ba kongsan ha ka jingpyni:

• Ka bynta kaba nyngkong: Ka pynleit jingmut ha ki snem ba ka dang san: Ka pynpaw ïa ka jingïakynduh jong ka Devi Ahilyabai bad u kthaw jong ka ha ki por ban wan, u Malhar Rao, ka jinghikai jong ka ha ki bynta ba bun jait kum ka jingsynshar, ka tnat pla tyngka bad ka jingkheiñ jingdiah, ka martial art bad kiwei kiwei
• Ka bynta kaba ar – Ka jingrakhe ia ka jingmut jong ka shaphang ka jingsynshar bad jinglong nongialam kaba bha: Ka pynleit jingmut ha ka jingsynshar jong ka kaba la aiti sha U Blei Shiva bad ia la ka jong ka jingthmu ban long ka nongsumar ia ki briew jong ka bad ban ai ka jingshakri ia ki.
• Ka bynta kaba 3 – Ka pynpaw ia ki projek jong ka ba iadei bad ka bha ka miat: Ka pynpaw ia ki kam halor ka jingpynthymmai bad jingtei biang ia ki temple bad ka pyni ia kiwei pat ki projek ba iadei bad ki jingdon jingem.
• Ka bynta kaba 4 – Ka pyni ia ka jingtrei jong ka ha kaba iadei bad ki jain: Ka pynpaw ia ka jingthaw ia ka jain Maheswari kaba la pynshong nongrim na ki dur jong ka kut Maheshwar bad ki temple kiba don hajan.

U Myntri Rangbahduh u la ïakren bad ka Hemlata Ji, ka pateng ba hynriew jong ki nongthaiñ ia ki saree Maheshwari. La ialam ia u da u Secretary ka tnad Deiriti lyngba baroh kawei ka jaka.

Ka jingpyllait ia ka Stamp sah jingkynmaw bad ka pisa

Ha kane ka jingïalang la sakhi ruh ïa ka jingpyllait ïa ka pisa sah jingkynmaw bad ka stamp iing dak kum ka jingburom ïa ka lyngkhuh sngi kha ba 300 snem jong ka Lokmata Ahilyabai Holkar, ka jingrakhe ïa ki jingnoh synñiang ba kordor jong ka sha ka jinghiar pateng ka jingngeit bad ka deiriti jong ka India.

Ka Phlim halor ka Lokmata Ahilyabai Holkar

Ha kane ka sngi la pyni ruh ia ka phlim lyngkot ba la shna da ka Commemoration Division, Tnad Deiriti. La ai kyrteng ia kane ka phlim ‘Ahilyabai Holkar: Sanskriti ki Samrakshika, Shaasan ki Shilpkaar’ ka shim ia ka jingthmu, ki jingpynkylla, bad ka jingaiti lut ba kynja mynsiem jong ka kaba ai ia ka jingburom kaba phylla ia ka jingim ba phylla jong ka.

U Myntri Rangbahduh u la plie bad buh mawnongrim na ka bynta ki projek pynroi bapher bapher ha Bhopal, kiba thmu ban kyntiew ïa ki jingdon jingem ha ki jaka sor, ka jingsumar ïa ki pateng, bad ka kam jngohkai pyrthei ha ka thaiñ.

“Ïa ka Indore Metro la plie paidbah mynta ka sngi, bad mynta la sdang ïa ki kam liengsuiñ na Datia bad Satna ruh kumjuh. Kine ki projek kin kyntiew ïa ki jingai jingshakri ia ki paidbah ha Madhya Pradesh, kin pynsted ïa ka roi ka par, bad kin pynmih shibun ki lad ioh kam ba thymmai.” – Myntri Rangbah duh

Myntri Rangbahduh u la ai ruh ïa ka khusnam National Devi Ahilyabai Award sha ka Dr. Jayamati Kashyap - ka nongdro dur ba pawnam na ka bynta ki jingnoh synñiang ba kyrpang jong ka sha ki riewlum ba saindur bad ki kam saindur tynrai, kaba pynskhem ïa ka jingangnud jong ka sorkar ban pynneh pynsah ïa ki kam tynrai ba iar jong ka ri India bad ban pynkupbor ïa ki kynthei nongsaindur.

Kane ka jingialang kynmaw burom ka long shi bynta jong ka jingthmu ba iar jong ka Tnad Deiriti ban rakhe ïa ka pateng ba riewspah jong ka ri India bad ban burom ïa ki nongïohi jngai kiba la buh ïa ka nongrim na ka bynta ka deiriti jong ka ri bad ka jingkyntiew ia ka imlang sahlang.

****