Ha ka sngi kaba lai jong ka WAVES 2025 Summit ka la don ka jingïalang kaba pawnam kaba la ai kyrteng “Ka Jingrah ïa ka put ka tem ka rwai ka siaw jong ka India sha ki kyrdan ba thymmai,” ha kaba la don lang ka kynhun ba pawkhmat kiba ïohi jngai ha ka kam bad ki nongwanrah jingkylla kiba la ïadonlang ban ïakren halor ka jingkiew jong ka put ka tem ka rwai ka siaw jong ka India ha ka pyrthei bad ki lad ki lynti kiba don hakhmat.

Kane ka jingïalang ka la wanrah lang ïa katto katne ki kyrteng ba pawkhmat na ki kam rwai jong ka ri India bad na kylleng ka pyrthei, kiba la ïasam ïa ki jingmut halor ka jingkyntiew ïa ki nongrwai, ka jingpynmih jingrwai, ka jingkiew ka digital, ki jingïatreilang ha ka pyrthei, bad ka jingsaindur ïa ki kam rwai.

U Himesh Reshammiya, u nongthaw jingrwai bad nongrwai ba pawnam jong ka Bollywood, u la batai ia ka WAVES 2025 kum ka rynsan kaba khlain na ka bynta ki nongiatreilang bad ki nongpynmih prokram. U la ban jur ia ka jingdonkam ban pynkhreh na ka bynta ki nongrwai ba thymmai, da kaba ai jingmut ia ki ba kin buh beit ia ka thup jingrwai jong ki kaba la pynkhreh bad kaba la pynbha. Haba pyrkhat ïa la ka jong ka jingïaid lynti, u la pdiang ba watla ki lad ki lynti ki duna ha ki por ba la leit, ki nongrwai kiba kwah ban long ki nongrwai mynta ki lah ban pyndonkam ïa ki rynsan ba laitluid bad ki social media ban pyni ïa ka sap jong ki. Hynrei u la ban jur ba kaba kongsan tam ka dang sah ha ka jingbha jong ka jingrwai - ka dei ban long kaba sngewtynnad ban pynïasoh bad ki nongsngap bad ban buh dak ha ka kam.

U Kwee Tiang, Vice President jong ka Universal Music, u la ïasam ïa ki jingshemphang halor ka jingkylla jong ki ïew jingrwai ha Asia bad ha ka pyrthei. U la pynskhem biang ïa ka jingkut jingmut jong ka Universal Music ban kyntiew ïa ki sap ba don ha ka ri bad ban tei ïa ki lynti ban poi kylleng ka pyrthei na ka bynta ka jingjop jong ki, katba u la pynpaw ïa ka jingdonkam ïa ka kolshor pyndonkam jingrwai kaba kham neh bad kaba don dor ha India.

U nongïalam ha ka liang ka teknoloji ba iadei bad ka put ka tem bad ka jingïada ïa ka hok longtrai, u Dr. Richard Gooch, Chief Technology Officer, IFPI (International Federation of the Phonographic Industry), u la ban jur ïa ka bynta jong ki buit treikam ba la pynïaid da ki jingtip bad ki kyrdon ba iahap kylleng ka pyrthei ha kaba ïada bad kyntiew ïa ki jingrwai jong ka India ha ki rynsan jong ka pyrthei.

Da kaba mihkhmat ïa kawei na ki jaka pynmih jingrwai ba heh tam ha ka pyrthei, u Dinraj Shetty, Executive, Sony Music Publishing u la ïasam ïa ki jingshemphang halor ka jingpynïaid ïa ka hok ba iadei bad ki jingrwai bad kumno ki nongthoh jingrwai bad ki nongshna jingrwai na India ki lah ban kamai kham bha na ka kam jong ki ha ka juk jong ka streaming.

U Vikram Mehra, Managing Director jong ka Saregama, u la ban jur ïa ka jingïadei hapdeng ki nongrwai bad ki kynhun ba dei khmih ia ki jingrwai, da kaba ban jur ba baroh ar ki dei hok ban ïoh burom khnang ba kane ka kam kan kiew shaphrang. U la kdew ba dei ban niewkor ia ki nongrwai namar ka jingstad jong ki, katba ki kynhun ba dei khmih ia ki jingrwai ki dei ban shah ithuh namar ka jingbei tyngka jong ki ha ka jingrwai. U Mehra u la pynpaw ruh ïa ka jingdonkam jong ka iew kaba khlaiñ, ki polisi sorkar kiba ryntih, bad ka sienjam ba tyngeh ia kiba pyniaid iew beain, kaba la ktah jur ïa ka kam rwai.

U Jay Mehta, Managing Director jong ka Warner Music India, u la ïasam ïa ka jingïohi jngai jong u na ka bynta ka lawei jong ka kam rwai ha India, da kaba pynpaw ïa ka jingïapher hapdeng ka GDP jong ka ri kaba kiew stet bad ka jingkiew shaphrang kaba dang sahkut jong ka kam rwai jong ka. U la kdew ba wat hapdeng ka jingkiew ka ioh ka kot, ka kam rwai kam shym la ïaid beit, khamtam eh namar ki jingeh ha ka jingpynmih pisa bad ka jinglong jong ki nongthied nongpet. Hynrei u Mehta u la pynpaw ka jingkyrmen, da kaba ong ba ki nongthied nongpet na India ki kloi ban siew hynrei tang ynda ka jingdon ka long kaba pynhun shisha bad kaba bha. U la ban jur ïa ka jingdonkam ban lap ïa ki sap ba thymmai, ban kyntiew ïa ka jingpher jong ki jait jingrwai, bad ban tei ïa ki jingïadei kiba khlaiñ hapdeng ki jingrwai jong ka ri India bad ka pyrthei ban plie ka lad ba pura jong kane ka kam.

Ka sur kaba kongsan ha kaba iadei bad ki polisi bad ki kyndon, u Fernandes u la ai ka jingïathuh lyngkot ïa ka kam rwai jong ka ri India bad u la kyrshan ïa ki rukom treikam kiba kham khlaiñ, ka jingïada ïa ki hok bad ka jingsaindur digital.

Ia kane ka Session la pyniaid da u Scott De Mercado, u nongseng kam ba iadei bad ka put ka tem uba pawkhmat uba dei ruh u nongai jingmut, da ki jingkylli kiba jylliew kiba la sei ia ki jingmut ba kyrpang bad ki jingmut kiba khmih lynti shakhmat jong uwei pa uwei u nongkren. Haba ban jur ia ka bynta ba kongsan jong ki nongsaindur, u la ong ba ki barikor ki dei ki riewshlur ba shisha jong ka kam, bad dei ban tei ia ka jinglong jingman ban kyrshan bad pynkupbor ia ki.

Ban ioh ia ki jingtip, sngewbha bud ia ngi:

Ha ka X :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Ha ka Instagram:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

* * *