Ha ka WAVES 2025, ka jingïakren jong ki kynhun halor ka “Piracy: Safeguarding Content through Technology” ka la pynïasoh lang ïa ki nongïalam jong ka pyrthei ha ka kam media, ka aiñ, bad ka cybersecurity ban weng ïa kawei na ki jingeh kaba jur tam kaba don hakhmat ka ïoh ka kot na ki kam digital. La pynïaid da u Neil Gane, Vice President bad u Khlieh jong ka Asia Pacific ha IP House, ka jingïakren ka la pynpaw ïa ka jingïasngewthuh jingmut kaba nang kiew ba ka piracy kam dei shuh ka jingeh kaba rit hynrei ka dei ka jingma kaba kongsan kaba dawa ïa ki jingpynbeit kiba ïatreilang, kiba bun rukom.

U Vivek Couto, Managing & Executive Director jong ka Media Partners Asia, u la pynpaw ïa ka jinglut jingsep namar ka jingpyniaid beain. “la khmih ba ka jingpyniaid beiain lyngba ki lad online kan pynduhnong ïa ka karkhana palat 10% ka jingduhnong hapdeng u snem 2025 bad 2029,” u la ong. “Hynrei ka jingpyntreikam ia ki lad pyrshah ia ka jingpyniad iew beain ka lah ban pynlong ïa ka jingkiew kaba 25% ha ki nongpyndonkam ïa ki jingshakri video ba bud ia ki aiñ bad plie lad ïa ka jingkiew kaba US$ 0.5 billion ha ka jingbei tyngka ha ki jingdonkam, kaba pynkiew ïa ka dor baroh sha ka US$ 3.8 billion shuwa u snem 2029.” U la kyntu ïa ki nongshim bynta ban pynbeit thymmai ïa ka jingïakren halor ka jingpyniaid iew beain na ka jingïada sha ka jinglah, khamtam katba ka ïoh ka kot jong ka India ka nang kiew.

Ka Dr. Shruti Mantri, Associate Director ha ka ISB Institute of Data Science ka la pynpaw ia ka jingiasoh ka digital piracy bad ka cybercrime. “Ka Piracy bunsien ka kynthup ïa ki tiar kiba sniew kum ki trojan, ki ransomware, bad spyware. Ki nongpyndonkam hapdeng ka rta 18-24 snem kidei kiba ju kham don ha ka jingma,” ka la ong. Ka la kyntu ia ki jingpynsngewthuh paidbah kiba bniah bad ki sienjam ai jinghikai, da kaba kdew ba ka jingiada ka dei ban sdang na ki nongthied kiba don jingtip. Ka la pynbna ruh ia ka Digital Piracy Summit kaba la pynlong da ka ISB ha ka jingiatreilang bad ka CBI bad ka Interpol ha ka 9-10 tarik u Naitung.

Haba kren halor ki kam iada kiba iadei bad ki kam ïalehkai, u Anurag Kashyap, u Khlieh duh jong ka Anti-Piracy Operations ha DAZN, u la batai ïa ka rukom ïada. "Ka buit treikam jong ngi ka long kaba la tei sawdong ki lai tylli ki D: ka jinglap, ka jingpynthut, bad ka jingpynsangeh. Ngi sdang ban pyntreikam wat shwa ba ka jingïalehkai ka poi sha ki paidbah," u la ong. Ka invisible watermarking, u la bynrap, ka don ka bynta kaba kongsan ha kaba buddien ia ki jingduh jingkamai.

U riewshemphang ha ka ain u Anil Lale, Head-Legal ha ka Jio Hotstar u la ban jur ia ka jingdonkam ban pyntreikam ia ka ain kaba khlain. "Ka jingkhanglad kaba khraw tam ka long ban pynngat ha ki kyndon aiñ ia kiba kamai beain. Ki bor jong ka ain ki dei ban wad ia ka tynrai jong ki tyllong jong ki jingduhnong bad sangeh ban shu buddien ia ki kam jong ki," u la ong. Ka jingïada, u la pynskhem, ka dei ban long kaba shimkhia ban ïa kaba leh pyrshah.

U Praveen Anand jong ka Anand and Anand Associates u la ban jur ba ka jingpynbeit ka shong ha baroh ar ka teknoloji bad ka jingpynkylla ia ka ain bishar. "Ki tiar kum ka AI, ka blockchain, bad ka watermarking ki long kiba kongsan. Hynrei ngi dei ruh ban pynlong ïa ka camcording kaba eh da ki lad ki lynti kum ki metal detector. Ka jingpynshitom katkum ka ain ha ka por kaba biang kalong kaba kongsan ban khanglad,” u la ong.

Ka kynhun ka la iamynjur lang halor ka jingdonkam ia ka jingiatreilang, ha kaba ka teknoloji, ki aiñ, ki kynhun pyntreikam, bad ka jingpynsngewthuh paidbah ki ïatreilang ban ïada ïa ka lawei jong ki prokram digital. Ka WAVES 2025, lyngba kum kine ki jingïakren, ka dang bteng ban pynpaw ïa ki buit treikam kiba lah ban leh na ka bynta ki jingeh kiba kongsan tam jong ka kam Media bad jingpynbyrngia.

Na ka bynta ki jingpynbna, sngewbha bud ia ngi:

Ha ka X :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Ha ka Instagram:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

* * *