প্রধানমন্ত্রীগী লোইশঙ
“আইনগী মতেং ফংহনবগী থবকশিং মপাঙ্গল কনখৎহন্নবা” নেসনেল কনফরেন্স হৌদোকপগী শক্তমশিং প্রধান মন্ত্রীনা সিয়ার তৌখ্রে
Posted On:
08 NOV 2025 10:22PM by PIB Imphal
ঙসি ভারতকী সুপ্রিম কোর্ততা পাংথোকখিবা “আইনগী মতেং ফংহনবগী থবকশিং মপাঙ্গল কনখৎহন্নবা” নেসনেল কনফরেন্স হৌদোকপগী শক্তমশিং প্রধান মন্ত্রী শ্রী নরেন্দ্র মোদীনা সিয়ার তৌখ্রে। প্রধান মন্ত্রীনা হায়খি আইনগী মতেং ফংহনবগী থবকশিং মপাঙ্গল কনখৎহন্নবা অমসুং লিগেল সর্বিসেস দেগা মরী লৈনবা থৌরমনা ভারতকী ৱায়েল কাংলোনগী থবকশিংদা অনৌবা মপাঙ্গল হাপ্লগনি। ২০ শুবা নেসনেল কনফরেন্স অসিদা মীওই খুদিংমক্ত প্রধান মন্ত্রীনা মহাক্কী য়াইফ পাউজেল পীখ্রে।
এক্সতা পোষ্টশিংগী পরিং অমদা, প্রধান মন্ত্রীনা হায়খি
“চহি ৩০ মপুংফারকপদা নেসনেল লিগেল সর্বিসেস ওথোরিতি থাগৎচরি!
সুপ্রিম কোর্ততা পাংথোক্লিবা নেসনেল কনফরেন্স অসিনা মখা তানা ঐখোয়গী অচুম্বা ৱায়েল ফংহনবগী থবক মীয়ামদা হেন্না ফংহন্নবা থবকশিং মখা তানা ফগৎহনগনি হায়না ঐনা থাজবা থম্লি”।
“হৌখিবা চহি খরদা, লাইনা অচুম্বা ৱায়েল ফংবা হেনগৎনবা ঐখোয়গী সরকরনা মরুওইবা থবক কয়া পায়খৎলে।
তোঙান তোঙানবা থবকশিংনা লায়রবা, তোল্লবা অমসুং খুন্নাইগী ফিবম চাদ্রবা কাংলুপশিংদা য়াংনা অমসুং মমল হোংনা অচুম্বা ৱায়েল ফংহল্লে”।
“ভারতকী চৎনবীশিংদা মতম পুম্নমক্ত য়াশিন্নবা পুরকপনা অচৌবা মফম অমা কল্লি। অনৌবা মেদিএসন এক্তনা য়াশিন্নবা পুরক্নবা অনৌবা থবকশিং অমসুং অতোপ্পা হিরমশিংদা মীৎয়েং চঙলে”।
“সুপ্রিম কোর্তকী থবক্না জজমেন্ত ৮০,০০০ হেন্না ভারতকী তোঙান তোঙানবা লোলশিংদা হন্দোকপা অসি তশেংনা থাগৎনিঙাইনি। মসিগী শিংথানিঙাই ওইরবা থবক অসি হায় কোর্তশিং অমসুং দিষ্ট্রিক কোর্তশিংদসু পাংথোক্কনি হায়না ঐনা থাজবা থম্লি”।
***
(Release ID: 2187985)
Visitor Counter : 3