প্রধান মন্ত্রী শ্রী নরেন্দ্র মোদীনা ঙসি ভারতকী সুপ্রিম কোর্ত্তা 'লিগেল এদ দেলিভরী মেকানিজমশিং মপাঙ্গল কনখৎহনবা' হায়বা নেস্নেল কনফরেন্স হৌদোকখ্রে। থৌরম অদুদা তিনখিবা মীয়ামদা ৱা ঙাংলদুনা শ্রী মোদীনা হায়খি মদুদি মরুওইবা থৌরম অসিদা শরুক য়ারিবা পুম্নমক্কী মরক্তা য়াওবা ফংজবা অসি তশেংনা অখন্নবা অমনি। মহাক্না হায়খি মদুদি লিগেল সর্ভিসেস দেগা মরী লৈনবা প্রোগ্রাম অমসুং লিগেল এদ পীনবগী মেকানিজম মপাঙ্গল কনখৎহনবা অসিনা ভারতকী জুদিসিএল সিস্তেমদা অনৌবা শক্তি পীরগনি। 20শুবা নেস্নেল কনফরেন্সকীদমক্তা প্রধান মন্ত্রীনা মীপুম খুদিংমক্তা য়াইফ-পাউজেল পীখি। মহাক্না মফম অসিদা লৈরিবা দিগ্নিতরীশিং, জুদিসিয়রীগী মেম্বরশিং, অমসুং লিগেল সর্বিস ওথোরিতীশিংগী মীহুৎশিংদসু য়াইফ-পাউজেল পীখি।

প্রধান মন্ত্রীনা হায়খি, "জস্তিস অসি মীপুম খুদিংদা এক্সেসিবল ওইবা মতমদা, মতম চানা দেলিভর তৌবা মতমদা অমসুং মখোয়গী সোসিএল নত্ত্রগা ফাইনান্সিএল বেকগ্রাউন্দ য়েংদনা মীপুম খুদিংমক্তা য়ৌরবা মতমদা – মদুদতা মসিনা তশেংনা সোসিএল জস্তিসকী য়ুম্ফম ওই"। মহাক্না হায়খি মদুদি লিগেল এদ অসি অসিগুম্বা এক্সেসিবিলিতি অসি ফংহনবদা মরুওইবা থৌদাং অমা লৌরি। মহাক্না হায়খি মদুদি নেস্নেল লেভেলদগীনা তালুকা লেভেল ফাওবদা, লিগেল সর্ভিস ওথোরিতীশিংনা জুদিসিয়রী অমসুং মীচম প্রজাগী মরক্তা থোং অমা ওইনা থবক তৌরি। শ্রী মোদীনা লোক অদালৎ অমসুং প্রি-লিতিগেসন সিস্তেমশিংগী খুত্থাংদা, লাখ কয়াগী ৱাথোকশিং অথুবা মতমদা, শান্তি ওইবাম মওংদা অমসুং শেল চংদনা লোইশিন্নবা হোৎনবদা অপেনবা ফোংদোকখি। ভারত সরকারনা হৌদোকখিবা লিগেল এদ দিফেন্স কাউন্সেল সিস্তেমগী মখাদা চহি অহুম খক্তদা ক্রিমিনেল কেস লাখ 8রোমগী ৱারোইশিন পীখ্রে হায়না মহাক্না পনখি। মহাক্না হায়খি, মসিগী খোঙথাং অসিনা লৈবাক অসিগী লায়রবশিং, অৱাবা তারবশিং, শোত্থরবশিং অমসুং খুদোংচাদ্রবশিংবু অচুম্বা ৱায়েল ফংহনবদা মতেং পাংলি।

হৌখিবা চহি 11 অসিদা, সরকারনা ইজ ওফ দুইং বিজিনেস অমসুং ইজ ওফ লিভিং হেনগৎহন্নবা লেপ্পা লৈতনা মীৎয়েং থম্লি হায়না পল্লদুনা শ্রী মোদীনা হায়খি মদুদি বিজিনেসশিংগীদমক মথৌ তাদবা কমপ্লায়েন্স 40,000 হেন্না লৌথোকখ্রে। জন বিশ্বাস এক্তকী খুত্থাংদা, আইনগী প্রোভিজন 3400 হেন্না দি-ক্রিমিনেলাইজ তৌখ্রে, অমসুং মতমগা চুনদ্রবা আইন 1500 হেন্না মুত্থৎখ্রে। মহাক্না হায়খি মদুদি মতম শাংনা চৎনদুনা লাক্লবা আইনশিং অদু হৌজিক্তি ভারতীয় ন্যায়া সনহিতানা মহুৎ শিনখ্রে।

“ইজ ওফ দুইং বিজিনেস অমসুং ইজ ওফ লিভিং অসি ইজ ওফ জস্তিস ফংহল্লবা মতমদা খক্তা তশেংনা ওইথোকপা ঙম্মি; হৌখিবা চহিশিংদা ইজ ওফ জস্তিস হেনগৎহন্নবা খোঙথাং কয়া লৌখৎখ্রে অমসুং মাংদা চংশিল্লি, ঐখোয়না মাইকৈ অসিদা খোঙথাং অসি খুমাং চাউশিনহনগনি”, হায়না প্রধান মন্ত্রীনা ফোংদোকখি।

চহি অসিদা নেস্নেল লিগেল সর্ভিসেস ওথোরিতী (NALSA) গী চহি 30 মপুং ফারকপা অদু পল্লদুনা প্রধান মন্ত্রীনা হায়খি মদুদি হৌখিবা চহি তরা অসিদা NALSAনা লৈবাক অসিগী শোত্থরবা নাগরিকশিংগা জুদিসিয়রীগা শম্ননবা থবক তৌরি। মহাক্না উবা ফংখি মদুদি আইনগী ওইবা সর্ভিসকী ওথোরিতীশিংদা চঙশিল্লিবা মীওইশিং অসি অয়াম্বা মতমদা রিসোর্স, রিপ্রজেন্তেসন, অমসুং করিগুম্বা মতমদা, আশা ফাওবা লৈতে। মখোয়দা আশা অমসুং মতেং পীনবা, মহাক্না হায়খি, অসি NALSAগী মমিংদা য়াওরিবা "সর্ভিস" হায়বা ৱাহৈ অসিগী অশেংবা ৱাহন্থোক্নি। শ্রী মোদীনা NALSAগী মেম্বর খুদিংমক্না পুক্নিং চিংশিন্দুনা অমসুং প্রোফেস্নেলিজমগা লোয়ননা মখা তানা থবক তৌগনি হায়না থাজবা থমখি।

NALSAগী কম্ম্যুনিতী মেদিএসন ত্রেনিং মোদ্যুল হৌদোকপগী মতাংদা শ্রী মোদীনা হায়খি মদুদি মসিনা ৱারী শানদুনা অমসুং কন্সেন্সসকী খুত্থাংদা ৱাথোকশিং কোকহন্নবগী ভারতকী অরিবা চৎনবী অদু অমুক হন্না হিংগৎহল্লি। গ্রাম পঞ্চায়ৎতগী হৌরগা খুঙ্গংগী মকোকশিং ফাওবদা, মেদিএসন অসি মতম পুম্নমক্তা ভারতকী সিভিলাইজেসনগী শরুক অমা ওইদুনা লাক্লি। অনৌবা মেদিএসন এক্ত অসিনা চৎনবী অসিবু অনৌবা মশক মওং অমা পীরি হায়না মহাক্না ফোংদোকখি। প্রধান মন্ত্রীনা থাজবা ফোংদোকখি মদুদি ত্রেনিং মোদ্যুল অসিনা কম্ম্যুনিতী মেদিএসনগীদমক রিসোর্স শেমগৎপদা মতেং পাংগনি। মসিনা ৱাথোকশিং কোকহন্নবা, নুংশি চান্ননা লৈনবা অমসুং লিতিগেসন হন্থহনবদা মতেং পাংগনি।

তেক্নোলোজী অসি শিংননিংঙাই ওইবা ফোর্স অমনি হায়না পল্লদুনা শ্রী মোদীনা হায়খি, অদুবু মসিনা মীয়ামগী মায়কৈদা মীৎয়েং চংলকপা মতমদা, মসিনা দেমোক্রেতাইজেসনগীদমক শক্তি লৈবা খুৎলাই অমা ওইরকই। UPIনা মতৌ করম্না দিজিতেল পেমেন্তশিংদা অহোংবা পুরকখিবগে হায়বদু মহাক্না ফোংদোকখি। মসিনা খ্বাইদগী পীকপা ভেন্দরশিং ফাওবা দিজিতেল ইকোনোমীগী শরুক অমা ওইহনখ্রে। মহাক্না হায়খি মদুদি খুঙ্গংশিং অসি কিলোমীতর লাখ কয়াগী ওপ্তিকেল ফাইবরগা শম্নহল্লে অমসুং চয়োল খরগী মমাংদা, খুঙ্গংগী মফমশিংদা মোবাইল তাৱর লাখ অমগী ময়াদা অমুক্তংদা লোঞ্চ তৌখি। তেক্নোলোজীনা হৌজিক্তি ইনক্লুজন অমসুং এম্পাৱরমেন্তকী মেদিয়ম অমা ওইনা থবক তৌরি হায়না মহাক্না ফোংদোকখি। প্রধান মন্ত্রীনা ই-কোর্তস প্রোজেক্ত অসিবু তেক্নোলোজীনা করম্না জুদিসিএল প্রোসেসশিংবু মোদর্নাইজ তৌবা অমসুং হ্যুমেনাইজ তৌবা ঙম্বগী মশক থোকপা খুদম অমা ওইনা পনখি। ই-ফাইলিংদগী ইলেক্ত্রোনিক সমন সর্ভিস, ভর্চুএল হিয়রিংদগীনা ভিদিও কনফরেন্সিংগী ফাওবা, তেক্নোলোজীনা পুম্নমকপু লায়থোকহল্লে অমসুং জস্তিস ফংহনবদা হেন্না লায়হল্লে হায়না মহাক্না হায়খি। মহাক্না হায়খি মদুদি ই-কোর্তস প্রোজেক্তকী অহুমশুবা তাঙ্কক্কীদমক বজেৎ অসি লুপা করোর 7,000 হেনগৎখ্রে। মসিনা খোঙথাং অসিদা সরকারনা অচেৎপা ফিরেপ লৌবগী মমি তারি।

লিগেল এৱারনেসকী মরুওইবা অদু পল্লদুনা প্রধান মন্ত্রীনা হায়খি মদুদি লায়রবশিংনা মখোয়গী হকশিং খঙদ্রিবা ফাওবা, আইনবু খঙদ্রিবা ফাওবা অমসুং সিস্তেমগী কমপ্লেক্সিতীগী থাজবশিংবু মায়োক্নদ্রিবা ফাওবা মখোয়না জস্তিস ফংবা ঙম্লোই। মহাক্না হায়খি মদুদি লায়রবা কাংলুপশিং, নুপীশিং অমসুং অহল ওইরবা মীওইশিংগী মরক্তা আইনগী ওইবা এৱারনেস হেনগৎহনবা অসি মরুওইবা অমনি। প্রধান মন্ত্রীনা মসিগী মাইকৈ অসিদা লিগেল ইন্সতিত্যুসনশিং অমসুং জুদিসিয়রীনা লেপ্পা লৈতনা হোৎনরিবশিং অদুগীদমক থাগৎপা ফোংদোকখি। মহাক্না থাজবা থমখি মদুদি নহারোলশিং, মরুওইনা লোগী মহৈরোয়শিংনা অহোংবা পুরক্নবা থৌদাং লৌবা ঙম্মি। শ্রী মোদীনা হায়খি মদুদি করিগুম্বা লোগী মহৈরোয়শিংনা মখোয়গী আইনগী ওইবা হকশিং অমসুং থৌওংশিং শন্দোক্না তাক্নবগীদমক লায়রবশিং অমসুং খুঙ্গংগী কাংলুপশিংগা পুনশিন্নবা পুক্নিং থৌগৎলবদি, মখোয়না খুন্নাইগী অপাম্বগী মতাংদা হকথেংননা খঙবা ঙমগনি। সেল্ফ হেল্প গ্রুপশিং, কোওপরেতিবশিং, পঞ্চায়তী রাজ ইন্সতিত্যুসনশিং অমসুং অতোপ্পা মপাঙ্গল কনবা গ্রাসরুৎ নেৎৱার্কশিংগা থবক তৌমিন্নদুনা, লিগেল নোলেজ অসি য়ুমথোং খুদিংদা য়ৌহনবা ঙমগনি হায়না মহাক্না মখা তাখি।

প্রধান মন্ত্রীনা লিগেল এদকী অতোপ্পা মরুওইবা হীরম অমা ফোংদোকখি: জস্তিস অসি রেসিপিয়ন্ত অদুনা খঙবা ঙম্বা লোল অমদা পীগদবনি। মহাক্না হায়খি মদুদি আইনশিং শেম্বা মতমদা মসিগী ৱাখল্লোন অসি খন্নগদবনি। মীয়াম্না মখোয়গী মশাগী লোলদা আইনশিং অদু খঙবা ঙম্লবদি, মসিনা হেন্না ফবা মওংদা চৎনহনগনি অমসুং লিতিগেসন হন্থহল্লগনি। মহাক্না রাইশিং অমসুং লিগেল দোক্যুমেন্তশিং অসি লোকেল লোলশিংদা ফংহনবগী তঙাইফদবা অদুদা অকনবা ৱাফম থমখি। শ্রী মোদীনা সুপ্রিম কোর্তকী ৱারেপ 80,000গী মথক্তা ভারতকী লোন 18দা হন্দোকপগী খোঙথাং অদু থাগৎখি। মহাক্না হায় কোর্তশিং অমসুং দিস্ত্রিক্ত কোর্তশিংদসু মসিগী খোঙথাং অসি মখা চত্থখিগনি হায়না থাজবা থমখি।

মহাক্কী ৱারোল লোইশিল্লদুনা, প্রধান মন্ত্রীনা লো প্রোফেসন, জুদিসিএল সর্ভিসশিং অমসুং জস্তিস দেলিভরী সিস্তেমদা লৈরিবা স্তেকহোল্দর পুম্নমকপু ভারতনা চাউখৎলবা লৈবাক অমা ওইনা মশক খঙলবা মতমদা ভারতকী জস্তিস দেলিভরীগী তুংলমচৎকী ৱাখল্লোন লৌনবা তকশিনখি। মহাক্না অপুনবা ওইনা মাইকৈ অদুদা চংশিনবগী তঙাইফদবা অদুদা মরুওইনা ফোংদোকখি। প্রধান মন্ত্রীনা NALSA, লিগেল ফ্রেতর্নিতী পুম্নমক অমসুং জস্তিস দেলিভরীগা মরী লৈনবা মীওই পুম্নমকপু থাগৎপা ফোংদোকখি অমসুং থৌরম অসিগীদমক্তা ময়াম পুম্নমক্তা য়াইফ-পাউজেল পীখি।

ভারতকী চীফ জস্তিস, জস্তিস শ্রী বি.আর. গভাই, শ্রী গাবাই, কেন্দ্রগী মন্ত্রী শ্রী অর্জুন রাম মেঘৱাল অমসুং অতোপ্পা মকোক থোংবা মীওইশিংসু থৌরম অদুদা শরুক য়াখি।

বেকগ্রাউন্দ

'লিগেল এদ দেলিভরী মেকানিজমশিং মপাঙ্গল কনখৎহনবা'  হায়বা নেস্নেল কনফরেন্স অসি NALSAনা শীনবা নুমিৎ নিনিগী কনফরেন্স অমনি, মসিদা লিগেল এদ দিফেন্স কাউন্সেল সিস্তেম, পেনেল লোয়রশিং, পেরা-লিগেল ভোল্যুন্তিয়রশিং, পর্মিনেন্ত লোক অদালাতশিং অমসুং লিগেল সর্বিসেস ইন্সতিত্যুসনশিংগী ফাইনান্সিএল মেনেজমেন্তকুম্বা লিগেল সর্বিসশিংগী ফ্রেমৱার্ক্কী মরুওইবা হিরমশিংদা খন্ন-নৈনগনি।

Addressing the National Conference on Strengthening Legal Aid Delivery Mechanisms at Supreme Court. https://t.co/aAlPK9koIK

— Narendra Modi (@narendramodi) November 8, 2025

जब न्याय सबके लिए Accessible होता है, Timely होता है, जब न्याय Social या Financial Background देखे बिना हर व्यक्ति तक पहुंचता है, तभी वो सामाजिक न्याय की नींव बनता है: PM @narendramodi

— PMO India (@PMOIndia) November 8, 2025

Ease of Doing Business और Ease of Living तभी संभव हैं... जब Ease of Justice भी सुनिश्चित हो।

पिछले कुछ वर्षों में, Ease Of Justice को बढ़ाने के लिए भी कई कदम उठाए गए हैं।

और आगे, हम इस दिशा में और तेजी लाएंगे: PM @narendramodi

— PMO India (@PMOIndia) November 8, 2025

Mediation हमेशा से हमारी सभ्यता का हिस्सा रही है।

नया Mediation Act इसी परंपरा को आगे बढ़ा रहा है, उसे आधुनिक स्वरूप दे रहा है: PM @narendramodi

— PMO India (@PMOIndia) November 8, 2025

जब लोग कानून को अपनी भाषा में समझते हैं, तो इससे Better Compliance होता है और मुकदमेबाजी कम होती है।

इसके साथ ही ये भी आवश्यक है कि judgements और legal documents को स्थानीय भाषा में उपलब्ध कराया जाए: PM @narendramodi

— PMO India (@PMOIndia) November 8, 2025

***