اصلاحات کے مشن میں وسیع تر عوامی شمولیت کی حوصلہ افزائی کرتے ہوئے، 'ریپیئربیلیٹی انڈیکس کے ذریعے صارفین کو بااختیار بنانے' کے موضوع پر لوگو ڈیزائن مقابلہ، مائی گورنمنٹ اور نیشنل لاء یونیورسٹی دہلی میں کنزیومر لاء کی چیئر کے ساتھ مل کر صارفین کے امور کے محکمے نے شروع کیا ہے۔ اس اقدام کا مقصد ملک بھر کے شہریوں کے تخلیقی افکار کو جمع کرنا اور اس مشن میں عوام کو بڑے پیمانے پرشامل کرنا ہے۔

اس سے پہلے، صارفین کے امور کے محکمے نے  ‘رائٹ ٹو ریپیئر ’کے ذریعے ریپیئریبیلیٹی انڈیکس فریم ورک'  وضع کیا ہے، یہ اقدام صارفین کو بااختیار بنانے اور ای-ویسٹ (الیکٹرانک فضلہ) کو کم کرنے کے لیے ہے، تاکہ وہ شفاف اور باخبر انداز میں مصنوعات کا انتخاب کر سکیں۔یہ فریم ورک اہم ہے کیونکہ یہ صارفین کو نئی مصنوعات خریدنے کے بجائے زیادہ سے زیادہ قیمت پر اپنی مصنوعات کو درست کرنے کا موقع فراہم کرے گا۔

یہ لوگو درج ذیل مقاصد کو پورا کرے گا:

1. کسی پروڈکٹ کی ریپیئریبلٹی انڈیکس کی درجہ بندی کو واضح طور پر ظاہر کرنے کے لیے۔

2. رائٹ ٹو ریپئر اور سرکلر اکانومی کے بنیادی اصولوں کو ظاہر کرنا۔

3. ایک سرٹیفیکیشن نشان کے طور پر کام کرنا جسے صارفین آسانی سے پہچان سکتے ہیں۔

مجوزہ لوگو ایک سرکلر معیشت کی طرف ہندوستان کی منتقلی کی علمی نمائندگی کے طور پر کام کرے گا، ذمہ دارانہ استعمال اور صارفین کو بااختیار بنانے کو فروغ دے گا۔

ریپیر ایبلٹی انڈیکس فریم ورک کے ذریعے  درستگی کے حق کی ابتدائی توجہ کے لیے اہم شعبے کاشتکاری کا سامان، موبائل فون اور ٹیبلیٹس، صارف پائیدار، آٹوموبائل اور آٹوموبائل کا سامان ہیں۔ صارفین کے امور کے محکمے نے صارفین کے حقوق کو تقویت دینے، پائیدار کھپت کو فروغ دینے اور سرکلر اکانومی کو مضبوط کرنے کے لیے ریپیر ایبلٹی انڈیکس فریم ورک کے تحت ایک کثیر جہتی حکمت عملی کا آغاز کیا ہے۔ یہ صارفین کے پیسے کی بچت کرے گا اور آلات کی زندگی کے دورانیے، دیکھ بھال، دوبارہ استعمال، اپ گریڈ، ری سائیکلیبلٹی، اور فضلہ کو ٹھکانے لگانے کے طریقے میں بہتری لا کر سرکلر اکانومی کے مقاصد میں رول ادا کرے گا۔

اس کا مقصد صارفین کو ان کی خریداریوں کی حقیقی "ملکیت" کے ساتھ بااختیار بنانا اور ماحولیات کے لئے طرز زندگی اختیار کرنے کی مہم کے ضمن میں ذہن سازی اور سمجھ بوجھ کر استعمال کے طریقے  کو مدنظر رکھتے ہوئے تجارتی اور درستگی کے ماحولیاتی نظام کو ہم آہنگ کرنا ہے۔ ان مقاصد کو عملی جامہ پہنانے کے لیے، 24 دسمبر 2022 کو صارفین کے حقوق کے قومی دن کے موقع پر ایک "رائٹ ٹو ریپئر پورٹل انڈیا" شروع کیا گیا، جو صارفین، مینوفیکچررز اور تیسرے فریق کےلیے سدھار سے متعلق معلومات تک رسائی کے لیے ایک متحد ڈیجیٹل پلیٹ فارم کے طور پر کام کرتا ہے۔

ایک بار لاگو ہونے کے بعد، اس فریم ورک کو شمار شدہ بنیادی پیرامیٹروں میں بنیاد بنایا جائے گا، ہر ایک ان کی مرمت میں آسانی کی بنیاد پر مصنوعات کی تشخیص، درجہ بندی اور موازنہ کرنے کی بنیاد کے طور پر کام کرتا ہے۔ اس اقدام کی بصری نمائندگی کرنے اور عوامی شناخت اور اعتماد کو بڑھانے کے لیے، یہ مقابلہ ایک الگ اور اثر انگیز لوگو تیار کرنے کے لیے شروع کیا گیا ہے۔

یہ مقابلہ  یکم نومبر 2025 تک 16 سال اور اس سے زیادہ عمر کے تمام ہندوستانی شہریوں کے لیے کھلا ہے۔ شرکاء کو اصل لوگو ڈیزائن جمع کرانے کے لیے مدعو کیا جاتا ہے جس کے ساتھ ڈیزائن آئیڈیا اور تھیم سے اس کی مطابقت کی وضاحت کرتے ہوئے ایک مختصر تصوراتی نوٹ پیش کیا جائے۔ اندراجات کو مقررہ فارمیٹ میں مائی گورنمنٹ پورٹل (ریپئربیلیٹی انڈیکس | مائی جی او وی ڈاٹ ان  کے ذریعے صارفین کو بااختیار بنانا) کے ذریعے 30 نومبر 2025 (23:45 بجے ہندوستانی معیاری وقت کے مطابق) تک اپ لوڈ کیا جانا چاہیے۔ جیتنے والے اندراج کو25,000 روپے  کا نقد انعام ملے گا اور منتخب لوگو کو سرکاری طور پر ریپیر ایبلٹی انڈیکس فریم ورک کے نشان کے طور پر اپنایا جا سکتا ہے۔

صارفین کے امور کا محکمہ پورے ہندوستان میں تخلیقی شہریوں، ڈیزائنرز، طلباء اور اختراع کاروں کی حوصلہ افزائی کرتا ہے کہ وہ ذمہ دارانہ کھپت اور پائیدار زندگی کی طرف ملک کی منتقلی کی علمی نمائندگی کرنے کے لیے اس قومی کوشش میں حصہ لیں۔

پس منظر:

جولائی 2022 میں، محکمہ نے اصلاحات کے حق کے لیے ایک جامع قومی فریم ورک تیار کرنے کے لیے ایک اعلیٰ سطحی کمیٹی تشکیل دی۔ صارفین کے حقوق کے قومی دن کے موقع پر، 24 دسمبر 2022 کو رائٹ ٹو ریپئر پورٹل انڈیا" شروع کیا گیا۔

اسٹیک ہولڈر کی مصروفیت کے ایک حصے کے طور پر، مارچ 2024 میں محکمہ نے چار اہم شعبوں (آٹوموبائل، کنزیومر پائیدار، موبائل اور الیکٹرانکس، کاشتکاری کا سامان) کی کمپنیوں کی ایک میٹنگ کی تاکہ انہیں پورٹل پر آن بورڈ کیا جا سکے۔ اس میٹنگ کے دوران، اسپیئر پارٹس کی محدود دستیابی، درستگی کے کتابچے کی عدم موجودگی اور اصلاحات کے زیادہ اخراجات جیسے مسائل کو صارفین کی ‘‘ رائٹ ٹو ریپیئر’’  میں رکاوٹوں کے طور پر اجاگر کیا گیا۔

جولائی 2024 میں، اسٹیک ہولڈروں کی میٹنگ خاص طور پر آٹوموبائل ایسوسی ایشنز اور پارٹنر کمپنیوں کے ساتھ بلائی گئی تھی جس میں اس کے دستورالعمل اور درستگی-ویڈیوزکو عوامی بنانے، تھرڈ پارٹی ریپیرر کو فعال کرنے اور آٹوموٹیو مصنوعات کے لیے ریپیر ایبلٹی انڈیکس تیار کرنے کی ضرورت پر زور دیا گیا تھا۔

اگست 2024 میں، موبائل اور الیکٹرانکس شعبے میں ‘‘ رائٹ ٹو ریپئر’’  پر ایک قومی ورکشاپ کا انعقاد کیا گیا۔ ورکشاپ کا مقصد مصنوعات کی لمبی عمر کو فروغ دینے، رپیئر کی معلومات تک رسائی اور صارفین کی اپنے آلات کو ضائع کرنے کی بجائے دوبارہ استعمال کرنے کی صلاحیت کو بڑھانے کے لیے ریپیر ایبلٹی انڈیکس کے کلیدی پیرامیٹروں پر صنعت کے شعبے کے وابستگان کے درمیان اتفاق رائے قائم کرنا تھا۔

اس کے بعد، کمیٹی نے3 مئی 2025 کو اپنی رپورٹ پیش کی جس میں اسمارٹ فونز اور ٹیبلیٹس کو ریپیر ایبلٹی انڈیکس  فریم ورک کے تحت شامل کیا جانے والا پہلا پروڈکٹ زمرہ قرار دیا گیا۔ کمیٹی نے "ترجیحی حصوں" کی نشاندہی کی جیسے بیٹری، ڈسپلے اسمبلی، بیک کور اسمبلی، سامنے/پچھلے کیمرے، چارجنگ پورٹ، مکینیکل بٹن، مین مائیکروفون، اسپیکر، قبضہ/فولڈنگ میکانزم اور بیرونی آڈیو کنیکٹر شامل ہیں۔

ریپیئریبیلیٹی انڈیکس کو چھ بنیادی پیرامیٹرز میں جانچنے کی تجویز ہے: الگ الگ کرنے کی صلاحیت؛ درستگی کی معلومات کی دستیابی؛ مناسب ٹائم لائن کے اندر اسپیئر پارٹس کی دستیابی؛ سافٹ ویئر اپ ڈیٹس؛ ٹولز اور فاسٹنر (قسم اور دستیابی)۔ مجوزہ اسکیم کے تحت، او ای ایم  معیاری اسکورنگ کے معیار کی بنیاد پر ریپیئریبیلیٹی انڈیکس کا خود اعلان کریں گے اور ریپیئریبیلیٹی انڈیکسا سکور کو پوائنٹ آف سیل، آن لائن پلیٹ فارمز اور پیکیجنگ پر  کیو آر کوڈکے ذریعے ظاہر کریں گے جس سے صارفین کو باخبر انتخاب کو قابل بنایا جائے گا۔

*****

 ( ش ح ۔ ع و۔اش ق)

U. No. 744