প্রধান মন্ত্রী শ্রী নরেন্দ্র মোদীনা ঙসি গুজরাতকী কেৱারিয়াদা রাস্ত্রিয় একতা দিবসকী থৌরমদা ৱা ঙাংখ্রে। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি সরদার পতেলগী 150শুবা মপোক কুমওন অসি পুৱারী ওইরবা থৌরম অমনি। একতা নগরগী অয়ুক অসি পুক্নিং হুনা ফজৈ অমসুং পেনোরামিক ভ্যু অসি শুমহৎনীংঙাইনি হায়না পল্লদুনা শ্রী মোদীনা সরদার পতেলগী  মখোংদা লেপ্পদা অপুনবা ৱাখল্লোন অদু উবা ফংখি অমসুং লৈবাক অসিনা য়াম্না মরু ওইবা তাঞ্জা অমা উবা ফংলি হায়না ফোংদোকখি। মহাক্না লৈবাক শীনবা থুংনা পাংথোকপা রন ফোর য়ুনিতী অমসুং ভারত মচা করোর কয়ানা থৱায় য়াওনা শরুক য়াবগী মতাংদা পনখি। অনৌবা ভারত অমগী ৱারেপ অদু ময়েক শেংনা ফাওরি হায়না মহাক্না অকনবা ৱাফম থমখি। মমাংদা পাংথোকখিবা থৌরমশিং অমসুং ঙরাং নুমিদাং পাংথোকখিবা মশক থোকপা প্রজেন্তেসনগী মতাংদা পল্লদুনা প্রধান মন্ত্রীনা হায়খি মদুদি মখোয়না মমাংগী মতমগী চৎনবীশিং, হৌজিক্কী মতমগী থবক অমসুং থৌনা অমসুং তুংগী মতমগী মায় পাকপশিং অদু উৎলি। মহাক্না হায়খি মদুদি সরদার পতেলগী 150শুবা মপোক কুমওন লাকপদা মহাক্কী মফমদা কোম্মেমোরতিব কোইন অমসুং অখন্নবা পোস্তেল স্তাম্প অমা রিলিজ তৌখ্রে। প্রধান মন্ত্রীনা সরদার পতেলগী মপোক কুমওন অমসুং রাস্ত্রিয় একতা দিবসকী থৌরমদা লৈবাক অসিগী নাগরিক করোর 140দা মহাক্না থম্মোয় শেংনা নুংঙাইবা ফোংদোকখি।

প্রধান মন্ত্রী শ্রী মোদীনা হায়খি মদুদি সরদার পতেলনা পুৱারী ইবদা মতম মাংহল্লোইদবনি হায়না থাজৈ। মসিগী মহুত্তা পুৱারী শেম্নবা হোৎনগদবনি। সরদার পতেলগী পুন্সি ৱারীদা মসিগী থাজবা অসি উবা ফংই হায়না মহাক্না অকনবা ৱাফম থমখি। সরদার পতেলনা লৌখিবা পোলিসী অমসুং ৱারেপশিংনা পুৱারীদা অনৌবা চেপ্তর অমা শেমখি হায়না মহাক্না ফোংদোকখি। প্রধান মন্ত্রীনা নীংতম্লবা মতুংদা সরদার পতেলনা মতৌ করম্না নীংথৌ পাল্লম্বা রাজ্য 550 হেন্না পুনশিনবগী ঙম্লোইদবা থবক অমা পাংথোকখিবা অদু নীংশিংখি। সরদার পতেলগীদমক "এক ভারত, শ্রেষ্ঠ ভারত"কী ৱাখল্লোন অসি খ্বাইদগী মরু ওইরম্মি। শ্রী মোদীনা হায়খি মদুদি মসিনা মরম ওইদুনা সরদার পতেলগী মপোক কুমওন অসি লৈবাক অসিগী অপুনবগী কুমহৈ অমা ওইরক্লি। ভারত মচা করোর 140না ওগস্ত 15দা নীংতম্বগী নুমিৎ অমসুং জনুৱারী 26দা গনতন্ত্রগী নুমিৎ পাংথোকপগা মান্ননা, একতা দিবসকী মরুওইবা অসিসু মান্নবা থাক অমদা য়ৌরে। মহাক্না হায়খি ঙসি লৈবাক অসিগী মীওই করোর কয়া অমনা অমত্তা ওইবগী অচেৎপা ফিরেপ লৌখ্রে অমসুং লৈবাক অসিগী অমত্তা ওইববু হেন্না মপাঙ্গল কনখৎহন্নবা থবকশিং পায়খৎনবা ৱারেপ লৌরে। মহাক্না মখা তাখি মদুদি একতা নগরদা, একতা মোল অমসুং একতা গার্দেন অসি য়ুনিতীগী থ্রেদ অদু মপাঙ্গল কনখৎহন্নবগী খুদম্নি।

প্রধান মন্ত্রীনা হায়খি মদুদি লৈবাক অসিগী অপুনবগী মপাঙ্গল হন্থহনগদবা থবক খুদিংমক নাগরিক খুদিংমক্না থাদোক্কদবনি। মসি মতম অসিগী তঙাইফদবা অমসুং ভারত মচা খুদিংমক্কীদমক একতা দিবসকী মরুওইবা পাউজেলনি। সরদার পতেলনা লৈবাক অসিগী নীংতম্বা অসি অতোপ্পা পুম্নমক্তগী হেন্না মরু ওই হায়না মহাক্না ফোংদোকখি। অদুম ওইনমক, সরদার পতেল লৈখিদ্রবা মতুংগী চহিশিংদা, মথং-মনাও নাইবা সরকারশিংনা নেস্নেল সোভরিনিতীগী মায়কৈদা চপ মান্নবা থাজবা অদু উৎখিদবদা মহাক্না নুংঙাইতবা ফোংদোকখি। মহাক্না কাশ্মীরদা তৌখিবা অশোয়বা, অৱাং নোংপোক লমদমদা থেংনরিবা শিংনবশিং অমসুং লৈবাক শীনবা থুংনা শন্দোরক্লিবা নক্সাল-মাওইস্ত তেরোরিজম অসি ভারতকী নীংতম্বদা হকথেংননা খুদোংচাদবা অমনি হায়না পনখি। প্রধান মন্ত্রীনা হায়খি মদুদি সরদার পতেলগী পোলিসীশিং ঙাকপগী মহুত্তা মতম অদুগী সরকারশিংনা ৱাখল য়াওদবা থৌওং অমা খনখি। মসিগী ফলশিং অসি হিংসা অমসুং ঈখেংগী মওংদা লৈবাক অসিনা মায়োক্নখি।

ঙসিগী নহা ওইরিবা জেনরেসনগী মীওই কয়ানা সরদার পতেলনা অতোপ্পা নীংথৌ পানবা রাজ্যশিং মায় পাক্না পুনশিনখিবগুম্না কাশ্মীরপু মপুং ফানা পুনশিনবা পাম্লম্বগী মতাংদা খঙলমলোই হায়না পল্লদুনা শ্রী মোদীনা হায়খি, অদুম ওইনমক, মতমদুগী প্রধান মন্ত্রীনা মহাক্কী অপাম্বা অসি মপুং ফাহন্নবগী অয়াবা পীখিদে। কাশ্মীর অসি তোঙানবা সংবিধান অমসুং তোঙানবা লোলগী খুৎলায়না খায়দোক্লে হায়না শ্রী মোদীনা মখা তানা পনখি। মহাক্না হায়খি মদুদি কাশ্মীরগী মতাংদা মতমদুগী লৈঙাক্কী পার্তীনা তৌখিবা অশোয়বা অদুনা লৈবাক অসি চহি কয়াগী ওইনা অৱাবা কয়া মায়োক্নখি। মখোয়গী অশোনবা পোলিসীশিংনা মরম ওইদুনা কাশ্মীরগী শরুক অমা পাকিস্তানগী আইন্না য়াদবা থবক পায়খৎপা হৌরকখি অমসুং পাকিস্তাননা তেরোরিজমবু হেন্না পুক্নিং থৌগৎখি। কাশ্মীর অমসুং লৈবাক অনিমক্না মসিগী অশোয়বা খোঙথাংশিং অসিগী অচৌবা চৈথেং ফংলি হায়না প্রধান মন্ত্রীনা অকনবা ৱাফম থমখি। অদুম ওইনমক, মতমদুগী সরকারনা তেরোরিজমদা লেপ্তনা ইকায় খুম্নবা উৎখি হায়না মহাক্না মখা তাখি।

হৌজিক লৈরিবা ওপোজিসন পার্তীনা সরদার পতেলগী মীৎয়েং অদু কাউথোকপবু য়ানীংদবা ফোংদোক্লদুনা শ্রী মোদীনা হায়খি মদুদি 2014গী মতুংদা লৈবাক অসিনা সরদার পতেলনা ইথিল পীবা অচেৎপা ৱারেপ অমা অমুক হন্না উবা ফংলে। প্রধান মন্ত্রীনা হায়খি মদুদি ঙসিদি কাশ্মীরনা আর্তিকল 370গী য়োৎলিংদগী মপুং ফানা মনীং তমহনখ্রে অমসুং মেনস্ত্রীমদা মপুং ফানা পুনশিল্লে। মহাক্না হায়খি মদুদি পাকিস্তান অমসুং তেরোরিজমগী মাস্তরমাইন্দশিংনা হৌজিক ভারতকী অশেংবা শক্তি অদু খঙলে। ওপরেসন সিন্দুরগী মতাংদা পল্লদুনা প্রধান মন্ত্রীনা হায়খি মদুদি করিগুম্বা কনাগুম্বা অমনা ভারতপু চেলেঞ্জ তৌরক্লবদি, লৈবাক অসিনা য়েক্নবশিংগী লমদা লান্দারকপগা লোয়ননা পাউখুম পীরকই হায়বসি মালেম পুম্বনা উখ্রে। মহাক্না হায়খি মদুদি ভারতকী পাউখুম অসি মতম পুম্নমক্তা হেন্না মপাঙ্গল কনখৎপা অমসুং ৱারেপ লৌবা ঙম্বা ওই। মহাক্না হায়খি, মসি ভারতকী য়েক্নবশিংদা পীবা পাউজেল অমনি – “মসি সরদার পতেলগী ভারতনি, অমসুং মানা কৈদৌদুনা মাগী সেক্যুরিতী অমসুং ইকাই খুম্নবদা য়াশিন্নবা তৌরোই”।

প্রধান মন্ত্রীনা হায়খি, "নেস্নেল সেক্যুরিতীগী লমদা, হৌখিবা চহি 11 অসিদা ভারতকী খ্বাইদগী চাউবা এচিবমেন্ত অসি নক্সল-মাওইস্ত তেরোরিজমগী য়ালেন শরূশিং থুদেকপনি।" মহাক্না নিংশিংখি মদুদি 2014গী মমাংদা, লৈবাক অসিদা ওইরিবা ফীভম অসি নাক্সল-মাওইস্ত কাঙলুপশিংনা ভারতকী মনুংদগী মখোয়গী মশাগী কাংলোনদা ওপরেৎ তৌরমখি। হায়রিবা মফমশিং অসিদা, ভারতকী সংবিধান চৎনদে, অমসুং পুলিস অমসুং এদমিনিস্ত্রেতিব সিস্তেমশিং মথৌ পাংথোকপা ঙমদে। শ্রী মোদীনা হায়খি মদুদি নক্সালশিংনা ফোঙনা দিক্তেতশীং থোকখি, লম্বী শেমগৎপদা অথিংবা থমখি, অমসুং স্কুলশিং, কোলেজশিং অমসুং হোস্পিতালশিংদা বোম থাদখি, অদুগা এদমিনিস্ত্রেসননা মখোয়গী মমাংদা করিসু তৌবা ঙমদবগুম্না লৈখি।

শ্রী মোদীনা হায়খি, "2014গী মতুংদা ঐখোয়গী সরকারনা নক্সাল-মাওইস্ত তেরোরিজমগী মায়োক্তা অকনবা খোঙজং অমা চংশিনখি", নক্সালশিংবু শৌগৎলিবশিংনা সহরগীমফমশিংদা লৈবা – অর্বান নক্সালশিং – ফাওবা সাইদলাইন তৌখি। মহাক্না হায়খি মদুদি ৱাখল্লোনগী লান অসি মায় পাকখ্রে অমসুং নক্সালগী মপাঙ্গল কনবা মফমশিংদা হকথেংননা থেংনবগী থবক পায়খৎলে। মসিগী মহৈ হৌজিক লৈবাক পুম্বনা উবা ফংলে। প্রধান মন্ত্রীনা হায়খি, 2014গী মমাংদা লৈবাক অসিগী জিলা 125রোম মাওইস্ত তেরোরিজম্না শোকহল্লম্মি। ঙসিদি, হায়রিবা মশিং অসি জিলা অহুমখক্তদা নক্সালগী শাফু য়াম্না লৈবগা লোয়ননা জিলা 11দা হন্থরে। একতা নগরগী লমদমদগী সরদার পতেলগী মমাংদা প্রধান মন্ত্রীনা লৈবাক মীয়ামদা থাজবা পীখি মদুদি ভারত অসি নক্সাল-মাওইস্তকী খুদোংথীবশিংদগী মপুং ফানা লৌথোক্ত্রিবা ফাওবা সরকারনা লেপ্লোই।

ঙসিদি, লৈবাক অসিগী অপুনবা অমসুং মনুংগী ঙাকশেল অসি ইনফিলিত্রতরশিংদগী য়াম্না চাউনা খুদোংচাদবা মায়োক্নরি হায়না পল্লদুনা প্রধান মন্ত্রীনা হায়খি মদুদি চহি তরাগী খুজিং কয়াদগী, মপানগী ইনফিলিত্রতরশিংনা লৈবাক অসিদা চঙশিল্লি, নাগরিকশিংগীদমক শেম্বা রিসোর্সশিং লৌশিল্লি, দেমোগ্রাফিক বেলেন্স থুগাইরি, অমসুং নেস্নেল য়ুনিতীবু খুদোংথীহল্লি। মহাক্না মমাংগী সরকারশিংবু মসিগী মরুওইবা ৱাফম অসিদা মীৎয়েং থমদবগীদমক মরাল শিখি অমসুং ভোৎ বেঙ্ক পোলিসীগীদমক্তা নেস্নেল সেক্যুরিতীদা খুদোংচাদবা পীরকপগীদমক মখোয়বু মরাল শিখি। শ্রী মোদীনা হায়খি মদুদি অহানবা ওইনা লৈবাক অসিনা মসিগী মরুওইবা খুদোংথীবা অসি কন্না লান্থেংননবা ৱারেপ লৌরে। মসিগী শীংনবসি কোকহন্নবগীদমক্তা লাল কিলাদগী দেমোগ্রাফী মিসন লাউথোকখিবা অদু মহাক্না নীংশিংখি। হৌজিক ফাওবা, ইসু অসি য়াম্না মরুওইনা পুখৎলকপা মতমদা, মীওই খরনা লৈবাক অসিগী য়াইফ-থৌরাংদগী মশাগী কান্নববু হেন্না মরুওইনা লৌরি হায়না মহাক্না খল্লি। শ্রী মোদীনা মখা তারদুনা হায়খি মদুদি মীওইশিং অসিনা ইনফিলিত্রতরশিংদা হকশিং পীনবা রাজনিতীগী লানফমশিংদা শরুক য়ারি অমসুং মখোয়না নেস্নেল দিসইন্তিগ্রেসননা পীরিবা মহৈশিং অদুদা মীৎয়েং চংদে। করিগুম্বা নেসন অসিগী সেক্যুরিতী অমসুং আইদেন্তিতী অসি খুদোংথীবা থোক্লবদি, নাগরিক খুদিংমক খুদোংথীনিঙাই ওইগনি হায়না মহাক্না পনখি। মরম অদুনা, রাস্ত্রিয় একতা দিবসতা, প্রধান মন্ত্রীনা লৈবাক অসিদা ভারত্তা লৈরিবা ইনফিলিত্রতর খুদিংমক লৌথোক্নবা মখোয়গী ৱারেপ অদু নৌহৌননা চেৎশিলহন্নবা ৱাফম থমখি।

দেমোক্রেসী অমদা, নেস্নেল য়ুনিতী হায়বসিনা ৱাখল্লোনগী খেন্নববু ইকাই খুম্নবা তাকই হায়না পল্লদুনা শ্রী মোদীনা হায়খি মদুদি দেমোক্রেসী অমদা ৱাখল্লোনগী খেন্নবশিং অসি অয়াবা পীরবসু, পর্সনেল দিস্কোর্দ লৈরোইদবনি। নীংতম্লবা মতুংদা, লৈবাক অসি লুচিংবগী থৌদাং লৌরিবা মীওইশিংনা 'ঐখোয় মীয়াম'গী ৱাখল্লোন অসি মাংহন্নবা হোৎনরকপদা মহাক্না নুংনাংবা ফোংদোকখি। তোঙান তোঙানবা ৱাখল্লোনশিংগা লোয়নবা মীওইশিং অমসুং ওর্গনাইজেসনশিংবু শিংথাখিদে অমসুং রাজনিতীগী ওইবা শোক্না শম্নবা য়াদবা অসি ইন্সতিত্যুস্নেলাইজ তৌখি হায়না মহাক্না ফোংদোকখি। মমাংগী সরকারশিংনা সরদার পতেল অমসুং মহাক্কী লেগেসীদা করম্না চৎলম্বগে, অমসুং বাবা সাহেব অম্বেদকরনা হিংলিঙৈ মতমদা অমসুং মহাক্না লৈখিদ্রবা মতুংদসু মহাকপু মতৌ করম্না থওইদনা থমখিবগে হায়বদু মহাক্না পনখি। প্রধান মন্ত্রীনা মখা তাখি মদুদি মমাংগী সরকারশিংনা দোক্তর রাম মনোহর লোহিয়া অমসুং জয়প্রকাশ নারায়নগুম্বা লুচিংবশিংগীদমক্তা চপ মান্নবা থৌওং উৎখি। চহি অসিদা রাস্ত্রিয় স্বয়মসেবক সংঘকী চহি 100 মপুং ফারক্লিবনি হায়না পল্লদুনা শ্রী মোদীনা ওর্গনাইজেসন অসিনা থেংনরিবা তোঙান তোঙানবা এতেকশিং অমসুং কন্সপিরেসীশিং অদু পনখি। মহাক্না মখা তানা হায়খি মদুদি পার্তী অমগা ইমুং অমগা নত্তনা মী খুদিংমক অমসুং ৱাখল্লোন খুদিংমকপু তোখাইনা থম্নবা থৌওইনা হোৎনবা য়াওরি।

লৈবাক অসিবু মতম অমদা খায়দোকখিবা পোলিতিকেল অনতচেবিলিতী অসি লোইশিনখিবদা লৈবাক অসিনা চাউথোকচবা পোক্লি হায়না পল্লদুনা, প্রধান মন্ত্রীনা সরদার পতেলগী ইকায় খুম্নবা ওইনা স্তেচু ওফ য়ুনিতী শঙ্গাখিবা অমসুং বাবা সাহেব অম্বেদকরগীদমক পঞ্চতীর্থ অমা লিংখৎখিবগী মতাংদা পনখি। মহাক্না নীংশিংখি মদুদি দিল্লীদা বাবা সাহেবকী লৈফম অমসুং মহাপারিনির্ভন সাইত অসি মমাংগী লৈঙাক্কী মতমদা নাথৈদুনা থমখি, অদুবু হৌজিক্তি মসি পুৱারী ওইরবা মেমোরিএল অমা ওইহনখ্রে। মমাংগী সরকারগী মতমদা, হান্নগী প্রধান মন্ত্রী অমা খক্তমক্কী ওইবা ম্যুজিয়ম অমা লৈরম্মি হায়না প্রধান মন্ত্রীনা পনখি। মসিগী ওন্ন-তৈনবদা, ঐখোয়গী সরকারনা হান্নগী প্রধান মন্ত্রী পুম্নমক্কী থৌদাংশিংবু ইকায় খুম্নবা উৎনবা প্রধান মন্ত্রীগী ম্যুজিয়ম শঙ্গাখ্রে। মহাক্না পনখি মদুদি কারপুরী থাকুরবু ভারত রত্ন পীখি অমসুং হৌজিক লৈরিবা ওপোজিসন পার্তীদা মহাক্কী পুন্সি চুপ্পা কৎখিবা শ্রী প্রনব মুখর্জী ফাওবা ভারত রত্ন পীদুনা ইকায় খুম্নখি। মুলায়ম সিংহ য়াদবগুম্বা ওপোজিং আইদিওলোজীসশিংদগী লুচিংবশিংসু পদ্ম এৱার্দশিংগা লোয়ননা শকখঙনখি। প্রধান মন্ত্রীনা হায়খি মদুদি হায়রিবা ৱারেপশিং অসি রাজনিতীগী ওইবা খেন্নবশিংদগী হেন্না ৱাংখৎনবা অমসুং নেস্নেল য়ুনিতীগী স্পিরিৎ অসি মপাঙ্গল কনখৎহন্নবা পান্দম থমদুনা লৌখিবনি। ওপরেসন সিন্দুরগী মতুংদা মপাল লমদা ভারতকী মহুৎ শিন্দুনা চৎখিবা মল্তি-পার্তী দেলিগেসনদসু মসিগী ইনক্লুসিব এপ্রোচ অসি উবা ফংলে হায়না মহাক্না মখা তাখি।

প্রধান মন্ত্রীনা হায়খি, "রাজনিতীগী কান্নবা ফংনবগীদমক্তা নেস্নেল য়ুনিতীদা শোকহল্লিবা ৱাখল্লোন অসি কোলোনিএল মেন্তেলিতিগী মমি অমনি।" হৌজিক লৈরিবা ওপোজিসন পার্তী অসিনা বৃতিশকী শক্তি অমসুং পার্তী স্ত্রকচর মতৌ তম্বতা নত্তনা মখোয়গী মীনুংশি লৈতবা ৱাখল্লোন অসিসু মতৌ তম্লি। নুমিৎ খরনিগী মতুংদা লৈবাক অসিনা নেস্নেল ঈশৈ, বন্দে মাতরামগী চহি 150 মপুং ফারক্লগনি হায়না পল্লদুনা শ্রী মোদীনা নীংশিংখি মদুদি 1905দা বৃতিশনা বেঙ্গল খায়দোকখিবা মতমদা, বন্দে মাতরাম অসি ভারত মচা খুদিংগী অপুনবা খোঞ্জেল ওইখি অমসুং অপুনবা অমসুং অমত্তা ওইবগী খুদম ওইখি। বৃতিশশিংনা বন্দে মাতরমগী ঈশৈ শকপদা অথিংবা থম্নবা হোৎনখি, অদুবু মায় পাকখিদে।  অদুম ওইনমক, প্রধান মন্ত্রীনা হায়খি মদুদি বৃতিশশিংনা তৌবা ঙমখিদবা অদু মমাংগী সরকারনা তৌখি। মহাক্না হায়খি মদুদি মখোয়না ধর্মগী ওইবা মরমদা বন্দে মাতরামগী শরুক অমা লৌথোকখি, মসিনা খুন্নাইবু খায়দোকখি অমসুং কোলোনিএল এজেন্দাদা খুমাং চাউশিলহনখি। প্রধান মন্ত্রীনা মপুং ফানা পাউতাক পীখি মদুদি হৌজিক লৈরিবা ওপোজিসন পার্তীনা বন্দে মাতরামবু শরুক খায়দোক্নবা অমসুং ককথৎনবা ৱারেপ লৌখিবা নুমিত্তা, মসিনা ভারত খায়দোক্নবগী য়ুম্ফম ওইখি। মহাক্না মখা তানা মখোয়বু চৈরদুনা হায়খি মদুদি করিগুম্বা মখোয়না অচৌবা অশোয়বা অসি তৌরমদ্রবদি, ঙসি ভারতকী মওং অসি য়াম্না খেন্নরমগনি।

শ্রী মোদীনা হায়খি মদুদি মতম অদুদা লৈঙাক পায়রম্বা মীওইশিংগী ৱাখল্লোনগী মতুং ইন্না লৈবাক অসিনা দিকেদ কয়াগী মমাংদগী কোলোনিএল সিম্বোলশিং পুদুনা চৎখি। ঐখোয়গী সরকারনা লৈঙাক পায়রবা মতুংদা খক্তনি ভারতকী নেভীগী ফিরালদা কোলোনিএল রুলগী এমব্লেম অসি লৌথোকখিবা হায়না মহাক্না নীংশিংখি। অসিগুম্বা অহোংবা অসিগী শরুক অমা ওইনা রাজপথ অসি কার্ত্য পাথ হায়না মমিং ওন্থোকখ্রে হায়না মহাক্না ফোংদোকখি। প্রধান মন্ত্রীনা হায়খি মদুদি নীংতম্বগী লানগী মতমদা কৎথোকখিবা মফম অমা ওইরিবা আন্দামানগী সেলুলর জেল অসি মোরাজী দেশাইগী সরকারনা লৈরিঙৈ মতমদা খক্তদা নেস্নেল মেমোরিএলগী থাক পীখি। মহাক্না পনখি মদুদি কুইদ্রিঙৈগী মতম ফাওবদা, আন্দামানগী ইথৎ কয়াদা বৃতিশকী মমিংশিং লৈরম্মি। নেতাজী সুভাস চন্দ্র বোসকী ইকায় খুম্নবা ওইনা হৌজিক মসিগী মমিং হোংদোকখ্রে। অমসুং ইন্দিয়া গেৎতা নেতাজী সুভাসকী মীতম শঙ্গাখিবগা লোয়ননা পরম বীর চকরা এৱার্দ ফংলবশিংগী মিংদা ইথৎ কয়াগী মমিং থোনখ্রে।

কোলোনিএলগী ৱাখল্লোন্না মরম ওইদুনা, লৈবাক অসিগীদমক মখোয়গী পুন্সি কৎখিবা লান্মীশিং ফাওবা মতিক চাবা ইকাই খুম্নবা ফংখিদে হায়না পল্লদুনা প্রধান মন্ত্রীনা হায়খি মদুদি নেস্নেল ৱার মেমোরিএল অসি লিংখৎতুনা মখোয়গী নীংশিং মমিশিং অদু অমর ওইহনখ্রে। মহাক্না হায়খি মদুদি পুলিস, BSF, ITBP, CISF, CRPF, অমসুং অতোপ্পা পেরামিলিতরী ফোর্সশিংগী মেম্বরশিং য়াওনা পুন্না পর্সনেল 36,000না মশাগী পুন্সি কৎথোকখ্রে। শ্রী মোদীনা হায়খি মদুদি পুলিস মেমোরিএল অসি মখোয়গী সরকারনা শহিদশিংবু ইকায় খুম্নবা উৎনবা শঙ্গাখি। শ্রী মোদীনা হায়খি, লৈবাক অসিনা হৌজিক কোলোনিএল মেন্তেলিতিগী খুদম খুদিংমক মুত্থৎলি অমসুং লৈবাক অসিগীদমক কৎথোকখিবা মীওইশিংবু ইকায় খুম্নবা উৎতুনা 'নেসন ফার্স্ত'কী স্পিরিত অসি মপাঙ্গল কনখৎহল্লি।

লৈবাক অমা অমসুং খুন্নাই অমা লৈনবগী য়ুম্ফমদি অপুনবনি হায়না মরুওইনা পল্লদুনা প্রধান মন্ত্রীনা হায়খি, খুন্নাই অসিদা অপুনবগী মগুন অমা লৈরিঙৈদা, লৈবাক অসিগী অপুনবগী মগুন অসি ঙাক-শেনগনি। মহাক্না হায়খি মদুদি চাউখৎলবা ভারত অমগী পান্দম ফংনবগীদমক্তা, লৈবাক্কী অপুনবগী মপাঙ্গল শোন্থহন্নবগী পান্দম থম্লিবা ৱাখল্লোন খুদিংমক থুগায়গদবনি। মহাক্না হায়খি মদুদি লৈবাক অসিনা নেস্নেল য়ুনিতীগী মায়কৈ খুদিংমক্তা এক্তিব ওইনা থবক তৌরি।

প্রধান মন্ত্রীনা ভারতকী অমত্তা ওইবগী য়ুম্ফম ওইবা য়ুম্ফম মরি, অহানবা অসি কলচরেল য়ুনিতীগী মতাংদা পনখি। মহাক্না হায়খি মদুদি ভারতকী চৎনবীনা রাজনিতীগী ফিভমদগী মনিংতম্না চহি লিশিং কয়াগী মমাংদগী লৈবাক অসিবু অপুনবা এন্তিতী অমা ওইনা হিংহন্দুনা থম্লি। মহাক্না জ্যোতির্লিঙ্গ 12, লাইগী শহর 7, ধাম 4, শক্তি পীথ 50 হেনবা অমসুং লাই খুরুমবগী চৎনবী অসি ভারতপু ৱাখল লৈরবা অমসুং অহিংবা লৈবাক অমা ওইহন্নবগী মরুওইবা ইনর্জীনি হায়না পনখি। সৌরাস্ত্রা তামিল সঙ্গম অমসুং কাশী তামিল সঙ্গমগুম্বা থৌরমশিংগী খুত্থাংদা চৎনবী অসি মাংলোমদা চংশিল্লি হায়না মহাক্না ফোংদোকখি। মহাক্না মখা তাখি মদুদি ইন্তরনেস্নেল য়োগ দেগী খুত্থাংদা, ভারতকী অচেৎপা য়োগ সাইন্সনা মালেমগী ওইনা নৌনা শকখঙনরক্লি, অমসুং য়োগ অসি মীওইশিংবু শম্নহল্লিবা মীদিয়ম অমা ওইরক্লি।

ভারতকী অমত্তা ওইবগী অনিশুবা য়ুম্বী – লিঙ্গ্যুস্তিক য়ুনিতী মতাংদা পল্লদুনা শ্রী মোদীনা হায়খি মদুদি ভারতকী লোল অমসুং লোল-মচা চা কয়া অসি লৈবাক অসিগী থম্মোয় শেংবা অমসুং ৱাখল্লোন শেম্বা ঙম্বগী মমি তারি। মহাক্না হায়খি মদুদি ভারত্তা, কম্ম্যুনিতী, ওথোরিতী, নৎত্রগা সেক্ত অমত্তনা লোলবু খুৎলায় ওইনা শিজিন্নখিদে নৎত্রগা লোল অমবু অতোপ্পগী মথক্তা নমথনবা হোৎনখিদে। মহাক্না হায়খি, মসিনা মরম ওইদুনা ভারত অসি লোলগী ওইবা মখল-মখা কয়াগী লমদা খ্বাইদগী চাউবা লৈবাক অমা ওইরক্লি। প্রধান মন্ত্রীনা ভারতকী লোলশিংবু লৈবাক অসিগী মশক মওং অদু মপাঙ্গল কনখৎহল্লিবা ঈশৈ ময়েকশিংগা চাংদমনখি। মহাক্না হায়খি মদুদি লোল খুদিংমকপু নেস্নেল লোল অমনি হায়না লৌই। ভারতনা মালেমগী খ্বাইদগী লিরবা লোলশিংগী মনুংদা অমা ওইরিবা তামিল অমসুং লৌশিংগী পুকৈ ওইরিবা সংস্কৃতকী লমদমনি হায়না মহাক্না চাউথোক্না ফোংদোকখি। মহাক্না ভারতকী লোল খুদিংমক্কী অখন্নবা সাহিত্য অমসুং কলচরেল ৱেল্থ অদু শকখঙখি অমসুং সরকারনা মখোয় পুম্নমকপু থৌনা লৈনা প্রমোৎ তৌরি হায়না ফোংদোকখি। শ্রী মোদীনা হায়খি মদুদি ভারত্তা লৈরিবা অঙাংশিংনা মখোয়গী মমা লোলদা মহৈ তম্বা অমসুং খুমাং চাউশিনবা অমসুং নাগরিকশিংনা অতোপ্পা ভারতকী লোলশিং তমজবা অমসুং শীংথাবা পাম্মি। মহাক্না হায়খি মদুদি লোলশিং অসি অমত্তা ওইবগী লংলা ওইগদবনি অমসুং মসি নোংমগী থবক নত্তে অদুবু মসিদি অপুনবা থৌদাং লৌবা মথৌ তাবা লেপ্পা লৈতনা হোৎনবনি।

ভারতকী অমত্তা ওইবগী অহুমশুবা য়ুম্বী অসি খেৎনবা লৈতনা চাউখৎপা হায়বসিনি হায়না পল্লদুনা শ্রী মোদীনা হায়খি মদুদি লায়রবা অমসুং মান্নদবা অসি খুন্নাইগী ফিভমদা খ্বাইদগী চাউবা খুদোংচাদবশিংনি, মখোয় অসি লৈবাক অসিগী য়েক্নবশিংনা শীজিন্নরি। মহাক্না নীংশিংখি মদুদি সরদার পতেলনা লায়রবগী মায়োক্তা লান্থেংননবা অশাংবা মতমগী থৌরাং অমা শেম্নবা হোৎনখি। সরদার পতেলগী ৱাফম পল্লদুনা প্রধান মন্ত্রীনা হায়খি মদুদি ভারতনা 1947গী মমাংদা চহি 10গী মমাংদা নীংতম্বা ফংলম্লবদি লৈবাক অসিনা মতম অদুগী মনুংদা চিঞ্জাক্কী অৱাবা মায়োক্নবা ঙমলমগনি। সরদার পতেলনা থাজখি মদুদি মহাক্না নীংথৌ পানবা রাজ্যশিং পুনশিন্নবগী শিংনবদু ৱারোইশিন পুরকখিবগুম্না, মহাক্না চানবা চিঞ্জাক্কী অৱাবা অসিসু চপ মান্ননা ৱারোইশিন পুরক্কনি। শ্রী মোদীনা মখা তারদুনা হায়খি মদুদি সরদার পতেলগী ৱারেপ অসি অসুম্না লৈরম্মি, অমসুং ঙসিগী মরুওইবা শীংনবশিং থেংননবা চপ মান্নবা ৱাখল্লোন অসি মথৌ তাই। মহাক্না সরকারনা সরদার পতেলগী লোইশিন্দবা ৱাশকশিং অদু মপুং ফাহন্নবগীদমক থবক তৌরি হায়না চাউথোকচবা ফোংদোকখি। হৌখিবা চহি তরা অসিদা, লৈবাক অসিগী নাগরিক করোর 25 লায়রবা কোকপা ঙমখ্রে। লায়রবা ইমুং মিলিয়ন কয়াদা য়ুম ফংহল্লে, য়ুমথোং খুদিংদা থক্নবা ঈশিং ফংহল্লে, অমসুং লেম্না হকশেলগী সেবা ফংহল্লে। নাগরিক খুদিংমক্কীদমক ইকাই খুম্নরবা পুন্সি অমা লৈহন্নবা অসি লৈবাক অসিগী মিসন অমসুং ভিজন অনিমকনি হায়না মহাক্না ফোংদোকখি। খেন্নবা অমসুং শেঞ্জা থুমজবা য়াওদবা অসিগুম্বা পোলিসীশিং অসিনা নেস্নেল য়ুনিতী মপাঙ্গল কনখৎহল্লি।

নেস্নেল য়ুনিতীগী মরিশুবা য়ুম্বী - কনেক্তিবিতীগী খুত্থাংদা হার্তশিংগী কন্নেক্তিবিতীগী মতাংদা পল্লদুনা শ্রী মোদীনা হায়খি মদুদি লৈবাক শিনবা থুংনা হাইৱে অমসুং এক্সপ্রেসৱেগী রেকোর্দ ‌ওইবা মশিংদা শাখ্রে। ভন্দে ভারত অমসুং নমো ভারতকুম্বা ত্রেনশিংনা ভারতকী রেলৱেজদা অহোংবা পুরক্লি। অপীকপা শহরশিংদসু হৌজিক এয়রপোর্তকী খুদোংচাবশিং ফংহল্লে হায়না মহাক্না ফোংদোকখি। মোদর্ন ইনফ্রাস্ত্রকচর অসিনা ভারতকী মতাংদা মালেমগী ৱাখল্লোনদা অহোংবা পুরকপতা নত্তনা অৱাং অমসুং খা, নোংপোক অমসুং নোংচুপকী মরক্তা লৈরিবা অরাপ্পা অদুসু হন্থহনখ্রে হায়না প্রধান মন্ত্রীনা অকনবা ৱাফম থমখি। মহাক্না ফোংদোকখি মদুদি মীওইশিংনা হৌজিক্তি তুরিজম অমসুং বিজিনেসকীদমক রাজ্যশিংগী মরক্তা লায়না চৎথোক-চৎশিন তৌরি। মহাক্না হায়খি মদুদি মসিনা মীয়ামগা মীয়ামগা মরী লৈনবা অমসুং নাৎকী ওইবা এক্সচেঞ্জগী অনৌবা য়ুগ অমা ওইহল্লি, মসিনা নেস্নেল য়ুনিতী হেন্না মপাঙ্গল কনখৎহল্লি। দিজিতেল কনেক্তিবিতীনা মীয়ামগা মীয়ামগা লৈনরিবা মরী অসি হেন্না মপাঙ্গল কনখৎহল্লি হায়না মহাক্না মখা তাখি।

সরদার পতেলনা হায়খিবশিং অদু নীংশিংলদুনা প্রধান মন্ত্রীনা হায়খি মদুদি মহাক্কী খ্বাইদগী চাউবা নুংঙাইবা অসি লৈবাক্কী সেবা তৌবদগী লাকপনি। প্রধান মন্ত্রীনা অসিগুম্বা ৱাখল্লোন অসিগা লোয়ননা নাগরিক খুদিংমকপু অসিগুম্বা ৱাখল্লোন অসিগা লোয়ননা চৎমিন্ননবা তকশিনখি। লৈবাক অসিগীদমক থবক তৌবদগী হেন্না চাউবা নুংঙাইবা অমত্তা লৈতে হায়না মহাক্না অকনবা ৱাফম থমখি। ভারত মচা খুদিংমক্কী ওইনা মা ভারতীগী মফমদা ইথিল পীবা অসি খ্বাইদগী ৱাংবা ইথিলনি হায়না মহাক্না হায়খি। শ্রী মোদীনা হায়খি মদুদি ভারত মচা করোর 140না অমত্তা ওইনা লেপমিন্নবা মতমদা, চীংশিং ফাওবা লান্থোকপা ঙম্মী। অমসুং মখোয়না অমত্তা ওইনা ৱা ঙাংবদা, মখোয়গী ৱাহৈশিং অসি ভারতকী মায়পাকপগী ৱারোল ওইরকই। মহাক্না লৈবাক অসিবু অমত্তা ওইনবা, অমত্তা ওইনা লেপচনবা অমসুং লেংদনা লৈনবা অচেৎপা ৱারেপ লৌনবা হায়খি। মহাক্না হায়খি মদুদি মসি সরদার পতেলগীদমক অশেংবা ইকায় খুম্নবা অমনি। থাজবা ফোংদোক্লদুনা প্রধান মন্ত্রীনা ফোংদোকখি মদুদি পুন্না হোৎনমিন্নদুনা লৈবাক অসিনা "এক ভারত, শ্রেস্ত ভারত"গী ৱারেপ অদু মপাঙ্গল কনখৎহল্লগনি অমসুং চাউখৎলবা অমসুং মশা-মরোমদোম লেপচবা ভারত অমগী মঙলান অদু মপুং ফাহল্লগনি। ৱাখল্লোন অসিগা লোয়ননা মহাক্না সরদার পতেলগী খুয়া খাদা অমুক্কা হন্না ইকায় খুম্নবা উৎখি।

বেকগ্রাউন্দ

প্রধান মন্ত্রীনা রাস্ত্রিয় একতা দিবসকী থৌরমদা শরুক য়াখ্রে অমসুং সরদার বল্লভভাই পতেলগী মফমদা লৈ কৎখ্রে। মহাক্না একতা দিবসকী ৱাশক লৌগনি অমসুং একতা দিবস পরেদতা শরুক য়াখ্রে।

পরেদ অসিদা BSF, CRPF, CISF, ITBP অমসুং SSBগী কন্তিঞ্জেন্তশিং অমসুং তোঙান তোঙানবা রাজ্যগী পুলিস ফোর্সশিং য়াওখ্রে। চহি অসিগী মরুওইবা এত্রেক্সনশিংগী মনুংদা রামপুরগী হুই অমসুং মুধোল হুইগুম্বা ভারতকী হুইশিং য়াওবা BSFকী মার্চিং কন্তিঞ্জেন্ত, গুজরাত পুলিসকী হোর্স কন্তিঞ্জেন্ত, অসাম পুলিসকী মোতোরসাইকল দেরদেভিল শো, অমসুং BSFকী কেমেল কন্তিঞ্জেন্ত অমসুং কেমেল মোউন্তেদ বেন্দ য়াওরি।

পরেদ অসিদা CRPFকী শৌর্য় চাকরা মনা ফংলবা মীওই মঙা অমসুং BSFকী গেলেন্ত্রী মেদল ফংলবা মীওই তরাতরুকসু ইকায় খুম্নবা উৎখ্রে, মখোয়না ঝারখন্দদা নক্সেলগী মায়োক্তা চত্থখিবা ওপরেসনশিং অমসুং জম্মু অমসুং কাশ্মীরদা তেরোরিজম থেংননবা চত্থখিবা ওপরেসনশিংদা থোইদোক হেন্দোকপা থৌনা উৎখি। ওপরেসন সিন্দুরগী মনুংদা BSF পর্সনেলশিংবু মখোয়গী থৌনাগীদমক শকখঙখ্রে।

চহি অসিগী রাস্ত্রিয় একতা দিবস পরেদতা NSG, NDRF, গুজরাত, জম্মু অমসুং কাশ্মীর, অন্দমান অমসুং নিকোবর আইলেন্দস, মনিপুর, মহারাস্ত্র, ছত্তিসগর, উত্তরাখন্দ অমসুং পুদুচেরীদগী তাব্লোক্স তরা য়াওখি। আর্তিস্ত 900 য়াওবা কলচরেল প্রোগ্রাম অমনা ভারতকী কলচরগী ফজবা অমসুং দাইভর্সিতী উৎলদুনা ভারতকী ক্লাসিকেল দান্স উৎকনি। লৈবাক অসিনা সরদার বল্লভভাই পতেলগী 150শুবা মপোক কুমওন পাংথোক্লিবা অসিদা চহি অসিগী রাস্ত্রিয় একতা দিবস থৌরম অসি অখন্নবা মরুওইবা অমা লৈরি।

প্রধান মন্ত্রীনা আরাম্ভ 7.0গী অরোইবা তাঙ্কক্তা 100শুবা ফাউন্দেসন কোর্সকী ওফিসর ত্রেনীশিংগা ৱারী শাখ্রে। অরাম্বকী 7শুবা ইদিসন অসি 'রিইমজিনিং গভর্নান্স' হায়বা থিমদা পাংথোক্লি। 100শুবা ফাউন্দেসন কোর্স অসিদা ভারতকী সিভিল সর্বিস 16 অমসুং ভুতানগী সিভিল সর্বিস 3গী ওফিসর ত্রেনী 660 য়াওরি।

Rashtriya Ekta Diwas reminds us of Sardar Patel's unmatched dedication to national unity and integration. May the spirit of oneness continue to guide our nation. https://t.co/S7Ad8zCz0B

— Narendra Modi (@narendramodi) October 31, 2025

After Independence, Sardar Patel accomplished the seemingly impossible task of uniting over 550 princely states.

For him, the vision of 'Ek Bharat, Shreshtha Bharat' was paramount. pic.twitter.com/XtVc21rO68

— PMO India (@PMOIndia) October 31, 2025

Every thought or action that weakens the unity of our nation must be shunned by every citizen.

This is the need of the hour for our country. pic.twitter.com/S7UZcrFOQb

— PMO India (@PMOIndia) October 31, 2025

This is Iron Man Sardar Patel's India.

It will never compromise on its security or its self-respect. pic.twitter.com/duZFVrI4gJ

— PMO India (@PMOIndia) October 31, 2025

Since 2014, our government has dealt a decisive and powerful blow to Naxalism and Maoist terrorism. pic.twitter.com/g2jE7k7pRI

— PMO India (@PMOIndia) October 31, 2025

On Rashtriya Ekta Diwas, our resolve is to remove every infiltrator living in India. pic.twitter.com/W1xYHD9yS9

— PMO India (@PMOIndia) October 31, 2025

Today, the nation is removing every trace of a colonial mindset. pic.twitter.com/zxKL9avri6

— PMO India (@PMOIndia) October 31, 2025

By honouring those who sacrificed their lives for the nation, we are strengthening the spirit of 'Nation First'. pic.twitter.com/CsUFSiiU5l

— PMO India (@PMOIndia) October 31, 2025

To achieve the goal of a Viksit Bharat, we must thwart every conspiracy that seeks to undermine the unity of the nation. pic.twitter.com/fkAB15B8Cu

— PMO India (@PMOIndia) October 31, 2025

The four pillars of India's unity:

Cultural unity

Linguistic unity

Inclusive development

Connection of hearts through connectivity pic.twitter.com/Yaunu2NBvM

— PMO India (@PMOIndia) October 31, 2025

The devotion to Maa Bharti is the highest form of worship for every Indian. pic.twitter.com/FprujcDtIl

— PMO India (@PMOIndia) October 31, 2025

***