প্রধানমন্ত্রী শ্রী নরেন্দ্র মোদী নবেম্বর 1 দা ছতিশগরদা চৎলগনি।

অয়ুক্কী পুং 10 মুক তাবদা ‘দিল কী বাত’ থৌরমগী শরুক অমা ওইনা নব রায়পুর অতল নগরগী শ্রী সত্য সাই সজ্ঞিবনি হোসপিতলদা পোকপদগী থম্মোয়গী লায়না নাবদগী মায় পাক্না লায়েং চত্থখ্রবা অঙাং 2500 গা ৱারী শান্নগনি।

মসিগী মতুংদা অয়ুক্কী পুং 10.45 মুক তাবদা প্রধানমন্ত্রীনা স্পিরিচুএলগী তম্ফম অমসুং মেদিতেসনগী অনৌবা সেন্তর ওইরিবা ব্রহ্মকুমারীশিংগী ‘শান্তী শিখর’ শঙ্গারগনি।

মসিগী মতুংদা অয়ুক্কী পুং 11  মুক তাবদা প্রধানমন্ত্রীনা নব রায়পুর অতল নগরদা ছতিশগর বিধানসভাগী অনৌবা বিল্দিংদা হান্নগী প্রধানমন্ত্রী ওইবিরম্বা ভারত রত্ন শ্রী অতল বিহারী ভাজপায়ীগী মীতম মায়খুম হাংদোক্কনি। মসিগী মতুংদা সোলর ইনর্জী অমসুং রেন ৱাতর হার্ভেস্তিং সিস্তেম মপুং ফানা হাপ্নবা থৌরাং য়াৎলবা গ্রীন বিল্দিং কন্সেপ্তা শাখিবা ছতিশগর বিধান সভাগী অনৌবা বিল্দিংদা চত্তুনা শঙ্গাগনি। মফম অদুদা মহাক্না থৌরম অদুদা তিল্লিবা মীয়ামদা ৱা ঙাংগনি।

নুমীৎয়ুংবা মতুং পুং 1.30 তাবদা প্রধানমন্ত্রীনা শহীদ বীর নরায়ন সিংহ মেমোরিয়েল অমসুং ত্রাইবেল ফ্রীদম ফাইতর ম্যুজিয়ম শঙ্গাদুনা য়েংবা চৎকনি। ম্যুজিয়ম অসি রাজ্য অসিগী ত্রাইবেল কাংলুপশিংগী থৌনা, কত্থোকপা অমসুং মরৈবাক নিংবগী মতৌ অদু ঙাক্তুনা থমগনি অমসুং উৎকনি। প্রধানমন্ত্রীনা নিংতম লান্মীশিংবু ইকাই খুম্নবা-“আদি শৌর্য” গী মাইখুম হাংদোক্কনি অমসুং মেমোরিএল সাইত অসিদা শহীদ বীর নরায়ন সিংহগী শগোল তোংবা মীতম মাইখুম হাংদোক্কনি।

মসিগী মতুং নুংথীলগী পুং 2:30 রোম তাবা মতমদা ছতিশগরনা রাজ্য ওইখিবা চহী 25 মপুং ফারকপা নিংশিংবা ওইনা পাংথোকপা ছতিশগর রজত মোহতসবতা শরুক য়ারনি।প্রধানমন্ত্রীনা লুপা করোর 14,260 গী মখক্তা চংগদবা লম্বীশিং, ইন্দস্ত্রী, হেল্থকেয়র অমসুং ইনর্জীগুম্বা মরুওইবা সেক্তরশিংগী দিভেলপমেন্ত প্রোজেক্তশিংগী পরিং অমা শঙ্গাগনি অমসুং উরেপ-উয়ুং তমগনি।

পুন্সি মহিং ফগৎহন্নবগীদমক্তা প্রধানমন্ত্রীনা প্রধানমন্ত্রীনা ছতিশগরগী জিলা মাপলগী ব্লোকশিংদা অনৌবা স্তার্ত-অপ ভিলেজ ওন্তরপ্রিন্যুরশিপ প্রোগ্রাম (এস.ভি.ই.পি.) 12 হৌদোক্কনি। প্রধানমন্ত্রীনা লুপা লাখ 3.51 কী লোইরবা য়ুমশিংগী গৃহ প্রবেশ য়াওগনি অমসুং রাজ্য অসিদা মশক থোক্না লৈবা য়ুম অমসুং খুঙ্গংগী য়ুমশিং তেক্ত-কাইদনা লৈহন্নবা প্রধানমন্ত্রী অৱাস য়োজনা(গ্রামীন) গী মখাদা বেনিফিসিয়রী লাখ 3 দা লুপা করোর 1200 পীরগনি।

কন্নেক্তিবিতী ফগৎহল্লদুনা প্রধানমন্ত্রীনা নেস্নেল হাইৱে ওথোরিতী ওফ ইন্দিয়া(এন.ঐচ.এ.আই.)না ভারতমালা পরিয়োজনাগী মখাদা লুপা করোর 3,150 রোম চংনা শেমগৎপা পথলগাও-কুনকুরীদগীনা ছতিশগর-ঝারখন্দগী ঙমখৈফাওবগী ফোর-লেন গ্রীনফীল্দ হাইৱেশিং উরেপ-উয়ুং তম্লগনি। মসিগী স্ত্রেতিজিক কোরিদোর অসিনা মরুওইবা কোইবাগী খনিশিং, ইন্দস্ত্রিএল জোনশিং অমসুং কোরবা, রায়গর, জশপুর, রাঞ্চী অমসুং জমসেদপুরগী স্তীল প্লান্তশিং শম্নহন্দুনা চাওনা ইকোনোমিক আর্তরী মপাঙ্গল কনখৎহন্দুনা রিজনেল ত্রেদ লিঙ্কেজশিং মফগৎহল্লগনি অমসুং সেন্ত্রেল ইন্দিয়াগা ইস্তর্ন রিজনশিংগা পুনশিন্নহল্লগনি।

মসিদা নত্তনা প্রধানমন্ত্রীনা এন.ঐচ.-130 (নরায়নপুর-কস্তুরমেতা-কুতুল-নিলঙ্গুর-মহারাস্ত্র বোর্দর), বাস্তর অমসুং নরায়নপুর জিলাগী পাকথোক-চাওথোকপগী মল্তিপল সেগমেন্তশিং শানবা অমসুং অপগ্রেদ তৌনবা উরেপ-উয়ুং তম্লগনি। প্রধানমন্ত্রীনা এন.ঐচ.-130সি.(মদহ্গমুঙ্গা-দিওভোগ-ওরিশা বোর্দর)অসি নাকল-নাকলদা খোং লম্বি য়াওবা লেন অনীগী হাইৱেশিংদা অপগ্রেদ তৌনবা হৌদোক্লগনি। মসিনা ত্রাইবেল অমসুং মনুং হুজ্ঞিনবা মফমশিংদা রোদ কনেক্তিবিতী হেনগৎহন্দুনা হেল্থকেয়র, এজুকেসন অমসুং মার্কেৎশিং ফগৎহল্লগনি অমসুং রিমোত এরিয়াশিংগী সোসিও-ইকোনোমিক ফগৎহল্লগনি।

পাৱর সেক্তরদা প্রদানমন্ত্রীনা নোংপোক অমসুং নোংচুপথংবা গ্রীদশিংদা মেগাৱাত 1,600 গী মরক্তা ইন্তর-রিজনেল পাৱর ত্রান্সফর কেপাসিতী হেনগৎহল্লদুনা মফম অসিদা গ্রীল রিলাইএবিলিতী ফঘৎহন্দুনা অমসুং স্তেবল ওইবা পাৱর সপ্লাই লৈহনগদবা ই.আর.-দব্লয়ু.আর. ইন্তরকনেক্সন প্রোজেক্তশিং হৌদোক্লগনি।

মসিগা লোয়ননা সপ্লাই রিলাইএবিলিতী ফগৎহন্দুনা অমসুং ত্রান্সমিসন কেপাসিতী হেনগৎহন্দুনা ছতিশগরগী পাৱর ইনফ্রাস্ত্রকচর মপাঙ্গল কনখৎহন্নবা লুপা করোর ₹3,750 মুক্কী মথক্তা চংগদবা মল্তিপল সেক্তরগী প্রোজেক্তশিংগী কত্থোক্লগনি, শঙ্গারগনি অমদি উরেপ-উয়ুং তম্লগনি।

অনৌবা পাৱর লাইনশিং, ফীদর বাইফর্কেসন, ত্রান্সফোর্মরশিং ইন্সতোল তৌবা, কন্দক্তরশিং কনভর্জন তৌবা অমসুং খুঙ্গং অমসুং এগ্রীকলচর পাৱর ফগৎহন্নবা শাবগী য়াওনা রিভেম্প দিস্ত্রিব্যুসন সেক্তর(আর.দি.এস.এস.) কী মখাদা লুপা করোর 1,860 গী থবকশিং অসি প্রধানমন্ত্রীনা কত্থোক্লগনি। প্রধানমন্ত্রীনা রায়পুর, বিলাসপুর, দূর্গ, বেমেতরা, গারিয়াবন্দ অমসুং বাস্তরগুম্বা জিলাশিংদা লুপা করোর 480 চংনা শাবা অনৌবা পাৱর সবস্তেসন মাপল শঙ্গারগনি। মসিনা মীওই লাখ 15 মুক্তা স্তেবল ওইবা ভোলতেজ লৈহন্দুনা আওতেজশিং হন্থহল্লগনি অমসুং রিমোত অমসুং ত্রাইবেল এরিয়াশিংদফাওবা রিলাইএবল এলেক্ত্রিসিতী ফংহল্লগনি। মসিগী মথক্তা রাজ্য অসিদা মৈ ফংবা হেনগৎহন্নবা অমসুং ক্বালিতী হেনগৎহন্নবা কঙ্কের অমসুং বালোদাবাজার-ভত্তপরাদা অনৌবা আর.দি.এস.এস. কী থবকশিংগা কোন্ননা জিলা কয়াদা লুপা করোর 1415 কী মথক্তা চংগদবা অনৌবা সবস্তেসনশিং অমসুং ত্রান্সমিসনশিংগী প্রোজেক্তশিং উরেপ-উয়ুং তম্লগনি।

পেত্রোলিয়ম অমসুং নেচরেল গ্যাসকী সেক্তরদা প্রধানমন্ত্রীনা পেত্রোল, দিজল অমসুং ইথানোলগী স্তোরেজ কেপাসিতী কিলোলিতর 54,000 হাপ্পা চনবা লুপা করোর 460 চংনা রায়পুরদা শাবা ঐচ.পি.সি.এল.গী স্তেত-ওফ-আর্ত পেত্রোলিয়ম ওইল দিপো শঙ্গারগনি। ফেসিলিতী অসিনা ছতিশগর অমসুং য়ুম্লোন্নবা রাজ্যশিংদা অচৌবা ফ্যুএলগী হব অমা ওইদুনা লেপ্পা লৈতবা সপ্লাইশিং লৈহল্লগনি। কিলোলিতর 10,000 গী ইথানোল স্তোরেজ লৈহল্লদুনা দিপোৎ অসিনা ইথানোল ব্লেন্দিং প্রোগ্রামসু ফগৎহল্লগনি, ফোসিল ফ্যুএল দিপেন্দেন্সী হন্থহল্লদুনা অমসুং হেন্না শেংবা ইনর্জী গ্রোথ লৈহল্লগনি।

প্রধানমন্ত্রীনা লুপা করোর 1950 চংনা শাবা কি.মি. 489 শাংবা নাগপুর-ঝারসুগুদা নেচরেল গ্যাস পাইপলাইনসু মীয়ামদা কত্থোক্লগনি। প্রোজেক্ত অসিনা ভারতকী ইনর্জী মিক্স তৌবদা 15% অমসুং “ৱান নেসন ৱান গ্যাস গ্রীদ” কী ভিজন ফংবগী শরুক অসি হেনগৎহনবরোমদা অচৌবা খোংথাং অমনি। পাইপলাইন অসিনা ছতিশগরগী জিলা 11 অসি নেস্নেল গ্রীদকা শম্নহন্দুনা মফম অসিদা ইন্দস্ত্রিএল দিভেলপমেন্ত লৈহল্লগনি অমসুং হেন্না শেংবা অমসুং অহোংবা ফ্যুএল ফংহল্লগনি।

ইন্দস্ত্রী চাওখৎহন্নবা অমসুং থবক হেনগৎহন্নবা প্রধানমন্ত্রীনা স্মার্ত সিতী অনী-অমনা জঙ্গিরা-চম্পা জিলাগী সিলাদেহী-গতৱা-বির্রাদা অদুগা অমনা রাজনন্দগাও জিলাগী বিজলেতলাদা উরেপ-উয়ুং তম্লগনি। মসিগী মথক্তা প্রধানমন্ত্রীনা নব রাইপুর এতল নগরগী সেক্তর 22 দা ফার্মাসিয়ুতিকেল পার্ক অনি উরেপ-উয়ুং তম্লগনি। মসিগী পার্ক অসিনা দ্রগ অমসুং হেল্থকেয়র মেনুফেকচরিংগী ওইনা কত্থোক্লবা জোন ওইনা থবক তৌরগনি।

হেল্থকেয়র খংফ ফগৎহল্লদুনা প্রধানমন্ত্রীনা বিলাসপুরগী মনেন্দ্রগর, কবিরধাম, জজ্ঞগীর-চম্পা অমসুং গীদাম(দন্তেৱরা), গবর্নমেন্ত আয়ুর্বেদা কোলেজ অমসুং হোসপিতালদা অনৌবা মেদিকেল কোলেজ মঙা উরেপ-উয়ুং তম্লগি। মসিগী প্রোজেক্তশিং অসিনা মেদিকেল এজুকেসনগী মপাঙ্গল কনখৎহন্দুনা হেল্থকেয়র ফংবা হেনগৎহল্লগনি অমসুং ছতিশগরপুম্বদা ত্রেদিস্নেল মেদিসিন চাওখৎগনি।

***