প্রধানমন্ত্রীগী লোইশঙ
প্রধান মন্ত্রীনা মোরিসসকী প্রধান মন্ত্রীগা ৱারী শাখ্রে
ভারত-মোরিসসকী অখন্নবা অমসুং তোপ-তোপ্পা মরীশিংদা মীৎয়েং থম্লদুনা মখোয়না এনহেন্স স্ত্রেতেজিক পার্তনরশিপ অসি হেন্না চৎশিনহন্নবা অপুনবা ফিরেপ অদু অমুক হন্না ফোংদোকখ্রে
লুচিংবা অনিমক্না বাইলেতরেল দিবেলপমেন্ত পার্তনরশিপ হেন্না চেৎশিনহন্নবা অমসুং অতোপ্পা লমশিংদা তেংবাং পীননবা খোঙথাংশিং খন্নখ্রে
পি.এম. রামগুলামনা 11শুবা মালেমগী য়োগ নুমিৎতা থৱায় য়াওনা শরুক য়াখিবগীদমক পি.এম.না থাগৎখ্রে
পি.এম. মোদীনা মহাসাগর অমসুং নেবরহুদ ফার্স্ত পোলিসীগী ভিজনগী পরিং মখাদা মোরিসসগী চাউখৎ-থৌরাংগী মরু ওইবা হীরমশিংদা মতেং পাংনবা ভারতকী ফিরেপ অমুক হন্না ফোংদোকখ্রে
Posted On:
24 JUN 2025 9:56PM by PIB Imphal
প্রধান মন্ত্রী শ্রী নরেন্দ্র মোদীনা রিপব্লিক ওফ মোরিসসকী প্রধান মন্ত্রী ঐচ.ই. দোক্তর. নবিনচন্দ্র রামগুলামগা ঙসি তেলিফোন্দা ৱারী শাখ্রে।
ভারত অমসুং মোরিসসকী মরক্তা অখন্নবা অমসুং তোপ তোপ্পা মরী লৈনবগী মতাংদা মরুওইনা পল্লদুনা লুচিংবা অনিমক্না লৈবাক অনিগী মরক্তা এনহেন্স স্ত্রেতেজিক পার্তনরশিপ মখা তানা চেৎশিলহন্নবা মখোয়গী অপাম্বা অদু অমুক হন্না ফোংদোক্নখি।
দিবেলপমেন্ত পার্তনরশিপ, কেপাসিতী বিল্দিং, দিফেন্স, মেরিতাইম সেক্যুরিতী, দিজিতেল ইনফ্রাস্ত্রকচর অমসুং পিপল-তু-পিপলগী মরীশিং য়াওনা হীরম কয়াদা হৌজিক চত্থরিবা কোওপরেসনগী মতাংদা মখোয়না খন্নখি।
প্রধান মন্ত্রীনা 11শুবা মালেমগী য়োগ নুমিৎতা পি.এম. রামগুলামনা থৱায় য়াওনা শরুক য়াখিবগীদমক থাগৎপা ফোংদোকখি।
ভিজন মহাসাগর অমসুং ভারতকী নেবরহুদ ফার্স্ত পোলিসীগী মতুং ইন্না মোরিসসকী চাউখৎ-থৌরাংগী মরুওইবশিংদা ভারতনা মতেং পাংনবা অচেৎপা ফিরেপ লৈ হায়না প্রধান মন্ত্রী মোদীনা অমুক হন্না ফোংদোকখি।
অথুবা মতমদা ভারত্তা লাক্নবা প্রধান মন্ত্রী রামগুলানদা প্রধান মন্ত্রীনা বর্তন তৌখি। লুচিংবা অনিমক্না অদুমক পাও ফাওন্দুনা লৈনবা য়ানখি।
****
(Release ID: 2183265)
Visitor Counter : 6
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam