امدادِ باہمی اور مرکزی وزیرِ داخلہ جناب امت شاہ کل ممبئی کے مزگان ڈاک میں جدید ترین گہرے سمندر میں مچھلی پکڑنے والے جہاز تقسیم کریں گے۔ اس موقع پر مہاراشٹر کے وزیرِ اعلیٰ جناب دیویندر فڑنویس، مہاراشٹر کے ڈپٹی وزرائے اعلیٰ جناب ایکناتھ شنڈے اور جناب اجیت پوار، اور مرکزی وزیرِ مملکت برائے تعاون جناب مرلی دھر موہول بھی موجود رہیں گے۔

گہرے سمندر میں مچھلی پکڑنے والے جہازوں کی چابیاں مستفیدین کو دینے کے موقع پر امدادِ باہمی اور مرکزی وزیرِ داخلہ جناب امت شاہ کا یہ اقدام تعاون پر مبنی گہرے سمندر کی مچھلی پکڑنے کی سرگرمی میں ایک تاریخی سنگ میل کی نمائندگی کرے گا، جو بھارت کے خود کفالت، پائیداری اور ماہی پروری کے شعبے میں تعاون کو مضبوط بنانے کے عزم کی علامت ہوگا۔

یہ گہرے سمندر میں مچھلی پکڑنے والے جہاز مستفیدین کو پردھان منتری مچھلی سمپادا یوجنا کے تحت دیے جا رہے ہیں، جن کی فی یونٹ لاگت 1.2 کروڑ روپے ہے، اور اس میں مہاراشٹر حکومت، نیشنل کوآپریٹو ڈویلپمنٹ کارپوریشن (این سی ڈی سی) اور وزارتِ ماہی پروری، حکومتِ ہند کی مالی معاونت شامل ہے۔ یہ اقدام مودی حکومت کے آتم نربھر بھارت کے وژن کو عملی جامہ پہنانے اور نیل گوں معیشت  کو مضبوط کرنے کے عزم کی عکاسی کرتا ہے۔ وزیرِ اعظم جناب نریندر مودی کی قیادت میں، یہ بھارت کے سمندری ماہی پروری کے شعبے کو جدید بنانے، گہرے سمندر میں مچھلی پکڑنے کی صلاحیت بڑھانے، اور ساحلی علاقوں میں تعاون پر مبنی ترقی کو فروغ دینے کی سمت میں ایک اہم قدم ہے۔ اس کا مقصد بھارت کی خصوصی اقتصادی زون (ای ای زیڈ) اور گہرے سمندر میں ماہی پروری کے وسائل کی کھوج کرنا ہے۔

تعاون اور ایف ایف پی اوز کے ذریعے تعاون پر مبنی گہرے سمندر کی ماہی پروری کی سرگرمیوں کو تیز کرنے کے لیے، ماہی پروری کی وزارت، پالتو جانوروں کی دیکھ بھال اور ڈیری شعبہ، حکومتِ ہند، اور وزارتِ تعاون، حکومتِ ہند کے تحت ایک مشترکہ ورکنگ گروپ (جے ڈبلیو جی) تشکیل دیا گیا ہے۔

بھارت کا سمندری ماہی پروری شعبہ روایتی طور پر محدود پیمانے پر کام کرتا رہا ہے، جہاں ماہی گیر روایتی جہازوں اور تکنیکوں پر انحصار کرتے ہیں اور عموماً ساحل سے صرف 40–60 سمندری میل تک ہی جاتے ہیں۔ یہ حدیں مچھلی پکڑنے کی مقدار اور اقتصادی فوائد کو محدود کرتی رہی ہے۔

یہ اقدام ماہی پروری کی تعاون پر مبنی سوسائٹیوں اور ایف ایف پی اوز کو بھارت کی خصوصی اقتصادی زون (ای ای زیڈ) اور گہرے سمندروں کی وسیع صلاحیت کو پائیدار طریقے سے استعمال کرنے کے قابل بنائے گا، خاص طور پر لکشدویپ اور انڈمان و نکوبار جزائر جیسے علاقوں میں۔ توقع کی جا رہی ہے کہ یہ ٹونا جیسی قیمتی مچھلیوں میں نئے مواقع پیدا کرے گا، جس سے بھارت کی سمندری خوراک کی برآمدات میں اضافہ ہوگا اور ساحلی علاقوں میں روزگار کے مواقع مضبوط ہوں گے۔

پس منظر - واقعہ کی اہمیت

مزگان ڈاک پر گہرے سمندر میں مچھلی پکڑنے والے جہازوں کا افتتاح بھارت کے سمندری ماہی پروری کے بنیادی ڈھانچے کے جدید بنانے میں ایک اہم لمحے کی نمائندگی کرتا ہے۔ یہ نئے تیار کردہ جہاز جدید ٹیکنالوجیوں سے لیس ہیں جو سمندری وسائل کی پائیدار حصول کو ممکن بناتی ہیں، اس بات کو یقینی بناتے ہوئے کہ ماحولیاتی نقصان کم سے کم ہو اور اقتصادی فوائد زیادہ سے زیادہ ہوں۔ جہاز پر نصب ڈیجیٹل سسٹمز کے انضمام سے پتہ لگانے کی صلاحیت، حفاظت، اور آپریشنل کارکردگی میں اضافہ ہوگا، جو بھارت کے سمندری طریقوں کو عالمی ذمہ دار ماہی گیری کے معیارات کے مطابق لائے گا۔

اس پروگرام کا مرکزی مقصد ماہی پروری کی تعاون پر مبنی سوسائٹیوں کو مضبوط بنانا ہے، جو ساحلی کمیونٹیوں کو بااختیار بنانے میں اہم کردار ادا کرتی ہیں۔ یہ اقدام فش فارمر پروڈیوسر آرگنائزیشنز اور تعاون پر مبنی سوسائٹیوں کی ترقی اور توسیع کی حمایت کرتا ہے، تاکہ وہ خود مختار اداروں کی طرح کام کر سکیں۔ خاص طور پر، اس اقدام میں خواتین کی قیادت میں تعاون پر مبنی اداروں کو فروغ دینے پر زور دیا گیا ہے، کیونکہ یہ ساحلی کمیونٹیوں میں جامع ترقی، قیادت، اور سماجی و اقتصادی تبدیلی میں اہم کردار ادا کرتی ہیں۔

یہ پروگرام حکومت کے منصوبوں اور ادارہ جاتی معاونت کے نظام کے امتزاج کو بھی اجاگر کرتا ہے، جو ماہی پروری کے منظرنامے کو تبدیل کرنے کے لیے تیار کیے گئے ہیں۔ جیسے کہ پردھان منتری متسیہ سمپدا یوجنا (پی ایم ایم ایس وائی) اور ماہی پروری اور ایکوا کلچر کے بنیادی ڈھانچے  کے فروغ سے متعلق فنڈ (ایف آئی ڈی ایف ) سمندری پیداوار کے لیے کولڈ چین اور ویلیو چین بنیادی ڈھانچے کی ترقی میں اہم کردار ادا کرتے ہیں، جس سے ماہی پروری کی مصنوعات کے معیار، شیلف لائف اور مارکیٹ قابلیت میں اضافہ ہوتا ہے۔ اس کے علاوہ، بہتر قیمت حاصل کرنے اور اقتصادی پائیداری کو یقینی بنانے کے لیے مارکیٹ تک رسائی بہتر بنانے کی کوششیں کی جا رہی ہیں۔

آخر میں، بھارت کی نیلگوں معیشت کو فروغ دینے اور ساحلی علاقوں میں روزگار کو محفوظ بنانے میں ماہی پروری کی تعاون پر مبنی سوسائٹیوں کے اسٹریٹجک کردار پر زور دیا جائے گا۔ گہرے سمندر میں مچھلی پکڑنے کے اس اقدام سے ساحلی پٹی میں خاطر خواہ روزگار کے مواقع پیدا ہونے کی توقع ہے، جو سماجی و اقتصادی ترقی میں معاون ثابت ہوں گے۔ یہ بھارت کی سمندری خوراک کی برآمدات کو بھی مضبوط کرے گا اور عالمی بحری تجارت میں ملک کے مقام کو مستحکم کرے گا۔ پائیدار ماہی گیری کے طریقوں اور ذمہ دار وسائل کے انتظام کو فروغ دے کر، یہ اقدام قومی غذائی اور غذائیتی تحفظ کے اہداف کی حمایت کرتا ہے، جبکہ سمندری ماحولیاتی نظام کی طویل مدتی صحت کو بھی محفوظ بناتا ہے۔

************

ش ح ۔   م  د ۔  م  ص

(U :   308)