প্রধান মন্ত্রী শ্রী নরেন্দ্র মোদীনা নহায়-খায়গী চৎনবীগী ওইবা থৌরমগা লোয়ননা ঙসি হৌরিবা ছথ মহাপর্বগী শেংলবা থৌরম অসিনা লাকপদা লৈবাক শিনবা থুংবদা অমসুং মালেমদা লৈরিবা ভক্তাশিংদা মহাক্কী য়াইফ-পাউজেল পীখ্রে। প্রধান মন্ত্রীনা ব্রতি পুম্নমক্কী কত্থোকপা অদুবু ইকাই খুম্নবা উৎখ্রে অমসুং নুমিৎ মরিনিগী কুহ্মৈ অসিগী নাৎকী ওইবা মরু ওইবা অদু ফোংদোকখ্রে।

শ্রী মোদীনা মালেমদা লৈরিবা ভারত মচাশিংগী ইমুং-মনুংনা থৱায় য়াওনা কত্থোকপবা লোয়ননা মসিগী থৌরমশিং অসিদা শরুক য়ারি হায়না ফোংদোক্লদুনা ছথ অসিবু মালেমগী ওইনা শকখঙবা হেনগৎলক্লিবা অদু ফোংদোকখ্রে।

থৌরম অসি পাংথোক্লদুনা প্রধান মন্ত্রীনা মসিগী স্পিরিচুএলগী ওইবা ইথিলদা মখোয়বু লুপহন্নবা মীপুম খুদিংমক্তা হায়রদুনা ছথ মৈয়াদা কত্থোকপা ঈশ্বরগী ওইবা ঈশৈ অমা শিয়র তৌখ্রে।

Xতা থ্রেদ পোস্ত অমা তৌরদুনা শ্রী মোদীনা ইখি:

“নুমিৎ মরিনি চুপ্না পাংথোকপা ছথ কুহ্মৈ অসি ঙসি নহায়-খায়গী শেংলবা থৌরমশিংগা লোয়ননা হৌখ্রে। বিহার য়াওনা লৈবাক শিনবা থুংবদা লৈরিবা ভক্তাশিংদা ঐহাক্না য়াইফ-পাউজেল পীজরি। ঐহাক্না ব্রত তৌরিবা পুম্নমক্তা ইকাই খুম্নবা উৎচরি!”

“ঐখোয়গী নাৎকী অচৌবা কুহ্মৈ অসিনা অচম্বা অমসুং অথিংবা থম্বা, মাগী অশেংবা মগুন অমসুং দিস্সিপ্লিন ঙাকনা চৎপা ঙম্বা অসিগী লম্বা লৈতে হায়না উৎলি। শেংলবা থৌরম অসিদা ছথ ঘাতশিংদা উরিবা শক্তমশিং অসিনা ইমুং অমসুং খুন্নাইদা তংদু লৈতাবা লৈনবগীদমক ফজরবা ইথিল অমা পীরি। ছথকী অরিবা চৎনবী অসিনা ঐখোয়গী খুন্নাইদা চাউনা শাফু পীরি।”

“ঙসি ছথ অসি মালেমগী কাচিন-কোয়া খুদিংমক্তা অচৌবা নাৎকী ওইবা কুহ্মৈ অমা ওইনা পাংথোক্নরি। মালেম শিনবা থুংবদা লৈরিবা ভারতকী ইমুংশিংনা মসিবু চৎনবীশিংগা লোয়ননা থৱায় য়াওনা পাংথোক্নরি। ঐহাক্না ছথি মৈয়াদা মীপুম খুদিংমক্তা থৌজালশিং পীনবীনবা খুরুমজরি।”

“ছথ মহাপর্ব অসি থাজবা, থৌনিবা অমসুং মহৌশাবু নুংশিবগী অখন্নবা অপুনবা অমনি। নুমিৎনা চংখিবা অমসুং থোরকপদা থৌনিরি, থৌনিবা অসিদা মহৌশাগী তোঙান-তোঙানবা মচুশিংবু য়াওহল্লি। ছথ পুজাগী ঈশৈশিং অমসুং সুরশিং অসিনা কত্থোকপা অমসুং মহৌশাগী তোপ-তোপ্পা ৱাখল্লোন অমগা লোয়ননা ইথিল পীরি।”

“ঙরাং খক্তা বেগুসরায়দা চৎপগী খুদোংচাবা ফংজবা অসি ঐহাক্কী ওইনা লাইবক ফবনি। বিহারগী কোকিল, শারদা সিনহা অসি বেগুসরায়গা লোয়ননা অনকপা মরি অমা লৈনৈ। শারদা সিনহা অমসুং বিহারদগী অতোপ্পা ফোল্ক আর্তিস্ত কয়ানা মখোয়গী ঈশৈশিংগী খুত্থাংদা ছথ কুহ্মৈদা তোপ-তোপ্পা মগুন অমা হাপ্পী।”

“ঙসি মহাপর্ব অসিদা ঐহাক্না ছথি মৈয়াগী অদুগুম্লবা ঈশৈ পুম্নমক ময়ামদা শিয়র তৌজরি, মসি তাবদা মীপুম খুদিংমকপু শুমহৎকনি।

https://m.youtube.com/watch?v=6e6Hp6R5SVU”

नहाय-खाय के पावन अनुष्ठान के साथ आज से चार दिवसीय महापर्व छठ का शुभारंभ हो रहा है। बिहार सहित देशभर के श्रद्धालुओं को मेरी हार्दिक शुभकामनाएं। सभी व्रतियों को मेरा नमन और वंदन!

— Narendra Modi (@narendramodi) October 25, 2025

***