প্রধান মন্ত্রী শ্রী নরেন্দ্র মোদীগা ক্রোএসিয়াগী প্রাইম মিনিস্তর ঐচ.ই. অন্দ্রেজ প্লেনকোবিক্কা ঙসি জাগ্রেবতা উনখ্রে। হন্দক্কী অসিনা ভারতকী প্রাইম মিনিস্তরনা ক্রোওসিয়াদা চৎপা অহানবনি, ইন্দিয়া-ক্রোওসিয়া মরীগী পুারী ওইরবা তাঙ্কক অমনি। পুৱারী ওইরবা বন্সকি বোরি কোনুংদা য়ৌরকপা মতমদা প্রধান মন্ত্রীবু প্রাইম মিনিস্তর প্লেনকোবিক্না তরাম্না ওকখি। ঙল্লিঙৈদা প্রধান মন্ত্রীবু প্রাইম মিনিস্তর প্লেনকোবিক্না জাগ্রেব এয়রপোর্ত্তা য়ৌরকপদা তরাম্না ওকখি।

লুচিংবা অনিনা দেলিগেসন থাক্কী ৱারী শানখি। মখোয়না ত্রেদ অমসুং ইনভেস্তমেন্ত, সাইন্স অমসুং তেক্নোলোজী, দিফেন্স অমসুং সিক্যুরিতী, স্পেস, কল্চরেল ওর্গনাইজেসন, অমদি মীগা মীগা লৈনবা মরী য়াওনা নাকল অনিগী ওইবা মরীগী তোঙান তোঙানবা হীরমশিংদা পাক শন্না খন্নখি। লুচিংবা অনিনা ইনফ্রাস্ত্রকচর, পোর্ত অমদি হিথাংফম, দিজিতেলাইজেসন, AI, রিনিউএবল ইনর্জী, ফার্মা অমদি তুরিজম অমসুং হোস্পিতালিতীনচিংবা সেক্তরশিংদা তেংবাংনবা হেনগৎহন্নবা খুদোংচাবা মরাং কায়না লৈরি হায়বা ৱাফম য়ানখি। ভারতকী নাৎ, ইন্দোলোজী অমদি য়োগ ক্রোএসিয়াদা মীয়াম্না পাম্নরিবা অসিনা লৈবাক অনিগী মীয়াম হেন্না নকশিন্নহল্লি হায়বা ৱাফম ফোঙদোক্নখি। প্রধান মন্ত্রী ক্রোএসিয়াগী য়োগ পামজবা মীওই পুম্নমক্কী মফমদা জুন ২১ দা ইন্তরনেস্নেল য়োগ দে পাঙথোক্কদৌরিবা অসিগী য়াইফ পাউজেল পীখি।

লুচিংবশিংনা স্তার্ত-অপ শেমগৎপা অমদি ইনোভেসন পার্ত্নরসিপদা হন্দক নৌনা পায়খৎলিবা থৌশিলশিংগী মতাঙদা খন্নখি। মখোয়না বিজিনেস-তু-বিজিনেস কোলাবোরেসন হেনগৎহন্নবা অমদি লৈবাক অনিদা ইনক্লুজিব অমদি সস্তেনেবল গ্রোথ লৈহন্নবা পার্ত্নরসিপ অমদি জোইন্ত ভেঞ্চরদা শেল থাদনবা পুক্নিং থৌগৎপা মথৌ তাই হায়বা ৱাফম মখোয়না য়ানখি। পান্দম অসিদা, প্রধান মন্ত্রী মোদীনা ক্রোএসিয়ানা ভারতকী স্কিল লৈরবা তেলেন্তশিং শীজিন্নবা য়াগনি অমদি মোবিলিতীগী লমদা ইন্সতিত্যুস্নেল কোলাবোরেসন শেমগৎনবা ৱাফম থমখি। মখোয়না ইন্দিয়া-মিদ্দল ইস্ত-য়ুরোপ ইকনমিক কোরিদোর [IMEC] গী খুত্থাঙদা য়াওনা কন্নেক্তিবিতী ফগৎহনবগী মরুওইবা ৱাফম য়ানখি। ক্রোএসিয়ানা সেন্ত্রেল অমদি সাউথ ইস্তর্ন য়ুরোপতা ভারতকী হোজঙ ওইবা য়াগনি।

লুচিংবশিংনা নাকল অনিগী ইন্তরেস্ততা লৈবা মরুওইবা রিজনেল অমদি গ্লোবেলগী ৱাফমশিংগী মরমদসু খন্নখি। মখোয়না য়ুনাইতেদ নেসন্স অমদি ইন্তরনেস্নেল ইন্সতিত্যুসন্স, ক্লাইমেত চেঞ্জ এক্সন অমদি তেরোরিজম্না পীরিবা শীংনবশিংদা রিফোর্ম পুরক্নবা ৱাখল্লোনশিং ফোঙদোক্নখি। প্রধান মন্ত্রীনা প্রাইম মিনিস্তর প্লেনকোবিকপু ভারতনা তেরোরিজমগী মায়োক্তা থেংনরিবা লান্থেংদা ক্রোএসিয়ানা পীরিবা ঙাক্লৌ অমদি খোঙফমগীদমক থাগৎপা ফোঙদোকখি। লুচিংবা অনিনা ইন্দিয়া-EU স্ত্রেতেজিক ওইবা মরী চেৎশিনবা হেল্লকপদা অপেনবা ফোঙদোকখি অমদি ইন্দিয়া-EU ফ্রী ত্রেদ এগ্রীমেন্ত ঙন্না লোইশিন্নবা ৱাফম ফোঙদোক্নখি।

ৱারী অদুগী মতুংদা, লৌউ-শিংউ, সাইন্স এন্দ তেক্নোলোজী অমদি কলচরগী লমদা MOU মরী অমদি হিন্দী চেয়র রিনিউ তৌনবা য়ানচে খুৎয়েক পীনখি। থৌরম অদুদা অপুনবা স্তেতমেন্ত অমা থাদোকখি [Link]।

প্রাইম মিনিস্তর প্লেনকোবিক্না প্রধান মন্ত্রীবু ইকায়খুম্নবা উত্তুনা চাক্লেন অমা শিনখি। প্রধান মন্ত্রীনা প্রাইম মিনিস্তর প্লেনকোবিকপু তাঞ্জা চাবা অমদা ভারত্তা লাক্নবা পাউজেল পীরমখি।

***