অহমদবাদকী এরোপ্লেন পোকখাইবগী খুদোংথিবা থৌদোক অমদা য়াম্না নুংঙাইতবা মওংদা থৱায় মাংখ্রবা হান্না গুজরাতকী মুখ্য মন্ত্রী ওইবম্বা শ্রী বিজয় রুপানীনা লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোংদোকখ্রে। রাজ্য সভাগী এম.পি. ওইবিরম্বা অসি য়াওনা, গুজরাতকী বি.জে.পি. গী প্রসিদেন্ত অমসুং রাজ্য সরকারগী কেবিনেৎ মিনিস্তর অমা ওইনা শ্রী রুপানীনা লৌবিরম্বা তোঙান-তোঙানবা থৌদাংশিং অদু নিংশিংলদুনা মহাক্কী থোইদোকপা  কেরিয়র অসিবু শ্রী মোদীনা ফোংদোকখি।  

 X কী পোস্ত অমদা শ্রী মোদীনা ফোংদোকখি;

“বিজয়ভাই রুপানীজীগী ইমুং-মনুংগা উন্নজরুরে। বিজয়ভাই অসি ঐখোয়গী ইরক্তা লৈত্রে হায়বসে ৱাখলদা থাজবা ঙমদে। ঐহাক মহাক্কা চহী কয়াগী মমাংদগী খংনরকখি। ঐখোয় অমগা-অমগা মতেং পাংনদুনা শিংননিংঙাই ওইবা তানফম কয়া অমা য়াওনা পুন্না থবক তৌমিন্নরকখি। বিজয়ভাই অসি নোল্লুকপা অমদি হোৎনবা কনবা, পার্তীগী আইদিওলোজী চেৎনা থাজবা মীশক অমা ওইরমখি। রেঙ্ক মথং-মথং কাখত্তুনা মহাক্না ওর্গানাইজেসন্দা থৌদাং কয়া লৌবিরম্মী অমসুং গুজরাতকী মুখ্য মন্ত্রী ওইনা থোইদোক-হেন্দোক্না থৌদাং পুবিরমখি।”

“শিন্নবা থৌদাং খুদিং মহাক মশানা মশক থোক্না থবক পাংথোকপীরমখি, রাজকোত ম্যুনিসিপাল কাউন্সীলদা ওইরো, রাজ্য সভাগী এম.পি. ওইরো, গুজরাতকী বি.জে.পি. গী প্রসিদেন্ত ওইরো নত্রগা রাজ্য সরকারগী কেবিনেৎ মন্ত্রী ওইরো।"

"বিজয়ভাই অমসুং ঐহাক মতম অদুদা অচৌবা প্লেৎফোর্মদা মহাক্না গুজরাতকী মুখ্য মন্ত্রী ওইরিঙৈদা থবক কয়া তৌমিন্নখি। মহাক্না গুজরাত চাওখৎনবগী লম্বি অসি হেনগৎহন্নবগীদমক্তা পাম্বৈ কয়া পুথোকখি, মরু ওইনা ইজ ওফ দুইং লিভিং ফগৎহন্নবদা। ঐখোয় অনিনা শান্নখিবা ৱারীশিং অদু মতম পুম্বদা নিংশিংদুনা লৈরগনি। ৱারবা তানফম অসিদা মহাক্কী ইমুং-মনুং অমসুং মরুপ-মপাংশিংগীদমক্তা লৈজরি। ওম শান্তি।"

Met the family of Shri Vijaybhai Rupani Ji.

It is unimaginable that Vijaybhai is not in our midst. I’ve known him for decades. We worked together, shoulder to shoulder, including during some of the most challenging times. Vijaybhai was humble and hardworking, firmly committed… pic.twitter.com/KbmDsKtARG

— Narendra Modi (@narendramodi) June 13, 2025

***