প্রধানমন্ত্রীগী লোইশঙ
প্রধান মন্ত্রীনা ক্রোসিয়াগী রাষ্ট্রপতি উনখ্রে
Posted On:
18 JUN 2025 11:58PM by PIB Imphal
ঙসি জগ্রেবতা প্রধান মন্ত্রী শ্রী নরেন্দ্র মোদীনা ক্রোসিয়াগী রাষ্ট্রপতি জোরান মিলানোভিক উনখ্রে।
লুচিংবা অনিনা লৈবাক অসিগী মরীশিংগী তোঙান তোঙানবা হিরমশিংগী মতাংদা খন্নখি। গনতন্ত্র, আইন্দা য়ুম্ফম ওইবা লৈঙাক অমসুং মালেমগী শান্তি অমসুং তুংদু-লৈতাবা পুরক্নবা পান্দমদা য়ুম্ফম ওইবা, লৈবাক অনিগী মরুপ-মপাং ওইবা অমসুং অচেৎপা মরীশিং ফগৎনবা মখোয়না অমুক হন্না থাজবা পীনখি। দিফেন্স, ষ্টার্দ-অপশিং, শান্নবা অমসুং ইন্নোবেসনগুম্বা অনৌবা হিরমশিংদা লৈবাক অনি মতেং পাংনবদা মখোয়না অপেনবা ফোঙদোকখি। লৈবাক অসিনা তেরোরিজমগী মায়োক্ত চঙশিল্লিবা থবকশিংদা ক্রোসিয়ানা ভারত মপুংফানা শৌগৎপগীদমক প্রধান মন্ত্রীনা রাষ্ট্রপতি জোরান মিলানোভিক থাগৎপা ফোঙদোকখ্রে। চহি লিশিং কয়াগী মমাঙদগী লৈবাক অনি অমতা ওইহল্লকখিবা অচেৎপা নাৎকী মরীশিংদু মখোয়না খন্নখি।
লৈবাক অনিনা দরকার ওইবা লমদম লমদমগী অমসুং মালেমগী থৌদোক-ৱাথোকশিংসু মখোয়না খন্নখি। হন্দক ভারত-ই.য়ু ষ্ট্রাতেজিক পার্তনরশিপ ফগৎলক্লিবা অসি মখোয়না খন্নখি অমসুং মসিনা তোঙান তোঙানবা মওংদা ভারত-ক্রোসিয়াগী মরীশিং মগুন হেনগৎহন্নগনি হায়না ফোঙদোকখি।
ভারত-ক্রোসিয়াগী মরীশিংগী কান্নবা মপুংফানা লৌনবা পুন্না থবক তৌমিন্নবা হায়না লুচিংবা অনিনা য়ানখ্রে।
***
(Release ID: 2181937)
Visitor Counter : 4
Read this release in:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam