وزیراعظم کا دفتر
وزیراعظم نے جمہوریہ کروشیاکے صدر سے ملاقات کی
Posted On:
18 JUN 2025 11:58PM by PIB Delhi
وزیر اعظم جناب نریندر مودی نے آج زاگریب میں جمہوریہ کروشیا کے صدر عزت مآب زوران میل نوویچ سے ملاقات کی۔
دونوں رہنماؤں نے دوطرفہ تعلقات کے مختلف پہلوؤں پر تبادلہ خیال کیا۔ انہوں نے جمہوریت کی مشترکہ اقدار، قانون کی حکمرانی اور بین الاقوامی امن و استحکام کے مشترکہ ہدف پر مبنی دونوں ممالک کے درمیان قریبی اور دوستانہ تعلقات کے اپنے عزم کا اعادہ کیا۔ انہوں نے دفاع، اسٹارٹ اپ، کھیل اور اختراع جیسے نئے شعبوں میں دوطرفہ تعاون کے تنوع پر اطمینان کا اظہار کیا۔ وزیر اعظم نے دہشت گردی کے خلاف جنگ میں ہندوستان کو دیئے گئےکروشیا کی مضبوط حمایت اور یکجہتی کے لئے صدرمیل نووچ کا شکریہ ادا کیا۔ رہنماؤں نے صدیوں پرانے قریبی ثقافتی روابط پر بھی تبادلہ خیال کیا جو دونوں ممالک کو مضبوطی سے متحد کئے ہوئے ہے۔
انہوں نے باہمی دلچسپی کے علاقائی اور عالمی امور پر بھی تبادلہ خیال کیا۔ انہوں نے اس بات کا بھی ذکر کیا کہ ہندوستان-یوروپی یونین اسٹریٹجک پارٹنرشپ حالیہ دنوں میں گہرا ہوا ہے اور اس سے ہندوستان-کروشیا تعلقات کو کئی طریقوں سے اہمیت ملے گی۔
دونوں رہنماؤں نے ہندوستان-کروشیا تعلقات کی مکمل صلاحیتوں کو کھولنے کے لئے مل کر کام کرنے پر اتفاق کیا۔
***
ش ح۔ ک ا۔ م ش
U.NO.1891
(Release ID: 2137554)
Read this release in:
English
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam