প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা পুনে মেত্রো রেল প্রোজেক্ত ফেজ-২: বনাজদগী চান্দানী চৌক (কোরিদোর ২এ) অমসুং রামৱারীদগী ৱাঘোলী/বিত্থলৱারী (কোরিদোর ২বি) ফাওবা ফেজ-১গী মখাদা লৈরিবা বনাজ-রামৱারী কোরিদোরগী এক্সতেন্সন ওইনা অয়াবা পীখ্রে। এলিভেৎ তৌরবা কোরিদোর অনি অসি কিলোমিতর ১২.৭৫ শাংদোক্কনি অমসুং স্তেসন ১৩ য়াওগনি। মসিনা চান্দানী চৌক, বৱধান, কোথ্রুদ, খারাদী অমসুং ৱাঘোলীগুম্বা খোংজেল য়াংনা চাউখৎলক্লিবা সবর্বশিং অসি শম্নহল্লগনি। প্রোজেক্ত অসি চহি মরিগী মনুংদা লোইশিন্নবা থৌরাং তৌরি।

প্রোজেক্ত অসিগী চাউরাকপা শেনফম অসি লুপা করোর ৩৬২৬.২৪নি, মসি ভারত সরকার, মহারাস্ত্রা সরকার অমসুং মপানগী বাইলেতরেল/মলতিলেতরেল এজেন্সীশিংনা মান্নবা মওংদা শরুক য়ামিন্নগনি। স্ত্রেতেজিক ওইবা ৱাফম অসি হৌজিক লৈরিবা কোরিদোর-২গী লোজিকেল এক্সতেন্সন অমনি অমসুং পুনেদা ইস্ত-ৱেস্ত মাস ত্রান্সিৎ মপাঙ্গল কনখৎহন্নবা চান্দানী চৌকদগী ৱাঘোলী মেত্রো কোরিদোর ফাওবা লেপ্তনা চৎনবা কমপ্রিহেন্সিব মোবিলিতী প্লান (সি.এম.পি.)গী পরিং মখাদা ওইরি।

হায়রিবা এক্সতেন্সনশিং অসিনা মরুওইবা আই.তি. হবশিং, কম্মর্সিএল এরিয়াশিং, এজুকেসনেল ইন্সতিত্যুসনশিং অমসুং রেসিদেন্সিএল পোক্কেৎশিংদা খুদোংচাবা পীদুনা মসিনা নেৎৱার্ক অসিদা পব্লিক ত্রান্সপোর্ত অমসুং রাইদরশিপকী শেয়র হেনগৎহল্লগনি। অনৌবা কোরিদোরশিং অসি দিস্ত্রিক্ত কোর্ত ইন্তর্চেঞ্জ স্তেসনগা লাইন-১ (নিগদী-কাত্রাজ) অমসুং লাইন-৩ (হিঞ্জৱাদী-দিস্ত্রিক্ত কোর্ত) গা পুনশিন্নদুনা অপনবা লৈতবা মল্তি-মোদেল অর্বান ত্রেভেলগী খুদোংচাবা ফংহল্লগনি।

লোং-তর্ম ওইবা মোবিলিতী প্লানিংগী মখাদা, মুম্বাই অমসুং বেঙ্গালুরুগুম্বা শহরশিংদগী ইন্তরসিতি বস সর্বিসশিং চান্দানী চৌকতা পুনশিল্লগনি, অদুগা অহিলিয়া নগর অমসুং ছত্রপতি সাম্বাজী নগরদগী লাকপাশিং অসি ৱাঘোলীদা পুনশিল্লগনি। মসিনা পেসেঞ্জরশিংদা পুনেগী মেত্রো সিস্তেমদা লায়না চঙবা ঙম্লগনি। মসিগী এক্সতেন্সনশিং অসিনা পাউদ রোদ অমসুং নগর রোদকুম্বা অচৌবা লম্বীশিংদা মী চিনবা হন্থহল্লগনি। মসিনা শাফবা, অথুবা অমসুং ইকো-ফ্রেন্দলী ওইবা মোবিলিতী ওপ্সনশিং ফংহল্লগনি।

করিদোরশিং অসি শাবা লোইরবা মতুংদা, ২০২৭তা অপুনবা লাইন ২গী ওইনা প্রোজেক্ত তৌরিবা দেলী রাইদরশিপ অসি লাখ ০.৯৬, ২০৩৭তা লাখ ২.০১, ২০৪৭তা লাখ ২.৮৭ অমসুং ২০৫৭তা লাখ ৩.৪৯ ওইগনি। প্রোজেক্ত অসি মহারাস্ত্রা মেত্রো রেল কোর্পোরেসন লিমিতেদ (মহা-মেত্রো) না থবক ওইনা পাংথোক্কনি। হায়রিবা সিভিল, ইলেক্ত্রো-মেকানিকেল অমসুং মসিগা মরী লৈনবা থবক পুম্নমক মখোয়না পাংথোক্কনি। তোপোগ্রাফিক সর্ভে অমসুং দিতেল দিজাইন কন্সলতেন্সীগুম্বা প্রি-কন্সত্রক্সনগী থবকশিং হান্ননা হৌখ্রে।

মসিগী স্ত্রেতেজিক এক্সপান্সন অসিনা পুনেগী শেন্মিৎলোনগী ওইথোকপা য়াবশিং ফংহন্নবা, মাগী অর্বান ত্রান্সপোর্ত ইনফ্রাস্ত্রকচর হেনগৎহন্নবা অমসুং মেত্রোপোলিতান রিজন পুম্বদা তুংকোইনা চৎনগদবা অমসুং ইনক্লুসিব দিবেলপমেন্তদা মশক থোক্না মতেং পাংনবা শেম-শারি।

*****