ପ୍ରଧାନମନ୍ତ୍ରୀ  ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ପୁଣେ ମେଟ୍ରୋ ରେଳ ପ୍ରକଳ୍ପ ପର୍ଯ୍ୟାୟ-୨କୁ ମଞ୍ଜୁରୀ ଦେଇଛନ୍ତି: ଭନାଜରୁ ଚାନ୍ଦନୀ ଚୌକ (କରିଡର 2A) ଏବଂ ରାମୱାଡିରୁ ୱାଘୋଲି/ଭିଠଲୱାଡି (କରିଡର 2B), ବିଦ୍ୟମାନ ଭନାଜ-ରାମୱାଡି କରିଡରର ସମ୍ପ୍ରସାରଣ ଭାବରେ ପର୍ଯ୍ୟାୟ-୧  ଅନ୍ତର୍ଗତ ଅଛି । ଏହି ଦୁଇଟି ଉଚ୍ଚ କରିଡର ୧୨ .୭୫  କିଲୋମିଟର ଲମ୍ବ ହେବ ଏବଂ ଏଥିରେ ୧୩ଟି ଷ୍ଟେସନ ଅନ୍ତର୍ଭୁକ୍ତ ହେବ, ଯାହା ଦ୍ରୁତ ବିକାଶଶୀଳ ଉପନଗର ଯେପରିକି ଚାନ୍ଦନୀ ଚୌକ, ବାଭଧାନ, କୋଥରୁଡ, ଖରାଡି ଏବଂ ୱାଘୋଲିକୁ ସଂଯୋଗ କରିବ। ଏହି ପ୍ରକଳ୍ପ ଚାରି ବର୍ଷ ମଧ୍ୟରେ ସମାପ୍ତ ହେବାର ଯୋଜନା ରହିଛି।

ଆନୁମାନିକ ପ୍ରକଳ୍ପ ମୂଲ୍ୟ ୩୬୨୬.୨୪କୋଟି ଟଙ୍କା, ଯାହାକୁ ଭାରତ ସରକାର, ମହାରାଷ୍ଟ୍ର ସରକାର ଏବଂ ବାହ୍ୟ ଦ୍ୱିପାକ୍ଷିକ/ବହୁପାକ୍ଷିକ ଏଜେନ୍ସିଗୁଡ଼ିକ ସମାନ ଭାବରେ ବଣ୍ଟନ କରାଯିବ । ଏହି ରଣନୈତିକ ପ୍ରସ୍ତାବ ହେଉଛି ବିଦ୍ୟମାନ କରିଡର-୨ ର ଏକ ଯୁକ୍ତିଯୁକ୍ତ ବିସ୍ତାର ଏବଂ ବ୍ୟାପକ ଗତିଶୀଳତା ଯୋଜନା (ସିଏମପି ) ସହିତ ସମାନ। ଯାହା ପୁଣେରେ ପୂର୍ବ-ପଶ୍ଚିମ ଗଣ ପରିବହନକୁ ସୁଦୃଢ଼ ​​କରିବା ପାଇଁ ଏକ ନିରନ୍ତର ଚାନ୍ଦନୀ ଚୌକରୁ ୱାଘୋଲି ମେଟ୍ରୋ କରିଡର ବିକଶିତ କରିବାର ପାଇଁ ଲକ୍ଷ୍ୟ ରଖିଛି।

ଏହି ବିସ୍ତାରଗୁଡ଼ିକ ପ୍ରମୁଖ ଆଇଟି ହବ୍, ବାଣିଜ୍ୟିକ କ୍ଷେତ୍ର, ଶିକ୍ଷାନୁଷ୍ଠାନ ଏବଂ ଆବାସିକ ପକେଟଗୁଡ଼ିକୁ ସେବା ପ୍ରଦାନ କରିବ।ଯାହା ଦ୍ୱାରା ସାଧାରଣ ପରିବହନ ଏବଂ ଯାତ୍ରୀଙ୍କ ସଂଖ୍ୟା  ବୃଦ୍ଧି ପାଇବ। ନୂତନ କରିଡରଗୁଡ଼ିକ ଜିଲ୍ଲା କୋର୍ଟ ଇଣ୍ଟରଚେଞ୍ଜ ଷ୍ଟେସନରେ ଲାଇନ-୧  (ନିଗଡି-କଟରାଜ) ଏବଂ ଲାଇନ-୩  (ହିଞ୍ଜେୱାଡି-ଜିଲ୍ଲା କୋର୍ଟ) ସହିତ ମଧ୍ୟ ସଂଯୁକ୍ତ କରାଯିବ  ଯାହା ଦ୍ୱାରା ନିର୍ବିଘ୍ନରେ  ବହୁମୁଖୀ ସହରାଞ୍ଚଳ ଯାତ୍ରା ସକ୍ଷମ ହେବ।

ଦୀର୍ଘକାଳୀନ ଗତିଶୀଳତା ଯୋଜନା ଅଧୀନରେ, ମୁମ୍ବାଇ ଏବଂ ବେଙ୍ଗାଲୁରୁ ଭଳି ସହରରୁ ଆନ୍ତଃନଗର ବସ୍ ସେବା ଚାନ୍ଦନୀ ଚୌକରେ ସଂଯୁକ୍ତ ହେବ। ଏହା ସହିତ, ଅହଲ୍ୟା ନଗର ଏବଂ ଛତ୍ରପତି ସମ୍ଭାଜୀ ନଗରରୁ ଆନ୍ତଃନଗରୀ ବସ୍ ସେବା ୱାଘୋଲିକୁ ଯୋଡାଯିବ। ଯାହା ଯାତ୍ରୀମାନଙ୍କୁ ପୁଣେର ମେଟ୍ରୋ ସିଷ୍ଟମକୁ ସହଜରେ ପହଞ୍ଚାଇବ। ଏହି ସମ୍ପ୍ରସାରଣଗୁଡ଼ିକ ପାଉଡ ରୋଡ୍ ଏବଂ ନଗର ରୋଡ୍ ଭଳି ଧମନୀ ମାର୍ଗଗୁଡ଼ିକୁ ମଧ୍ୟ ଭିଡ କମ କରିବାରେ ସାହାଯ୍ୟ କରିବ। ଯାହା ସୁରକ୍ଷିତ, ଦ୍ରୁତ ଏବଂ ପରିବେଶ ଅନୁକୂଳ ପରିବହନ ବିକଳ୍ପ ପ୍ରଦାନ କରିବ।

ଏହି କରିଡରଗୁଡ଼ିକ ସମାପ୍ତ ହେବା ପରେ, ସମଗ୍ର ଲାଇନ ୨  ପାଇଁ ଦୈନିକ ଯାତ୍ରୀ ସଂଖ୍ୟା ୨୦୨୭ ରେ୦.୯୬ ଲକ୍ଷ, ୨୦୩୭  ରେ ୨.୦୧ ଲକ୍ଷ, ୨୦୪୭  ରେ ୨.୮୭  ଲକ୍ଷ ଏବଂ ୨୦୫୭ ରେ ୩.୪୯ଲକ୍ଷ  ବୃଦ୍ଧି ପାଇବ ବୋଲି  ଆକଳନ କରାଯାଇଛି। ଏହି ପ୍ରକଳ୍ପ ମହାରାଷ୍ଟ୍ର ମେଟ୍ରୋ ରେଳ କର୍ପୋରେସନ ଲିମିଟେଡ୍ (ମହା-ମେଟ୍ରୋ) ଦ୍ୱାରା କାର୍ଯ୍ୟକାରୀ କରାଯିବ।ଯାହା ସମସ୍ତ ସିଭିଲ୍, ଇଲେକ୍ଟ୍ରୋ-ମେକାନିକାଲ୍ ଏବଂ ସମ୍ବନ୍ଧିତ ସମସ୍ତ କାର୍ଯ୍ୟ କୁ କାର୍ଯ୍ୟକାରୀ କରିବ। ସ୍ଥଳଗ୍ରାଫିକାଲ୍ ସର୍ଭେ ଏବଂ ବିସ୍ତୃତ ଡିଜାଇନ୍ ପରାମର୍ଶ ଭଳି ପୂର୍ବ-ନିର୍ମାଣ କାର୍ଯ୍ୟକଳାପ ପୂର୍ବରୁ ଆରମ୍ଭ ହୋଇସାରିଛି।

ଏହି ରଣନୈତିକ ସମ୍ପ୍ରସାରଣ ପୁଣେର ଆର୍ଥିକ ସମ୍ଭାବନାକୁ ବୃଦ୍ଧି କରିବ। ଏହା ଏହାର ସହରାଞ୍ଚଳ ପରିବହନ ଭିତ୍ତିଭୂମିକୁ ବୃଦ୍ଧି କରିବ ଏବଂ ମହାନଗର ଅଞ୍ଚଳରେ ସ୍ଥାୟୀ ଏବଂ ଅନ୍ତର୍ଭୁକ୍ତିମୂଳକ ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବ। ପାଇଁ ପ୍ରସ୍ତୁତ ।

*****

SPD