প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা নই দিল্লীদা পাংথোকপা NDTV ৱার্ল্দ সম্মিৎ 2025দা ৱা ঙাংখ্রে
ঙসি ভারতনা তোকনীংবগী ৱাখল্লোন পোক্ত্রে! ঐখোয়না লেপ্পা নত্ত্রগা তপথবা তৌররোই, ভারত মচা করোর 140না মপুং ফাবা খোঙজেলগা লোয়ননা পুন্না মাংদা চংশিনগনি: পি.এম.
ঙসি মালেমনা তোঙান-তোঙানবা অপনবশিং অমসুং স্পীদ ব্রেকরশিং মায়োক্নরিবা অসিদা তপথহনবা ঙমদ্রবা ভারত অমগী মতাংদা ঙাংনবা হায়বা অসি মহৌশানি: পি.এম.
ঙসিদি ভারতনা ফ্রেজাইল ফাইবকী মরক্তা চল্লমবদগী, ঙসিদি মালেমগী অচৌবা ইকোনোমী মঙাগী মনুংদা অমা ওইবা ঙম্লে: পি.এম.
ঙসিদি, চিপশিংদগী হৌরগা জহাজশিং ফাওবদা, ভারত লম খুদিংমক্ত অত্মনির্ভর ওইরে অমসুং থাজবনা থল্লে: পি.এম.
ঙসিদি, ভারতকী গ্রোথনা মালেমগী লৈবাকশিংদা খুদোংচাবশিং পীরি: পি.এম.
ঙসিদি মালেম পুম্বনা ভারত অসি থাজবা য়াবা, থৌদাং লৈবা অমসুং মপাঙ্গল কনবা মরুপ অমা ওইনা উরে: পি.এম.
মালেমগী ওইনা, মপুং ফানা খঙদ্রিবা অরোইবা শরুক অদু তম্বা ঙমদবা ওইরম্বা য়াই; অদুবু ভারতকী ওইনা, মসি অনৌবা খুদোংচাবশিংগী গেৎৱে অমা ওইরি: পি.এম.
ঐখোয়না খুদোংথিবা অসি রিফোর্মদা ওন্থোক্লে, রিফোর্ম খুদিংমক পাঙ্গলদা ওন্থোক্লে অমসুং পাঙ্গল খুদিংমক য়াওল অমদা ওন্থোক্লে: পি.এম.
হৌখিবা চহি 11 দা, থৌশিল অমসুং থবক অনিমক দিমোক্রেতাইজ তৌনবা ঐখোয়না থবক পায়খৎলে: পি.এম.
ঙসিদি, ঐখোয়না চাউথোকচনা হায়রি মদুদি ভারতনা মাগী মশাগী দোমেস্তিক 4G স্তেক্কা লোয়ননা মালেমদা মকোক থোংবা লৈবাক মঙাগী মনুংদা ভারত য়াওবা ঙম্লে: পি.এম.
মাওইস্ত তেরোরিজম অসি অচৌবা অরানবা অমনি অমসুং লৈবাক অসিগী নহারোলশিংগী মায়োক্তা চৎথবা অচৌবা পাপ অমনি; ঐহাক্না লৈবাক অসিগী নহারোলশিং ফিভম অসিদা হুন্দোক্তুনা থম্বা ঙমলোই: পি.এম.
Posted On:
17 OCT 2025 10:13PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীদা NDTV ৱার্ল্দ সম্মিৎ 2025দা ৱা ঙাংখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা মকোক থোংবা মীওই পুম্নমকপু তরাম্না ওকখি। নাগরিক পুম্নমক্তা দিৱালীগী য়াইফ পাউজেল পীরদুনা, শ্রী মোদীনা হায়খি মদুদি NDTV ৱার্ল্দ সম্মিৎ অসি কুহ্মৈগী মতমগী মরক্তা পাংথোক্লি। মহাক্না সেসন অসিগী থিম - 'অনস্তোপেবল ইন্দিয়া'- অসিবু থাগৎখি অমসুং মসি তশেংনা চুনবা অমনি হায়না ফোংদোকখি, মরমদি ঙসি ভারতনা তোকনীংবগী ৱাখল্লোন পোক্ত্রে! প্রধান মন্ত্রীনা ফোংদোকখি, "ভারতনা লেপ্পা নত্ত্রগা তপথবা তৌররোই, ভারত মচা করোর 140না মপুং ফাবা খোঙজেলগা লোয়ননা পুন্না মাংদা চংশিনগনি"।
প্রধান মন্ত্রীনা ফোংদোকখি মদুদি ঙসি মালেমনা তোঙান-তোঙানবা অপনবশিং অমসুং স্পীদ ব্রেকরশিং মায়োক্নরিবা অসিদা “অনস্তোপেবল ইন্দিয়া” অমগী মতাংদা ঙাংনবা হায়বা অসি মহৌশানি। মহাক্না হায়রিবা থিম অসিবু চহি তরামাথোইগী মমাংগী ফিভম অমসুং হৌজিক্কী ফিভমগা মরী লৈননা থম্নবা হোৎনখি। 2014গী মমাংগী মতম অদু নীংশিংলদুনা, শ্রী মোদীনা মতম অদুদা অসিগুম্বা সম্মিৎশিংদা ৱা খন্নবগী মওং মতৌ অদু পনখি। মহাক্না ভারতনা মালেমগী হেদৱিন্দশিং করম্না মায়োক্নগনি, 'ফ্রেআইল ফাইব' গ্রুপিংদগী মতৌ করম্না থোলরক্কনি, লৈবাক অসি পোলিসী পেরালাইসিসদা কয়াম কুইনা পন্দুনা লৈগনি, অমসুং অচৌবা স্কেমশিং করম্বা মতমদা লোইশিনগনি হায়বগী মতাংদা খন্নখি।
2014গী মমাংদা নুপীশিংগী সেফতীগী মতাংদা খন্ন-নৈনখিবা অদু নীংশিংলদুনা অমসুং তেরোরিস্ত স্লিপর সেলশিং শন্দোরকপগী মতাংদা ৱা ঙাংখিবশিং অদু নীংশিংলদুনা শ্রী মোদীনা হায়খি মদুদি "মেহঙ্গাই দায়ন খয়ে জাত হে"গুম্না ইনফ্লেসনগী মতাংদা নীন্দা তৌবগী ঈশৈশিং অসি য়াম্না তোয়না তারমখি। মতম অদুদা, নাগরিকশিং অমসুং মালেমগী কম্ম্যুনিতী অনিমক্না খল্লি মদুদি ভারত অসি অৱা-অনাগী লাং অমদা থুদুনা লৈখ্রে, মদুদগী থোরকপা ঙম্লরোই। প্রধান মন্ত্রীনা হায়খি মদুদি হৌখিবা চহি 11 অসিদা ভারতনা চিংনবা খুদিংমক থুগাইখ্রে অমসুং শিংনব খুদিংমক মায়োক্নখ্রে। মহাক্না হায়খি মদুদি ভারত অসি 'ফ্রেজাইল ফাইব'কী শরুক অমা ওইবদগী মালেমগী খ্বাইদগী চাউবা শেন্মিৎলোন মঙাগী মনুংদা অমা ওইরক্লি। ইনফ্লেসনগী চাং অসি হৌজিক্তি চাদা অনিগী মখাদা লৈরি, অদুগা হেনগৎলকপগী চাং অসি চাদা তরেতদগী হেনখ্রে। "চিপশিংদগী হৌরগা জহাজশিং ফাওবদা, আত্মানির্ভর ভারতকী থাজবা অসি সেক্তর পুম্নমক্তা উবা ফংলি," হায়না ফোংদোক্লদুনা প্রধান মন্ত্রীনা তেরোরিস্তকী থৌওংশিং অসিগী মতুংদা ভারতনা তুমিন্না লৈরোই হায়না মহাক্না অকনবা ৱাফম থমখি। মসিগী মহুত্তা, মানা সর্জিকেল স্ত্রাইকশিং, এয়র স্ত্রাইকশিং অমসুং সিন্দুরগুম্বা ওপরেসনশিংগী থোংদা অকনবা মওংদা পাউখুম পীখি।
শ্রী মোদীনা মীয়ামদা মালেম অসিনা হিংবা অমসুং শিবা অনিগী লংদাইদা লৈখিবা কোবিদ-19গী মতম অদু নীংশিংনবা হায়খি। মহাক্না হায়খি মদুদি অসিগুম্বা মীশিং য়াম্লবা লৈবাক অমনা অসিগুম্বা অচৌবা অৱাবা অসিদগী মতৌ করম্না হিংবা ঙমগদগে হায়বগী মতাংদা মালেমগী ওইনা খন্ন-নৈনবা কয়া লৈরি। প্রধান মন্ত্রীনা হায়খি মদুদি ভারতনা ৱাখল্লোন খুদিংমক অরানবা তাহনখি। মহাক্না হায়খি মদুদি ভারতনা অৱাবা অসি মায়োক্নখি, মশাগী ভেক্সিনশিং খোঙজেল য়াংনা পুথোকখি, রেকোর্দ ওইনা অতেনবা মতমগী মনুংদা কাপথোকখি অমসুং অৱাবা অসিদগী খোংজেল য়াংনা চাউখৎলক্লিবা অচৌবা ইকোনোমী অমা ওইনা থোরকখি।
প্রধান মন্ত্রীনা হায়খি মদুদি কোবিদ-19গী শাফু অসি মপুং ফানা হন্থদ্রিঙৈগী মমাংদা, মালেমগী তোঙান-তোঙানবা মফমশিংদা লানগী পাউশিংনা হেদলাইনশিং ওইদুনা, লানগীশিং থোকপা হৌরকখি। মহাক্না হায়খি মদুদি অমুক্কা হন্না, ভারতকী গ্রোথ প্রোস্পেক্তশিংগী মতাংদা ৱাহংশিং থোরক্লি। শ্রী মোদীনা হায়খি মদুদি ভারতনা অমুক্কা হন্না ৱাখল্লোন পুম্নমক অরানবা তাহনখি অমসুং খোংজেল য়াংনা চাউখৎলক্লিবা অচৌবা ইকোনোমী অমা ওইনা মাংজিল থানা চংশিল্লি। হৌখিবা চহি অহুম অসিদা, ভারতকী এভরেজ গ্রোথ রেৎ অসি মমাংদা অমুক্তা ওইখিদ্রিবা অমসুং থাজদনা চাদা 7.8 ওইখি। মহাক্না হায়খি মদুদি নুমিৎ নিনিগী মমাংদা ফোংখিবা মর্চেন্দাইজ এক্সপোর্ত দেতাদা মমাং চহিগা চাংদম্নবদা চাদা 7গী ময়াদা হেনগৎলে। হৌখিবা চহিদা, ভারতনা চাউরাক্না লুপা করোর লাখ 4.5গী চাংদা লৌউ-শিংউগী পোৎলম পুথোকখি। লৈবাক কয়াগী রেতিং অসি তম্বা ঙমদবা ওইরিঙৈ চৈরক অসিদা S&Pনা চহি 17গী মতুংদা ভারতকী ক্রেদিৎ রেতিং হেনগৎহনখি। IMFনসু ভারতকী গ্রোথ আউৎলুক অসি রিভাইজ তৌখ্রে। নুমিৎ খরনিগী মমাংদা গুগলনা ভারতকী AI সেক্তরদা চাউরাক্না দোল্লর বিল্লিয়ন 15গী শেনফম থাদনগনি হায়না লাউথোকখ্রে হায়না প্রধান মন্ত্রীনা ফোংদোকখি। গ্রীন ইনর্জী অমসুং সেমিকন্দক্তর সেক্তরদা চাউনা ইনভেস্তমেন্তশিং লাক্লি হায়না মহাক্না মখা তাখি।
EFTA ত্রেদ এগ্রীমেন্তবু মরুওইবা খুদম অমা ওইনা পীখি, ভারত্তা য়ুরোপিয়ন লৈবাকশিংনা দোল্লর বিলিয়ন 100 ইনভেস্ত তৌনবা থাজবা পীরদুনা "ভারতকী চাউখৎপা অসিনা ঙসি মালেমগী খুদোংচাবশিং শেমগৎলি" হায়না ফোংদোক্লদুনা শ্রী মোদীনা হায়খি। মহাক্না হায়খি মদুদি মসিনা পাক-শন্না থবক ফংহল্লগনি। খ্বাইদগী চাউবা বিজিনেস দেলিগেসনগা লোয়ননা লাকখিবা য়ুনাইতেদ কিংদমগী প্রধান মন্ত্রী অমসুং মহাক্কী নক্নবা মরুপ, ঐচ.ই. মিস্তর কেয়র স্তারমরনা হায়খি মদুদি মসিনা মালেম অসিনা ভারত্তা উরিবা খুদোংচাবশিং অদু উৎলি। মহাক্না হায়খি মদুদি G-7 লৈবাকশিংগা লোয়ননা ভারতকী ললোন-ইতিক অসি চাদা 60 হেনগৎলে। “মালেম্না হৌজিক ভারতপু থাজবা য়াবা, থৌদাং লৈবা অমসুং অচেৎপা পার্তনর অমা ওইনা উরি," হায়না শ্রী মোদীনা ফোংদোকখি। ইলেক্ত্রোনিক্সতগী ফার্মাস্যুতিকেল্স, অমসুং ওতোমোবাইলতগী মোবাইল মেন্যুফেকচরিং ফাওবদা, ভারত্তা ইনভেস্তমেন্তকী খোংজেল অমা লাক্লি হায়না মহাক্না ফোংদোকখি। মহাক্না অকনবা ৱাফম থমখি মদুদি ইনভেস্তমেন্তশিং অসিনা ভারতপু মালেমগী সপ্লাই চেনগী নর্ভ সেন্তর অমা ওইহনবদা মতেং পাংলি।
সম্মিৎ অদুদা ৱা ঙাংবগী হীরম অমা ওইরিবা, "মশক খঙদ্রিবা অদুগী অরোইবা শরুক" অসি মালেমগী ওইনা তম্বা ঙমদবা ওইনা উৎরি, অদুবু ভারতকী ওইনদি, মসি খুদোংচাবগী গেৎৱে অমনি হায়না পল্লদুনা শ্রী মোদীনা হায়খি মদুদি ভারতনা চহি চা কয়াগী মমাংদগী খঙদ্রিবা লম্বীদা চংশিনবগী থৌনা উৎলি। সেন্তশিং, সাইন্তিস্তশিং, অমসুং নেভিগেতরশিংনা অহানবা খোঙথাং অসিনা অহোংবা অমগী হৌরকফমনি হায়বসি লেপ্পা লৈতনা উৎলি। তেক্নোলোজী ওইগেরা, লাইচৎ মনুংদা ভেক্সিন পুথোকপা ওইগেরা, হৈ-শিংলবা মীওইবা, ফিনতেক ওইগেরা, নৎত্রগা গ্রীন ইনর্জী সেক্তর ওইগেরা, ভারতনা রিস্ক খুদিংমক রিফোর্মদা, রিফোর্ম খুদিংমক রেসিলিয়েন্সতা, অমসুং রেসিলিয়েন্স খুদিংমক রিভোলুসনদা ওন্থোকখ্রে। প্রধান মন্ত্রীনা হন্দক্তা IMFকী চীফনা ভারতকী রিফোর্মশিংবু থাগৎপা ফোংদোকখিবা ৱাফমশিং পনখি। মালেমগী ওইনা য়ানবা পুরকপদা দিজিতেল আইদেন্তিতীবু পাক শন্না ফংহনবদা অয়েৎপা পীরম্বা অদুগী খুদম অমা মহাক্না পনখি, অদুবু ভারতনা মখোয়বু লান্না তাকখি। ঙসিদি, মালেমগী রিএল-তাইম দিজিতেল ত্রাঞ্জেক্সনশিংগী চাদা 50দি ভারত্তা পাংথোক্লি অমসুং ভারতকী UPIনা মালেমগী দিজিতেল পেমেন্ত সিস্তেমশিংদা দোমিনেৎ তৌরি। শ্রী মোদীনা ফোংদোকখি মদুদি প্রিদিক্সন অমসুং এসেসমেন্ত খুদিংমক্তা আউৎপরফোর্ম তৌবা অসি ভারতকী মশক থোকপা মগুন ওইরে অমসুং মসিনা মরম ওইদুনা ভারত অসি থিংবা ঙম্লোই।
“ভারতকী মাইপাকপগী তশেংবা পাঙ্গল অসি মাগী মীয়ামদগী লাকপনি” হায়না শ্রী মোদীনা অকনবা ৱাফম থমখি। মহাক্না হায়খি মদুদি সরকারনা মখোয়গী পুন্সিদা প্রেসর পীবা নৎত্রগা খুৎ থিংজিন্দবা মতমদা খক্তা প্রজাশিংনা মখোয়গী পোতেন্সিএল মপুং ফানা খঙবা ঙমগনি। মহাক্না হায়খি মদুদি সরকারনা কা হেন্না কন্ত্রোল তৌবনা ব্রেক অমা ওইনা থবক তৌরি, অদুগা হেন্না চাউনা দেমোক্রেতাইজেসন তৌবনা খুমাং চাউশিলহল্লক্লি। প্রধান মন্ত্রীনা চহি 60 লৈঙাক্লম্বা ওপোজিসন পার্তীবু পোলিসী অমসুং প্রোসেসকী ব্যুরোক্রেতাইজেসনবু লেপ্পা লৈতনা প্রমোৎ তৌবগীদমক ক্রিতিসাইজ তৌখি। মসিগী ওন্ন-তৈনবদা মহাক্না হায়খি মদুদি হৌখিবা চহি 11 অসিদা, মহাক্কী সরকারনা পোলিসী অমসুং থৌওং অনিমক দেমোক্রেটাইজ তৌবদা মিৎয়েং থম্লি। মসি থিংবা ঙমদবা ভারত অমা শেমগৎপগী মরুওইবা মরম অমনি।
বেঙ্কিং সেক্তরবু খুদম অমা ওইনা পল্লদুনা, প্রধান মন্ত্রীনা নীংশিংখি মদুদি 1960গী মতমদা, মতমদুগী প্রধান মন্ত্রীনা বেঙ্কশিং অসি নেস্নেলাইজ তৌবদা লাইরবশিং, লৌমীশিং অমসুং শিন্মীশিংদা বেঙ্কিং সর্ভিসশিং ফংহল্লগনি হায়না ফোংদোকখি। অদুম ওইনমক, তশেংনমক, মতমদুগী লৈঙাকপা পার্তী অসিনা বেঙ্কশিংবু মীয়ামদগী লাপথোকহল্লি, মরম অদুনা লায়রবশিংনা বেঙ্ককী থোঙদা চংবদা ফাওবা অকিবা পোকখি হায়না মহাক্না ফোংদোকখি। মসিনা মরম ওইদুনা, প্রধান মন্ত্রীনা হায়খি, 2014দা ভারতকী মীশিংগী তংখাইদগী হেনবনা বেঙ্ক একাউন্ত লৈরমদে। শ্রী মোদীনা হায়খি মদুদি মসি বেঙ্ক একাউন্তশিং লৈতবা নত্তে। মসিনা তাকপদি মীশিং অসিগী চাউরবা শরুক অমা বেঙ্কিংগী কান্নবশিং ফংহন্দে অমসুং য়ুম অমদি লম বন্ধোপ থমদুনা কৈথেলদগী অৱাংবা শেন্দোদা লোন লৌনরি হায়বনি।
লৈবাক অসিবু কা হেনবা ব্যুরোক্রেতাইজেসনদগী লাপথোকপা তঙাইফদবনি হায়না ফোংদোক্লদুনা অমসুং মহাক্কী সরকারনা মসি মায় পাক্না ফংলে হায়না পল্লদুনা, প্রধান মন্ত্রীনা মিসন মোদতা জন ধন একাউন্ত করোর 50 হেন্না হাংদোকপা য়াওনা বেঙ্কিং সেক্তরদা দিমোক্রেতাইজেসন অমসুং রিফোর্ম তৌবগী মতাংদা পনখি। ঙসিদি, ভারতকী খুঙ্গং খুদিংমক্তা য়ামদ্রবদা বেঙ্কিং তচপোইন্ত অমা লৈরে। দিজিতেল ত্রাঞ্জেক্সনশিংনা ভারতপু মালেমগী ওইনা শেল-থুমগী লমদা খ্বাইদগী ইনক্লুসিব ওইবা লৈবাক অমা ওইহনখ্রে হায়না শ্রী মোদীনা ফোংদোকখি। মহাক্না বেঙ্কশিংদা NPAশিংগী চীং অমা শেমগৎলকপদা ওপোজিসননা লুচিংবা নেস্নেলাইজেসনবু ক্রিতিসাইজ তৌখি অমসুং দিমোক্রেতাউজেসন তৌনবা মহাক্কী সরকারনা হোৎনরিবা অসিনা বেঙ্কশিংদা রেকোর্দ ওইবা কান্নবা ফংহল্লে হায়না ফোংদোকখি। হৌখিবা চহি 11 অসিদা, নুপী সেল্ফ হেল্প গ্রুপশিং, অপীকপা লৌমীশিং, শা-ষন য়োকপা মীওইশিং, ঙামীশিং, লম্বীদা পোৎ য়োনবা মীওইশিং অমসুং বিশ্বকর্মা পার্তনরশিংদা বেঙ্ক গেরেন্তী য়াওদনা লুপা করোর লাখ কয়াগী লোন পীখ্রে।
প্রধান মন্ত্রীনা পেত্রোলিয়ম অমসুং গ্যাস সেক্তরবু ত্রান্সফোর্মেসনগী অতোপ্পা খুদম অমা ওইনা পনখি। মহাক্না নীংশিংখি মদুদি 2014গী মমাংদা, বিয়ুরোক্রেতাইজেসনগী চৎনরিবা ৱাখল্লোন অসিগী মখাদা, ওপোজিসন গবর্নমেন্তনা পেট্রোল পম্পশিং নুমিদাং পুং 8দগী অয়ুক পুং 8 ফাওবা থিংনবা শেম শাদুনা লৈরম্মি। মসিগী ওন্ন-তৈনবদা মহাক্না পেট্রোল পাম্পশিং অথিংবা লৈতনা চয়োল চুপ্পা মথৌ তৌরিবা হৌজিক্কী ফিভম অদু পনখি। প্রধান মন্ত্রীনা অকনবা ৱাফম থমখি মদুদি ভারতনা হৌজিক্তি মহুৎ শিনবা য়াবা ফ্যুল অমসুং ইলেক্ত্রিক মোবিলিতীদা মমাংদা অমুক্তা ওইখিদ্রিবা মওংদা ইনভেস্তমেন্ত তৌরি।
ওপোজিসনগী মতমদা, গ্যাস কনেক্সন অমা ফংনবগীদমক পার্লিয়ামেন্তকী মেম্বরশিংদগী রিকমেন্দেসন লেতরশিং মথৌ তারকপা ৱাফম পল্লদুনা, শ্রী মোদীনা সিস্তেম অসিদা লৈরিবা ব্যুরোক্রেতাইজেসনগী চাং অদু উৎখি। মসিগী ওন্ন-তৈনবদা মহাক্না হায়খি মদুদি মহাক্কী সরকারনা লায়রবা ইমুং করোর 10 হেনবদা লেম্না গ্যাস কনেক্সন পীরম্মি। মখোয়শিং অসিদগী অয়াম্বনা অসিগুম্বা ফেসিলিতী অসি ফংলগনি হায়না খল্লমদে। গবর্নান্সকী অশেংবা দেমোক্রেতাইজেসন অসি অসুম্না তৌই হায়না মহাক্না ফোংদোকখি।
প্রধান মন্ত্রীনা হায়খি মদুদি ব্যুরোক্রেতিক ওইবা ৱাখল্লোনগী মতমদা, ওপোজিসন্না পব্লিক সেক্তর ইন্তর্প্রাইজশিং (PSUশিং) অসি লেপহন্দুনা, মেতাফোরিক ওইনা মখোয়বু লোক তৌদুনা অমসুং নুংঙাইনা লৈথোকখি। মহাক্না লনাইগী কান্নবা লৈতে হায়না লৌদুনা হোৎনবদা ৱাহং হংলক্লিবা ৱাখল্লোনশিং অদু য়ানীংদবা ফোংদোকখি, মসিনা ইশা দা করিসু চংহন্দে হায়না লৌখি। প্রধান মন্ত্রীনা হায়খি মদুদি মহাক্কী সরকারনা থৌওং অসি হোংদোক্লে। ঙসিদি, LIC অমসুং SBIগুম্বা মরুওইবা PSUশিং অসি প্রোফিতেবিলিতী লমদা অনৌবা রেকোর্দশিং শেমগৎলি।
প্রধান মন্ত্রীনা হায়খি মদুদি সরকারগী পোলিসীশিং অসি ব্যুরোক্রেতাইজেসনগী মহুত্তা দেমোক্রেতাইজেসনদা য়ুম্ফম ওইরবদি, নাগরিকশিংগী মোরেল হেনগৎলকই। মহাক্না ওপোজিসন পার্তীবু মখোয়গী লৈঙাক মখাদা লায়রবগী চাং হন্থখিদে হায়না ফোংদোক্লদুনা ফলশিংদা পীদনা “গারিবি হাতাও” হায়না হন্না-হন্না হায়বগীদমক ক্রিতিসাইজ তৌখি। মসিগী ওন্ন-তৈনবদা, মহাক্না হায়খি মদুদি মহাক্কী সরকারগী দেমোক্রেতাইজ তৌরবা এপ্রোচনা হৌখিবা চহি 11দা লাইরবা নাগরিক করোর 25বু লাইরবদগী কোকহল্লে। মহাক্না হায়খি মদুদি মসিনা মরম ওইদুনা লৈবাক অসিনা হৌজিক লৈরিবা সরকার অসিদা থাজবা থম্লি অমসুং মসিনা মরম ওইদুনা ঙসিদি ভারত অসি থিংবা ঙমদ্রি।
শ্রী মোদীনা হায়খি মদুদি ভারতকী হৌজিক লৈরিবা সরকার অসি লায়রবশিং অমসুং শোত্থরবশিংগী সেবা তৌবদা পুক্নিং চিংশিল্লি, তুং কোইনা চৎকদবা কাংলুপশিংদা অহানবা ইথিল পীরি অমসুং মখোয়গী পুন্সি মহিং ফগৎহন্নবা মপুং ফানা থবক তৌরি। মরুওইবা খন্ন-নৈনবদা অসিগুম্বা হোৎনবা অসি য়াম্না তোইনা উবা ফংদে হায়না মহাক্না ফোংদোকখি। মহাক্না BSNLগী মেদ-ইন-ইন্দিয়া 4G স্তেক হৌদোকখিবা অদু খুদম অমা ওইনা পল্লদুনা মসি মরু ওইবা নেস্নেল এচিবমেন্ত অমনি হায়খি। মহাক্না চাউথোক্না হায়খি মদুদি ভারত অসি হৌজিক্তি মালেমগী ওইনা 4G স্তেক পুথোকপা খ্বাইদগী ফবা লৈবাক মঙাগী মনুংদা অমা ওইরে। প্রধান মন্ত্রীনা হায়খি মদুদি BSNLনা মতম অমদা ওপোজিসন্না কান্নবা পীখিদবা পব্লিক সেক্তর কম্পেনী অমা ওইরম্মি, হৌজিক্তি অনৌবা মাইপাকপা কয়া অমা ফংলি। মহাক্না মখা তাখি মদুদি 4G স্তেক অসি হৌদোকপগা লোয়ননা BSNLনা চপ মান্নবা নুমিত্তা চাউরাক্না 4G মোবাইল তাৱর লাখ অমা এক্তিবেৎ তৌখি। মসিনা মরম ওইদুনা, অথাপ্পা উমং অমসুং চীংগী লমশিংদা লৈবা মীওই মিলিয়ন কয়া - মমাংদা হাই-স্পীদ ইন্তর্নেতনা য়ৌরমদবা মফমশিং -দা হৌজিক্তি অয়াংবা ইন্তর্নেত সর্ভিস ফংহল্লে।
তোইনা মীৎয়েং চংদবা ভারতকী মায় পাকপগী অখন্নবা অহুমশুবা দাইমেন্সন মদু পল্লদুনা, শ্রী মোদীনা হায়খি মদুদি অওনবা পুরক্লবা খুদোংচাবশিং অসি অরাপ্পা মফমশিংদা য়ৌরকপা মতমদা, মখোয়না পুন্সিদা অহোংবা পুরকই। ই-সঞ্জীবনীগী খুদম পীরদুনা প্রধান মন্ত্রীনা হায়খি মদুদি অরাপ্পা চীংগী মফমশিংদা লৈবা ইমুং অমনা নোং-চীংগী ফিভম ফত্তবনা মরম ওইদুনা অনাবা মীওই অমা দোক্তরগী ময়ুমদা পুদুনা চৎপা ঙমদে। হৌজিক্তি মখোয়না হাই-স্পিদ কনেক্তিবিতীদা য়ুম্ফম ওইবা ই-সঞ্জীবনী সর্বিসকী খুত্থাংদা মেদিকেল কন্সল্তেসন ফংলগনি। শ্রী মোদীনা মখা তানা শন্দোক্না হায়খি মদুদি ই-সঞ্জীবনী এপকী খুত্থাংদা, অরাপ্পা মফমশিংদা লৈবা অনাবশিংনা মখোয়গী ফোনদগী হকথেংননা স্পেসিএলিস্ত দোক্তরশিংগা কনেক্ত তৌবা ঙমগনি। ই-সঞ্জীবনীগী খুত্থাংদা OPDগী কন্সল্তেসন করোর 42 হেনবগী খুদোংচাবা ফংখ্রে হায়না মহাক্না ফোংদোকখি। নুমিৎ অসিদা মহাক্কী ৱারোল পীরদুনা শ্রী মোদীনা হায়খি মদুদি লৈবাক শিনবা থুংনা মীওই লাখ অমা হেন্না প্লেৎফোর্ম অসিগী খুত্থাংদা তেংবাং ফংখ্রে। প্রধান মন্ত্রীনা হায়খি মদুদি ই-সঞ্জীবনী অসি সর্ভিস খক্তা নত্তে। মসি অৱাবা মতমদা মতেং ফংলগনি হায়বগী থাজবগী খুদম অমনি। মহাক্না মসিবু মীয়ামগী সিস্তেমশিংদা দিমোক্রেতাইজ তৌবগী ত্রান্সফোর্মেতিব ইম্পেক্তকী মপাঙ্গল লৈবা খুদম অমা ওইনা শন্দোক্না তাকখি।
শ্রী মোদীনা হায়খি মদুদি সেন্সিতিব গবর্নমেন্ত অমনা, দেমোক্রেসী অমসুং কন্সতিত্যুসনগীদমক থৌদাং লৌদুনা, নাগরিকশিংগী পুন্সি মহিং লায়থোকহনবা অমসুং শেল থুমগী সেভিংদা অখন্নবা মীৎয়েং থমদুনা ৱারেপ লৌই অমসুং পোলিসীশিং শেম্মি। মহাক্না হায়খি মদুদি 2014গী মমাংদা, দেতা গিগাবাইত 1গী মমল অসি লুপা 300 ওইরম্মি, অদুগা হৌজিক্তি মসি লুপা 10 খক্তমক ওইরি, মসিনা ভারত মচা খুদিংমক্তা চহিগী ওইনা লুপা লিশিং কয়া কনবা ঙমহল্লি। আয়ুশ্মান ভারত স্কিমগী খুত্থাংদা, লায়রবা অনাবশিংনা লুপা করোর লাখ 1.25 কনবা ঙম্লে হায়না প্রধান মন্ত্রীনা ফোংদোকখি। পি.এম. জন ঔশধী কেন্দ্রশিংদা হিদাক-লাংথক চাদা 80গী চাংদা দিস্কাউন্ত তৌদুনা ফংহল্লি। মসিনা চাউরাক্না লুপা করোর 40,000 কনবা ঙম্লে। মসিগী মথক্তা, হার্ত স্তেন্তশিংগী মমল হন্থবনা লায়রবা অমসুং মিদ্দল ক্লাসকী ইমুংশিংগীদমক চহিগী ওইনা লুপা করোর 12,000 কনবা ঙমহল্লে।
অচুম্বা তেক্সপেয়রশিংনা মহাক্কী সরকারগী রিফোর্মশিংদগী হকথেংননা কান্নবা ফংলি হায়না পল্লদুনা, প্রধান মন্ত্রীনা ইনকম তেক্স অমসুং GST অনিমক্তা শেনফম য়াম্না হন্থরে হায়না ফোংদোকখি। মহাক্না হায়খি মদুদি চহি অসিদা লুপা লাখ 12 ফাওবগী ইনকম অসি তেক্স ফ্রী ওইহনখ্রে। মহাক্না হায়খি মদুদি GST বচৎ উৎসব অসি হৌজিক মপুং ফানা চত্থরি, অমসুং হন্দক্কী সেল্স অসিনা মমাংগী রেকোর্দ পুম্নমক থুগাইখ্রে। প্রধান মন্ত্রীনা হায়খি মদুদি ইনকম তেক্স অমসুং GSTদা লৌখৎলিবা খোঙথাংশিং অসিনা চহিগী ওইনা ভারতকী নাগরিকশিংদা চাউরাক্না লুপা করোর লাখ 2.5 কনবা ঙমগনি।
শ্রী মোদীনা ওপরেসন সিন্দুরগীদমক নেস্নেল অমসুং ইন্তর্নেস্নেলদা পাক শন্না থাগৎপা ফোংদোকখি। মতুংদা মহাক্না অতোপ্পা মরুওইবা ইসু অমদা মীৎয়েং চংখি। মদুদি 'নক্সালিজম অমসুং মাওইস্ত তেরোরিজম'নি। মসি সেক্যুরিতীগী মরুওইবা শিংনবা অমা ওইবতা নত্তনা ভারতকী নহারোলশিংগী তুংলমচৎকা য়াম্না মরী লৈনৈ হায়না মহাক্না হায়খি। মহাক্না হায়খি মদুদি ওপোজিসনগী লৈঙাক্কী মতমদা, অর্বান নক্সালশিংগী ইকোসিস্তেম অসি য়াম্না চাউনা লৈরকখি মদুদি লৈবাক অসিগী অতোপ্পশিংনা মাওইস্ত তেরোরিজমগী পাক চাউবগী মতাংদা খঙবা ঙমখিদে। তেরোরিজম অমসুং আর্তিকল 370গী মতাংদা পাক-শন্না খন্ন-নৈনরকপা মতমদা, শ্রী মোদীনা হায়খি মদুদি অর্বান নক্সালশিংনা মরুওইবা ইন্সতিত্যুসনশিং লৌশিনখি অমসুং মাওইস্তকী হিংসাগী মতাংদা ৱা ঙাংবদা অথিংবা থমখি। মহাক্না পনখি মদুদি হন্দক্তা মাওইস্ত তেরোরিজমগী ভিক্তিম কয়া দিল্লীদা লাক্লবসু, ওপোজিসন ইকোসিস্তেমনা মখোয়গী অৱাবদা মীৎয়েং চংখিদে।
প্রধান মন্ত্রীনা মতম অমদা ভারতকী মরুওইবা রাজ্য খুদিংমক্তা ওইরিবা অৱাবা ফিভমগী মতাংদা শন্দোক্না তাকখি। মফম অসিদা নক্সালাইৎ অমসুং মাওইস্তকী হিংসাগী থৌওংনা মরা তাখি। মহাক্না হায়খি মদুদি লৈবাক শীনবা থুংনা সংবিধান চৎনরিঙৈদা, রেদ কোরিদোরদা, মসিগী মমিং অসি ইনভোক তৌবা মীওই অমত্তা লৈরমদে। লৈঙাকশিং অসি মীখলগী খুত্থাংদা খনখি, অদুবু হায়রিবা মফমশিং অসিদা মখোয়দা অশেংবা ওথোরিতী অমত্তা লৈখিদে। প্রধান মন্ত্রীনা হায়খি মদুদি নুমিদাংৱাইরমগী মতুংদা মপান থোকপা হায়বসি য়াম্না খুদোংথিনিংঙাই ওইরমখি। মীয়ামদা ঙাকশেল পীনবগী থৌদাং লৌরিবা মীওইশিংনসু ঙাকশেলগী মখাদা লৈনবা হোৎনখি।।
হৌখিবা চহি 50-55 অসিদা মাওইস্ত তেরোরিজম্না মরম ওইদুনা পীখিবা অমাংবগী শাফু অদু পল্লদুনা, সেক্যুরিতী পর্সনেল অমসুং নহা ওইরিবা নাগরিক কয়া য়াওনা মীওই লিশিং কয়াগী পুন্সি মাংখি হায়না পল্লদুনা, শ্রী মোদীনা ময়েক শেংনা ফোংদোকখি মদুদি নক্সালাইৎশিংনা স্কুল অমসুং হোস্পিতালশিং শাবদা অথিংবা থমখি, অমসুং লৈরিবা খুদোংচাবশিংবু বোম পোকখাইহন্দুনা থুগাইখি। মসিনা মরম ওইদুনা, লৈবাক অসিগী পাক চাউরবা লমদম অমসুং মীশিং য়াম্লবা কাংলুপ অমা দিকেদ কয়াগী মমাংদগী চাউখৎপা ফংদ্রি। শ্রী মোদীনা হায়খি মদুদি মতম শাংনা চাউনা শোকহল্লবা ত্রাইবেল কম্ম্যুনিতীশিং অমসুং দলিত ইচিল-ইনাওশিংবু য়াম্না শোকহল্লি। মখোয়না হিংসা অমসুং চাউখৎ-থৌরাং ফংদবগী চৈথেং মায়োক্নরি।
প্রধান মন্ত্রীনা হায়খি, "মাওইস্ত তেরোরিজম অসি অচৌবা অরানবা অমনি অমসুং লৈবাক অসিগী নহারোলশিংগী মায়োক্তা চৎথবা অচৌবা পাপ অমনি" মহাক্না হায়খি মদুদি মহাক্না লৈবাক অসিগী নহারোলশিং ফিভম অসিদা হুন্দোক্তুনা থম্বা ঙমলোই। মরম অদুনা, 2014দগী হৌনা, মহাক্কী সরকারনা লান্না লমজিং-লমতাক্লবা নহারোলশিংবু মেনস্ত্রীমদা অমুক হন্না পুনশিন্নবগীদমক মপুং ফানা সেন্সিতিবিতীগা লোয়ননা থবক তৌরি। প্রধান মন্ত্রীনা হোৎনরিবশিং অসিগী মহৈশিং পনখি: চহি 11গী মমাংদা, জিলা 125 হেনবনা মাওইস্তকী হিংসাগী খুদোংচাদবা মায়োক্নরম্মি, ঙসিদি হায়রিবা মশিং অসি জিলা 11দা হন্থরে। মসিগী মনুংদা, অহুম খক্তমক নক্সালনা য়াম্না শোকহল্লি।
শ্রী মোদীনা হায়খি মদুদি হৌখিবা চহি তরাগী মনুংদা, নক্সালাইৎ লিশিং কয়ানা খুৎলায় থাদোকখ্রে। মহাক্না হৌখিবা পুং 75দা, নক্সালাইৎ 303না খুৎলায় থাদোকখ্রে অমসুং সরেন্দর তৌখ্রে হায়না শেয়র তৌখি। মখোয়শিং অসি অচম্বা ইনসর্জেন্তশিং নত্তে হায়না মহাক্না মখা তাখি। মখোয় খরনা লুপা করোর 1, লুপা লাখ 15, নৎত্রগা লুপা লাখ 5গী মনাশিং লৌখি অমসুং মখোয়দগী খুৎলায় কয়া অমসু ফাগৎখি। প্রধান মন্ত্রীনা হায়খি মদুদি মীওইশিং অসি চাউখৎপগী মেনস্ত্রীমদা হল্লক্লি অমসুং মখোয়না অরানবা লম্বীদা চৎলম্বদু ময়েক শেংনা খঙলে। হৌজিক মখোয়না ভারতকী সংবিধানদা থাজবা থমদুনা মাংলোমদা চংশিল্লি হায়না মহাক্না অকনবা ৱাফম থমখি।
বস্তর, ছত্তিসগরদগী থোকখিবা থৌদোকশিং মতম অমদা হেদলাইনশিংনা মতৌ করম্না রিপোর্ত তৌখিবগে হায়বদু পল্লদুনা, মতমদুদা নক্সালিজমগী মপাঙ্গল কল্লবা মফম অমা ওইনা খঙনরম্মি। প্রধান মন্ত্রীনা অহোংবা লাক্লিবা অদু পনখি। ঙসিদি বস্তরগী ত্রাইবেল নহাশিংনা শান্তি অমসুং চাউখৎপগী খুদম অমা ওইরিবা বস্তর ওলিম্পিক্স পাংথোক্লি হায়না মহাক্না পনখি। মহাক্না হায়খি মদুদি চহি অসিগী দিৱালী অসিদা, মাওইস্ত তেরোরিজমদগী মনীং তমহল্লবা মফমশিং অসিদা হরাও-নুংঙাইবা অমসুং নুংঙাইবগী মঙালশিং থাগৎতুনা থৌরম পাংথোক্কনি। শ্রী মোদীনা ভারতকী মীয়ামদা থাজবা পীখি মদুদি ভারতনা নক্সেলিজম অমসুং মাওইস্ত হিংসাদগী মপুং ফানা মুত্থৎলক্কদবা নুমিৎ অদু কুইদ্রে।
ভারতনা চাউখৎলবা লৈবাক অমা ওইবগী মায়কৈদা চংশিল্লিবা খোঙথাং অসি চাউখৎপা পুরকপা খক্তগী নত্তে। চাউখৎপা অসি ইকাই খুম্নবগা লোয়ননা চংশিনগদবনি। মসিদা নাগরিকশিংবু ইকাই খুম্নবা অমসুং ইন্নোবেসন্না ইফিসিএন্সী খক্তগী নত্তনা ইম্পেথী অমসুং কম্পেসনগীদমক্তসু পান্দম থমগদবনি। ভারত অসি ৱাখল্লোন অসিগা লোয়ননা মাংলোমদা চংশিল্লি।" মহাক্না মসিগী ঈৎয়েং অসি মাংলোমদা পুখৎপদা NDTV ৱার্ল্দ সম্মিৎকুম্বা প্লেৎফোর্মশিংগী মরু ওইবা থৌদাং অদু শকখঙদুনা ৱারোল পীবা লোইশিনখি। মহাক্না লৈবাক অসিগী প্রস্পেক্তিব পুথোক্নবগী খুদোংচাবা অদুগীদমক থাগৎপা ফোংদোকখি অমসুং থৌরম অদুদা শরুক য়ারিবা পুম্নমক্তা য়াইফ-পাউজেল পীখি।
শ্রী লঙ্কাগী প্রধান মন্ত্রী, ঐচ.ই. দোক্তর হরিনি অমারাসুরিয়া, ওস্ত্রেলিয়াগী হান্নগী প্রধান মন্ত্রী, ঐচ.ই. মিস্তর তোনী অবোত, য়ুনাইতেদ কিংদমগী হান্নগী প্রধান মন্ত্রী, ঐচ.ই. মিস্তর রিশি সুনাকনা অতোপ্পা দিগনিতরীশিংগা লোয়ননা থৌরম অদুদা শরুক য়াখি।
***
(Release ID: 2180828)
Visitor Counter : 6
Read this release in:
English
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Odia
,
Telugu
,
Kannada
,
Malayalam