প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মাইন্স এন্দ মিনরেলস (দিবেলপমেন্ত এন্দ রিগুলেসন) এক্ত, 1957 ("এম.এম.দি.আর. এক্ত") গী অনিশুবা সেদ্যুলদা শেমদোক-শাদোকপগী অয়াবা পীখ্রে। মসিদা মরুওইবা অমসুং স্ত্রেতেজিক ওইবা মিনরেল ১২, হায়বদি বেরিলিয়ম, কেদমিয়ম, কোবাল্ত, গেলিয়ম, ইন্দিয়ম, রেনিয়ম, সেলেনিয়ম, তেন্তালিয়ম, তেলুরিয়ম, তিতানিয়ম, তংস্তেন অমসুং ভেনাদিয়মগী মতাংদা রোয়ল্তীগী চাং পনবগীদমক অয়াবা পীখ্রে।

মসিনা ক্রিতিকল অমসুং স্ত্রাতেজিক মিনরেল ২৪গীদমক রোয়াল্তী রেৎশিং রেস্নেলাইজ তৌবগী থবক লোইশিনখি। মসি খঙজিনবা য়াই মদুদি সরকারনা মরুওইবা মিনরেল ৪, হায়বদি গ্লুকোনাইত, পোতাস, মোলিবেদনম অমসুং প্লাতিনম গ্রুপ ওফ মিনরেলসকী রোয়াল্তী রেৎ অসি ২০২২গী মার্চ ১৫দা অমসুং মরুওইবা মিনরেল ৩, হায়বদি লিথিয়াম, নিওবিয়ম অমসুং রের আর্থ ইলিমেন্তশিং অসি ২০২৩গী ওক্তোবর ১২দা নোতিফাই তৌখি।

হন্দক্তা, ২০২৩গী ওগস্ত ১৭তগী চৎনবা হৌখিবা মাইন্স এন্দ মিনরেলস (দিবেলপমেন্ত এন্দ রিগুলেসন) এমেন্দমেন্ত এক্ত, ২০২৩না এম.এম.দি.আর. এক্তকী অহানবা সেদ্যুলগী পার্ত দি.দা মরুওইবা অমসুং স্ত্রেতেজিক মিনরেল ২৪গী লিস্ত পীখি। অহোংবা অসিনা হায়রি মদুদি মাইনিং লিজ অমসুং মিনরেল ২৪ অসিগী কম্পোজিৎ লাইসেন্স অসি সেন্ত্রেল গবর্নমেন্তনা নিলাম তৌগনি।

ঙসি কেন্দ্রগী মন্ত্রীমন্দলনা রোয়াল্তীগী চাং লেপথোকপদা অয়াবা পীখিবনা কেন্দ্র সরকারনা লৈবাক অসিদা অহানবা ওইনা মিনরেল ১২ অসিগীদমক ব্লোকশিং নিলাম তৌবদা মতেং পাংগনি। মিনরেলশিংগী রোয়াল্তী রেৎ অসি ব্লোকশিংগী নিলামদা বিদরশিংগীদমক মরু ওইবা শেলগী ওইবা খন্ন-নৈনবা অমনি। মসিগী মথক্তা, মাইন্স মন্ত্রালয়না মিনরেলশিং অসিগী এভরেজ সেল প্রাইস (এ.এস.পি.) গী ক্যালকুলেসনগী মওংসু শেমখ্রে। মসিনা বিদ পেরামিতরশিং লেপথোকপা ঙমহনগনি।

MMDR এক্তকী অনিশুবা সেদ্যুলনা তোঙান তোঙানবা মিনরেলশিংগীদমক রোয়াল্তী রেৎশিং পীরি। অনিশুবা সেদ্যুলগী পোস্ত নম্বর ৫৫না হায়রি মদুদি মদুদা অখন্ননা পীদবা রোয়াল্তী রেৎ লৈবা মিনরেলশিংগী রোয়াল্তী রেৎ অসি এভরেজ সেল প্রাইস (ASP) গী ১২% ওইগনি। অসুম্না, করিগুম্বা মসিগী রোয়াল্তী রেৎ অসি অখন্ননা পীদ্রবদি, মখোয়গী দিফোল্ত রোয়াল্তী রেৎ অসি ASPগী 12% ওইগনি, মসি অতৈ ক্রিতিকেল অমসুং স্ত্রেতেজিক মিনরেলশিংগা চাংদম্নবদা য়াম্না ৱাংই। মসিগা লোয়ননা, ১২%গী রোয়াল্তী রেৎ অসি অতোপ্পা মিনরেল পুথোক্লিবা লৈবাকশিংগা চাংদম্নবদা চাংদম্নদে। মরম অদুনা, মখাদা পীরিবা অসিগুম্না অচুম্বা রোয়াল্তী রেৎ অমা লেপ্পী:

লৈবাক অসিগী শেন্মিৎলোন চাউখৎপা অমসুং নেস্নেল সেক্যুরিতীগীদমক মরুওইবা মিনরেলশিং অসি তঙাইফদবা ওইরক্লি। কেদমিয়ম, কোবাল্ত, গেলিয়ম, ইন্দিয়ম, সেলেনিয়ম অমসুং ভেনাদিয়মগুম্বা ক্রিতিকেল মিনরেলশিং অসি বেটরি, সেমিকন্দক্তর, সোলার পেনেল, অসিনচিংবদা শিজিন্নৈ। ইনর্জী ত্রাঞ্জিসন অমসুং ২০৭০ ফাওবদা নেৎ জিরো ইমিসন ফংনবা ভারতনা লেপ্লিবা অসিগী য়েংলগা মিনরেলশিং অসিনা মরু ওইরক্লি। বেরিলিয়ম, তিতানিয়ম, তংস্তেন, তান্তালিয়ম, অসিনচিংবা মিনরেলশিং অসি অনৌবা তেক্নোলোজীশিং, ইলেক্ত্রোনিক্স অমসুং দিফেন্স ইক্বিপমেন্তশিংদা শীজিন্নৈ। মশাগী ওইবা মাইনিংবু পুক্নিং থৌগৎপনা ইম্পোর্ত হন্থহল্লগনি অমসুং মরী লৈনবা ইন্দস্ত্রীশিং অমসুং ইনফ্রাস্ত্রকচর প্রোজেক্তশিং লিংখৎহল্লগনি। প্রোপোজেল অসিনা মাইনিং সেক্তরদা থবক ফংহনবগী চাং হেনগৎহনগনি হায়নসু পান্দম থম্লি।

জিওলোজিকেল সর্ভে ওফ ইন্দিয়া (জি.এস.আই.) অমসুং মিনরেল এক্সপ্লোরেসন এন্দ কন্সল্তেন্সি লিমিতেদ। (এম.ই.সি.এল.) না কোবাল্ত, তিতানিয়ম, গেলিয়ম, ভেনাদিয়ম অমসুং তংস্তেনগুম্বা মরুওইবা মিনরেল অমা নৎত্রগা অমদগী হেনবা য়াউবা ব্লোক ১৩গী এক্সপ্লোরেসন রিপোর্ত হন্দক্তা পীশিনখ্রে। মসিগী মথক্তা, এজেন্সীশিং অসিনা লৈবাক অসিদা মরুওইবা অমসুং স্ত্রেতেজিক মিনরেলশিং অসিগীদমক্তা এক্সপ্লোরেসন তৌরি।

কেন্দ্র সরকারনা লিথিয়াম, আর.ই.ই., নিকেল, প্লাতিনম গ্রুপ ওফ এলিমেন্তস, পোতাশ, গ্লুকোনাইত, ফোসফোরাইত, গ্রাফাইত, মোলিবদেনম অসিনচিংবা মিনরেলশিংগীদমক নবেম্বর, ২০২৩দা ক্রিতিকেল অমসুং স্ত্রেতেজিক মিনরেল ব্লোকশিং নিলাম তৌবগী অহানবা তাঙ্কক হৌদোকখ্রে। অহানবা ত্রেন্সতা অপুনবা মিনরেল ব্লোক ২০ নিলাম তৌগনি। নিলামগী অহানবা তাঙ্কক্কীদমক বিদ থাগৎপগী অরোইবা নুমিৎ (বিদ থাগৎপগী অরোইবা নুমিৎ) অসি ২০২৪গী ফেব্রুৱারী ২৬নি।

***