নমাহ পারবতি পতায়ে…, হর হর মহাদেব!

উত্তর প্রদেশকী মুখ্য মন্ত্রী, য়োগী আদিত্যনাথজী, প্রোফেসর ভশীথ ত্রিপাথিজী, কাশী বিদবত পরিশদকী প্রসিদেন্ত, প্রোফেসর নাগেন্দ্রজী, কাশী বিশ্বনাথ ন্যাস পরিশদকী প্রসিদেন্ত, রাজ্য সরকারগী মন্ত্রীশিং, অমসুং অতোপ্পা মকোক থোংবা মীওইশিং, ইকায় খুম্নরবা স্কোলরশিং, শরুক য়ারিবা মীওইশিং, নুপীশিং অমসুং নুপাশিং।

ইমুং মনুং পুম্নমকপু খুরুমজরি! স্কোলরশিং পুম্নমক্কী মরক্তা, অখন্ননা নহা ওইরিবা স্কোলরশিং, মসি মহামানাগী অশেংবা মফম অসিদা লৌশিংগী তুরেলদা ঈরুপ্পাগুম্না ফাওই। মতমবু লান্থোক্তুনা চৎলিবা কাশী, অরিবা মতমগী কাশী, ঐখোয়গী মোদর্ন য়ুথনা অচৌবা থৌদাং লৌদুনা মসিগী মশক মওং অসি মপাঙ্গল কনখৎহল্লি। মসিনা হরাওবা পোকহনবতা নত্তনা চাউথোকচবগী ইথিলসু পোকহল্লি। মসিনা 'অমৃত কাল' অসিদা নহা পুম্নমক্না লৈবাক অসিবু অনৌবা থাক্তা পুখৎকনি হায়বা থাজবা অদু অমুক হন্না থম্লি। অমসুং কাশী অসি তশেংনা লৌশিং পুম্নমক্কী কোনুংনি। ঙসিদি, কাশীগী মপাঙ্গল, মগুন অসি অমুক্কা হন্না ফগৎলক্লি। মসি ভারত পুম্নমক্কী চাউথোকচনীংঙাই ওইবা ৱাফম অমনি। অমসুং কাশী সন্সদ সংস্কৃৎ প্রতিয়োগিতা, কাশী সন্সদ জ্ঞান প্রতিয়োগিতা, অমসুং কাশী সন্সদ ফোতোগ্রাফী প্রতিয়োগিতাগী মনা ফংলবশিংদা মনাশিং পীবগী খুদোংচাবা ফংজরে। ঐহাক্না মনা ফংলবশিং পুম্নমকপু মখোয়গী কন্না হোৎনবগীদমক... মখোয়গী হৈশিংবগীদমক থাগৎপা ফোংদোকচরি, ঐহাক্না মখোয়গী ইমুং-মনুংবু থাগৎপা ফোংদোকচরি, অমসুং ঐহাক্না মখোয়গী মেন্তরশিংবুসু থাগৎপা ফোংদোকচরি। মায় পাকপা ঙমহৌদ্রবা মীওইশিং, খরনা মরিশুবা মফমদা লাকপদা নুংঙাইতবা ফাওরম্বা য়াই, ঐহাক্না মখোয়বুসু থাগৎপা ফোংদোকচরি। কাশীগী লৌশিংগী চৎনবীগী শরুক অমা ওইরকপা অমসুং মসিগী কম্পিতিসনশিংদসু শরুক য়াখিবা অসিমক চাউথোকচনীংঙাই অমনি। নখোয়গী মরক্তগী কনাগুম্বা অমত্তনা মায়থিদে, নত্ত্রগা শোত্থদে। হায়রিবা কম্পিতিসনশিং অসিদা শরুক য়াদুনা, অদোম্না কয়া অমা তমখ্রে অমসুং খোংথাং কয়া অমা মাংলোমদা চংশিনখ্রে। মরম অদুনা, হায়রিবা কম্পিতিসনশিং অসিদা শরুক য়ারিবা মীওই খুদিংমকপু থাগৎপা ফোংদোকচরি।

থৌরম অসিগীদমক শ্রী কাশী বিশ্বনাথ মন্দির ত্রস্ত, কাশী বিদবৎ পরিশদ অমসুং স্কোলর পুম্নমক্তা ঐহাক্না থাগৎপা ফোংদোকচরি। কাশীগী পার্লিয়ামেন্তকী মেম্বর অমা ওইনা ঐহাক্কী মীৎয়েং অদু মঙফাওনহনবদা অদোম্না মরু ওইবা থৌদাং লৌখি অমসুং মমাংদা অমুক্তা ওইখিদ্রিবা মতেং পীখি। হৌখিবা চহি ১০দা কাশীদা পায়খৎখিবা চাউখৎ-থৌরাংগী থবকশিংগী মতাংদা মপুং ফানা পাউতাক পীবা লাইরিক অনি ঙসি ফোংখ্রে। হায়রিবা কোফি তেবল বুকশিং অসিদা হৌখিবা চহি ১০দা কাশীগী চাউখৎপগী খোঙচৎকী তাঙ্কক খুদিংমক অমসুং মাগী কলচরগী শন্দোক ৱারোলসু য়াওরি। মসিগী মথক্তা, কাশীদা পাংথোকখিবা সন্সদ প্রতিয়োগিতা পুম্নমক্কী অপীকপা লাইরিকশিং লোঞ্চ তৌখ্রে। মসিগীদমক্তা কাশীগী মীয়াম পুম্নমকপু ঐনা থাগৎপা ফোংদোকচরি।

অদুবু মরুপশিং,

ঐখোয় অসি শুপ্নগী খুৎলাই খক্তনি হায়বসিসু অদোম্না খঙই। কাশীদা পুম্নমক অসি ভগবান শিবা অমসুং মহাক্কী ভক্তশিংনা তৌই। শিবগী মঙালনা মফম অমা হেক্তদা পোকপা মতমদা, মফম অদু মশাগী মতুং ইন্না চাউখৎলি। হৌজিক্কী মতমদা, ভগবান শিবা অসি য়াম্না নুংঙাইবা ফাওই, তশেংনা নুংঙাইবা ফাওই। মরম অদুনা, ভগবান শিবাগী য়াইফ-পাউজেলগা লোয়ননা হৌখিবা চহি ১০ অসিদা কাশীদা মায়কৈ পুম্নমক্তা চাউখৎ-থৌরাংগী মমি তাখি। ঙসি অমুক্কা হন্না, ঐখোয়গী কাশীগী ইমুংগী মীওইশিংগীদমক লুপা করোর কয়াগী প্রোজেক্তশিং শঙ্গাখ্রে। ঙসি শিবরাত্রি অমসুং মচুনা থল্লবা একাদশীগী মমাংদা কাশীদা চাউখৎ-থৌরাংগী কুমহৈ পাংথোক্লি। ঐহাক্না স্তেজ অসিদা লেংশিন্দ্রিঙৈ মমাংদা কাশী সন্দদ ফোতোগ্রাফী প্রতিয়োগিতাগী গেল্লরী য়েংখি। হৌখিবা চহি ১০ অসিদা কাশীদা চাউখৎপগী গঙ্গাগী ঈশিং ঈচেল পীরকপা অমসুং কাশী অসি করম্না য়াম্না থুনা হোংলকপা হায়বদু অদোম পুম্নমক্না উবা ফংলে। ঐহাক্না অচুম্বা ৱা হায়বরা নৎত্রগা হায়দবরা? অদোম্না ঐঙোন্দা হায়বিয়ু, ঐহাক্না হায়রিবসি তশেংনা অচুম্বনি। অহোংবা অমা লৈরে; নুংঙাইবা অমা লৈরে। অদুবু অঙাংশিংনা অরিবা কাশী অসি উবা ফংলমদবসু য়াই, মখোয়গীদমক্তদি কাশী অসি মতম পুম্নমক্তা অসুম্না লৈরম্মি হায়না খল্লম্বা য়াই। মসি ঐগী কাশীগী তৌবা ঙম্বা অদুনি, মসি কাশীগী মীয়ামগী ইকায় খুম্নবা অদুনি অমসুং মসি ভগবান শিবগী শক্তি অদুনি। করিগুম্বা ভগবান শিবানা পাম্লবদি মতৌ করম্না থিংবা ঙমগনি। মসিনা মরম ওইদুনা বানারসিদা করিগুম্বা অফবা অমা থোকপা মতমদা; মীয়াম্না মখোয়গী খুৎ অদু থাংগৎলগা হায়রকই, "নামহ পার্বতী পতায়ে, হর-হর মহাদেব!

মরুপশিং,

কাশী অসি ঐখোয়গী লাইনীংগী লাই খুরুমফম অমা খক্তা নত্তে, মসি ভারতকী মতম চুপ্পগী ওইবা চেতনাগী হৌরকফমনি। ভারতকী চাউখৎপগী ৱারী অসি মালেম শীনবা থুংনা শন্দোকখিবা মতম অমা লৈরম্মি। মসিগী মখাদা ভারতকী শেন্মিৎলোনগী পাঙ্গল অদু খক্তমক নত্তনা ঐখোয়গী নাৎকী, খুন্নাইগী অমসুং স্পিরিচুএলগী চাউখৎপা অদুসু লৈরি। কাশীগুম্বা ঐখোয়গী লাই খুরুমফমশিং অমসুং বিশ্বনাথ ধামগুম্বা ঐখোয়গী লাইশঙশিং অসি লৈবাক অসিগী চাউখৎপগী য়াজ্ঞনা ওইরম্মি। মফম অসিদা, মেদিতেসন তৌবগা লোয়ননা ফিলোসোফিকেল দিস্কসনশিং পাংথোক্নরম্মি। মফম অসিদা, দাইলোগকা লোয়ননা রিসর্চ তৌনবগী থৌওংসু লৈরম্মি। মফম অসিদা কলচরগী হৌরকফম অমসুং লিতরেচর অমসুং ম্যুজিক্কী ঈচেলসু লৈরম্মি। মরম অদুনা, ভারতনা পীরিবা অনৌবা ৱাখল্লোনশিং, মসিনা শরুক তম্লিবা অনৌবা সাইন্স, মখোয় অসি কলচরেল সেন্তর অমা নৎত্রগা অমগা মরী লৈনরি। কাশীগী খুদম অসি ঐখোয়গী মাংদা লৈরে। কাশী অসি শিবাগী শহরনি অমসুং মসি বুদ্ধগী পাউতাকশিংগী লমসুনি। কাশী অসি জেন তির্থানকরশিংগী পোক্নফম মফমনি, অমসুং মসিদা অদী শঙ্করচার্য়না মঙাল ফংখি। লৌশিং, রিসর্চ অমসুং শান্তিগীদমক লৈবাক অসিগী মফম কয়াদগী অমসুং মালেমগী মফম কয়াদগী মীওই কয়া কাশীদা লাক্লি। লমদম খুদিংমক্কী, লোল খুদিংমক্কী, দাইলেক্ত খুদিংমক্কী, চৎনবী খুদিংমক্কী মীওইশিংনা কাশীদা লাক্লি অমসুং লৈরি। অসিগুম্বা মখল-মখা কয়া অমা লৈরকপা মতমদা, অনৌবা ৱাখল্লোনশিং পোক্লকই। অনৌবা ৱাখল্লোনশিং থোরকপা মফমদা, খুমাং চাউশিনবগী ওইথোকপা য়াবশিংসু থোরকই।

মরম অসিনা ইচিল-ইনাওশিং,

বিশ্বনাথ ধাম শঙ্গাবগী থৌরমদা ঐহাক্না হায়খি, মতম অদুদা ঐহাক্না হায়খিবা অদু নীংশিংবিয়ু, ঐহাক্না হায়খি - "বিশ্বনাথ ধামনা ভারতপু অচেৎপা দিরেক্সন অমা পীগনি, মসিনা ভারতপু মঙাল লৈবা তুংলমচৎ অমগী মায়কৈদা লমজিংগনি।" ঙসিদি, মসি উবা ফংব্রা নত্ত্রগা ফংদ্রিবা। মসিগী অঙকপা মওংদা, বিশ্বনাথ ধাম অসি ভারতপু ৱারেপ লৌগদবা তুংলমচৎ অমগী মায়কৈদা লমজিংনবা মাগী নেস্নেল রোলদা অমুক হন্না হল্লক্লি। লৈবাক শিনবা থুংবদগী লাকপা স্কোলরগী কনফরেন্সশিং বিশ্বনাথ ধামদা পাংথোক্লি। বিশ্বনাথ লাইশঙনা নিস শাস্ত্রা ৱাঙাংলোইগী চৎনবী অসিসু নৌহৌনা হিংগৎহল্লি। ক্লাসিকেল মেলোদীশিংগা লোয়ননা, স্কোলরলী দিস্কোর্সকী দাইলোগশিংসু কাশীদা শন্দোক্লি। মসিনা লৈবাক শিনবা থুংনা লৈরিবা স্কোলরশিংগী মরক্তা ৱাখল্লোনশিং এক্সচেঞ্জ তৌবা হেনগৎহনগনি। মসিনা অরিবা মতমগী লৌশিংবু ঙাক-শেন্দুনা থম্বগা লোয়ননা অনৌবা ৱাখল্লোনশিংসু পুথোক্কনি। কাশী সন্সদ সংস্কৃৎ প্রতিয়োগিতা অমসুং কাশী সন্সদ জ্ঞান প্রতিয়োগিতা অসিসু মসিগী হোৎনবগী শরুক অমনি।

সংস্কৃৎ তম্লিবা নহা লিশিং কয়াদা স্কোলরশিপশিং, লাইরিকশিং, ফীরোলশিং, অমসুং তঙাই ফদবা পোৎলমশিং পীরি। ওজাশিংদসু মতেং পাংলি। মসিমক নত্তনা, বিশ্বনাথ ধাম অসি তামিল সঙ্গমম অমসুং গঙ্গা পুষ্করলু ফেস্তিবেলগী খুত্থাংদা 'এক ভারত, শ্রেস্থ ভারত'গুম্বা কেম্পেনশিংগী শরুক অমা ওইরক্লি। থাজবগী মফম অসিদগী খুন্নাইদা য়াওহন্নবা ৱারেপ অসি আদিবাসি কলচরেল ইভেন্তকী খুত্থাংদা মপাঙ্গল কনখৎহল্লি। কাশীগী স্কোলরশিং অমসুং বিদবৎ পরিষদকী অরিবা লৌশিংবু মোদর্ন সাইন্সকী মীৎয়েংদগী নৈনদুনা অনৌবা রিসর্চশিং পাংথোক্লি। অথুবা মতমদা শহর অসিগী মফম কয়াদা লাইশঙগী ত্রস্তনা লেম্না চানবা পীবগী থৌরাংসু পায়খৎলগনি হায়না ঐহাক্না খঙলে। লাইশঙ অসিনা মা অন্নপুর্নাগী শহর অসিদা কনাগুম্বা অমত্তা অরাম খৌরাংবা পোকহন্দনবা হোৎনগনি। অনৌবা কাশী অসি অনৌবা ভারতকী ইথিল অমা ওইনা লাক্লে। মতৌ করম্না থাজবগী মফম অসি খুন্নাইগী অমসুং লৈবাক্কী ৱারেপশিং লৌবগী ইনর্জীগী মফম অমা ওইরকপা ঙমগনি। ঐহাক্না থাজবা থম্লি মদুদি মফম অসিদগী পাস তৌরকপা নহাশিং অসি মালেম পুম্বদা ভারতকী লৌশিং, চৎনবী অমসুং কলচরগী ফ্লেগ বিয়র ওইগনি। বাবা বিশ্বনাথকী লমদম অসি মালেমগী য়াইফ-থৌরাংগী ৱারেপ অদুগী শাখী ওইগনি।

মরুপশিং,

ঐখোয়গী লৌশিং, সাইন্স, অমসুং স্পিরিচুএলিতী অসি লোল কয়া অমনা য়াম্না চাউনা চাউখৎহনখ্রে। সংস্কৃৎ অসি মখোয়শিংগী মরক্তা খ্বাইদগী মরু ওই। ভারত অসি ৱাখল্লোন অমনি, অমসুং সংস্কৃৎ অসি মসিগী মরুওইবা এক্সপ্রেসন অদুনি। ভারত অসি য়াত্রা অমনি অমসুং সংস্কৃৎ অসি মসিগী পুৱারীগী মরুওইবা চেপ্তরনি। ভারত অসি খেন্নবগী মরক্তা অমত্তা ওইবগী লমনি, অমসুং সংস্কৃৎ অসি মসিগী হৌরকফমনি। মরম অদুনা, মফম অসিদা হায়রি, "ভারতস্য प्रतिष्ठे द्वे संस्कृतम् संस्कृति-स्तथा"॥ মসিনা তাকপদি, ভারতকী শক্নাইবগী মগুনদা সংস্কৃৎনা মরু ওইবা থৌদাং অমা লৌরি। মতম অমদা সংস্কৃৎ অসি ঐখোয়গী লৈবাক অসিদা সাইন্তিফিক রিসর্চকী লোল ওইরম্মি, অমসুং মসি ক্লাসিকেল নোলেজকী লোলসু ওইরম্মি। এস্ত্রোনোমীদা সুর্য়সিদ্ধান্তা, অঙ্কদা আর্য়ভাতিয়া অমসুং লীলাৱতী, মেদিকেল সাইন্সতা চারাক অমসুং সুশ্রুত সামহিতা, নৎত্রগা ব্রিহৎ সমহিতাগুম্বা তেক্সতশিং অসি সংস্কৃত্তা ইরম্মি। মসিগা লোয়ননা, লিতরেচর, ম্যুজিক, অমসুং আর্তকী মখল কয়া অমসু সংস্কৃৎ লোলদগী হৌরকখি। অসিগুম্বা মওংশিং অসিগী খুত্থাংদা ভারত অসি শকখঙনরক্লি। কাশীদা শকখঙনরিবা বেদশিং অসিমক ঐখোয়না কাচীদা সংস্কৃৎ মওংদা শকখঙনগদবনি। মখোয়শিং অসি চহি লিশিং কয়াদগী ভারতপু লৈবাক অমা ওইনা অমত্তা ওইনা পুন্দুনা থম্লিবা "এক ভারত, শ্রেস্থ ভারত"গী মতম চুপ্পগী ওইবা ভোইসনি।

মরুপশিং,

ঙসিদি কাশী অসি "বীরাসত" (হেরিতেজ) অমসুং "বিকাস" (দিবেলপমেন্ত) গী মোদেল অমা ওইনা উবা ফংলি। চৎনবী অমসুং স্পিরিচুএলিতিগী অকোইবদা মোদর্নিতী পাকথোক চাউথোকপা অসি মালেম শীনবা থুংনা উবা ফংলি। রাম লল্লাগী অচৌবা অনৌবা লাইশঙ অসি কন্সিক্রেসন তৌখ্রবা মতুংদা, অয়োধ্যাসু অসিগুম্বা মওংদা চাউখৎলক্লি। লৈবাক শীনবা থুংনা ভগবান বুদ্ধগা মরী লৈনবা মফমশিংদা মোদর্ন ইনফ্রাস্ত্রকচর অমসুং ফেসিলিতীশিং শেমগৎলি। উত্তর প্রদেশনা কুশিনগরদা ইন্তর্নেস্নেল এয়রপোর্ত অমা শাবদগী কান্নবা ফংলি। অসিগুম্বা প্রোজেক্ত কয়া অমা ঙসি লৈবাক অসিদা পায়খৎলি। লাক্কদৌরিবা চহি মঙা অসিদা, লৈবাক অসিনা মায় পাকপগী অনৌবা বেঞ্চমার্কশিং শেমদুনা চপ মান্নবা থাজবগা লোয়ননা চাউখৎপা খোংজেল য়াঙখৎহল্লগনি। অমসুং মসি মোদীগী গেরেন্তীনি অমসুং অদোম্না মসিসু খঙই মদুদি মোদীগী গেরেন্তী হায়বসিনা গেরেন্তী অদু মপুং ফাহনবনি। পার্লিয়ামেন্তকী মেম্বর অমা ওইনা, ঐহাক্না মতম পুম্নমক্তা ঐহাক্কীদমক অমসুং অদোমগীদমক থবক খরা পুরকই... অদোম্না মসি পাংথোক্কদ্রা? ঐনা কয়া অমা হায়খি, অমসুং মফমসিদা লৈরিবা মীওইশিংনা মখোয়বু য়াম্না তরাম্না লৌখি। পুম্নমক অসি য়াম্না ফজবা মওংদা লৌশিনখি, অমসুং মীপুম খুদিংমক মসিগা শম্নখি, অনৌবা মীরোল অসিদা অনৌবা ৱাখল্লোন অমা পোকহনখি। হায়রিবা কম্পিতিসনশিং অসি মহৌশাগা মান্নদে। 'সবকা প্রয়াস' (মীপুম খুদিংমক্না হোৎনবা)গী ঐগী পান্দমদি মায় পাকপা এক্সপেরিমেন্ত অমনি। লাক্কদৌরিবা নুমিৎ খরসিদা, ঐহাক্না তুরিস্তকী মফম খুদিংমক্তা করি থোক্লগদগে হায়বদু উবা পাম্মি। মীওইশিংনা পোস্তকার্দশিং প্রিন্ত তৌই, মদুদা অখন্নবা ফোতো অমা য়াওই, অমসুং মদুগী মতুংদা করিগুম্বা অমা ইনবা মফম খরা লৈ। অদুবু ঐহাক্না হায়জরি মদুদি ফোতো কম্পিতিসন অসিদা কাশীগী অঙকপা ফোতো অদুগীদমক ভোৎ তৌগদবনি। মীয়াম্না ভোৎ থাদগদবনি, অমসুং খ্বাইদগী ৱাংবা ভোৎ ফংলবা অহানবা ফোতো ১০ অসি পোস্তকার্দ ওইনা প্রিন্ত তৌগদবনি অমসুং তুরিস্তশিংদা য়োনবা তাই। অমসুং হায়রিবা ফোতো কম্পিতিসন অসি চহি খুদিংগী পাংথোক্কদবনি, অমসুং চহি খুদিংগী অনৌবা ফোতো 10 লৈগনি। অদুবু মসি ভোৎ তৌদুনা পাংথোক্কদবনি। কাশীগী মীয়াম্না খ্বাইদগী ফজবা ফোতোশিং খনগৎনবা ভোৎ থাদগদবনি। ঐখোয়না ফোতোশিং অদুগীদমক্তা ওনলাইন কম্পিতিসন অমা পাংথোকপা য়াগদ্রা? ঐখোয়না মসি তৌবা ঙমগদ্রা? মসি পাংথোকসি।

অনিশুবা থবক - মীওই খরনা মখোয়গী মোবাইল ফোনশিংদগী ফোতোশিং লৌরগা ফোতো কাপ্পগী কম্পিতিসনদা শরুক য়াবা য়াই। হৌজিক ঐখোয়না প্রোগ্রাম অমা শেমসি মদুদা মীশিংনা তোঙান তোঙানবা মফমশিংদা লৈদুনা অকক্নবা সাইজকী পেপর অমদা স্কেৎচশিং তৌহনবা য়াই। অমসুং খ্বাইদগী ফজবা স্কেৎচশিং অদুগীদমক প্রাইজশিংসু পীগদবনি, অমসুং মতুং তারকপদা খ্বাইদগী ফবা পোস্তকার্দ ১০ অসি স্কেৎচশিং অদুদগী খনগদবনি। ঐখোয়না মসি পাংথোক্কদ্রা? করিগীদমক মখোল অসি তপথখ্রিবনো... হোয়!

অহুমশুবা থবক - য়েংঙু, হৌজিক মীওই মিলিয়ন কয়ানা কাশীদা লাকপগা লোয়ননা, গাইদশিংগী য়াম্না মথৌ তারক্লি। মীশিংনা কনাগুম্বা অমবু শন্দোক্না তাকপা, পাউতাক পীবা পাম্মি। কাশী অসি মফম অসিদা লাক্নবা হোৎনরিবা ত্রাভেলরশিংগী পুক্নিং অমসুং থম্মোয়দা চিংশিনগদবনি। মসিগীদমক্তা, অফবা গাইদশিং মথৌ তাই। মসিনা মরম ওইদুনা ঐহাক্না হায়খি মদুদি খ্বাইদগী ফবা গাইদকীদমক্তা কম্পিতিসন অমা লৈগদবনি, মসিদা মীপুম খুদিংমক্না গাইদ ওইনা শরুক য়াবা অমসুং মখোয়গী খ্বাইদগী ফবা তৌবা ঙম্বগী থৌওং উৎকদবনি, অমসুং খ্বাইদগী ফবা গাইদশিংবু সর্তিফিকেৎ পীদুনা শেলগী মনা পীগদবনি। তুংলমচৎতা, গাইদ অসি হিংনবগী সোর্স অমা ওইরকপা য়াই, অনৌবা সেক্তর অমা শেমগৎলগনি। অদোম্না মসি পাংথোক্কদ্রা? অদোম্না য়ানীংদবা তৌদেকো, মরুপ। অদোম্না একজাম থাদোইবা নৎত্রা? মতুংদা অদোমগী ওজাশিংনা হায়গনি মদুদি এম.পি. অসি ঐখোয়গী অঙাংশিংগী মহৈ তম্বদা মীৎয়েং চংবগী মহুত্তা অতোপ্পা থবকশিং তৌহল্লকই। ঐখোয়না হৈশিংবা হেনগৎহনবগা লোয়ননা, মসি তৌহনগদবনি। তেলেন্তশিং অসিবু চাউখৎহন্নবা খুদোংচাবা খুদিংমক পীগদবনি। ঈশ্বরনা মীপুম খুদিংমক্তা মখল কয়াগী তৌবা ঙম্বশিং পীরম্মি, মীওই খরনা মখোয়বু চাউখৎহল্লি অদুগা মীওই খরনা মখোয়বু কোল্দ বোক্স অমদা হাপচিন্দুনা থম্মি।

কাশী অসি ফজহনগদৌরি। থোংশিং শারগনি, লম্বীশিং শারগনি, বিল্দিংশিং শারগনি, অদুবু ঐহাক্না মীপুম খুদিংমকপু হেন্না ফগৎহনগদবনি, ৱাখল খুদিংমক শেংদোক্কদবনি অমসুং সর্ভর অমা ওইনা থবক তৌগদবনি, মরুপ-মপাং অমা ওইগদবনি অমসুং ঐখোয়গী পান্দম য়ৌনবা অমনা অমগী খুৎ পায়দুনা অমসুং পান্দম অদু ফংনবা হোৎনগদবনি। মনা ফংলবশিং পুম্নমক্তা ঐহাক্না থম্মোয় শেংনা নুংঙাইবা ফোংদোকচরি। ঐহাক প্রোগ্রাম অমগীদমক থেংজিল্লক্লে, অদুবু মসিগী প্রোগ্রাম অসিদি ঐহাক্না ময়াগা মতম খরা হেন্না কাইথোকপা পাম্মি। মীওই কয়ানা ঐহাক্কা ফোতো নম্বা পাম্মি হায়বা ঐনা উবা ফংখি, অদুবু ঐহাক্না নখোয়গা ফোতো নম্বা পাম্মি। অদোম্না ঐঙোন্দা মতেং পাংগদ্রা? ঐনা হায়রিবদু পাংথোক্লবদি মতেং ফংলগনি, চুমদ্রা? ঐহাক্না মফমসিদগী চৎত্রিবা ফাওবদা, কনাগুম্বা অমত্তনা লেপখৎপিগনু... ফরে. ঐহাক মফম অদুদা লাকচগে, ব্লোক খুদিংমক্তা লেপ্পীয়ু, অমসুং কেমেরা পাইবা মীওই খুদিংমক স্তেজ অসিদা লেংখৎপিরকউ, মখোয়না মফম অদুদগী ফোতো নমগনি... ফরে! অদুবু ঐহাক্না মসিগা লোয়ননা ফোতো নমগনি, অদোমদি….অদোমদি? মসিগী পাম্বৈ অমা লৈরে, ঐহাক্না ময়ামদা হায়গনি। নহাক্কী মোবাইলদা য়াওবা নমো এপ অদুদা চংঙু, নমো এপ অদু দাউনলোদ তৌ, মদুদা ফোতোশিংগী সেক্সন অমা লৈ, সেল্ফি অমা লৌ অমসুং মদু মফম অদুদা অপলোদ তৌ, বতন অমা প্রেস তৌ, অমসুং নহাক কদায়দা য়াওবগে তাকলিবা নহাক্না ঐগা লোয়ননা নম্বীরম্বা ফোতো পুম্নমক অদু এ.আই.গী খুত্থাংদা নহাক্কী মফমদা থারক্কনি। অসুম্না, ঐখোয়গী কাশীদা, সাইন্সকা লোয়ননা সংস্কৃৎসু লৈগনি। অদুনা, অদোম্না ঐঙোন্দা মতেং পাংগনি, চুম্মি... অদোম্না মফমদুদা লৈগনি। কনাগুম্বা অমত্তা লেপহল্লোইদবনি, নখোয়না নখোয়গী মকোক থাংগৎতুনা লৈবিয়ু মীপুম খুদিংমক্কী ফোতো য়াওনবা, অমসুং ঐহাক্কী কেমেরা অসিনা নোক্লিবা মীওইশিংগী ফোতো নমগনি।

হার হার মহাদেব!

মরম অদুনা ঐহাক্না মফমসিদা লাক্লি। মীওইশিং অসি মফম অসিদা ফমগনি, অদুগা অদোম্না মফম অসিদা ফমগনি। কেমেরা পাইবা মীওইশিংদি স্তেজতা লাক্কদবনি।

খঙহঞ্জবা: মসি পি.এম.গী ৱারোলগী চাউরাকপা ৱাহন্থোকনি। তশেংবা ৱারোলদি হিন্দীদা পীখিবনি।

***