সোদারা সোদারি-মনুলাকু নমস্কারমুলু!

অন্ধ্র প্রদেসকী রাজ্যপাল শ্রী সয়েদ অবদুল নাজির, মীয়াম্না পাম্নরবা অমসুং হোৎনবা কনবা চীফ মিনিষ্টর শ্রী এন.চন্দ্রবাবু নাইদু, কেন্দ্রগী মন্ত্রীশিং, শ্রী রামমোহন নাইদু কিঞ্জারাপু, দোক্তর চন্দ্র সেখর পেম্মাসানি, শ্রী ভুপাতি রাজু শ্রীনিভাস ভর্মা, দিপুতি চীফ মিনিষ্টর পাবন কলয়ান, রাজ্যগী মিনিষ্টর শ্রী নরা লোকেস, অতোপ্পা মিনিষ্টরশিং, বি.জে.পী ষ্টেৎ প্রসিদেন্ত পি.ভি.এন মাধব, এম.পিশিং, এম.এল.এশিং অমসুং ঐখোয়দা বর পীনবা মশিং য়াম্না লাক্লিবা ইনাওশিং অমসুং ইচলশিং!

অহানবদা, ঐনা অহোবিলমগী ভগবান নরসিমহা শ্বামী অমসুং মহানন্দিগী শ্রী মহানন্দিশ্বার শ্বামীদা কোক নোঞ্জরি। মীয়ামগী য়াইফনবগীদমক ঐনা মন্ত্রলায়মগী গুরু শ্রী রঘভেন্দ্র শ্বামীগী মফমদসু বর নিজরি।

মরুপশিং,

দ্বদাশা জয়তিরলিঙ্গ ষ্টত্রামনা হায়রি -“সৌরাষ্ট্রে সোমনাথম চা শ্রীসাইলা মাল্লিকঅর্জুন”। জয়তিরলিঙ্গ ১২ গী মনুংদা, অহৌবদা ভগবান সোমনাথ অমসুং ভগবান মাল্লিকঅর্জুনগী মমিংশিং পুন্না য়াওরি। বাবা বিশ্বনাথকী লমদম কাসিগী থবক তৌনবা অমসুং ঙসি শ্রীসাইলামদা বরশিং ফংনবা, সোমনাথকী লমদম গুজরাত্ত পোকখিবা অসি লাইবক ফবনি হায়না ঐনা খল্লি। ঐনা শ্রীসাইলামগী বর ফংলে।

মরুপশিং,

শ্রীসাইলাম খোঙচৎ মতুংদা, ঐ শ্রী সিবাজী স্পুর্তি কেন্দ্রদা চৎপা অমসুং মহাক্কী মফমদা ইকায়খুম্নবা উৎনবগী খুদোংচাবা ফংখি। ঐনা সাধুশিং হায়বদি অল্লামা প্রভু অমসুং অক্কামহাদেবীদা ইকায়খুম্নবা উৎচরি। ঐনা শ্রী উয়ালাৱারা নরসিমহা রেদ্দি গারু অমসুং শ্রী হরি সর্ভোত্তামো রাও য়াওনা শক্নাইরবা নিংতম লান্মীশিংদসু ইকায়খুম্নবা উৎচরি।

মরুপশিং,

ঐখোয়গী অন্ধ্র প্রদেস ‘শ্বাভিমান’ অমসুং ‘সংস্কৃতি’ গী লমদমনি অমসুং লমদম অসি সাইন্স অমসুং ইন্নোবেসনগী মফম অমসুনি। রাজ্য অসিগী মপান নাইদ্রবা খুদোংচাবশিং অমসুং রাজ্য অসিগী নহারোলশিংগী মপান নাইদ্রবা তৌবা ঙম্বশিং লৈরি। অন্ধ্র প্রদেসনা দরকার ওইরিবা অসি অচুম্বা পান্দম অমসুং লুচিংবনি। ঙসিদি, কেন্দ্র সরকারনা মপুংফানা শৌগৎতুনা চন্দ্রবাবু নাইদু গারু অমসুং পাৱান কলয়ান গারুগুম্বা লুচিংবশিংগী অন্ধ্র প্রদেসগী লৈরে।

মরুপশিং,

থা ১৬ দা, কেন্দ্র অমসুং রাজ্যগী মখোয়গী সরকারশিংগী মখাদা মমাঙদা অমুক্ত উখিদ্রিবা মওংদা অন্ধ্র প্রদেস য়াংনা চাউখৎলকপা উরে। ঙসি, চাউখৎপা য়াংশিন্নবা দিল্লি অমসুং অমারাবাতি পুন্না থবক তৌমিন্নরি। চন্দ্রবাবুনা হায়খিবগুম্না, অয়াংবা খোঙজেল অসি উবদা, লৈবাক অসিনা নিংতম্বা চহি ১০০ মপুংফারকপা, ২০৪৭ ফাওবদা ভারত চাউখৎলবা লৈবাক অমা ওইরগনি হায়না ঐনা হায়রি। ২১ শুবা চহিচা অসি ভারত অমসুং মসিগী মীওই করোর ১৪০ গীনি।

মরুপশিং,

ঙসি লম্বীশিং, মৈ, রেলৱেশিং, হায়ৱেশিং অমসুং ললোন-ইতিক্কা মরী লৈনবা প্রোজেক কয়া শঙ্গারে অমসুং উরেপ-উয়ুং তম্লে। প্রোজেকশিং অসিনা রাজ্য অসিগী লম্বী-থোঙ ফগৎহনগনি, উদ্যোগ চাউখৎহনগি অমসুং মীয়াম হিংবদা লাইবা হেনগৎহনগনি। প্রোজেকশিং অসিনা কুরনুল অমসুং অকোয়বগী মফমশিংদা চাউনা কান্নবশিং পীগনি অমসুং ঐনা রাজ্য অসিগী মীয়ামদা হরাওবা ফোঙদোকচরি।

মরুপশিং,

লৈবাক অমা নত্ত্রগা রাজ্য অমা চাউখৎনবগীদমক ইনর্জি মরাংকাইনা ফংহনবা হায়বসি তঙাইফদে। ঙসি পৱার সেক্তরদা লুপা করোর ৩,০০০ রোমগী ত্রান্সমিসন প্রোজেক অমা হৌদোক্লে। মসিনা লৈবাক অসিনা মখা তানা ইনর্জি পুথোকপা হেনগৎহনগনি।

মরুপশিং,

য়াংনা চাউখৎলক্লিবা মরক অসিদা মীয়াম্না হৌখিবা থৌদোকশিং কাউথোক্লোইদবনি। হৌখিবা চহি ১১ দা, ওপোজিসন্না লুচিংবা সরকারগী মখাদা মীকোক্ত ইলেক্ত্রিসিতি শীজিন্নবা য়ুনিত ১,০০০ গী মখাদা লৈখি অমসুং লৈবাক অসিনা মৈ মম্বগুম্বা খুদোংচাদবা কয়া মায়োক্নখি। খুঙ্গং লিশিং কয়া মৈ পুনবা পোষ্টশিং ফাওবা লৈখিদে। ঙসিদি ক্লিন ইনর্জিদগী হৌরগা অপুনবা ইনর্জি পুথোকপা ফাওবদা, হিরম খুদিংমক্ত ভারতনা অনৌবা রেকোর্দশিং থম্লে। ঙসিদি, খুঙ্গং খুদিংমক্ত মৈ ফংলে, মীকোক্ত মৈ শীজিন্নবা য়ুনিত ১,৪০০ দা হেনগৎলে অমসুং উদ্যোগ অমসুং য়ুমথোঙশিং অনিমক মৈ মরাংকাইনা ফংলে।

মরুপশিং,

অন্ধ্র প্রদেস ভারতকী ইনর্জিগী য়াওলগী মরুওইবা মফম অমনি। চন্দ্রবাবুগী লমজিং মখাদা, চাউরাক্না য়ুমথোং লাখ ১৫ রোমদা গ্যাস ফংহনগদবা শ্রীকাকুলামদগী অঙ্গুল ফাওবগী নেচরেল গ্যাস পাইপলাইন প্রোজেক ঙসি হৌদোকখ্রে। ঙসি চিত্তুরদা নোংমদা সিলিন্দর লিশিং ২০ হানবা ঙমগদবা এল.পি.জি বোত্তলিং প্লান্ত অমা শঙ্গাখ্রে। মসিনা লমদম অসিগী ত্রান্সপোর্ত অমসুং ষ্টোরেজ সেক্তরদা থবক পীগনি অমসুং নহারোলশিংগী অনৌবা থবক কয়া ফংহনগনি হায়বগী থাজবা থম্লি।

মরুপশিং,

বিকসিত ভারত অমগী পান্দম য়াংনা ফংবা ঙম্নবা, ঙসি লৈবাক শীনবা থুংনা মল্তি-মোদাল ইনফ্রাষ্ট্রকচর য়াংনা চাউখৎলক্লি অমসুং খুঙ্গংদগী সহরশিং ফাওবা অমসুং সহরশিংদগী হিথাংফমশিং ফাওবা, ঐখোয়না অফবা লম্বী-থোঙদা মীৎয়েং থম্লি। সাববারাম অমসুং শিলানগরগী মরক্ত নৌনা শেমগৎলিবা হায়ৱেনা মখা তানা চৎথোক-চৎশিন ফগৎহনগনি। অনৌবা রেল লাইনশিং শেমগৎতুনা অমসুং রেল  ফ্লাই ওভরশিং শাদুনা রেলৱে সেক্তরদা অনৌবা যুগ অমা হৌরে অমসুং মসিনা লমদম অসিদা মীওইশিং চৎথোক-চৎশিন্দা খুদোংচাবা হেনগৎহনগনি অমসুং উদ্যোগশিংদা অনৌবা ইনোৎশিং পীগনি।

মরুপশিং,

ঙসি, ২০৪৭ ফাওবদা লৈবাক অসি চাউখৎলবা লৈবাক অমা ওইনবা ৱাশক ঐখোয় খুদিংমক্কী মাঙদা লৈরে। মসিগী মঙলান অসি শ্বরনা অন্ধ্রগী মঙলান্না থৌনা হাপ্লি। অন্ধ্র প্রদেস অমসুং মসিগী নহারোলশিং মতম পুম্নমক্ত তেক্নোলোজিদা মাংজিল থারি হায়বা ঐখোয় খুদিংমক্না খঙলে। কেন্দ্র অমসুং রাজ্যগী দবল ইঞ্জিন সরকারগী মখাদা, ঐখোয়না মসিগী খুদোংচাবা অসি মখা তানা লৌরে অমসুং পাকথোক-চাউথোক্লে।

মরুপশিং,

ঙসিদি মালেম্না ভারত অমসুং অন্ধ্র প্রদেস অনিমক্কী খোঙজেল অমসুং পাক-চাউবা উরে। নুমিৎ অনিনিগী মমাঙদা গুগলনা অন্ধ্র প্রদেসদা অচৌবা শেনফম অমা থাদনবা লাউথোকখ্রে। অন্ধ্র প্রদেসতা গুগলনা ভারতকী অহানবা আর্তিফিসিএল ইন্তিলিজেন্স হব লিংখৎলগনি। ঙরাং ঐনা গুগলগী সি.ই.ওগা ৱারি শানবদা, মহাক্না ঐঙোন্দা হায়খি মদুদি য়ু.এসকী ৱাংমদা, মালেমগী লৈবাক শীনবা থুংনা ঐখোয়না শেন থাদরি, অদুবু হৌজিক ঐখোয়না অন্ধ্র প্রদেসতা শেন খ্বাইদগী য়াম্না থাদরগনি। অনৌবা এ.আই হব অসিদা শক্তি লৈরবা এ.আই ইনফ্রাষ্ট্রকচর, দেতা সেন্তর, ইনর্জি সোর্সশিং অমসুং ফাইবর-ওপ্তিক নেতৱার্ক লৈগনি।

মরুপশিং,

গুগলগী এ.আই হবতা শেন থাদবা অসিদা অনৌবা ইন্তরনেসনেল সবসি গেতৱে অমা শেমগৎপা য়াওগনি। মসিগী গেতৱে অসিদা ভারতকী নোংপোক থংবা সমুদ্র মপান্দা লৈবা বিশাখাপত্নম ফাওবা য়ৌবা ইন্তরনেসনেল সবসি কেবলশিং য়াওগনি।

মরুপশিং,

প্রোজেক অসিনা বিশাখাপত্নম এ.আই অমসুং গ্লোবেল কন্নেক্তিবিতিগী মরুওইবা মফম অমা ওইহনগনি। মসিনা ভারত খক্তগী নত্তনা মালেমগী থবক তৌগনি। মাইপাকপা অসিগীদমক ঐনা অন্ধ্র প্রদেসকী মীয়ামদা হরাওবা ফোঙদোকচরি অমসুং মহাক্কী মঙলানগীদমক চন্দ্রবাবু নাইদু থাগৎপা ফোঙদোকচরি।

মরুপশিং,

ভারত চাউখৎনবগীদমক অন্ধ্র প্রদেসকী চাউখৎহনবা তঙাইফদে। অন্ধ্র প্রদেস চাউখৎনবগীদমক রায়ালাসিমা চাউখৎপা অসি তঙাইফদে। ঙসি হৌদোক্লিবা প্রোজেকশিং অসিনা কুরনুল লমদমগী রায়ালাসিমাগী জিলা খুদিংমক্ত থবক অমসুং নুংঙাই য়াইফবগী অনৌবা থোঙশিং হাংদোক্লগনি। প্রোজেকশিং অসিনা লমদম অসিদা উদ্যোগ চাউখৎপা য়াংখৎহল্লগনি।

মরুপশিং,

অন্ধ্র প্রদেসকী চাউখৎপা য়াংখৎনবা অনৌবা ইন্দষ্ট্রিএল কোরিদোরশিং অমসুং হবশিং লিংখৎপা দরকার ওইরে। মসিগীদমক, সরকারনা ওরবাকাল অমসুং কোপ্পাতি অনৌবা উদ্যোগকী মফম অমা ওইনা শেমগৎলি। ওরবাকাল অমসুং কোপ্পাতিদা শেন থাদবা হেনগৎলকপনা অনৌবা থবক ফংনবা খুদোংচাবশিং হেনগৎলগনি।

মরুপশিং,

ঙসিদি, মালেম্না ভারত অসি ২১শুবা চহিচাগী অনৌবা মেনুফেকচরিংগী সেন্তর ওইনা উরে, মাইপাকপা অসিদা অত্মনির্ভর ভারতকী মঙলান্না য়ুম্ফম ওইরে। অত্মনির্ভর ভারত মাইপাকপদা ঐখোয়গী অন্ধ্র প্রদেসনা চাউনা মতেং পাংলি।

মরুপশিং,

হৌখিবা সরকারশিংনা অন্ধ্র প্রদেসগী তৌবা ঙম্বশিং মীরাইদুনা কংগ্রেস সরকারনা লৈবাক শীনবা মীরাইখি। লৈবাক্কী চাউখৎপদা মাংজিল থাগদবা রাজ্য অমা মশা মরোমদোম চাউখৎচনবা হোৎন্নবা থাদোক্তুনা থমখি। এন.দি.এ সরকারগী মখাদা, অন্ধ্র প্রদেসগী মাইকৈ হোংলক্লে, মেনুফেকচরিংদা য়াংনা চাউখৎলক্লি। দিফেন্স সেক্তরদা অত্মনির্ভর ওইনবা মাইকৈদা থাংজিনবা অতোপ্পা খোঙথাং অমা ওইনা, নিম্মালুরুদা এদভান্স  নাইত ভিজন ফেক্তরি অমা হৌদোক্লে। মসিনা ভারতনা নাইত ভিজন খুৎলায়শিং, মিসাইল সেন্সরশিং অমসুং দ্রোন গার্দ সিষ্টেমশিং পুথোকপা হেনগৎহনগনি অমসুং লৈবাক অসিনা ঙাক-শেনগী খুৎলায়শিং মপান্দা থাদোকপা হেনগৎহনগনি। ওপরেসন সিন্দুর মনুংদা লৈবাক অসিনা মশানা শাজবা খুৎলায়শিংগী মাইপাকপা মালেম শীনবা থুংনা উখ্রে।

মরুপশিং,

কুরনুল ভারতকী দ্রোন হব অমা ওইনা শেমগৎনবা অন্ধ্র প্রদেস সরকারনা ৱারেপ লৌখিবদা ঐ হরাওই। দ্রোন ইন্দষ্ট্রিগী খুৎথাংদা, তুংগী তেক্নোলোজিশিংগা মরী লৈনবা অনৌবা সেক্তরশিং কুরনুল অমসুং অন্ধ্র প্রদেস শীনবা থুংনা থোক্লক্লগনি। ওপরেসন সিন্দুর মনুংদা দ্রোনশিং মাইপাকখি অমসুং লাক্লিবা চহিশিংদা দ্রোন সেক্তরদা কুরনুল লৈবাক অসিগী মপাঙ্গল অমা ওইরগনি।

মরুপশিং,

লেপ্তনা অওনবশিং পুরক্তুনা মীয়ামগী চাউখৎ-থৌরাং পায়খৎপা হায়বসি ঐখোয়গী সরকারগী পান্দমনি। অনৌবা অওনবশিংগী খুৎথাংদা ঐখোয়না মীয়াম হিংবদা লাইহল্লে। হৌজিক লৈবাক অসিদা লুপা লাখ ১২ ফাওবা ইনকম তেক্স লৌদ্রে। মমল হোংবা হিদাকশিং, মমল হোংবা অনা-লায়য়েং অমসুং অহলশিংগী অয়ুস্মান কার্দশিংগুম্বা থবকশিংনা হিংবদা লাইনবা অনৌবা ষুগ অমা হৌরে।

মরুপশিং,

নবরাত্রিগী অহানবা নুমিত্তগী জি.এস.তি অঙকপা ফংনা হন্থরে। নারা লোকেস গারুগী লমজিং মখাদা জি.এস.তি বচত উৎসবগী হরাওবা ফোঙদোকপা উবা ঐ হরাওই। অদোম্না মাইপাক্না “সুপর জি.এস.তি-সুপর সেভিংস” কেম্পেন পাংথোক্লে। জি.এস.তিগী অওনবশিং অসিনা অন্ধ্র প্রদেসকী মীয়ামগী লুপা করোর ৮,০০০ রোম কনবা ঙমগনি হায়বা ঐ খঙলে। মসিনা কুহ্মৈগী হরাওবা হেনগৎহল্লে। ‘ভোকেল ফোর লোকেল’ গী ৱাশক্কা লোয়ননা জি.এস.তি সেভিংস ফেষ্টিবেল পাংথোক্কদবনি।

মরুপশিং,

অন্ধ্র প্রদেস চাউখৎপগী খুৎথাংদা বিকসিত ভারত অমগী মঙলান মঙফাওনগনি। অনৌবা প্রোজেকশিং অসিগীদমক রাজ্য অসিগী মীয়াম ঐনা অমুক হন্না থাগৎপা ফোঙদোকচরি। ঐগা লোয়ননা হায়মিন্নসি, ভারত মাতা কি জয়। অয়েকপা লাইশিংগা লোয়ননা মফম অসিদা অঙাং অনি মতম শাংনা লেপতুনা ঙাইরক্লি। চানবীদুনা ঐখোয়গী এস.পি.জি পর্সোনেলনা লাইশিং অদু মখোয়দগী লৌশিনবীয়ু। ঐগা লোয়ননা হায়মিন্নসি-

ভারত মাতা কি জয়!

ভারত মাতা কি জয়!

ভারত মাতা কি জয়!

অদোম থাগৎপা ফোঙদোকচরি।

***