ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇ.ಪಿ.ಎಫ್.ಒ) ಅಡಿಯಲ್ಲಿ ಇತ್ತೀಚಿನ ಮಾಡಲಾಗಿರುವ ನೂತನ ಸುಧಾರಣೆಗಳು ಮತ್ತು ನಿಬಂಧನೆಗಳ ಬಗ್ಗೆ ಸಾಮಾಜಿಕ ಮಾಧ್ಯಮ ಸಂದೇಶಗಳು ತಪ್ಪುದಾರಿಗೆಳೆಯುವ ಸುದ್ದಿ/ ಮಾಹಿತಿಗಳ ಮೂಲಕ ತಪ್ಪು ಆರೋಪ/ಹಕ್ಕುಗಳನ್ನು ಮಾಡಿವೆ. ಹಿಂಪಡೆಯುವಿಕೆ ನಿಯಮಗಳು, ಅರ್ಹತಾ ಷರತ್ತುಗಳು ಮತ್ತು ಸದಸ್ಯರ ಭವಿಷ್ಯ ನಿಧಿ ಬಾಕಿಗಳಿಗೆ ಪ್ರವೇಶಕ್ಕೆ ಸಂಬಂಧಿಸಿದ ಸಂಗತಿಗಳನ್ನು ಈ ಸಂದೇಶಗಳು ವಿರೂಪಗೊಳಿಸುತ್ತಿವೆ, ಚಂದಾದಾರರಲ್ಲಿ ಗೊಂದಲವನ್ನು ಸೃಷ್ಟಿಸುತ್ತಿವೆ. ಪ್ರಸಾರವಾಗುತ್ತಿರುವ ಹಕ್ಕುಗಳು/ ಮಾಹಿತಿ / ವಿಷಯಗಳು ವಾಸ್ತವಿಕವಾಗಿ ತಪ್ಪಾಗಿದ್ದು, ದಾರಿತಪ್ಪಿಸುತ್ತಿವೆ ಎಂದು ಈ ಮೂಲಕ ಸ್ಪಷ್ಟಪಡಿಸಲಾಗಿದೆ.

ಸಂಘಟಿತ ವಲಯದ ಲಕ್ಷಾಂತರ ಕಾರ್ಮಿಕರಿಗೆ ದೀರ್ಘಕಾಲೀನ ಸಾಮಾಜಿಕ ಭದ್ರತೆಯನ್ನು ಖಾತ್ರಿಪಡಿಸುವಲ್ಲಿ ಇ.ಪಿ.ಎಫ್.ಒ ನಿರ್ಣಾಯಕ ಪಾತ್ರ ವಹಿಸುತ್ತದೆ. ಕೇಂದ್ರ ಟ್ರಸ್ಟಿಗಳ ಮಂಡಳಿಯ (ಸಿ.ಬಿ.ಟಿ) ಇತ್ತೀಚಿನ ನಿರ್ಧಾರವು ನಿವೃತ್ತಿಯ ಸಮಯದಲ್ಲಿ ಯೋಗ್ಯವಾದ ಹೆಚ್ಚುವರಿ ನಿಧಿ(ಕಾರ್ಪಸ್)ಯೊಂದಿಗೆ ವಿವಿಧ ಅಗತ್ಯಗಳಿಗಾಗಿ ಬಹಳ ಉದಾರ ಮತ್ತು ಸರಳೀಕೃತ ವಾಪಸಾತಿ ಆಯ್ಕೆಗಳ ನಡುವಿನ ಉತ್ತಮ ಸಮತೋಲನವನ್ನು ಪ್ರತಿಬಿಂಬಿಸುತ್ತದೆ ಮತ್ತು ಸದಸ್ಯರಿಗೆ ಸುಲಭ ಜೀವನವನ್ನು ಖಚಿತಪಡಿಸುತ್ತದೆ. ಪ್ರಸ್ತಾವಿತ ಬದಲಾವಣೆಗಳನ್ನು ಉದ್ಯೋಗದಾತ ಮತ್ತು ಉದ್ಯೋಗಿ ಪ್ರತಿನಿಧಿಗಳನ್ನು ಒಳಗೊಂಡ ತ್ರಿಪಕ್ಷೀಯ ಸಮಿತಿಯಾದ ಇ.ಪಿ.ಎಫ್.ಒ. ನ ಹಣಕಾಸು ಮತ್ತು ಲೆಕ್ಕಪರಿಶೋಧನಾ ಸಮಿತಿಯು ಶಿಫಾರಸು ಮಾಡಿದೆ. ಈ ಬದಲಾವಣೆಗಳನ್ನು ಉದ್ಯೋಗಿ, ಉದ್ಯೋಗದಾತ ಮತ್ತು ರಾಜ್ಯ ಪ್ರತಿನಿಧಿಗಳನ್ನು ಹೊಂದಿರುವ ಸಿಬಿಟಿ ಅನುಮೋದಿಸಿದೆ. ಆದ್ದರಿಂದ, ಎಲ್ಲಾ ಪಾಲುದಾರರೊಂದಿಗೆ ವ್ಯಾಪಕ ಸಮಾಲೋಚನೆಯ ನಂತರ ನೂತನ ಬದಲಾವಣೆಗಳನ್ನು ಮಾಡಲಾಗಿದೆ.

ಈ ಹಿಂದೆ, ವಿಭಿನ್ನ ಕನಿಷ್ಠ ಸೇವಾ ಅವಧಿಯ ವಿಷಯದಲ್ಲಿ ಸಂಕೀರ್ಣ ಅರ್ಹತಾ ಮಾನದಂಡಗಳು ನಿರಾಕರಣೆ/ವಿಳಂಬಗಳಿಗೆ ಕಾರಣವಾಗಿದ್ದವು. ಭಾಗಶಃ ಹಿಂಪಡೆಯುವಿಕೆಗೆ ಹಲವಾರು ನಿಬಂಧನೆಗಳು ಸದಸ್ಯರಿಗೆ ಗೊಂದಲ ಮತ್ತು ವಾಪಸಾತಿ ಹಕ್ಕುಗಳ ಆಗಾಗ್ಗೆ ತಿರಸ್ಕಾರಕ್ಕೆ ಕಾರಣವಾಯಿತು. ಅಸ್ತಿತ್ವದಲ್ಲಿರುವ 13 ವಿಧದ ಭಾಗಶಃ ಹಿಂಪಡೆಯುವಿಕೆ ನಿಬಂಧನೆಗಳನ್ನು ಈಗ ಒಂದು ಏಕೀಕೃತ ಮತ್ತು ಸರಳೀಕೃತ ಚೌಕಟ್ಟಿನಲ್ಲಿ ವಿಲೀನಗೊಳಿಸಲಾಗಿದೆ. ನಿಯಮಗಳ ಸರಳೀಕರಣದ ಮೊದಲು, ಸದಸ್ಯರು ಉದ್ಯೋಗಿ ಕೊಡುಗೆ ಮತ್ತು ಬಡ್ಡಿಯನ್ನು 50-100% ವರೆಗಿನ ಹಿಂಪಡೆಯಲು ಮಾತ್ರ ಅನುಮತಿಸಲಾಗಿತ್ತು. ಈಗ, ಹಿಂಪಡೆಯಬಹುದಾದ ಮೊತ್ತವು ಉದ್ಯೋಗಿ ಕೊಡುಗೆ ಮತ್ತು ಬಡ್ಡಿಯ ಜೊತೆಗೆ ಉದ್ಯೋಗದಾತರ ಕೊಡುಗೆಯನ್ನು ಸಹ ಒಳಗೊಂಡಿರುತ್ತದೆ. ಪರಿಣಾಮವಾಗಿ, ಈಗ ಹಿಂಪಡೆಯಬಹುದಾದ ಅರ್ಹ ಮೊತ್ತದ 75% ಹಿಂದಿನ ನಿಬಂಧನೆಗಳ ಅಡಿಯಲ್ಲಿ ಉದ್ಯೋಗಿ (ಅವನು/ಅವಳು) ಹಿಂಪಡೆಯಬಹುದಾದ ಮೊತ್ತಕ್ಕಿಂತ ಹೆಚ್ಚಿನದಾಗಿರುತ್ತದೆ. ಹಿಂದೆ ಅಸ್ತಿತ್ವದಲ್ಲಿದ್ದ ಏಳು ವರ್ಷಗಳವರೆಗೆ ವಿಭಿನ್ನ ಅರ್ಹತಾ ಅವಧಿಗಳು ಇದ್ದವು, ಇವುಗಳನ್ನು ಈಗ ಎಲ್ಲಾ ರೀತಿಯ ಹಿಂಪಡೆಯುವಿಕೆಗಳಿಗೆ 12 ತಿಂಗಳುಗಳಲ್ಲಿ ಏಕರೂಪವಾಗಿ ನಿಗದಿಪಡಿಸಲಾಗಿದೆ, ಇದು ಅರ್ಥಮಾಡಿಕೊಳ್ಳುವ ಸುಲಭತೆಯನ್ನು ಸೃಷ್ಟಿಸುತ್ತದೆ ಮತ್ತು ಆರಂಭಿಕ ಹಿಂಪಡೆಯುವಿಕೆಯನ್ನು ಸುಗಮಗೊಳಿಸುತ್ತದೆ.

ಆದ್ದರಿಂದ ಈಗ ಉದ್ಯೋಗಿ ಕೇವಲ 12 ತಿಂಗಳ ಅವಧಿಯ ನಂತರ ಹೆಚ್ಚು ಮತ್ತು ಮುಂಚಿತವಾಗಿ ಹಣ ಹಿಂಪಡೆಯಬಹುದು.

ಇದಲ್ಲದೆ, ಪುನರಾವರ್ತಿತ ಹಿಂಪಡೆಯುವಿಕೆಗಳು ನಿವೃತ್ತಿಯ ಸಮಯದಲ್ಲಿ ಸಾಕಷ್ಟು ಪಿಎಫ್ ಬ್ಯಾಲೆನ್ಸ್ಗೆ ಕಾರಣವಾಯಿತು. ಪಿಎಫ್ ಸದಸ್ಯರಲ್ಲಿ 50% ರಷ್ಟು ಜನರು ಪಿಎಫ್ ಬ್ಯಾಲೆನ್ಸ್ನಲ್ಲಿ 20,000 ರೂ. ಗಿಂತ ಕಡಿಮೆ ಮತ್ತು ಅಂತಿಮ ಇತ್ಯರ್ಥದ ಸಮಯದಲ್ಲಿ 75% ರಷ್ಟು ಜನರು 50,000 ರೂ. ಗಿಂತ ಕಡಿಮೆ ಹೊಂದಿದ್ದರು. ಪದೇ ಪದೇ ಹಿಂಪಡೆಯುವಿಕೆಯಿಂದಾಗಿ, ಕಡಿಮೆ ಸಂಬಳ ಹೊಂದಿರುವ ಕಾರ್ಮಿಕರು @8.25% ಸಂಯುಕ್ತಗೊಳಿಸುವುದರಿಂದಾಗುವ ಪ್ರಯೋಜನಗಳನ್ನು ಅರಿತುಕೊಳ್ಳಲಿಲ್ಲ / ಈ ಕುರಿತು ಮಾಹಿತಿ ಇರಲಿಲ್ಲ ಮತ್ತು ಇದರಿಂದಾಗಿ ಅವರ ಕೆಲಸದ ಜೀವನದ ಕೊನೆಯಲ್ಲಿ ಹೆಚ್ಚಿನ ಸಾಮಾಜಿಕ ಭದ್ರತೆಯನ್ನು ಕಳೆದುಕೊಳ್ಳುತ್ತಾರೆ. ಅದಕ್ಕಾಗಿಯೇ, ಸಿ.ಬಿ.ಟಿಯ ನಿರ್ಧಾರದ ಪ್ರಕಾರ, ನಿವೃತ್ತಿಯ ಸಮಯದಲ್ಲಿ ಸುರಕ್ಷತಾ ಜಾಲವಾಗಿ ಗೌರವಾನ್ವಿತ ಕಾರ್ಪಸ್ ಅನ್ನು ಖಚಿತಪಡಿಸಿಕೊಳ್ಳಲು ಮತ್ತು ದೀರ್ಘಾವಧಿಯ ಸಾಮಾಜಿಕ ಭದ್ರತೆಯನ್ನು ಒದಗಿಸಲು 25% ಕೊಡುಗೆಯನ್ನು ಉಳಿಸಿಕೊಳ್ಳಬೇಕಾಗಿದೆ.

ನಿರುದ್ಯೋಗದ ಸಂದರ್ಭದಲ್ಲಿ, 75% ಪಿ.ಎಫ್. ಬ್ಯಾಲೆನ್ಸ್ (ಅದು ಉದ್ಯೋಗದಾತ ಮತ್ತು ಉದ್ಯೋಗಿ ಕೊಡುಗೆ ಮತ್ತು ಗಳಿಸಿದ ಬಡ್ಡಿಯನ್ನು ಒಳಗೊಂಡಿದೆ) ತಕ್ಷಣವೇ ಹಿಂಪಡೆಯಬಹುದು. ಉಳಿದ 25% ಅನ್ನು ಒಂದು ವರ್ಷದ ನಂತರವೂ ಹಿಂಪಡೆಯಬಹುದು. 55 ವರ್ಷಗಳ ಸೇವೆಯನ್ನು ಪಡೆದ ನಂತರ ನಿವೃತ್ತಿ, ಶಾಶ್ವತ ಅಂಗವೈಕಲ್ಯ, ಕೆಲಸ ಮಾಡಲು ಅಸಮರ್ಥತೆ, ವಜಾಗೊಳಿಸುವಿಕೆ, ಸ್ವಯಂಪ್ರೇರಿತ ನಿವೃತ್ತಿ ಅಥವಾ ಭಾರತವನ್ನು ಶಾಶ್ವತವಾಗಿ ತೊರೆಯುವುದು ಇತ್ಯಾದಿಗಳ ಸಂದರ್ಭದಲ್ಲಿ ಸಂಪೂರ್ಣ ಪಿ.ಎಫ್. ಬ್ಯಾಲೆನ್ಸ್ (25% ಕನಿಷ್ಠ ಬ್ಯಾಲೆನ್ಸ್ ಸೇರಿದಂತೆ) ಪೂರ್ಣವಾಗಿ ಹಿಂಪಡೆಯಲು ಸಹ ಅನುಮತಿಸಲಾಗಿದೆ.

58 ವರ್ಷ ವಯಸ್ಸಿನಲ್ಲಿ ಪಿಂಚಣಿ ಅರ್ಹತೆಯು ಪ್ರಸ್ತಾವಿತ ಬದಲಾವಣೆಗಳಿಂದ ಸಂಪೂರ್ಣವಾಗಿ ಪರಿಣಾಮ ಬೀರುವುದಿಲ್ಲ. ಈ 10 ವರ್ಷಗಳಲ್ಲಿ ಯಾವುದೇ ಸಮಯದಲ್ಲಿ 10 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸುವ ಮೊದಲು ಸದಸ್ಯರು ಪಿಂಚಣಿ ಖಾತೆಯಲ್ಲಿ ಸಂಗ್ರಹವನ್ನು ಹಿಂಪಡೆಯಬಹುದು. ಹಾಗೂ, ನಿವೃತ್ತಿಯ ಸಮಯದಲ್ಲಿ ಪಿಂಚಣಿಗೆ ಅರ್ಹತೆ ಪಡೆಯಲು, ಸದಸ್ಯರು ಕನಿಷ್ಠ 10 ವರ್ಷಗಳ ಇ.ಪಿ.ಎಸ್ ಸದಸ್ಯತ್ವವನ್ನು ಪೂರ್ಣಗೊಳಿಸಬೇಕು. ಸುಮಾರು 75% ಪಿಂಚಣಿ ಸದಸ್ಯರು ತಮ್ಮ ಸಂಪೂರ್ಣ ಪಿಂಚಣಿ ಮೊತ್ತವನ್ನು ನಾಲ್ಕು ವರ್ಷಗಳ ಸೇವೆಯೊಳಗೆ, ಅಂದರೆ 10 ವರ್ಷಗಳಿಗಿಂತ ಕಡಿಮೆ ಅವಧಿಯಲ್ಲಿ ಹಿಂಪಡೆಯುತ್ತಾರೆ, ಇದು ಅವರ ಸದಸ್ಯತ್ವವನ್ನು ಕೊನೆಗೊಳಿಸುತ್ತದೆ ಮತ್ತು ಸದಸ್ಯರನ್ನು ಭವಿಷ್ಯದ ಪಿಂಚಣಿ ಮತ್ತು ಸಾಮಾಜಿಕ ಭದ್ರತಾ ಪ್ರಯೋಜನಗಳಿಗೆ ಅನರ್ಹಗೊಳಿಸುತ್ತದೆ. ಹೆಚ್ಚುವರಿಯಾಗಿ, ಪಿಂಚಣಿ ನಿಧಿಯನ್ನು ಹಿಂಪಡೆಯದಿದ್ದರೆ, ಸದಸ್ಯರ ಮರಣದ ಸಂದರ್ಭದಲ್ಲಿ ಕೊಡುಗೆಗಳು ನಿಂತ ನಂತರವೂ ಸದಸ್ಯರ ಕುಟುಂಬವು ಮೂರು ವರ್ಷಗಳವರೆಗೆ ಪಿಂಚಣಿ ಪ್ರಯೋಜನಗಳಿಗೆ ಅರ್ಹವಾಗಿರುತ್ತದೆ. ಒಮ್ಮೆ ಹಿಂತೆಗೆದುಕೊಂಡರೆ, ಈ ಪ್ರಯೋಜನವು ನಿಂತು/ಕಳೆದು/ಕಡಿತವಾಗಿ ಹೋಗುತ್ತದೆ.

ಸದಸ್ಯರು ಪಿಂಚಣಿ ಪಡೆಯಲು 10 ವರ್ಷಗಳ ಅರ್ಹತೆಯನ್ನು ಪೂರೈಸಲು ಪ್ರೋತ್ಸಾಹಿಸಲು ಮತ್ತು ಅವರ ಕುಟುಂಬವು ಸುಮಾರು 10 ವರ್ಷಗಳ ಪ್ರಯೋಜನಗಳಿಗೆ ಅರ್ಹರಾಗಲು ಅನುವು ಮಾಡಿಕೊಡಲು ಅವರ ಮರಣದ ನಂತರ, ಪ್ರಸ್ತಾವಿತ ನಿಬಂಧನೆಯು ಸದಸ್ಯರಿಗೆ 2 ತಿಂಗಳ ಬದಲು 36 ತಿಂಗಳ ನಂತರ ಪಿಂಚಣಿ ಸಂಗ್ರಹವನ್ನು ಹಿಂಪಡೆಯಲು ಅನುವು ಮಾಡಿಕೊಡುತ್ತದೆ. ಇದು ಸದಸ್ಯ ಮತ್ತು ಅವರ ಕುಟುಂಬಕ್ಕೆ ಪಿಂಚಣಿ ರೂಪದಲ್ಲಿ ದೀರ್ಘಾವಧಿಯ ಸಾಮಾಜಿಕ ಭದ್ರತೆಯನ್ನು ಖಚಿತಪಡಿಸುತ್ತದೆ.

ಇ.ಪಿ.ಎಫ್.ಒ ಸಾಮಾಜಿಕ ಭದ್ರತೆಯ ವಿಷಯದಲ್ಲಿ ದೀರ್ಘಾವಧಿಯ ರಕ್ಷಣೆಯನ್ನು ನೀಡುತ್ತದೆ ಮತ್ತು ಇ.ಪಿ.ಎಫ್.ಒ ಹಣವನ್ನು ಬ್ಯಾಂಕ್ ಖಾತೆಯಾಗಿ ಬಳಸಬಾರದು. ಇದಲ್ಲದೆ, ಇ.ಪಿ.ಎಫ್ ಮತ್ತು ಎಂ.ಪಿ. ಕಾಯ್ದೆ, 1952, ತಿಂಗಳಿಗೆ ₹15,000 ವರೆಗೆ ವೇತನ ಪಡೆಯುವ 20 ಅಥವಾ ಅದಕ್ಕಿಂತ ಹೆಚ್ಚು ಜನರನ್ನು ನೇಮಿಸಿಕೊಳ್ಳುವ ಸಂಸ್ಥೆಗಳಿಗೆ ಇಪಿಎಫ್ ವ್ಯಾಪ್ತಿಯನ್ನು ಯಾವಾಗಲೂ ಕಡ್ಡಾಯಗೊಳಿಸಿದೆ. ಇದರ ಹೊರತಾಗಿಯೂ, ₹15,000 ಕ್ಕಿಂತ ಹೆಚ್ಚು ವೇತನ ಪಡೆಯುವ ಸುಮಾರು 35% ಇ.ಪಿ.ಎಫ್.ಒ ಸದಸ್ಯರು ಮತ್ತು ಸುಮಾರು 15% ಸಂಸ್ಥೆಗಳು (ಸುಮಾರು 1.06 ಲಕ್ಷ) ಸ್ವಯಂಪ್ರೇರಣೆಯಿಂದ ಇ.ಪಿ.ಎಫ್.ಒ ಗೆ ಸೇರಿರುತ್ತಾರೆ, ಇದು ಸಂಸ್ಥೆಯ ಮೇಲಿನ ಅವರ ನಂಬಿಕೆ ಮತ್ತು ವಿಶ್ವಾಸವನ್ನು ಪುನರುಚ್ಚರಿಸುತ್ತದೆ.

ಹೊಸ ನಿಯಮಗಳು ನಿರುದ್ಯೋಗ ಹೆಚ್ಚಳದ ಸರ್ಕಾರದ ನಿರೀಕ್ಷೆಯನ್ನು ಪ್ರತಿಬಿಂಬಿಸುತ್ತವೆ ಎಂಬ ಸಾಮಾಜಿಕ ಮಾಧ್ಯಮ ಸಂದೇಶ/ಮಾಹಿತಿ/ಸುದ್ದಿಗಳಲ್ಲಿ ಹರಡುತ್ತಿರುವ ಹೇಳಿಕೆಗಳು ಸಂಪೂರ್ಣ ಆಧಾರರಹಿತವಾಗಿದೆ. ಅಧಿಕೃತ ಅಂಕಿಅಂಶಗಳ ಪ್ರಕಾರ, 2024–25ರಲ್ಲಿ 1.29 ಕೋಟಿಗೂ ಹೆಚ್ಚು ಕಾರ್ಮಿಕರನ್ನು ವೇತನ ಪಟ್ಟಿಗೆ ಸೇರಿಸಲಾಯಿತು ಮತ್ತು ನಿರುದ್ಯೋಗ ದರವು 2023–24ರಲ್ಲಿ ಕನಿಷ್ಠತಮ 3.2% ಕ್ಕೆ ಇಳಿದಿದೆ, ಇದು 2017–18ರಲ್ಲಿ ಗರಿಷ್ಠತಮ 6% ರಷ್ಟಿತ್ತು.

ಇ.ಪಿ.ಎಫ್.ಒ ಸುಮಾರು ರೂ. 28 ಲಕ್ಷ ಕೋಟಿ ಹೆಚ್ಚುವರಿ ಹಣಕಾಸು ನಿಧಿ(ಕಾರ್ಪಸ್)ಯನ್ನು ನಿರ್ವಹಿಸುತ್ತಿದೆ ಮತ್ತು ಅದರ ದೃಢತೆ, ಭದ್ರತೆ ಮತ್ತು ಹೆಚ್ಚಿನ ಆದಾಯದಿಂದಾಗಿ (ಹಲವು ಸಂದರ್ಭಗಳಲ್ಲಿ ತೆರಿಗೆ ಮುಕ್ತ) ಕೋಟ್ಯಂತರ ಸದಸ್ಯರ ವಿಶ್ವಾಸವನ್ನು ಗಳಿಸಿದೆ. ಪಾರದರ್ಶಕತೆ ಮತ್ತು ದಕ್ಷತೆಗಾಗಿ ಕಾರ್ಯವಿಧಾನಗಳನ್ನು ಸರಳೀಕರಿಸುವುದು ಮತ್ತು ಡಿಜಿಟಲ್ ಪ್ರವೇಶವನ್ನು ಬಲಪಡಿಸುವುದನ್ನು ಮುಂದುವರಿಸುವುದರೊಂದಿಗೆ, 30 ಕೋಟಿಗೂ ಹೆಚ್ಚು ಸದಸ್ಯರ ಸಾಮಾಜಿಕ ಭದ್ರತಾ ಹಿತಾಸಕ್ತಿಗಳನ್ನು ಕಾಪಾಡಲು ಸಂಸ್ಥೆ ಸದಾ ಬದ್ಧವಾಗಿದೆ.

ಸದಸ್ಯರು ಮತ್ತು ಸಾರ್ವಜನಿಕರು ನಿಖರವಾದ ಮಾಹಿತಿಗಾಗಿ ಕೇಂದ್ರ  ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯ ಮತ್ತು ಇ.ಪಿ.ಎಫ್.ಒ ಹೊರಡಿಸಿದ ಅಧಿಕೃತ ಸಂವಹನ ಮತ್ತು ಸುತ್ತೋಲೆಗಳನ್ನು ಮಾತ್ರ ಅವಲಂಬಿಸುವಂತೆ ಮತ್ತು ಆಧಾರರಹಿತ ದಾರಿತಪ್ಪಿಸುವ ಸಾಮಾಜಿಕ ಮಾಧ್ಯಮ ಸಂದೇಶ/ಮಾಹಿತಿ/ಸುದ್ದಿಗಳನ್ನು ಅವಲಂಬಿಸದಂತೆ ಈ ಮೂಲಕ ಸೂಚಿಸಲಾಗಿದೆ.

****