প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা "মল্তিদিস্সিপ্লিনরী এজুকেসন এন্দ রিসর্চ ইন তেক্নিকেল এজুকেসন" (MERITE) স্কিম অসি ইঞ্জিনীয়রিং ইন্সতিত্যুসন ১৭৫ অমসুং পোলিতেক্নিক ১০০ য়াওনা তেক্নিকেল ইন্সতিত্যুসন ২৭৫দা চৎনহন্নবা প্রপোজেল অদু অয়াবা পীখ্রে। স্কিম অসিগী পান্দমদি নেস্নেল এজুকেস্নেল পোলিসী-২০২০ (NEP-২০২০) গী মতুং ইন্না ইন্তর্ভেন্সনশিং পায়খৎতুনা রাজ্য/য়ু.তি. পুম্নমক কোনশিন্দুনা তেক্নিকেল এজুকেসনদা ক্বালিতী, ইক্বিতী অমসুং গভর্নান্স ফগৎহনবনি।

মসি ২০২৫-২৬দগী ২০২৯-৩০ ফাওবগী মতমগী ওইনা লুপা করোর ৪২০০গী অপুনবা শেন-থুমগী ইম্প্লিকেসন য়াওবা 'সেন্ত্রেল সেক্তর স্কিম' অমনি। লুপা করোর ৪২০০গী মনুংদা, লুপা করোর ২১০০গী এক্সতর্নেল এসিস্তেন্স অমা ৱর্ল্দ বেঙ্কতগী লোন ওইনা পীরগনি।

কান্নবশিং:

স্কিম অসিগী মখাদা চাউরাক্না সরকার/ গভর্নমেন্ত-এদেদ তেক্নিকেল ইন্সতিত্যুসন ২৭৫ খনগৎলগনি অমসুং মতেং পাংগনি হায়না পানরি। মসিগী মনুংদা খনগৎলবা নেস্নেল ইন্সতিত্যুৎ ওফ তেক্নোলোজী (NIT), স্তেৎ ইঞ্জিনীয়রিং ইন্সতিত্যুৎশিং, পোলিতেক্নিক অমসুং এফিলিয়েতিং তেক্নিকেল য়ুনিভর্সিতীশিং (ATU) য়াওগনি। মসিগী মথক্তা, রাজ্য/য়ু.তি. দিপার্তমেন্তশিংনা হেন্দল তৌবা তেক্নিকেল এজুকেসন সেক্তর অসিসু MERITE স্কিমগী খুত্থাংদা মতেং পাংগনি। মসিগী মথক্তা, মহৈরোই লাখ ৭.৫ রোমনা স্কিম অসিগী কান্নবা ফংগনি।

থবক পীবা য়াওনা পীরিবা কান্নবা:

স্কিম অসিদগী পানরিবা মরু ওইবা আউৎপুৎশিং/ আউৎকমশিং অদুদি:

1. শরুক য়ারিবা রাজ্যশিং/য়ু.তি.শিংদা দিজিতেলাইজেসন স্ত্রেতেজীশিং,
2. তেক্নিকেল কোর্সশিংদা মল্তিদিস্সিপ্লিনরী প্রোগ্রামশিংগীদমক গাইদলাইনশিং দিবেলপ তৌবা,
3. মহৈরোয়শিংগী লর্নিং অমসুং এমপ্লোইএবিলিতী স্কিলশিংদা হেনগৎহনবা,
4. স্তুদেন্ত গ্রুপশিংগী মরক্তা মহৈরোয়শিংগী ত্রাঞ্জিসন রেৎ হেনগৎহনবা,
5. রিসর্চ অমসুং ইন্নোভেসন এনভাইর্নমেন্ত মপাঙ্গল কনখৎহনবা,
6. লোং-তর্ম বেনিফিৎশিং ফংহল্লিবা হেন্না ফবা ক্বালিতী এস্যুরেন্স অমসুং গভর্নান্স মেকানিজমশিং,

• vii. এক্রেদিতেসন হেনগৎহনবা অমসুং তেক্নিকেল এজুকেসন ইন্সতিত্যুসন – লেবেল ক্বালিতী এস্যুরেন্স ফগৎহনবা,

8. মরী লৈনবা, লেবর মার্কেৎ-এলাইন করিকুলমশিং অমসুং ব্লেন্দেদ কোর্সশিং দিবেলপ তৌবা অমসুং রোল আউৎ তৌবা অমসুং
9. তুংগী একাদেমিক এদমিনিস্ত্রেতরশিং মরু ওইনা নুপী ফেকলতী দিবেলপ তৌবা।

ইমপ্লিমেন্ত তৌবগী লালোং অমসুং পান্দমশিং

স্কিম অসি রাজ্য/য়ু.তি. পুম্নমক্তা লৈরিবা সরকারগী ইঞ্জিনীয়রিং ইন্সতিত্যুসনশিং অমসুং পোলিতেক্নিকশিংদা পায়খৎকনি। ইন্তর্ভেন্সনশিং অসি NEP-২০২০গী পরিং মখাদনি অমসুং শরুক য়ারিবা ইন্সতিত্যুসনশিংগী ক্বালিতী, ইক্বিতী অমসুং গভর্নান্স হেনগৎহন্নবা পান্দম থম্লি। মসি সেন্ত্রেল সেক্তর স্কিম অমা ওইনা ইমপ্লিমেন্ত তৌগনি অমসুং সেন্ত্রেল নোদেল এজেন্সী অমগী খুত্থাংদা শরুক য়াবা এন্তিতীশিংদা সেন্ত্রেল গভর্নমেন্তদগী ফন্দ ত্রান্সফর তৌবগী ফেসিলিতী লৈগনি।

IITশিং অমসুং IIMশিংগুম্বা মমিং লৈরবা এজুকেস্নেল ইন্সতিত্যুসনশিং অমসুং AICTE, NBA অসিনচিংবা হায়র এজুকেসন সেক্তরগী রেগুলেতরী বোদীশিংসু স্কিম অসি ইমপ্লিমেন্ত তৌবদা মরু ওইবা থৌদাং লৌগনি।

থবক পীবা:

ইনিসিএতিব অসিনা মপুং ফাবা, মল্তি-ফেসেতেদ এপ্রোচ অমগী খুত্থাংদা মহৈরোয়শিংগী স্কিল হেনগৎহন্দুনা মখোয়গী এমপ্লোইএবিলিতী ফগৎহনবদা মরুওইবা পীরি। মরুওইবা ইন্তর্ভেন্সনশিংগী মনুংদা ইন্তর্নশিপকী খুদোংচাবশিং পীবা, ইন্দস্ত্রীগী মথৌ তাবশিংগা মান্ননবা করিকুলমশিং অপদেৎ তৌবা, ফেকল্তী দিবেলপমেন্ত প্রোগ্রামশিং ওর্গানাইজ তৌবা, অমসুং রিসর্চ হবশিং লিংখৎপা য়াওরি। মসিগী মথক্তা, ইনক্যুবেসন অমসুং ইন্নোবেসন সেন্তরশিং, স্কিল অমসুং মেকর লেবশিং, অমসুং লোলগী ৱার্কশোপশিংদা মতেং পীগনি। মসিগী খোঙথাংশিং অসিনা ফ্রেশ গ্রেজুএৎশিংগী থবক ফংহনবদা মতেং পাংগনি। মসিনা প্লেসমেন্ত রেৎ হেনগৎহল্লগনি অমসুং রাজ্যশিং অমসুং য়ুনিয়ন তেরিতোরীশিংদা ইঞ্জিনীয়রিংগী মহৈরোয়শিংগী মরক্তা থবক ফংদবগী চাং হন্থহল্লগনি।

বেকগ্রাউন্দ:

লৈবাক অসিগী সস্তেনেবল অমসুং ইনক্লুসিব গ্রোথ অসি একাদমিক অমসুং রিসর্চ স্তেন্দর্দশিং হেনগৎহন্নবা লেপ্পা লৈতনা হোৎনরিবা তেক্নোলোজীগী খুমাং চা‌উশিল্লকপগী মখা পোল্লি। রিসর্চনা অনৌবা পুথোকপবু পুক্নিং থৌগৎলি, মসি হৌজিক মতমগী অরুবা শিংনবশিং থেংনবদা তঙাইফদবা অমনি অমসুং মসিনা তুং কোইনা লৈহৌবা অফবা ইথিল অমা পীরি। অসিগুম্বা থৌওং অসিগা লোয়ননা ৱার্ল্দ বেঙ্ককা খুৎশম্নদুনা MERITE স্কিম শেম্লে। নেস্নেল এজুকেসন পোলিসী-২০২০দা হায়র এজুকেসন সেক্তরদা খল্লবা রিফোর্মশিং অসি স্কিম অসিগীদমক্তা শেমখিবা ইন্তর্ভেন্সনশিংগী য়ুম্ফম ওইরি।

পোলিসী অসিগী মরুওইবা রিফোর্ম এরিয়াশিংদা করিকুলম, পেদাগোজী, এসেসমেন্ত, তেক্নিকেল কোর্সশিংগী মরক্তা মল্তিদিস্সিপ্লিনরী প্রোগ্রামশিং শেমগৎপা, রিসর্চ ইকোসিস্তেম মপাঙ্গল কনখৎহনবা, তুংগী একাদমিক এদমিনিস্ত্রেতরশিং শেমগৎপা, ফেকল্তী স্কিল অপগ্রেদেসন, তেক্নিকেল এজুকেসন্দা জেন্দর গেপশিং কোকহনবা অমসুং দিজিতেল দিভাইদ হন্থহনবা অসিনচিংবা য়াওরি।

শরুক য়ারিবা রাজ্যশিং/য়ু.তি.শিং অসি মরু ওইবা স্তেকহোল্দরশিংনি। স্কিম অসি ইমপ্লিমেন্ত তৌবদা মখোয়না মরু ওইবা থৌদাং অমা লৌরি অমসুং মখোয়গী ৱাখল্লোনশিং অমসুং মীফম কয়া অমসুং কন্সল্তেসন কয়াগী মনুংদা ফংখিবা পাউতাকশিং অসি দিজাইন তৌবদা মতিক চাবা মওংদা খন্নখি।

***