প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি নেস্নেল স্পোর্তস পোলিসী (এন.এস.পি.) ২০২৫গী অয়াবা পীখ্রে। মসি লৈবাক অসিগী স্পোর্তস লেন্দস্কেপ শেমদোক্নবা অমসুং স্পোর্তসকী খুত্থাংদা নাগরিকশিংবু শক্তি লৈহন্নবা পান্দম থম্লিবা মরুওইবা খোঙথাং অমনি।

অনৌবা পোলিসী অসিনা হৌজিক লৈরিবা নেস্নেল স্পোর্তস পোলিসী, ২০০১গী মহুৎ শিনখ্রে অমসুং ভারতপু মালেমগী স্পোর্তস পাৱরহাউস অমা ওইনা অমসুং ২০৩৬ ওলিম্পিক গেমস য়াওনা ইন্তর্নেস্নেল স্পোর্তস ইভেন্তশিংদা মপাঙ্গল কনবা কন্তিদেন্ত অমা ওইনা লিংখৎনবা ভিজনরী অমসুং স্ত্রেতেজিক রোদমেপ অমা শেমখ্রে।

এন.এস.পি. ২০২৫ অসি কেন্দ্রগী মন্ত্রালয়শিং, নিতি আয়োগ, রাজ্য সরকারশিং, নেস্নেল স্পোর্তস ফেদরেসনশিং (এন.এস.এফ.), শান্নরোইশিং, লম অসিগী এক্সপর্তশিং অমসুং মীয়ামগী স্তেকহোল্দরশিং য়াওনা পাক শন্না খন্ন-নৈনবগী মহৈনি। পোলিসী অসি মরুওইবা য়ুম্বী মঙাদা য়ুম্ফম ওই।

1. মালেমগী থাক্তা খ্বাইদগী মীথোই মীহেনবা

মসিগী পিল্লর অসিনা মখাদা পীরিবা পান্দমশিং অসি থম্লি:

• গ্রাসরুত থাক্তগী হৌরগা অৱাংবা থাক ফাওবদা স্পোর্তস প্রোগ্রামশিং মপাঙ্গল কনখৎহনবা, মসিদা তেলেন্তশিং ঙন্না মশক খঙদোক্নবা অমসুং শেমগৎনবা মেকানিজমশিং য়াওরি।

• কম্পিতিতিব লিগশিং অমসুং কম্পিতিতিব কম্পিতিসনশিং লিংখৎপা অমসুং খুঙ্গংগী অমসুং সহরগী মফমশিংদা স্পোর্তস ইনফ্রাস্ত্রকচর শেমগৎপা।

• এথলেৎশিংগী ত্রেনিং, কোচিং অমসুং হোলিস্তিক সপোর্তকীদমক্তা মালেমগী থাক্কী সিস্তেমশিং শেমগৎপা।

• নেস্নেল স্পোর্তস ফেদরেসনশিংগী কেপাসিতী অমসুং গবর্নান্স হেনগৎহনবা।

• শান্ন-খোৎনবগী সাইন্স, হিদাক-লাংথক, অমসুং তেক্নোলোজীবু শান্ন-খোৎনবগী মগুন হেনগৎহন্নবগীদমক শিজিন্নবা পুক্নিং থৌগৎপা।

• কোচশিং, তেক্নিকেল ওফিসিএলশিং, অমসুং সপোর্ত পর্সোনেল য়াওনা স্পোর্তস পর্সোনেলশিং ত্রেন তৌবা অমসুং শেমগৎপা।

2. স্পোর্তনা শেন্মিৎলোন চাউখৎহনবা

এন.এস.পি. ২০২৫না শান্ন-খোৎনবগী শেন্মিৎলোনগী ওইথোকপা য়াবশিং খঙলে অমসুং মখাদা পীরিবা অসি পাংথোক্নবা হোৎনরি:

• স্পোর্তস তুরিজমদা পুক্নিং থৌগৎপা অমসুং মালেমগী মরুওইবা থৌরমশিং ভারত্তা লাকহনবা।

• স্পোর্তস মেনুফেকচরিং ইকোসিস্তেম মপাঙ্গল কনখৎহনবা অমসুং সেক্তর অসিদা স্তার্ত-অপশিং অমসুং ওন্তোপ্রিনর্শিপ প্রমোৎ তৌবা।

• পব্লিক-প্রাইবেৎ পার্তনরশিপ (পি.পি.পি.), কোর্পোরেত সোসিএল রেস্পোন্সিবিলিটি (সি.এস.আর.) অমসুং ইন্নোবেতিব ফন্দিং ইনিসিয়েতিবশিংগী খুত্থাংদা প্রাইবেৎ সেক্তরনা শরুক য়ানবা পুক্নিং থৌগৎপা।

3. স্পোর্তনা খুন্নাই চাউখৎহনবা

পোলিসী অসিনা সোসিএল ইনক্লুজনবু থৌগৎপদা শান্ন-খোৎনবগী থৌদাং অসিবু মরুওইনা থম্লি:

• মীৎয়েং থম্বা প্রোগ্রামশিংগী খুত্থাংদা নুপীশিং, শেন্মিৎলোনগী ওইনা লায়রবা কাংলুপশিং, ত্রাইবেল কম্ম্যুনিতীশিং অমসুং মীমান্নদ্রবা মীওইশিংগী মরক্তা শরুক য়াবা হেনগৎহনবা।

• ইন্দিজিনস অমসুং ত্রেদিস্নেল গেমশিংবু নৌহৌননা পুথোকপা অমসুং প্রমোৎ তৌবা।

• শান্ন-খোৎনববু মহৈ-মশিং তম্বদা শরুক য়াবা, ভোলুন্তিয়রিং পুক্নিং থৌগৎপা, অমসুং দ্যুল কেরিয়রগী লম্বী য়াৎপা অসিনচিংবা তৌদুনা শান্ন-খোৎনববু কেরিয়রগী ওইথোকপা য়াবা অপাম্বা অমা ওইনা থম্লি।

• শান্ন-খোৎনবশিংগী খুত্থাংদা মীরমদা লৈবা ভারত মচাশিংবু শরুক য়াহনবা।

4. মীয়ামগী খোঙজং অমা ওইনা শান্ন-খোৎনবা

শান্ন-খোৎনববু লৈবাক্কী ইহৌ অমা ওইহন্নবা, পোলিসী অসিনা মখাদা পীরিবশিং অসি পান্দম থম্লি:

• লৈবাক শীনবা থুংনা কেম্পেনশিং অমসুং কম্ম্যুনিতীদা য়ুম্ফম ওইবা থৌরমশিংগী খুত্থাংদা মীয়ামগী শরুক য়াবা অমসুং ফিৎনেসকী কলচর অমা পুক্নিং থৌগৎকনি।

• স্কুলশিং, কোলেজশিং, অমসুং থবক মফমশিং অসিনচিংবদা ফিৎনেস ইন্দেক্স হৌদোকপা।

• স্পোর্তস ফেসিলিতীশিংদা য়ুনিভর্সেল এক্সেস হেঙ্গৎহনবা।

5. এজুকেসনগা (এন.ই.পি. ২০২০) পুনশিনবা

নেস্নেল এজুকেসন পোলিসী ২০২০গা মরী লৈননা, এন.এস.পি. ২০২৫না মখাদা পীরিবশিং অসি খল্লি:

• স্কুলগী করিক্যুলমশিংদা শান্ন-খোৎনববু য়াওহনবা।

• স্পোর্তস এজুকেসন অমসুং এৱারনেস প্রমোৎ তৌনবা এজুকেতরশিং অমসুং ফিজিকেল এজুকেসনগী ওজাশিংদা অখন্নবা ত্রেনিং পীবা।

6. স্ত্রেতেজিক ফ্রেমৱার্ক

মসিগী পান্দমশিং অসি ফংনবগীদমক, এন.এস.পি. ২০২৫না মখাদা পীরিবশিং অসি য়াওরিবা মপুং ফাবা ইমপ্লিমেন্তেসন স্ত্রাতিজী অমা লেপ্লি:

• গবর্নান্স: লিগেল ফ্রেমৱার্ক য়াওনা স্পোর্তস গবর্নান্সকীদমক্তা মপাঙ্গল লৈবা রেগুলেতরী ফ্রেমৱার্ক অমা শেম্বা।

• প্রাইবেৎ সেক্তর ফন্দিং অমসুং সপোর্ত: ইনোবেতিব ফন্দিং মেকানিজমশিং শেমগৎপা অমসুং পি.পি.পি. অমসুং সি.এস.আর.গী খুত্থাংদা প্রাইবেৎ সেক্তরগী শরুক য়াহনবা।

• তেক্নোলোজী অমসুং ইনোবেসন: পর্ফোমেন্স ত্রেকিং, রিসর্চ অমসুং প্রোগ্রাম ইমপ্লিমেন্ত তৌনবগীদমক এ.আই. অমসুং দেতা এনালাইতিক্স য়াওনা অনৌবা তেক্নোলোজীশিং শীজিন্নবা।

• নেস্নেল মোনিটরিং ফ্রেমৱার্ক: ময়েক শেংনা তাক্লবা বেঞ্চমার্কশিং, কী পর্ফোর্মেন্স ইন্দিকেতরশিং (কে.পি.আই.) অমসুং মতমগা চুনবা পান্দমশিং য়াওবা নেস্নেল ফ্রেমৱার্ক অমা শেম্বা।

• রাজ্যশিংগীদমক মোদেল পোলিসী: এন.এস.পি. ২০২৫না রাজ্যশিং অমসুং য়ুনিয়ন তেরিতোরীশিংগীদমক মোদেল অমা ওইনা মথৌ তৌগনি। মসিনা মখোয়বু মখোয়গী মশাগী পোলিসীশিং অসি নেস্নেল ওবজেক্তিবশিংগা চান্ননা শেমগৎনবা পুক্নিং থৌগৎকনি।

• অপুনবা সরকারগী থৌওং: পোলিসী অসিনা অপুনবা ইথিল অমা ফংনবগীদমক মিনিস্ত্রী অমসুং দিপার্তমেন্ত পুম্নমক্কী থবক থৌরমশিং, স্কিমশিং অমসুং প্রোগ্রামশিংদা স্পোর্তস প্রমোসন পুন্সিন্নবা হায়রি।

মসিগী স্ত্রকচর তৌরবা মিৎয়েং অমসুং মাংলোমদা চংশিন্নবা স্ত্রাতেজীগা লোইননা, নেস্নেল স্পোর্তস পোলিসী ২০২৫না ভারতপু মালেমগী ওইনা শক্নাইরবা স্পোর্তস নেসন অমা ওইহন্নবগী মাইকৈদা অহোংবা পুরক্নবা লম্বীদা পুখৎলি।

***